نوال السعداوي تعتزم الترشح لانتخابات رئاسة الجمهور

[Merci X]

مش حتفرق نوال وللا جمال، الإثنين من غير شنبات.

حلوه اوي يا استاذ المصري كلمتك دي ....

بس انا نفسي ييجي حد بدوجلاس ... تغيير و مجاراه للموضه

[kokowawa1979]

نوال السعداوي لمن لايعرفها هي أستاذة إبليس

نوال السعداوي قالت ذات يوم إن تقبيل الحجر الأسود هو الوثنية بعينها وللأسف الشيخ قرني شيخ الأزهر لم يستطع الرد عليها واكتفى بقوله مين عمرو خالد ده !!! يعني يسألوه عن نوال يجاوب عن عمرو !!

نوال السعداوي التي تزدري شرع الله وتريد للمرأة أن ترث مثل الرجل تماما وبنفس النسبة .

نوال السعداوي التي ترغب أن تتزوج المرأة بأربع رجال مثلما يتزوج الرجل من 4 سيدات !!!!

نوال السعداوي تتلخص في كلمتين قالهما الدكتور مصطفى محمود ذات يوم : نوال السعداوى لامؤاخذة مرة ( من إمرأة) مهت........

وبقية الكلمة معروفة وأنا أوافق الدكتور مصطفى في هذا الرأي .

نوال السعداوي إذا رشحت نفسها ستجد كثيرات ينتخبنها لأنه للأسف الشديد من نوال السعداوي كتير في مصر لكن مستخبيين

انظروا إلى الصورة المرفقة مع ماكتبه الأستاذ محمد أبوزيد في البداية لتعرفوا أنكم تتمنون رؤية شكل إبليس على أن لا تروا نوال السعداوي حيث يظهر غضب الله على وجهها الذي يشبه وجه الخ... والعياذ بالله

اللي عاوزة تتجوز 4 تنتخب نوال السعداوي !!!!!

[عصام أبوالفتح]

لا تنظروا لانحطاط الطلب .. بل انظروا لانحطاط المطلوب ...

وكيف هان على الطالب ..

المنحط أساساً ..

[nashwa]

حاجة غريبة

ليه الموضوع أتحول بقدره قادر ... تقييم لشخصية نوال السعداوى ....

ليه مايتناقش فى مضمونة ... أنا قرات كتيير لنوال .. وعلى المستوى الأدبى بعتبرها ضعيفة جدا .. وعلى مستوى الفكر ... أغلب أفكارها "غير مقبولة" .. أو أضعف الايمان جدال لاطائل منه ...

بس مش دى القضية هنا .. لأن لو عاييزين تناقشوا الرئيس الحالى من نفس زاوية الرؤية .. فهو لايصلح أيضا ... أفتكروا شكلة من 23 سنة ... واحد فى يوم وليلة بقى رئيس .. غير مؤهل تماما ... وأتعود طول عمرة حسب نظام الجيش .. يكون عبد المأمور مهما بلغت رتبته ... ويدوبك أتعلم """" كيف تكون رئيسا"" فينا .. بالتجربة يعنى مش بالمؤهل ... وسيايته هى سياسه التجمييد ... والأختفاء تحت رداء الحكمة والصبر والتأنى ... يعنى بالذمة حد يقولى ايه الخطوط الواضحة فى سياسته سواء الداخلية أو الخارجية .. ومصر فين دلوقت فى عهده الميمون ... وأخبار الدين ايه فى عصره ... والأقتصاد .. والعلاقة مع أمريكا .. وزيارته الأخيرة خير شاهد .. وده لسه موضوع عزام سخن

برضه القضية مش مين يرشح .. ماحدش مجبر يختار نوال لو فيه تعدديه ترشيح ... المشكلة أن اللى بيرفضوا نوال هنا .. هم نفسهم اللى مستسلمين للحكم الحالى .. وكأنه نصر خيالى لتعويض نقص واقعى

الست نوال قالت أنها لا ترشح بنيه الفوز .. ولكن لتحريك الواقع الراكد ... وهى دى النقطة اللى تستحق الأشادة ... وأعتقد كمان أنها لب المناقشة ... على الأقل عندها الجرأة الأدبيه فى أعلان النيه والرأى .. بدل ماأغلبنا مستخبى تحت اللحاف .. وأنا أظن .. وأنا أعتقد ... ونولينى الريموت ياولية

فقط للتوضييح ... علشان أنا متخيلة اللبس اللى ممكن يحصل من كلامى ...

مش حنتخب نوال ;)

تم تعديل 9 ديسمبر 2004 بواسطة nashwa

[mwefy]

انتخابات ايه بس كله كلا في الهوا الريس معروف من دلوقتي واللي ما يعرفش يسأل (الفاينانشيال تايمز) والمعلومه ببلاشي ومااااااشي  علي رأي نيلي

;) bngn:: bxg:: دى شريهان :D

شكرا علي التعديل الواحد معلوماته الفوازيريه اتلغبطت خالص :o

[mwefy]

الست نوال قالت أنها لا ترشح بنيه الفوز .. ولكن لتحريك الواقع الراكد ... وهى دى النقطة اللى تستحق الأشادة ... وأعتقد كمان أنها لب المناقشة ... على الأقل عندها الجرأة الأدبيه فى أعلان النيه والرأى .. بدل ماأغلبنا مستخبى تحت اللحاف .. وأنا أظن .. وأنا أعتقد ... ونولينى الريموت ياولية

فقط للتوضييح ... علشان أنا متخيلة اللبس اللى ممكن يحصل من كلامى ...

مش حنتخب نوال  ;)

ولا انا بختلف معاكي في الرأي علي مبدأ تغير الركود لان ده لازم يكون عن طريق شخص يكون أهل له وده اللي مش حاصل مع السيده (تقريبا) نوال . الا ونطلاقا من هذا المبدا هنلاقي كمبوره مرشح نفسه لرئاسه الجمهوريه واكيد قصدي مفهوم مين هما طبقه كمبوره bngn::

[Sherief AbdelWahab]

ما هي الإضافة التي تريد نوال السعداوي إضافتها فعلاً على أرض الورق وبدون نواح انتخابي من الذي سنسمعه على هامش انتخابات المجلس غير الموقر بعد بضعة أشهر؟

لا فرق بين نوال السعداوي وفاروق جعفر لو وصل كل منهما إلى سدة الرئاسة!..

أنا شخصيا لو فيه نوال تترشح للرئاسة ، أقترح نوال الزغبي..فهي "أحلى" بكثير! ;)

خلص الكلام

[فــيــروز]

ولا انا بختلف معاكي في الرأي علي مبدأ تغير الركود لان ده لازم يكون عن طريق شخص يكون أهل له  وده اللي مش حاصل مع السيده (تقريبا) نوال . الا ونطلاقا من هذا المبدا هنلاقي كمبوره مرشح نفسه لرئاسه الجمهوريه واكيد قصدي مفهوم مين هما طبقه كمبوره  ;)

بالفعل ..

يمكن لاى انسان ان يقول سارشح نفسى لتحريك المياه الراكده !! ولا يكون فى ترشيحه تحريكا لاى شئ خالص bngn::

انا شخصيا لم انفعل بالترشيح المزمع خاصة انه لم يواكبه اى خطه او فكر لكيفية تحريك المياه الراكده حتى اقتنع بجديته و اسعد بها حتى ان اختلفت مع صاحبتها !!

واذا قرر شعبان عبد الرحيم ان يرشح نفسه لتحريك المياه الراكده سيكون رد فعلى هو نفسه رد فعلى ازاء رغبة نوال فى ترشيح نفسها

[mwefy]

ولا انا بختلف معاكي في الرأي علي مبدأ تغير الركود لان ده لازم يكون عن طريق شخص يكون أهل له  وده اللي مش حاصل مع السيده (تقريبا) نوال . الا ونطلاقا من هذا المبدا هنلاقي كمبوره مرشح نفسه لرئاسه الجمهوريه واكيد قصدي مفهوم مين هما طبقه كمبوره  ;)

بالفعل ..

يمكن لاى انسان ان يقول سارشح نفسى لتحريك المياه الراكده !! ولا يكون فى ترشيحه تحريكا لاى شئ خالص bngn::

انا شخصيا لم انفعل بالترشيح المزمع خاصة انه لم يواكبه اى خطه او فكر لكيفية تحريك المياه الراكده حتى اقتنع بجديته و اسعد بها حتى ان اختلفت مع صاحبتها !!

واذا قرر شعبان عبد الرحيم ان يرشح نفسه لتحريك المياه الراكده سيكون رد فعلى هو نفسه رد فعلى ازاء رغبة نوال فى ترشيح نفسها

صح والا هنلاقي بكره فطوطه مرشح نفسه في الانتخابات وعايز هو كمان يحرك الركود ((واخده بالك يا فيروز فطوطه بحاول انشط معلوماتي الفوازيريه ))

[egyptforever]

نوال السعداوي كلاكيت عاشر مره

من الهجوم على المثقفين للهجوم على الدين لمهاجمه الميراث لمهاجمه الزواج للهجوم على الله ذاته

للترشيح لرئاسه الجمهوريه

ارشح لها الكاتبه اقبال بركه لتكون نائب لها

اما الوزراء فهما كتييييييييييييييييييييير مش هتغلب يعني

سعد الدين ابراهيم بيحفظ في القسم

ربنا يشفي

[egyptforever]

بس الموضوع ده فتح قدامنا سؤال مهم جدا

لو مش الاكسلانس اللي رشح نفسه

يبقى مين ؟؟؟؟

بصراحه انا دورت على اسم ملقتش

يمكن انتم في مصر عارفين ناس تنفع

بس اللي انا شايفه على الساحه

الاكسلانس قضى على الكل

[عصام]

بس الموضوع ده فتح قدامنا سؤال مهم جدا

لو مش الاكسلانس اللي رشح نفسه

يبقى مين ؟؟؟؟

بصراحه انا دورت على اسم ملقتش

يمكن انتم في مصر عارفين ناس تنفع

بس اللي انا شايفه على الساحه

الاكسلانس قضى على الكل

اليأس من الحصول حتى على الفرصة قضى على قدرة المفاضلة والاختيار ...

إنشغالنا بأساس المشكلة قضى على اهتمامنا بفروعها .. وكنتيجة مباشرة لهذا فقد تفضلت حضرتك وغيرك واهتديت إلى أنه ليس هناك غير المحروس ..

ومع ذلك يا سيدى أنا ما عنديش مانع إن أول 3 رؤساء منتخبين "يعكوا" كما لم يعك حد .. fty:: لكن بشرط أن نمتلك القدرة على تغيير من يعُك بعد ذلك ..

النظام الموجود خطأ من البداية .. فلقد تم فرض التعتيم على الجميع بواسطة إعلام مضلل يخدم أهداف النخبة الحاكمة التى من بين أهدافها تلك .. التعتيم على كل من يمكن أن يرتبط بالناس ويرتبطوا به أو ينجذبوا له .. فيُخيل إليك أن الساحة دائما خالية .. ولا يوجد بها أحد بينما هى مليئة ومزدحمة ..

نرجع مرجوعنا .. حُط رجللى على الطريق وسيبنى .. أتكعبل أول خطوتين لكن بعد كده أوعدك .. هافتح ع الرابع

فاهمنى؟

[yasovinas]

أسو،،،،،،،،،،، كلامك كده في ريحه ترشح للرياسة

حط رجلي

هفتح على الرابع

خير انت ناويت

تحرك المياه الراكده انت كمان

[egyptforever]

اؤيدك بشده

القدره على التغيير اهم من التغيير ذاته

لو حس كل رئيس ان الشعب له القدره على التغيير هيقل العك الى اقصى قدر ممكن

انا موافق يا عم اسو هاحطك على اول الطريق

و افتح انت على الرابع

بس طبعا و انت سيد العارفين

مش هتلاقي نائب رئيس

غيري

fty:: :P :P ngh: ]

تم تعديل 9 ديسمبر 2004 بواسطة egyptforever

[mwefy]

بس الموضوع ده فتح قدامنا سؤال مهم جدا

لو مش الاكسلانس اللي رشح نفسه

يبقى مين ؟؟؟؟

بصراحه انا دورت على اسم ملقتش

يمكن انتم في مصر عارفين ناس تنفع

بس اللي انا شايفه على الساحه

الاكسلانس قضى على الكل

لو الاكسلانس مرشحش نفسه الدنيا مش هتتهد المشكله التعتيم اللي هما عاملينه اكيد في حد في مصر قادر علميا وشخيا انه يقود البلد في الظروف دي اكيد في حد من هنا نرجع نقول لازم يتلغي بند موافقه ثلث نواب مجلس الشعب علب المرشح لكي يرشح نفسه خلي اللي شايف نفسه كفئ يرشح نفسه ويعرض برنامج انتخابي سليم يفهمه للشعب بحياديه ويشرح هو ناوي علي ايه بجد مش مش تربيطات وكلام فاضي ودعايه وفلوس وفساد حد يكون نظام النتخاب حررررررررررررررر بمعني الحلمه يعني اللي يختاره الشعب ويفهمه يحس بماشكله هو اللي يتولي منصب الرئيس وخليكو عارفين ان اكيد الحد ده موجود مش من السماء اللي متداوله زي عمرو موسي او عمر سليمان (رئيس جهاز المخابرات ذو العقليه الرائعه)) عايزين حد يحس بيييييييينننا cbyb:

[إبن مصر]

لن يشعر بنا الا من عاش مثلنا ومن عاش مثلنا لن يتحمل مسئوليه بلد اول ما دار بخلده هو ان يتكرها كى يكون نفسه فى الخارج لثقته انها لن تصلح له لتحقيق احلامه وعندما انعم الله عليه نظر بحب متأخر الى البد فشعر بفداحه ما اجرمناه فى حقها بينقلب الدفاع عن تقدمها المنشود الى اعصار يعصف بكل من امتلك الفكر واقر بانه لابد من التغيير

[عصام]

انا موافق يا عم اسو هاحطك على اول الطريق

و افتح انت على الرابع

بس طبعا و انت سيد العارفين

مش هتلاقي نائب رئيس

غيري

fty::  :P  :P  ngh: ]

وهكذا تتعرى الحقيقة .. وتنكشف النواياالحقيقة المغرضة لبعض ضعاف النفوس ..

إتفقست يا حلو .. :P

أنا كنت باتكلم باسم الشعب .. ngh:

حط رجلى على أول الطريق (أنا الشعب :P ) طريق الاختيار .. طريق المفاضلة .. طريق المحاسبة وسحب الثقة ..

خدت لى بالك .. fsh::

[Sharkiah]

بالمناسبه

هى لم تحرك مياه ساكنه ولاراكده ولاآسنه ، وليست pioneer يعنى ولاحاجه ، فمثلا كلنا قرأنا نفس الكلام على لسان محمد فريد حسنين ومن قبلهما آخرين فى سنوات سابقه أشهرهم دكتور فى جامعه عين شمس كان صديقا شخصيا لأسره السادات الله يرحمه ، ولو تتذكروا فقد أتهم هذا الأستاذ الجامعى بأنه خريج مصحه نفسيه ، هل يتذكر أحد إسمه ؟؟؟ كان إسم عائلته سليمان تقريبا

[عصام]

يا شرقية يا اخويا ..

نوال السعداوى شخصية سيكوباتية تعانى من عدة عقد .. وأولها عقدة الاضطهاد .. وسببها - كما ذكرت هى - تفريق عائلتها فى المعاملة بينها وبين أخيها الذكر ...

وسلم لى على المساواة ..

[Sharkiah]

يا شرقية يا اخويا ..

نوال السعداوى شخصية سيكوباتية تعانى من عدة عقد .. وأولها عقدة الاضطهاد .. وسببها - كما ذكرت هى - تفريق عائلتها فى المعاملة بينها وبين أخيها الذكر ...

وسلم لى على المساواة ..

مش مختلفين ياصديقى

أحد الإخوه قال إنها عندها تضخم فى الذات ، وأنا بأقول ده صحيح لأن الحكمه العربيه بتقول من "أقوالكم نرد عليكم" ودى واحده صرحت ـ مثلا ـ فى أكثر من حديث مقروء ومرئى أن أرسطو ـ أكرر أرسطو ـ كان على خطأ فى منهجه الفلسفى لأنه لم ينحز للبسطاء مثلها وكان يأنف منهم ويتعالى عليهم أما هى ـ والكلام لها ـ فلا تتردد فى إستقبال حتى أبسط الباعه الجائلين والغوص فى مشاكله ، وطبعا هى أتت بهذه المقوله على سبيل مقارنتها هى شخصيا بأرسطو ـ وليحاسبنى الله إذا كنت أتجنى عليها ، فقد قرأت لها وسمعتها تردد ذلك بنفسها ـ ولكن بغض النظر عن هذه النقطه فما أردت أن أقوله هو tough luck لها المره دى فهى لن تكون أول من هدى الأمه المصريه لفكره تعدد المرشحين ، حيث أن محمد فريد حسنين سبقها وأكل النبأ مع الأسف المره دى

بالمناسبه ، وتذكروا كلمتى دى................

لا تندهشوا أو تصابوا بأى صدمه لو صحونا يوما لنجدها حائزه على جائزه نوبل ، فقد سبقتها زهره عبادى الإيرانيه عندما أيضا طالبت عيانا بيانا بوضع القرآن جانبا فيما يخص المرأه ، ومؤخرا سمعنا بمنظمه غير حكوميه ويمولها الإتحاد الأوربى بملايين اليوروهات لتنفيذ برنامج هدفه ترشيح مائه ـ أو ألف ـ سيده عربيه لجائزه نوبل (يمكن نلاقى منهم إيناس الدغيدى)

وطبعا لو ده تم هانلاقى مثلا سمير رجب ناششنا مقال عن عصر مبارك ومغرب مبارك وعشاء مبارك إللى نوال السعداوى إنطلقت فيه ونكشت شعرها وكسبت جايزه نوبل وإن إحنا كنا البعدا متخلفين لأننا لم نقدر الست نوال حق قدرها