هؤلاء خارج سباق الرئاسة

[طارق مصرى]

كان الموضوع خلص في كلمتين ... أهو يا جماعة (1) جواز سفر والدتي المصري وعليه أخر ختم دخول من المطار قبل وفاتها .. واهو الجرين كارد (2) اللي لسه محتفظة به وتسحبة السلطات الامريكية في حالة منح الجنسية .. وأدي كمان و(3)أحط الورق ده في عين التخين جابته أختي وجوزها اللي بقى لهم أكتر من 20 سنة في امريكا يعني عارفين القرد بيخبي إبنه فين هناك ومن على النت كان ممكن جابوا إثباتات إن مافيش واحده أمريكية بالإسم ده وإن والدتهم لم تحمل الجنسية الامريكية ... بلاش كده يا justme .. وبما إننا بنثق في الشيخ كان طلع(4) وحلف على المصحف إن والدتة لم تحمل في يوم الجنسية الامريكية .. أو(5) فيديو يوتيوب قد كده لاخته وزوجها ينكروا ذلك وخلص الموضوع .

1- يمكن للمتجنس السفر بجواز سفره الاصلى اذا مش دليل لو الشيخ حازم جاب جواز السفر المصرى و عليه اخر ختم

2- الجرين كارد فعلا ممكن يكون دليل

3- موضوع اخته فى احتمال تكون مختلفه معاه فكريا او دينيا او بينهم مشاكل عادى يعنى مش كل الاخوات بيقفوا جنب بعض

4- طبعا موضوع اليمين انت سيد العارفين ان محدش هيقتنع بيها من الرافضين للشيخ وارى الان فى مخيلتى

كتابات فى المنتدى و غيره تقول قالوا للحرامى احلف..

5- الرد رقم 3

لم يتبقى الا الجرين كارد و الذى اتمنى ان يظهره

[طارق مصرى]

سؤال للسادة الزملاء هى اللجنة ايه دليلها ان الشيخ حازم والدة متجنسة بجنسية اخرى و من اين حصلت على هذا الدليل ؟

[se_ Elsyed]

سؤال للسادة الزملاء هى اللجنة ايه دليلها ان الشيخ حازم والدة متجنسة بجنسية اخرى و من اين حصلت على هذا الدليل ؟

أي مُرشح تم إستبعاده تم إخطارة رسمياً بأسباب إستبعاده وعلى أساسها هايقدم الطعن النهاردة وبكره فقط ...

يعني ما تقلقش في حيثيات المفروض إنها قانونية وما تخرش الميه على أساس إن في ناس من المستبعدين القانون لعبتهم زي حازم وأيمن نور ..

وما تقلقش يا طارق .. كلها دقايق واللي ما يشتري يتفرج وهاتلاقي كل المستندات دي على النت

[se_ Elsyed]

وحياة ماما ؟

منسق حملة عمر سليمان بيقول إن المشكلة إن في ناس من أسيوط عملوا توكيلات لعمر سليمان بس هما أساساً مش من المقيمين بها وهايصلحوا الخطأ ده ويرجع تاني عادي !!!!!!!!!!

ما كانش حد غلب يا توتو

يعني بعون الله أنا من القاهرة ومستعد أجمع 30 الف واحد في يوم واحد .. وأرش عليهم فلوس زي ما هما عاوزين ... وإنتشر يالا أنت وهو في 15 محافظة وهاتوا لي 30 الف توكيل حالاً دلوقت .. وخلصت العملية

[se_ Elsyed]

عيب .. ده أنا قولت لكم إن مصر دي عبارة عن أوضة وصالة ومافيش حاجه فيها بتستخبى

قابل يا عم وشويه شويه عالزباين

أكدت اللجنة العليا للانتخابات الرئاسية أن استبعاد الشيخ حازم صلاح أبو إسماعيل من سباق الرئاسة، جاء بعد تيقن اللجنة من اكتساب الدكتورة نوال عبد العزيز والدة الشيخ حازم للجنسية الأمريكية بتاريخ 25-10-2006 الى جانب جنسيتها المصرية.

وقالت اللجنة الرئاسية إن ذلك من خلال ختم أصل الشهادة الصادرة من وزارة الخارجية الأمريكية بالخاتم البارز والعلامة المائية الخاصين بها، وان هذه الشهادة وردت الى اللجنة الرئاسية بتاريخ 12-4-2012 بعد صدور حكم محكمة القضاء الإداري فى الدعوى رقم 32810/66.

وفجرت اللجنة مفاجأة كبرى فى حيثيات استبعادها لأبو إسماعيل بالكشف عن استمارة التصويت الانتخابية الخاصة بوالدة الشيخ حازم والتى تقر فيها بأنها مواطنة أمريكية، والتى جاءت مرفقة بكتاب الى وزارة الخارجية من القنصلية المصرية بولاية لوس أنجلوس بأمريكا.

وأشارت اللجنة الى ان بيان حركة الدخول والخروج الواردة من ادارة الجوازات والجنسية بوزارة الداخلية المصرية يفيد بأن السيدة نوال عبد العزيز تحركت بجواز سفر أمريكي رقمه 500611598 وصلت به من الولايات المتحدة لمصر بتاريخ 4-7-2008 ثم غادرت به إلى ألمانيا بتاريخ 6-11-2008 وعادت به من الدولة ذاتها فى 16-8-2009.

اقرأ المقال الأصلي علي بوابة الوفد الاليكترونية الوفد - الرئاسية: بالوثائق والدة أبو إسماعيل أمريكية

أهم نقطة ذكرتها اللجنة إن ثبوت الجنسية لا يتم إلا بإعتراف الدولة المانحة للجنسية

يعني موضوع وزارة الداخلية بتاعتنا ولا له أي لازمه وأنا ذكرت لكم مثال رامي لكح اللي كان مدكن على الجنسية الفرنسية ومع ذلك تم إستبعاده بعد التأكيد من وزارة الخارجية ومن فرنسا نفسها .. ساعتها بقى ما قولناش إن فرنسا بتتأمر عليه ليه ؟

[se_ Elsyed]

طب هانقول أوباما متأمر على أبو إسماعيل

طب وألمانيا لو حبينا نتأكد منها .. هاتبقى متأمرة برضوا ؟

[doctor ayman]

إلا صحيح و الله .. هو إحنا كشعب يعني .. ملناش أي صفه نعرف بموجبها ايه هي الاسباب اللي اللجنه اتخذت علي اساسها القرارات بالإبعاد؟

يعني هل مش من حقنا المطالبه باإعلان عن الوثائق اللي اعتمدوا عليها في استبعاد حازم صلاح ابو اسماعيل و اللي المفروض انها تثبت جنسية والدته المزدوجه؟

شكلنا يا زهرة الجبل مش من حقنا نعرف ، القضاء قال الاوراق عديمة القيمة ولا يعتد بها لكن عاجبة اللجنة يبقي نسكت و خلاص ، هو احنا واللا القضاء حنفهم احسن من اللجنة

هي اللي من حقها تختار لنا اللي حننتخبهم و تخرج اللي مش عايزاهم ،

ربنا ينصرنا علي المجلس العسكري ويخلصنا منه

من حق أبو إسماعيل أن يطلع على الأوراق التى بحوزة اللجنة الرئاسية بل ويحصل على صور منها

وأن يجتهد ليثبت عدم صحتها لينفى عن والدته الجنسية المزدوجة ..

فإن استطاع أن يفعل ذلك في اليومين القادمين ( أشك في ذلك ) فخير ..

اما لو لم يسعفه الوقت ( وهو المتوقع ) فلابد ان يستمر في سعيه لاثبات تزويرها حتى لو

وصل به الامر لاختصام الولايات المتحدة نفسها في عدم صحة تلك الأوراق حتى يحفظ لنفسه على الأقل

الفرصة في ممارسة الحياة السياسية و الترشح مستقبلا دون عائق ..

على الجانب الآخر أرى أنه لابد من أن يهدئ من روع أتباعه ومؤيديه,, فخروجه من السباق

ليس نهاية المطاف ..وإثبات أحقيته بالقانون فقط هو المطلوب ...

احييك علي عقلانيتك ورد فعلك الايجابي

ويارب الشيخ حازم يكون عاقل زيك ويهدي انصاره حتي لا يضيع كل شيء في فوضي العنف

اما بالنسبه للمستندات فاعتقد انه عند اعلان القائمه النهائيه للمرشحين

وذلك قبل يوم 26 ابريل كما قال رئيس اللجنه فسيعلنون للراي العام كل المستندات الموجوده عندهم

بس يارب انصار الشيخ يصبروا لغايه هذا اليوم لما نشوف كلنا باعيننا هذه المستندات

واخيرا انا هانتخب ابو الفتوح

وربنا يحمي مصر والامور تهدي علشان نرجع بلدنا ومانفضلشي طول عمرنا في غربه

[doctor ayman]

حتى لا نضع رؤسنا في الرمال أكاد أجزم أن قرارات اللجنة القضائية الرئاسية نزيهة ومتوافقة مع القانون بنسبة 100 % ... ولا شبهة في أي تزوير أو تواطؤ .......وأن من استبعدوا لأسباب كانت هذه الأسباب واقعية وسليمة ....

ولو كان الإخوان مثلا واثقين من سلامة موقف الشاطر لما دفعوا بالمرسي .... وعلى الجميع أن يلجئوا للتظلم كما يفعل الإخوان الأن بدلا من التهديد بقتل هنومة كما كان يفعل قناوي ..... وإصرار البعض على تصديق نظرية المؤامرة يثبت أننا أبدا لن نستفيد ولن نتعلم وسنبقى دائما على ما نحن عليه من الظنون والأوهام ولن نكتشف أبدا حقيقة ما يجري حولنا ... والغلط عمال يجر غلط ولا نستفيق ... ولا نسمح لغيرنا بالتراجع .... مع أن الحقائق واضحة وضوح الشمس

اتفق معك تماما

لكن مع الاسف محدش فاهم موضوع الحكم الصادر من محكمه القضاء الاداري

والشيخ حازم عارف كويس ان الحكم ليس له قيمه عند لجنه الانتخابات

لان الدعوه كانت مرفوعه علي وزاره الداخليه وهي ليست طرف في المشكله

كما قال لهم محامي الوزاره مشكلتك مع الخارجيه الامريكيه وانا اعتقد ان

امريكا مش ممكن هتقدم شهاده مزوره لاستبعاد الشيخ حازم في نفس الوقت لا يستطيع الشيخ اثبات العكس

وكلها يومين واللجنه هتعرض المستندات علي الراي العام وكل شيء هينكشف ويبان

[أبو محمد]

قابلت فى حياتى الكثير من المتعصبين

(تعصبا فكريا - تعصبا حزبيا - تعصبا طائفيا - تعصبا مذهبيا ......)

وأكاد أجزم أن دافع معظمهم للمكابرة وعدم تقبل الحق هو عدم قبولهم للحقيقة التى يكتشفونها متأخرا

حقيقة أنهم كانوا مخدوعين ...................... بمزاجهم ورضاهم

أخى الفاضل Mohammad أردد معك

أنا آسف

[MZohairy]

يعني على سبيل المثال عند اتهام حركات ك 6 ابريل لم يطلب احد منهم مستندا لينفي هذه التهمة بل نجد ان فريقا صدقهم لمجرد الكلام وبالطبع فريقا اخر هاجمهم بكل ضراوة

يا راجل حرام عليك ده الاحداث لسه كأنها أول إمبارح ... إيه لحقنا ننسى ؟

اول ما 6 إبريل وكفاية سمعوا الهلفطة بتاعت الرويني وإن معاه مستندات وادلة على تليقهم تمويل من الخارج .. هما اللي بادروا وتقدموا ببلاغ للنيابة العامة ضد أنفسهم للتحقيق في الموضوع وماحدش مسك عليهم حاجة وكل مصر شافت مين اللي هرب بتوع التمويل والحرامية

وكذلك وائل غنيم والبرادعي لم يطلب منهم شي ليثبت عكس كلامه يعني البرادعي اتهم انه يحمل جنسية اخرى وسكت البعض لمجرد انكاره فقط

لأ يا ريس

في الحياة بشكل عام . الشخصيات العامة بيطلع عليها إشاعات يمكن شبة يومية

فلان مراته إيراينة

علان إتجوز الفنانة الفلانية

مش عارف مين بنته ألحدت

حفيد الفنان الفلاني طلع شاذ جنسياً

فلو الشخصية دي ألتفت للكلام والشائعات يبقى ممكن يموت .. أو ممكن يبقى جارر وراه تريلا مليانة أوراق تثبت عكس كلام الناس

نيجي بقى لو الشخصية دي دخل الحياة السياسية الرسمية مش العمل العام وكان مطلوب منه يرد على شائعة مُعينة أو كذبة معينة ... يبقى لازم يُبادر زي ما الرسول عمل وقال : إنها صفية

وما ألعبش على الثغرات القانونية .. او أمشي على الحبل

والله والله والله أنا متعاطف مع الشيخ حازم لأني على المستوي الديني أنا باحترمه كداعية إسلامي محترم

لكن لما نزل المعترك السياسي .. يبقى مالوش عندي ديه

بمعنى .. والكلام ده كتبتة .. بدل المؤتمرات اللي عملها في المساجد والحشود و و و و

كان الموضوع خلص في كلمتين ... أهو يا جماعة جواز سفر والدتي المصري وعليه أخر ختم دخول من المطار قبل وفاتها .. واهو الجرين كارد اللي لسه محتفظة به وتسحبة السلطات الامريكية في حالة منح الجنسية .. وأدي كمان وأحط الورق ده في عين التخين جابته أختي وجوزها اللي بقى لهم أكتر من 20 سنة في امريكا يعني عارفين القرد بيخبي إبنه فين هناك ومن على النت كان ممكن جابوا إثباتات إن مافيش واحده أمريكية بالإسم ده وإن والدتهم لم تحمل الجنسية الامريكية ... بلاش كده يا justme .. وبما إننا بنثق في الشيخ كان طلع وحلف على المصحف إن والدتة لم تحمل في يوم الجنسية الامريكية .. أو فيديو يوتيوب قد كده لاخته وزوجها ينكروا ذلك وخلص الموضوع .

----------

القضيه هى عدم ثقتنا فى المجلس العسكرى و من جاء بهم للجنه الانتخابات

تخيل ان فيهم عبد المعز صاحب فضيحه تهريب متهمى التمويل

يا راجل ؟

طب ما هو ده عبد المعز اللي ظبط إنتخابات مجلس الشعب

وهو ده عبد المعز اللي حط صفر صغنووووووووووون قدام 37 الف وخلاها 370 ونجح مصطفى بكري

شوفت يابو عمر لما الامور بتيجي على الجرح الواحد بيقول أي إزاي ...

إنما نفس الامور دي لو بعيده وتخص ناس تانية بتندبح .. يبقى ممكن نقيم الأفراح والليالي الملاح طالما بعيد عن .... جرحنا

سمعت إمبارح النائب عمرو زكي .. عضو الحرية والعدالة عن دائرة الزيتون وحدائق القبة بيقول في قناة المحور ... بوداني دي سمعته : من الإتهامات التي توجه للاخوان بإنهم تخلوا عن الثورة على سبيل المثال احداث محمد محمود .. فقد رأت الجماعة عدم النزول والاكتفاء بالشباب الموجودين هناك - أه وكتابة الله .. شباب الثوار اللي ماتوا عشاننا - وذلك لكي لا يتم التصعيد ضد العسكر ويتم فرض الاحكام العرفية وتزامن ذلك مع الإستعدادات للإنتخابات البرلمانية اللي صممنا إننا نمضي قدمنا في إستكمالها

تغور البلد يا أخي ولا الأحكام العرفية ولا الفرعية ولا الشركسية مقابل نقطة دم بتسيل والواحد قاعد يتفرج

وكانت النتيجة إيه ؟

إننا رجعنا لنقطة الصفر والصدام من تاني .... وكل الدماء والتخطيطات والموالد دي

بصراحه كلام عقلاني لمن يتعقل فقط بعد تحييد العاطفة جانبا

الليبراليين او الثوريين اعتراضهم على اي طرف يعتقد انه يمكن له ان ينفرد بالسلطة وحيدا دون مشاركة باقي اطياف المجتمع

تماما كما اعترضنا على مبارك و حزبه الوطني

تماما كما اعترضنا على شركاءنا الإسلاميين (السابقين المنسحبين) من الثورة ...عندما اعتقدوا ان مصر لهم فقط

تماما كما اعترضنا على المجلس العسكري في كل خطواته (التي باركها الاسلاميون)

و هو نفس موقفنا من اي انسان يفكر في ذلك حتى و لو كان زعيم الليبراليين

مصر دولة للجميع و ستظل للجميع ...و للأسف لن تصبح اسلامية بالشكل الذي يتصوره الإسلاميون ابدا سواء تحت حكم العسكر او غير ذلك

[طارق مصرى]

عيب .. ده أنا قولت لكم إن مصر دي عبارة عن أوضة وصالة ومافيش حاجه فيها بتستخبى

قابل يا عم وشويه شويه عالزباين

أكدت اللجنة العليا للانتخابات الرئاسية أن استبعاد الشيخ حازم صلاح أبو إسماعيل من سباق الرئاسة، جاء بعد تيقن اللجنة من اكتساب الدكتورة نوال عبد العزيز والدة الشيخ حازم للجنسية الأمريكية بتاريخ 25-10-2006 الى جانب جنسيتها المصرية.

وقالت اللجنة الرئاسية إن ذلك من خلال ختم أصل الشهادة الصادرة من وزارة الخارجية الأمريكية بالخاتم البارز والعلامة المائية الخاصين بها، وان هذه الشهادة وردت الى اللجنة الرئاسية بتاريخ 12-4-2012 بعد صدور حكم محكمة القضاء الإداري فى الدعوى رقم 32810/66.

وفجرت اللجنة مفاجأة كبرى فى حيثيات استبعادها لأبو إسماعيل بالكشف عن استمارة التصويت الانتخابية الخاصة بوالدة الشيخ حازم والتى تقر فيها بأنها مواطنة أمريكية، والتى جاءت مرفقة بكتاب الى وزارة الخارجية من القنصلية المصرية بولاية لوس أنجلوس بأمريكا.

وأشارت اللجنة الى ان بيان حركة الدخول والخروج الواردة من ادارة الجوازات والجنسية بوزارة الداخلية المصرية يفيد بأن السيدة نوال عبد العزيز تحركت بجواز سفر أمريكي رقمه 500611598 وصلت به من الولايات المتحدة لمصر بتاريخ 4-7-2008 ثم غادرت به إلى ألمانيا بتاريخ 6-11-2008 وعادت به من الدولة ذاتها فى 16-8-2009.

اقرأ المقال الأصلي علي بوابة الوفد الاليكترونية الوفد - الرئاسية: بالوثائق والدة أبو إسماعيل أمريكية

أهم نقطة ذكرتها اللجنة إن ثبوت الجنسية لا يتم إلا بإعتراف الدولة المانحة للجنسية

يعني موضوع وزارة الداخلية بتاعتنا ولا له أي لازمه وأنا ذكرت لكم مثال رامي لكح اللي كان مدكن على الجنسية الفرنسية ومع ذلك تم إستبعاده بعد التأكيد من وزارة الخارجية ومن فرنسا نفسها .. ساعتها بقى ما قولناش إن فرنسا بتتأمر عليه ليه ؟

عاوز افهم حاجة الله يكرمك محكمة القضاء الإدارى بمجلس الدولة ما اعتبرتش بالادلة دى من وزارة الداخلية

طيب اللجنة اخذت بها على اى اساس ؟؟؟!!

تم تعديل 15 أبريل 2012 بواسطة طارق مصرى

[justme]

وحياة ماما ؟

منسق حملة عمر سليمان بيقول إن المشكلة إن في ناس من أسيوط عملوا توكيلات لعمر سليمان بس هما أساساً مش من المقيمين بها وهايصلحوا الخطأ ده ويرجع تاني عادي !!!!!!!!!!

ما كانش حد غلب يا توتو

يعني بعون الله أنا من القاهرة ومستعد أجمع 30 الف واحد في يوم واحد .. وأرش عليهم فلوس زي ما هما عاوزين ... وإنتشر يالا أنت وهو في 15 محافظة وهاتوا لي 30 الف توكيل حالاً دلوقت .. وخلصت العملية

حد واخد باله انها واقفه على 31 توكيل بس !!!!!!!!!

طب خدوا عندكم دي

اخدتم بالكم ان المستند ورد يوم 12 ابريل بعد حكم المحكمة

طيب خدوا دي

لاحظوا تاريخ الخطاب 14 ابريل وبتاع حازم 13

علشان ميقدرش يقول انه بعد المدة القانونية

وكمان هما كانوا قالوا انهم علقوا العمل يوم 13 والبت انتهى يوم 14

عموما وصول الخطاب قبل يوم نهاية عمل اللجنة بيوم وبعد حكم المحكمة علشان يتقال انه ظهرت حيثيات جديدة فده غريب

والاغرب ان الداخلية كانت قالت معاها جواز سفر وبعدين رجعوا وقالوا وثيقة سفر وادوله شهادة انها طبقا لسجلاتهم مصرية وبعدين رجعوا قالوا جواز امريكي الموضوع يدعوا للتفكير

المصدر شبكة المخلص

تم تعديل 15 أبريل 2012 بواسطة justme

[متعب]

هما عامليين لعبه هنا لسليمان متخرش من أسمه القانون

عاملين التوكيلات الناقصه بتاريخ سابق لغلق باب الترشيح

يعنى فقط هيقدمها باعتبارها مؤرخه بتاريخ سابق فقط

ومن هنا يبقوا خلوا ابو اسماعيل والشاطر بالحركات وبالطبع مرفوض اى طعن ليهم

اما سليمان هيقبل الطعن بتاعه قانونا

والمتأسلمين بيحلموا بسوق العيش

[mahmoh]

عاوز تضرب ولاد جارك قدام ابوهم من غير ما يزعل ؟

حط ابنك وسطهم و اضرب الكل !

P] حد فهم حاجة

على فكرة

الفكرة مالهاش حل

[متعب]

http://www.youtube.com/watch?v=wRlQQKFb1Bw

المهم اخبار الرجاله دى ايه دلوقتى

مفيش قصيده جديده يتحفنا بيها الشيخ عبدالله تبكينا مثل هذه القصيده الان

ولا بلغ فرار

[الدكتور ياسر]

لقاء مع أبو إسماعيل عقب خروجه اليوم من اللجنة الرئاسية الطنطاوية المباركية ..

http://www.youtube.com/watch?v=WOyEZj4prqE

[MZohairy]

منذ ان فتحنا باب استغلال الدين فى الدعاية السياسية الرخيصة صار الدين الحنيف مطية

لكل راكب فرأينا الاخوان يقولون عن خيرت الشاطر انه مستجاب الدعوة

ويشبهه بعضهم بسيدنا يوسف ليرد انصار عمر سليمان باستخدام اية ( يا ايها النمل ادخلو مساكنكم ليحطمنكم سليمان وجنوده ) فيما يتحدث سليمان نفسه عن ( قوة الهية

وارادة ربانية دفعتنى للمواجهه ) وكان ينقصه ان يخرج الهدهد من جيب بدلته فيما سمعنا عن عمرو موسى يتكلم... عن امتلاكه عصا موسى فى مواجهه خاتم سليمان

ورأينا انصار حازم ابو اسماعيل يرفعون المصحف امام مجلس الدولة كأن مرشحهم سيخوض الانتخابات امام يهود بنى قينقاع وليس ضد مرشحين مسلمين مثله ولا يبقى

الا ان يقول لنا انصار احمد شفيق ان اسمه كله بركه لان الله عز وجل اقسم بالشفق

توب علينا يارب من كل هذا الدجل فمصر فيها اللى مكفيها

بلال فضل

تم تعديل 15 أبريل 2012 بواسطة mzohairy

[ssmaly]

معلش علشان مش متابع موضوع الشيخ حازم لان الموضوع طول قوى ممكن اسأل سؤال واحد ؟

هل هناك تصريح واضح من الشيخ حازم بيقول فيه ان والدته لم تحصل على الباسبور الأمريكى؟بيقول بالنص كدة مش يقول ان الداخلية المصرية بتقول ان والدته مصرية

طبعا والدته مصرية واكيد لم تطلب من الجهات المصرية اذن للحصول على جنسية اخرى(99% من المصريين اللى عندهم جنسية اخرى لم ياخذوا اذن وداخلين طالعين من المطار المصرى بجوازات غير مصرية وما فيش اى مشكلة)واكيد الجهات المصرية لا تعلم انها معها جنسية أخرى امريكية ولا هندية..

الشيخ حازم قال ان والدته معها جرين كارد طيب هو فين لان اذا حصلت على الباسبور ستسلم الجرين كارد؟

هو بيتكلم على الناحية القانونية انهم لا يستطيعوا ان يثبتوا الجنسية الامريكية ولكن هل هو اقسم انه والدته لم تحصل على الباسبور الامريكى

الحاجة الغريبة الى سمعتها ان من الممكن ان تحصل على الباسبور الامريكى ولا تكون حصلت على الجنسية الامريكية؟اعتقد ان دى نكتة

والشيخ بحاول ان يجعل انصاره فى متاهة قانونية ولكن لم ينكر او يعترف بالجنسية الامريكية صراحة..

[نوران]

[زهرة الجبل]

الأخوه الأكارم محمد و أبو محمد

أنا آســـــف

***********************

قابلت فى حياتى الكثير من المتعصبين

(تعصبا فكريا - تعصبا حزبيا - تعصبا طائفيا - تعصبا مذهبيا ......)

وأكاد أجزم أن دافع معظمهم للمكابرة وعدم تقبل الحق هو عدم قبولهم للحقيقة التى يكتشفونها متأخرا

حقيقة أنهم كانوا مخدوعين ...................... بمزاجهم ورضاهم

أخى الفاضل Mohammad أردد معك

أنا آسف

إن كان ما تقصدونه بالتعصب هو رفض أسلوب المهاجمه في الحوار

و إن كان التعصب الذي تقصدونه هنا هو عدم تقبل الإهانه لمجرد الإختلاف في الرأي

و إن كان التعصب الذي تتكلمون عنه الآن هو كراهة التلاسن و التناحر و محاولة الإبتعاد عن النقاش المشمول بهما

إن كان التعصب الذي تنتقدوه الآن هو ان أغلف كلامي بسياج واضح من الإصرار على حماية شخصي و ليس حتى فقط رأيي من إستهزاء و تهكم و إستهتار من أحاوره بناء على قناعتي المبرره بإعتياده على هذا السلوك مع أي طرف ثانٍ كان يحاوره

فأنا لست متعصبه فحسب .. بل شيخة المتعصبين و كبيرتهم التي علمتهم السحر

و في هذه الحاله فلا داعي أبداً للإعتذار

......

أما إن كان مقصدكم هو المكابره و التمسك بالرأي حتى و إن ثبت لي عكسه .. فهنا ستكون لي وقفه إيضاحيه

أولا سواء فيما يتعلق بموضوع الحوار هنا و هو تأييد أو معارضة مرشح إنتخابي بعينه أو في غيره من مواضيع النقاش

فأنا لا أخجل أبداً و لن أخجل أن أعلنها صريحه و واضحه أنني كنت على خطأ في هذا التوجه أو في ذاك

و ذلك أنني مؤمنه أن رأيي صواب يحتمل الخطأ و رأي الآخر خطأ يحتمل الصواب

و إلا فما الحكمه من فكرة تعدد الإختيارات من أصله و ما جدوى الترشح المتعدد و ما معنى فكرة الإنتخاب

و الأهم من ذلك - و أعتقد كلامي ينطبق على أغلب من يقرأه الآن - أنني أعلم أنه إن ثبت خطأ رأيي فلا يعني ذلك أني كنت ضمن فريق من غنم يحدوهم كلب ثم أكرمني الله بالإنشقاق عنهم

(( و معذرة ممن يقرأ إن كنت إضطررت آسفة لإقتباس هذه التعابير ))

.. أو أنني كنت من الدراويش و أنعم الله علي فجأه بنعمة العقل

ففي هذا مغالاة لا سبيل لها إلى الحكمه و لا تمت بصله قريبه كانت أو بعيده إلى الصواب

كوني أغير من قناعتي أو أتراجع عن فكره كنت أدافع عنها لثبوت عكسها أمامي لن يعيبني

و قد قلتها صريحه منذ بداية مشاركتي الحوار في موضوع الأستاذ حازم صلاح أبو إسماعيل _ هذا الموضوع بالتحديد _ قلت أنني مازلت مقتنعة أنه على صواب و ما زلت أحسبه على خير .. و أتمنى أن يكرمه الله بإثبات حقه و تبرأة ساحته .. أما و إن ثبت عكس ذلك فأنا أول من سيطالب بمعاقبته و محاكمته مرتين .. مره لتحايله على القانون و مره أخرى لتحايله على كل من وثقوا به و صدقوه و عقدوا عليه الآمال

و ما زلت للحظه التي اكتب فيها أتمنى أن لا يخيب الله ظني به

ليس تأليهاً له و لا تنزيهاً لشخصه عن الخطأ .. فهو ليس أبي لأضمنه و لا أجي لأعهده و لا جاري لأعرفه

هو رجل سمعته فأعجبني كلامه و أقنعني أسلوبه و صدقته و حسبته على خير و علقت عليه آمالاً عراض

و مع ذلك و إن ثبت العكس فأنا أول من يطالب ليس فقط بمحاسبته .. بل و بعقابه في ميدان عام ليكن عبرة لمن هو سواه مثله مثل غيره لا فضل له عن غيره و لا لا فضل لمن هو غيره عنه

لكنني في المقابل لن أغير رأيي ما دمت أراه صواباً تحت تهديد الإرهاب التهكمي أو الإعتداء الهجومي

و أنتقد فيكم هذا المنهج الذي يفقدكم المقدره على إقناع من يحاوركم حتى و إن كنتم على صواب

و إلا فكيف تنتظرون ثمار خير من حوار غرسنا في تربته مبكراً بذور التناحر و التحزب

و في هذه الحاله فإن إعتذار حضراتكم عن ما إعتبرته أنا و غيري إرهاباً حوارياً و تلاسناً و تهكماً و إستهزاء بمخالفي الرأي .. هو إعتذار مقبول

تحياتي

أم كريــم

تم تعديل 15 أبريل 2012 بواسطة زهرة الجبل