هؤلاء خارج سباق الرئاسة

[se_ Elsyed]

الف حمد وشكر لك يارب إن حازم أبو إسماعيل ما دخلش الإنتخابات ...فعلاً البلد كانت هاتبقى في مأساة طالما بقى قديس ورجل الدنيا كلها بتتامر عليه

للمرة العاشرة بعد المليون ......

أمريكا ووزارة الخارجية ووزارة البيئة بتتأمر على أبو إسماعيل وعلى الإسلام وعلى الشريعة

بالصدفة بقى والحمد لله إننا سمعنا أبو إسماعيل بيأكد مليون مرة إن مامته كان معاها الجرين كارد بس.. وبالتالي معاها جواز سفر مصري

يا ترى يا هل ترى الحاجات دي راحت فين ؟ لأ لأ خلي بالك ده هايطلع الحاجات دي في الوقت المناسب بعد ما يلبس لبس سبايدر مان وينط من الدور العاشر وهو ماسك الورق ده عشان يخزق به عين حاتم بجاتو

وأستنينا ... والناس إستنت ... ومات المخرج .. والجمهور مات هو كمان وراح في داهية ... إننا نشوف ورقه واحدة .. طب ريد كارد ... طب بلاك كارد .. طب أي كارد من أي نوع ....

مسلسل وسؤال ممل إتكرر مليون مره .. مش كده ؟

والأعجب من كده هو صم الأذان عن سماع هذا السؤال أو الإجابة عليه وحاسس إن ناس كتير بقت عامله زي المخلوقات الزومبية في أفلام الرعب الناس دي اللي بتلاقيها ماشية منومة مغناطيسياً وماده إيدها لقدام وواخده في وشها

بجد بقت حاجه ماسخة ومالهاش أي معنى في الحياة

أه على فكرة كانوا بيقولوا إن الشيخ هايعمل مؤتمر النهاردة وهايفجر فيه قنابل مدوية ...

[MZohairy]

فعلا لا حياة لمن تنادي

راجل في الموقف السخيف و المثير للجدل و الاتهام بالكذب

لو طلع كارت الاقامة (الجرين كارد) بتاع والدته ...او حتى رقمه....لكشف الحقيقة للعالم كله في لحظه

لأخرس كل معارضيه

و لأسعد كل مؤيديه

و لاستمر في الانتخابات

و انتصر نصرا ساحقا

كل ده عن طريق اظهار الكارت ابو شلن ده (تاني..اللي عنده جرين كارد ماينفعش يبقى معاه جنسية)

هو عبيط ولا كاذب ولا انتو طيبين لهذه الدرجة المستحيلة؟؟؟؟؟؟؟؟؟؟؟