هؤلاء خارج سباق الرئاسة

[الدكتور ياسر]

أبو إسماعيل بعد مرافعته امام اللجنة الرئاسية ..

يقول انه تمكن من الحصول على بعض المستندات التى اعتمدت عليها اللجنة لاستبعاده

وسينشرها للجميع ليروا بانفسهم التدليس و التزوير فيها ..

http://www.youtube.com/watch?v=WOyEZj4prqE

[الدكتور ياسر]

إلى السادة المنصفين ..

تلك شهادة أيمن نور في تلك الأوراق ..

http://www.youtube.com/watch?v=3uRl7eIDxLc

حسبنا الله ونعم الوكيل

حسبنا الله ونعم الوكيل

حسبنا الله ونعم الوكيل

تم تعديل 16 أبريل 2012 بواسطة الدكتور ياسر

[الدكتور ياسر]

أوامرك يا باشا نخليها أمريكية..

تحب نحط كاتشب و مايونيز على المستند

يا باشا عشان نخفى التزوير ؟!!

تم تعديل 16 أبريل 2012 بواسطة الدكتور ياسر

[متعب]

ياسلام

يعنى بلطجه مثلا ولا ايه الحكايه

يعنى اذا كانت اللجنه العليا سوابق حسب ما قالوا بس سكتوا عشان كده كده هينجحوا

او هتنجحهم السوابق وطبعا هتكون منشطات تانيه خالص عن اللجنه ونزاهتها وبصلها وثومها مع بيتين شعر للمتنبى ليها

بس طالما خرجت عن الحسابات اصبحت من العشرة المبشرين بالنار

انا بس عاوز افهم حكايه الطعن وطلب حصولهم على الاوراق والذى منه

هنفترض ان السوابق دول زوروا الاوراق لانهم سوابق وتربيه نظام سابق

ليه بقى ابو اسماعيل طالما عرف ان دول كده ومش راضيين يعطوله اوراق حسب قوله .

ليه ميطلعشى هو الاوراق الضدد لده ويكشف مستورهم قدام الشعب

يعنى يقدم هو الجرين كارد الاصلى اذا كان معاه

ولا هى الحكايه بلطجه وشو اعلامى انه كازبون وخلاص

وبعدين ايه المشكله انه ينزل من الانتخابات اصلا . مش اتباعه المفروض ترشح مرشخ اخر وخلاص ويكون اسلامى برده

اذا كان ابو اسماعيل واتباعه عاوزين كده من اول مرة يمسكوا مصر بالعافيه والبلطجه . امال لو مسكوها بقه هيعملوا ايه فى الشعب

ومين قال انه لو نزل الانتخابات حتى هينجح اصلا

متيجى نحسبها بالورقه والقلم

قصه الدين والكلام ده . خلاص بح والعالم مش هتاكل من الكلام ده تانى

انصار ابو اسماعيل لاتتعدى الالاف وهيجيبوا كمان كام الف من العزب والقرى ينضموا ليهم

مقابل دول واكتر عشرات المرات المسيحيين ودول مفيش واحد فيهم هيعطيله صوته اصلا .

باقى الاسلاميين نفس الشىء كل واحد هيعطى لمرشحه

الصوفيين على طوائفهم يبقى بيحلم لو واحد اعطاه صوته اصلا .

الفلول ورجالتهم ودول بالعبيط مش هيعطوله صوتهم .

باقى مين على الساحه . التحرير . وده منقسم الى تلتميت مرشح وصعب جدا تلاقى فيهم واحد ينصره بعد ال عمله وسلمهم تسليم مفتاح للجيش وهرب من الاعتصام

يبق ده اصلا اصلا هينجح ازاى بقى

واتباعه ال عماله تدافع وخلاص لمجرد الدفاع

على رآى المثل

تعرف فلان . اه اعرفه

شفت بسبور امه . لا مشفتوش

يبقى خلاص متعرفوش

[ريمون]

إلى السادة المنصفين ..

تلك شهادة أيمن نور في تلك الأوراق ..

http://www.youtube.com/watch?v=3uRl7eIDxLc

حسبنا الله ونعم الوكيل

حسبنا الله ونعم الوكيل

حسبنا الله ونعم الوكيل

يا دكتور ياسر يا صديقى ما ده اللى انا قلته امبارح فى المداخله دى

http://www.egyptiantalks.org/invb/index.php?showtopic=134475&view=findpost&p=844773

ان الاستاذ ابو اسماعيل عاوز يأخد الورق علشان يتنقور عليه و يقولك شوف الختم ده و شوف الامضاء ده و يتوهنا فى المواضيع دى.

اصل المستندات مع الهيئه العليا للانتخابات و محامى الحكومه بعت صوره ضوئيه من المستندات دى للمحكمه و المحكمه رفضتها لانها صوره ضوئيه مش اصل.

و الاستاذ حازم اخد صوره الورقه اللى عجبته و سهل التشكيك فيها و وراها للدكتور ايمن و هايطلعها يعمل بيها شو

طب ما يطلع هو المستندات اللى عنده و يريحنا

و بقاله اسبوعين بيقول انه ما بينمش علشان بيجمع مستندات و مكلف محامين فى امريكا و لازم امشى على طول علشان امريكا بتقفل سبت و حد و مشفناش قصوصه صغيره حتى من عنده

اتمنى ان الهيئه بعد اخذ قرارها النهائى انها تعرض جميع المستندات للمرشحين المستبعدين للرأى العام

و لو الاستاذ حازم حاسس انه مظلوم يورينا مستندات من عنده علشان نصدقه و الا فليكف عن اشعال نار الفتنه

[متعب]

انا شايف انها وسعت شويه من ايمن نور

هو ايمن نور اتطلع على الاوراق دى امته وفين

هو كان محامى ابو اسماعيل عشان يطلع على الاوراق دى من الاصل

يعنى هو اتطلع على الاوراق دى بصفته ايه اصلا برده . اذا كان صاحب الشأن بيقول انهم رفضوا يعطوله الاوراق ينظر حتى ليها

يبقى ايمن نور هيطلع عليها على اى اساس . ده كده المستمع والعاقل الاتنين مجانين

طيب ليه مطلعشى محاميه اصلا يقولوه ده بدل من ايمن نور

[tarek hassan]

من خلال الأوراق اللي أخذ أبو إسماعيل - على حد علمي - نسخة منها الورقة الواردة من الإدارة الأمريكية

وهي على حد قوله لا تبين الجهة الواردة منها وليس عليها أختام ولا توقيعات ولا أي حاجه .... وهو سوف ينشرها علينا خلال ساعة أو ساعتين وهيفضح اللجنة القضائية طبعا لأنها اخترعت هذه الورقة المكذوبة .... وبالتالي الإدارة الأمريكية احتمال تشوف الورقة دي على الفيسبوك - إذا كان وصل لهم الفيسبوك - وهيعرفوا إن اللجنة زورت وادعت عليهم إن هما أرسلوا ورقة .....وكده ننتظر أن تقوم الإدارة الأمريكية بالتكذيب ..... وبكده تظهر الحقيقة !!!!!!!!!!!!!!!!!!

ياريت أبو إسماعيل يوجه خطابه للإدارة الأمريكية مباشرة ويسألهم قبل ما يطلع على أتباعه .. ولو عن طريق محاميه الأمريكي

والشيء بالشيء يذكر هناك تفوق واضح لمحامي الشيخ المحلي عن محامي الشيخ الأمريكي اللي الظاهر لسه ماخدش أجرته

عموما ما أعرفه أن الأختام ليست شرطا مطلقا ومعظم الخطابات الحكومية التي ترد إلينا من إدارتنا في القاهرة تأتي غير مختومة وخاصة التي ترد عن طريق الفاكس

تم تعديل 16 أبريل 2012 بواسطة tarek hassan

[ريمون]

دى المستندات اللى نشرها الاستاذ حازم حتى الان

لو حد عرف يوصل لصور بجوده افضل يا ريت ينشرها

[الدكتور ياسر]

إيه رأيك يا أستاذ ريمون في هذا المستند الخطير ؟؟

[ريمون]

دى المستندات اللى نشرها الاستاذ حازم حتى الان

لو حد عرف يوصل لصور بجوده افضل يا ريت ينشرها

و ده اصل الطلب

http://www.downriggersfc.com/docs/passportapplication.pdf

لاحظ فى اخر مقطع فى صفحه سؤال عن اثبات الجنسيه

citizenship evidence

للأسف مش قادر اميز من صغر الصوره الموضوعه لو حد عنده الصور دى بريسيليوشن عالى يحطها

[ريمون]

إيه رأيك يا أستاذ ريمون في هذا المستند الخطير ؟؟

ده الرد الاولى بتاريخ 6 ابريل و غالبا اللجنه القضائيه مكتفتش بيه و طلبت رد رسمى

خطاب استبعاد الاستاذ حازم بيقول ان الشهاده من الخارجيه الامريكيه مختومه بالختم البارز و بالعلامه المائيه و ممهوره بتوقيع منسوب لمصدرها وصلت يوم 12 ابريل يعنى شهاده غير دى و ده السبب الاول فى الاستبعاد

https://www.elections.eg/images/Qarar/hazem_salah_abuismail.pdf

يعنى مش دى الشهاده اللى اللجنه اعتمدتها. و الشهاده دى مكتوب فى اخرها انها رساله دبلوماسيه فجايز تكون مطبوعه على ورق بعلامه مائيه بيثبت مصدرها و مش باينه فى الصوره الضوئيه

تم تعديل 16 أبريل 2012 بواسطة ريمون

[نورالعين]

علم "اليوم السابع" أنحازم صلاح أبو إسماعيل، المرشح المستبعد من سباق رئاسة الجمهورية، تهرب من المثولأمام مجلس شورى العلماء، بعدما نما إلى علمه أن "المجلس" سيطلب منه أنيقسم على أن والدته لا تحمل الجنسية الأمريكية.

كما علم "اليوم السابع" أن كلا من مجلس شورىالعلماء والهيئة الشرعية للإصلاح، اجتمعا لبحث قضية جنسية والدة حازم صلاح أبوإسماعيل، خشية أن تنسحب على مصداقية التيار الإسلامى كله، وتم استدعاء الشيخ حازمأبو إسماعيل لبحث الأمر معه.

وما إن علم حازم أبو إسماعيل أنه سيجبر على القسم بأنوالدته لا تحمل الجنسية الأمريكية، تهرب من المثول أمام مجلس شورى العلماء، خوفامن أن يتلو القسم أمام المجلس.

وكان أحد كبار الدعاة، بعد أن تهرب أبو إسماعيل من المثولأمام مجلس شورى العلماء، حاول الاتصال بأبو إسماعيل لزيارته فى منزله، ليتلو عليهالقسم فى منزله، إلا أن أبو إسماعيل تهرب منه أيضا.

وحسب مصادر مقربة من مجلس شورى العلماء، فإن المجلس يسعىإلى إرضاء الله تعالى، والحفاظ على مصداقية الدعوة الإسلامية، والعمل على التحققمن الموقف الملتبس، وإبراء صورة المسلمين والإسلام والدعاة إلى الله، والتيقن منالموقف، لذلك تم استدعاء حازم صلاح أبو إسماعيل ليتلو القسم أمام الله، لكى يكونواعلى بينة من أمرهم، وحتى لا يورطهم أحد فى أمر يغضب الله ورسوله، إلا أن رفض أبوإسماعيل المثول أمام المجلس زاد من الشكوك حول الأمر.

مسكينة والدته فعلا

ان تنشر صورها هكذا بكل مكان من اجل عناده وكبره وحبه للسلطة

بجد لا يهمنى ان يغير السلفيين فكرهم تجاه شيخهم فكل له عقل وارادة فيما يقوم به وما سيترتب على فكره هذا سيتحمله هو واتباعه بالتأكيد

فمهما فعل او حشد لن يتم تغيير موقف اللجنة وخاصة بعد ما ذكرته من أدلة دامغة

لكن ما ذنب امه !!!!!!!!!!!!

اين اخوته من هذا كله

[se_ Elsyed]

الصور مش واضحة ... وفي منتهى السذاجة وما أعتقدتش إن اللجنة إعتمدت عليها فقط ....

معليش هاخرج شوية إن الموضوع ... لما لا مؤخذه حاجه في منتهى الهيافة زي دي وعمالين نضرب أخماس في أسداس وهي كانت تخلص بورقة أو برنت أوت زي ما بنقول من كذا جهة وما كانتش تاخد مننا العملية دي 5 دقايق بالظبط ... لا مؤخذه ده مش واحد لقيناه مقتول وبندور على الدي إن إيه بتاعه .. دي واحده ست في إدعاء إن عندها الجنسية الامريكية وأمريكا هي بلد المعلومات والتكنولوجيا ....

بعد ده كله .. يبقى لا أستغرب لما قضية زي بتاعت المخلوع والعصابة تاخد لها 10 سنين ونفضل نلف دوخيني يا زتونه

بلا قرف

[MZohairy]

إيه رأيك يا أستاذ ريمون في هذا المستند الخطير ؟؟

ليه الطناش ده يا دكتور بس ؟

[se_ Elsyed]

يا ناس يا خلق هو ... هو صعب المحامي اللي إستعان به الشيخ حازم المحامي أصلاً يجيب له مليون إثبات من عقر دار امريكا إن الست دي أمي .. قصدي الست دي مش أمريكية ؟

[ام سلمي]

ضحك السنين

اللجنه العليا للانتخابات : الأختام الغير موجوده علي الأوراق ستأتي لاحقاًً بس علي قفا الشعب من قبل العسكر

------------------------------------------

المستند الرسمي ان والدة حازم صلاح امريكية و بالختم

[

تم تعديل 16 أبريل 2012 بواسطة ام سلمي

[ريمون]

دى صوره طلب جواز السفر الامريكى ( و ليس وثيقه سفر) للسيده نوال نور

و ده الفورم القديم فارغ علشان تعرفوا تقروا الاصل فيه ايه

http://www.downriggersfc.com/docs/passportapplication.pdf

و اول صفحه فى التعليمات بتقول

"U.S. PASSPORTS ARE ISSUED ONLY TO U.S. CITIZENS OR NATIONALS. EACH PERSON MUST OBTAIN HIS OR HER OWN PASSPORT"

"جوازات السفر الامريكيه تصدر فقط للمواطنين الامريكيين او المتجنسين. كل فرد لابد ان يحصل على جواز خاص به او بها"

و ده الفورم الجديد و فيه شرط الجنسيه بردوا http://www.state.gov/documents/organization/79955.pdf

[se_ Elsyed]

موقع خالد سعيد عامل شغل هايل ووائل غنيم واخد الموضوع بمنتهى الجدية

كلنا خالد سعيد

تعليق هام من أحد خبراء القانون:

هذه الطلب هو طلب لإصدار جواز سفر أمريكي، وحسب القانون الأمريكي يقتصر إصدار جواز السفر الأمريكي لحاملي الجنسية. والورقة صادرة بالفعل من الجهات الرسمية للولايات المتحدة ولا يمكن للجهات المصرية ادعاء ذلك بخلاف الواقع لأن هذا يعرض السلطات المصرية لتهمة التزوير والذي يمكن إثباته بسهولة. والورقة يظهر فيها صورة والدة حازم صلاح أبو إسماعيل السيدة نوال نور، وسبب المعلومات ا...لمطموسة في الأوراق خاصة التوقيع (في الصفحة الثانية من الورقة غير الموجودة هنا) هو أنه تبعا لقانون "حرية تداول المعلومات" FOIA في الولايات المتحدة يتم طمس بعض المعلومات مثل التوقيع وعنوان المنزل حفاظا على خصوصية المواطن. وأنصح الشيخ حازم صلاح أبو إسماعيل في حالة شكه من صدق هذه الورقة أن:

١) يراجع محاميه في الولايات المتحدة الأمريكية للحصول على نفي رسمي من هناك بتقديم الورقة للجهات الرسمية وطلب أصولها بصفته ابنا للسيدة نوال نور.

٢) أن يقدّم ما لديه من مستندات تُفنّد ما جاء بهذه الورقة مثل جواز سفر والدته المصري وبه أختام دخول أمريكا بعد 25 أكتوبر 2006 أو أصل البطاقة الخضراء (الجرين كارد) صالح الاستخدام بعد 25 أكتوبر 2006.

هي دي صحيح صورة خالتي ام حازم ؟

طب هي من غير حجاب ليه ؟

أنا بأسأل بجد على فكرة عشان عاوز أفهم

[EsoWay]

موقع خالد سعيد عامل شغل هايل ووائل غنيم واخد الموضوع بمنتهى الجدية

كلنا خالد سعيد

تعليق هام من أحد خبراء القانون:

هذه الطلب هو طلب لإصدار جواز سفر أمريكي، وحسب القانون الأمريكي يقتصر إصدار جواز السفر الأمريكي لحاملي الجنسية. والورقة صادرة بالفعل من الجهات الرسمية للولايات المتحدة ولا يمكن للجهات المصرية ادعاء ذلك بخلاف الواقع لأن هذا يعرض السلطات المصرية لتهمة التزوير والذي يمكن إثباته بسهولة. والورقة يظهر فيها صورة والدة حازم صلاح أبو إسماعيل السيدة نوال نور، وسبب المعلومات ا...لمطموسة في الأوراق خاصة التوقيع (في الصفحة الثانية من الورقة غير الموجودة هنا) هو أنه تبعا لقانون "حرية تداول المعلومات" FOIA في الولايات المتحدة يتم طمس بعض المعلومات مثل التوقيع وعنوان المنزل حفاظا على خصوصية المواطن. وأنصح الشيخ حازم صلاح أبو إسماعيل في حالة شكه من صدق هذه الورقة أن:

١) يراجع محاميه في الولايات المتحدة الأمريكية للحصول على نفي رسمي من هناك بتقديم الورقة للجهات الرسمية وطلب أصولها بصفته ابنا للسيدة نوال نور.

٢) أن يقدّم ما لديه من مستندات تُفنّد ما جاء بهذه الورقة مثل جواز سفر والدته المصري وبه أختام دخول أمريكا بعد 25 أكتوبر 2006 أو أصل البطاقة الخضراء (الجرين كارد) صالح الاستخدام بعد 25 أكتوبر 2006.

هي دي صحيح صورة خالتي ام حازم ؟

طب هي من غير حجاب ليه ؟

أنا بأسأل بجد على فكرة عشان عاوز أفهم

نفس السؤال اللي خطر فبالي أول ماشفتها

هيا مش لابسه حجاب ليه فالصورة ؟!!!

[ام سلمي]

هي دي صحيح صورة خالتي ام حازم ؟

طب هي من غير حجاب ليه ؟

أنا بأسأل بجد على فكرة عشان عاوز أفهم

ده فيديو والدة حازم صلاح

Http:// www.youtube.com/watch?v=jaL_lrVRf-s

الحقيقة شكلها شبه الصورة ما عدا الحجاب

بس هل ممكن يكون اللي في الصورة مش شعرها لكن بونيه مثلا ؟

و هل الورقة دي اصلها موجود علسان يبقي مؤكد ان الصورة ما اتعملتش فوتوشوب مثلا ؟

تم تعديل 16 أبريل 2012 بواسطة ام سلمي