في حاجة اسمها كفيل يأخد مبلغ سنوي وأسافر منغير شغل

[أم ياسين]

السلام عليكم ورحمة الله وبركاته

أزيكم جميعا يا مغتربين يارب كلكم تكونوا في أحسن حال

أنا واحدة قالتلي أتفق مع مكتب يجيبلي كفيل ويأخد مني 3000ريال سنويا مقابل إني أسافر السعودية ومش أشتغل

ولو حبيت أشتغل ممكن أشوف شغل بس ده مش هيبقى قانوني

فإيه رأيكم في الموضوع ده حقيقة ولا لأ كمان إيه هي عيوبه

وجزاكم الله خيرا

[مروان]

فيه فيزا تسمى الفيزا الحرة

ودي بتكون فيزا عمل مثل اي فيزا ولكن بالاتفاق مع الكفيل انه ياخد مبلغ معين مقابل الافراج عن المكفول يعني يسيبه براحته بدون اي التزامات على الكفيل من تجديد لاقامة ودفع الراتب وكده

وفي حالتك محتاجة كفيل مضمون يعني شخصية محترمة وموثوقة

يكون ابن ناس م الاخر علشان يسيبك تعيشي مع زوجك الكريم

بالنسبة لموضوع الشغل فمش مضمون وده يتوقف على مؤهلاتك وخبرتك وهو طبعا هيبقى غير قانوني لكنه موجود وناس كتير بتشتغل عند كفيل وهما مش على كفالته

وفقكم الله

وياريت باقي اخوتنا في الغربة يقدروا يفيدوك اكثر مني

[خالد شحاته]

الاخت الفاضله

حضرتك محددتيش انتي مسافره لزوجك ولا مرتبطه بعمل في مكان اخر علشان تدوري علي كفيل وتجي عليه طيب هيكون مسمي المهنة لحضرتك ايه الا هتجي عليها