أدي اللي كنت عامل حسابه !!!!!!!!!!!!!

[se_ Elsyed]

مش قولت لكم من زمان خايف أصحى الاقي نفسي بامبوزي أو من فولتا العُليا بعد هوجة الجنسيات اللي عمال تتنطور هنا وهنا

يا ريتها جت على كده ياختي كانت تبقى هوينه

زر البطاطا هو السبب

يا مرارك يا نعمة

أعمل إيه دلوقت وأروح فين من معجبيني ومحبيني ؟

أصدرت اللجنة التنسيقية العامة لتأييد أحمد شفيق لرئاسة الجمهورية بيانا بتجميد نشاطها حتى يتم لقاء الفريق احمد شفيق واللواء عمر سليمان وتحديد موقفهما من الترشح بحيث يكمل أحدهم سباق الرئاسة ويدعمه الآخر.

وأكد أحمد عزب منسق اللجنة لموقع "اخبار مصر" : "في حالة عدم الوصول الى قرار فيه مصلحة البلاد والبعد عن التفتيت، فان أصواتنا في تلك الانتخابات ستكون في الصندوق فقط".

وجاء في البيان الصادر مساء الجمعة أنه نظرا للظروف التي تمر بها البلاد من حالات التخبط والتشويش واللعب بالعقول والقوانين، قررت اللجنة التنسيقية العامة لتأييد الفريق أحمد شفيق والتي كانت ثمرة الحملة الرسمية ، تجميد نشاط اللجنة لحين اتخاذ قرارها النهائي وإطلاق مبادرة " طريقنا واحد".

وتهدف المبادرة إلي اقناع الفريق أحمد شفيق واللواء عمر سليمان بعقد اجتماع وتحديد موقفهما من الترشح علي أن يكمل أحدهم ماراثون الانتخابات ويصبح الأخر داعما له في هذا الموقف الوطني .

كما تسعى المبادرة الى اتحاد الحملتين الانتخابيتين للعمل في اتجاه واحد يهدف أولا و أخيرا إلي مصلحة البلاد.

اقرأ المقال الأصلي علي بوابة الوفد الاليكترونية الوفد - تجميد حملة شفيق حتى إعلان موقفه من سليمان

[se_ Elsyed]

وكتاب الله المجيد ما أنا

بقى بعد ده كله أطلع فلول ؟

ولا يمكن عندي شوز في الفرينية وبأمشي وأنا نايم والصبح بأبقى وطني باهتف وبأطنطن وأتباهى في حبك يا وطنطن ... وبالليل يطلع القمر ويعوي الذئب فبأتحول وأبقى فل من الفلول .. يا ريت فل .. ده انا رئيس حملة ترشيح الفلول

بس حلو كده

انا كده في السليم

كسب أبو إسماعين .. يبقى ان في السنيم قصدي في السليم والتكذيب ده هاينفعني بعد كده وتبقى وثيقة رسمية

كسب أبو سليمان .. يبىقى أبواب السعد إتفتح لك يا مان وهاروح اسلم نفسي لمبنى المخابرات وأهو جنبي في كوبري القبة وهابقى محسن ممتاز أو على الأقل رأفت الهجان

يا منت كريم يارب

كنت واثق طول عُمري إني هابقى حاجه لما أكبر

بس خايف أكون حاجه مالهاش لازمه