اسمك ايه ،،،،،، طيب ليه كده

[yasovinas]

حضرتك اسمك ايه؟؟

اسمي قسيمه clp::

ايه وده من ايه ولا مؤاخذه :P

كانت عندي مدرسه في الابتدائي اسمها قسيمه ايوة اسمها كده

وللحظ الحلو توطدت العلاقة بينها وبين امي وعرفنا سبب الاسم الغريب ده

والدها صياد من ابو قير وعندها عشرة اخوة اكبر منها يوم ولادتها اعطو الاب الامي ورقه فيها الاسم اللي اتفقت العيله عليه وذهب الاب للصحه يسجل البنت

اسمها ايه يا حاج

اهو الاسم في الورقه دي

لا دي قسيمة سداد يا حاج

طيب دي

برضه قسيمة

طيب دي ،،،،قسيمه

فالراجل من زهقه قال له خلاص سميها قسيمه

واحد بيشتغل سواق في المصنع اللي بشتغل فيه صومالي قابلته مره في السوق ومعه طفلته الصغيرة وبعد السلام سالته بنتك اسمها ايه يا سعيد قال جومانه

طبعا الاسم غريب على صوماليه

ليه كده يا سعيد قال امها وهي رايحه تولد على باب المستشفى قابلت بنوته لينانية جميله جدا طبعا شعر اصفر وبشرة بيضا وعيون خضرا سالتها اسمك ايه قالت لها جومانه فقررت تسمي بنتها جومانه قال ايه

علشان تطلع حلوة زيها h): gt: rs:

[yasovinas]

هيه مين قابل حد اسمه غريب وعرف سبب الاسم الغريب ايه؟؟؟؟

[amir]

قرشين و نص

ده اسم واحد سودانى جنوبى

و طبعا السبب واضح انه ما يسويش في عين ابوه اكتر من قرشين ونص !

[SilverSwan]

ناهد الصلاة على النبي

( صلى الله عليه وسلم )

والسبب واضح طبعا .. خوفا من الحسد stnd::

[Cleo]

محمدية

كان نفسهم فى ولد يسموه محمد لما جت بنت سموها محمدية stnd::

[Pianist]

واحد صاحبي قاعد في مكتبه دخل عليه شاب سوداني و قاله:

السلام عليكم

و عليكم السلام و رحمة الله

فخر الدين صبّاح الخير

صباح النور bag):

لأ لأ انا اسمي فخر الدين صبّاح الخير، مندوب المبيعات المنقول من المركز الرئيسي

صاحبي وقع من على الكرسي stnd::

و الأخ التاني عانى أشد المعاناة لمدة اسبوعين أو أكثر كل ما حد ينادي عليه او يقول اسمه كله ينفجر بالضحك و بقى اسمه اختصارا... صباح الخير stnd::

[فــيــروز]

كان عندنا معيد اسم عيلته "زوبع" stnd::

[SilverSwan]

واحد صاحبي قاعد في مكتبه دخل عليه شاب سوداني و قاله:

السلام عليكم

و عليكم السلام و رحمة الله

فخر الدين صبّاح الخير

صباح النور 

لأ لأ انا اسمي فخر الدين صبّاح الخير، مندوب المبيعات المنقول من المركز الرئيسي

صاحبي وقع من على الكرسي  bag):

و الأخ التاني عانى أشد المعاناة لمدة اسبوعين أو أكثر كل ما حد ينادي عليه او يقول اسمه كله ينفجر بالضحك و بقى اسمه اختصارا... صباح الخير    stnd::

حلوه دي stnd::

[yasovinas]

كلية الهندسة جامعة الاسكندريه في سنة 1987 كان في خريجه اسمها(ورد انتشى في دندشة قوت القلوب سالم ))ايوها لوحده اسمه سالم وما قبله اسمها هي فقط

[فــيــروز]

(ورد انتشى في دندشة قوت القلوب ))

stnd:: stnd::

عروستى bag):

[SilverSwan]

كلية الهندسة جامعة الاسكندريه في سنة 1987 كان في خريجه اسمها(ورد انتشى في دندشة قوت القلوب سالم ))ايوها لوحده اسمه سالم وما قبله اسمها هي فقط

مش ممكن !!!!!!!!!!! stnd::

[yasovinas]

مش ممكن !!!!!!!!!!! stnd::

طيب ورحمة ام كلثوم ممكن

سفير الكويت في الامارات ايام الغزو العراقي للكويت كان اسمه

(زبل الميع ))

[El-Masri]

منتشر فى الصين إسم "هو"

المشكلة إنها فى الإنجليزية تعنى "مين؟"

Who

فلما واحد ييجى يسأله إسمك إيه، يقول "هو".

تقوله "إنت" ، يقولك "هو"، يا عم إنت إنت إسمك إيه ، برضه يرد "هو"

[G.G]

تقوله "إنت" ، يقولك "هو"، يا عم إنت إنت إسمك إيه ، برضه يرد "هو"

:D mf(

احنا ,,كان في واحدة معانا في الكلية اسمها "تفاحة",,

صحيح اسم مشهور في الأوساط الريفية,,

لكن غريبة شوية أن تكون "باشمهندسة تفاحة" :rolleyes: ..

باشمهندسة تفاحة جت ,,باشمهندسة تفاحة سلمت المشروع.. :blink: ,,تفاحة مطبقة النهارده.... B) إلخ ..إلخ

[ســيد مرزوق]

زمان كان فيه وفد صيني عندنا في الشركة وكنت المسؤول عن المتابعة معاهم , وأكثر واحد فيهم إستظرفته سألته إسمك إيه ؟ رد عليا وقال : هو ها هي

إفتكرته بيتثاءب , أعدت عليه السؤال بعد شوية .....

برضه ......

هو ها هي

إفتكرته عنده زغطه ...... وكررت السؤال ..

هو .... ها .... هي

الإسم الكامل بتاعه : لوحده ( هو) أبوه ( ها ) جده ( هي )

عالم تحب الإختصار!!

بالمناسبة ..... واحد سوري قابل واحد صيني وسأله : شو إسمك؟

رد الصيني : مين شان شو

فقال له السوري وهو بيرفع أكتافه:

مو مين شان شيي!!

( الترجمة : السوري فهمها إنه بيسأله : عشان إيه ؟ فرد السوري برضه : مش عشان حاجة !!! )

[El-Masri]

احنا ,,كان في واحدة معانا في الكلية اسمها "تفاحة",,

عارفها، كلية الزراعة شعبة فواكه. صح؟

:rolleyes:

تم تعديل 8 ديسمبر 2004 بواسطة El-Masri

[afiona]

كان عندنا معيد اسم عيلته "زوبع"  :blink:

كان عندنا برضه معيد اسمه زوبع .... :rolleyes:

بس كان وافد علينا من قسم كهربا زى ما واضح من الاسم ...... B)

وبالتالى هو هو نفس الزوبع اللى فيروز تقصده .... :D

ياااه .... افتكرت ايام مادة كهربية وكتاب Kurmi فى الكهربية و ورق دروس الوارد من عين شمس المضروب (مش اصلى) وايام الكفاح المسلح me0: ...

كان عندنا فتى اسمه طوانسى .....يا ترى ليه ?

[El-Masri]

كان عندنا فتى اسمه طوانسى .....يا ترى ليه ?

بس إحنا فى إسكندرية واخدين على المشاوير دى.

أنا أساسا من الأزاريطة، وفيه ناس بيسموها المزاريطة.

طبعا ده إسم الحى، لو تخش بقى على أسماء الشوارع، إيشى دينوقراط وإستابيلى و شامبليون، حتى لما عملوا حديقة سموها أنطونيادس.

طيب يمكن دى لهم فيها عذر، أهى أسماء عجمية.

لكن بص بقى على الأسامى العربى، ليه "راس التين" يعنى هوه التين ليه راس، وبرضه حد يسمى "كوم الدكة" ، "كوم الشقافة" ده إسم يفتح النفس على المنطقة برضه.

بالمناسبة ، حد يعرف يعنى إيه "الانفوشى"؟.

ويا ترى "باكوس" دى كلمة عربى؟

على فكرة أنا إسكندرانى وبحب إسكندرية، محدش يفهمنى غلط، إحنا عايزين بس نظبط أسماء الشوارع.

[amir]

.

بالمناسبة ، حد يعرف يعنى إيه "الانفوشى"؟.

ويا ترى "باكوس" دى كلمة عربى؟

باخوس

اسم اله الخمر عند اليونان

و تم تعريبها الى باكوس

[kokowawa1979]

زي الأهل اللي سموا خيشة بحجة إن الصبيان كانوا بيموتوا بعد الولادة علشان كدة سموا خيشة قال علشان يعيش !!!

وزي اللي بيسموه نخلة ويطلع قزم في النهاية !!!

واللي بيسموه شحاتة !!! وممكن يكون غني