شكراً للثورة ... رويترز: مصر ألغت اتفاق الغاز مع إسرائيل

[وطني حر]

الغاء الصفقه ليست كما صورها الاعلام الاسرائيلي . بعدم اهميتها ..؟

فهل هي الصفقه التي تمت مقابل اطلاق سراح الامريكان المتهمون في قضايا تمويل .......الخ

[أبو محمد]

فايزة أبو النجا تؤكد

ليس لدى مصر مانع فى التوصل لعقد جديد بشأن تصدير الغاز إلي إسرائيل

!!!!!!!!!!!!!!!!!!!!

خالتي

اقعدي على جنب ابوس ايدك

مش ناقصاكي خالص

مين جوز الوليه دي ؟

انا مش هامد إيدي عليها عشان عيب ... لكن هاروح وأضرب جوزها واجرجرة من على سلم العمارة اللي ساكنين فيها عشان يلمها شويه

الأخوان الفاضلان "حنظلة" و "سين سين"

معلش استحملونى شوية .. ومش هزعل لو قلتم إنى شريك مخالف

إحنا متفقين إن الموضوع - زى الكتاب ما بيقول - تجارى ، ده حتى الصهاينة تراجعوا عن اللهجة العنترية وبيعترفوا دلوقت إنه خلاف تجارى

الست فايزة هى وزير التعاون الدولى .. يعنى لما بتتكلم بتتكلم باسم الحكومة .. نشوف كده الخبر اللى جاب تصريحها "الحكومى"

فايزة أبو النجا: لا مانع من عقد جديد لتصدير الغاز لإسرائيل وليبرمان تراجع عن تصريحاته

23 أبريل, 2012 05:44 م

Share53

وزيرة التعاون الدولي فايزة أبو النجا - صورة من رويترز.

صرحت السيدة فايزة أبو النجا - وزيرة التخطيط والتعاون الدولى - بأن الجانب المصرى ليس لديه مانع من التوصل الى عقد جديد - مرتبط بتصدير الغاز إلى إسرائيل - بشروط جديدة وأسعار جديدة .

وقد أُعلن إلغاء العقد الموقع بين الهيئة المصرية العامة للبترول والشركة المصرية القابضة للغازات الطبيعية من ناحية ومع شركة غاز شرق البحر المتوسط من ناحية أخرى لأسباب قانونية.

ويبلغ أجل التعاقد الملغي 20 عاما، والذي تزود مصر بموجبه إسرائيل بنحو 40 بالمئة من احتياجاتها من الغاز الطبيعي.

وأشارت أبو النجا إلى أن الشركة المصرية القابضة للغازات الطبيعية اخطرت الجانب الاسرائيلي بذلك.

وقالت الوزيرة - في تصريحات صحفية نقلتها وكالة أنباء الشرق الاوسط اليوم - إن هذا العقد ليست له علاقة بوزارة البترول أو الحكومة المصرية ولكنه عقد تجارى بين شركتين.

وأوضحت أن الطرف الموقع مع الجانب المصرى لم يلتزم بالالتزامات المالية المدرجة ببنود العقد، وتم اخطاره خمس مرات وكانت آخر فرصة للسداد في 31 مارس الماضي ولم يتم السداد واعتبر العقد مفسوخا من تلقاء نفسه.

وردا على سؤال حول تصريحات وزير الخارجية الاسرائيلي ليبرمان حول الغاء هذا العقد قالت إن ليبرمان تراجع عن تصريحاته.

وفي نفس السياق قال المهندس عبد الله غراب وزير البترول والثروة المعدنية إن ما اتخذ من إجراءات لإلغاء عقد تصدير الغاز لإسرائيل لا يخرج عن كونه خلاف تجاري ولا يعكس توجهات الدولة.

وفي السياق ذاته، أعلنت إسرائيل أنها ترى أن إلغاء اتفاق تصدير الغاز يأتي في إطار نزاع تجاري لا نزاع دبلوماسي.

وقال وزير الخارجية الإسرائيلي أفيجدور ليبرمان إن إلغاء الاتفاق "ليس مؤشرا طيبا" لكنه أضاف "نريد أن نفهمه كنزاع تجاري. أعتقد أن تحويل نزاع تجاري إلى نزاع دبلوماسي سيكون خطأ."

طيب معناها إيه تصريح حكومى فى موضوع تجارى .. معناها :

1) مخاطبة المجتمع الدولى .. إن الموضوع تجارى بين شركات ، واحنا "كحكومة" ملتزمين بمعاهداتنا

2) مواربة الباب للتفاوض بين الحكومتين على عقد جديد (المرة دى كلام حكومات) يعنى تأكيد على احترامنا لتعهداتنا .. واستعدادنا "للتفاوض" مش للبيع .. فرق كبير .. لإننا ممكن نتفاوض وما نتفقش

3) مين بقى اللى فى موقف تفاوضى أقوى ؟ .. أعتقد إن احنا أقوى لأن اسرائيل بتستورد 40% من احتياجاتها للغاز مننا .. وقفل الحنفية حيخلى ليلتهم سودة خصوصا فى الصيف مع ارتفاع الأحمال

4) إيه اللى ممكن نطلبه "كحكومة" فى مقابل استئناف ضخ الغاز ؟ .. رفع السعر ووضع بند تعديل السعر فى التعاقد الجديد .. تعديل اتفاقية كامب ديفيد لزيادة عدد القوات فى المنطقة (ب) و (ج) بشكل أساسى ، وكمان زيادة حسب ظروف الطوارئ

أنا شايف ان خالتى فايزة طلعت دوقرمة .. وعلى العموم نصبر ونشوف .. نتفاوض .. ما نتفاوضش ليه ؟ .. والله حنحقق مكاسب كان بها .. مش حنحقق مكاسب ، يبقى ما خسرناش حاجة وبين البايع والشارى يفتح الله

[hanzalah]

عزيزي الفاضل أبو محمد

كلامك ع العين والراس .. لو في المطلق

لكن لو نزلنا لارض الواقع .. هنلاقي انه كلام منسوب لمين ..!!!!... الست فايزة .. والست فايز لما تبقى عايزه بتولع الدنيا

زي حكاية منظمات المجتمع المدني اللي الامريكان الوحشين خالص بيقدموا لها تمويل ع البحري والهبولي من غير حسيب أو رقيب

كلام بصراحه ماسخ ويدينها هي أول شخص باعتبارها في احضان الامريكان كوزيرة التعاون الدولي من عشروميت سنة أيام الحرامي المخلوع

ثم خدنا على قفانا للمرة العشرين ونزلت طياره امريكاني شقطت عيال الامريكان الوحشين خالص ...... وبح .. خلصت الرواية

فالكلام على أرض الواقع بيقول ان دول ناس مش بس متعرفش مصلحة الوطن .. بل تقدر تقول عربية الوطنية معدتشي من أدام بيتهم في أي يوم

دي ناس تعرف مصلحتها ومصلحة مستخدميها سواء خديوي أو رئيس أو مشير

والمشير والاخوان بيجروا بالمشوار في رضى الامريكان

يبقى الكلام يزعل ويؤخذ على محمل الجد

أما مسألة انه موقف مصر التفاوضي أقوى .. فهذا كلام سليم .. بس فين الارادة السياسية التي تريد فعلا كرامة المصري

كيف ..؟؟؟... و المصري يموت بالمجان قبل وبعد الثورة ويتم ترقية قاتليه

حتى - السُني - أمين الشرطة اللي كان واخد إعدام غيابي

سلم نفسه وخد براءه

آه والله

[hanzalah]

[أبو محمد]

طيب يا أستاذ حنظلة .. hpc:!:

مش يمكن يكون :ninja: الملثم ده

هو المشير ؟ ngh:

[نورالعين]

طيب يا أستاذ حنظلة ..

مش يمكن يكون :ninja: الملثم ده

هو المشير ؟ ngh:

وحتى ان كان هو مفجر الغاز

فخطأ لا يغتفر له

انه تحالف مع الاخوان وقاتل الثوار

لو وقف وقفة الحق مع الثورة لكان حالنا غير حالنا اليوم

نفسي فعلا اصدق انهم وطنيين وعارفين بيعملوا ايه

[أبو محمد]

أما مسألة انه موقف مصر التفاوضي أقوى .. فهذا كلام سليم .. بس فين الارادة السياسية التي تريد فعلا كرامة المصري

كيف ..؟؟؟

عزيزى "حنظلة"

كنت قد كتبت فى مداخلة سابقة فى هذا الموضوع .. عن اقتناع بالواقع (كله وليس بالانتقاء) ما يلى :

السياسة لها وجوه كثيرة .. وجه تجارى (عقد تصدير الغاز) .. وجه ملثم (تفجير الخط 14 مرة) .. وجه قانونى (تسريب المتهمين الأجانب) .. وجه شوارعى (جمعة 13 أبريل) ....... وجوه كثيرة

ولازلت مقتنعا بذلك حتى يتغير الواقع (كله)

[أبو محمد]

طيب يا أستاذ حنظلة ..

مش يمكن يكون :ninja: الملثم ده

هو المشير ؟ ngh:

وحتى ان كان هو مفجر الغاز

فخطأ لا يغتفر له

انه تحالف مع الاخوان وقاتل الثوار

لو وقف وقفة الحق مع الثورة لكان حالنا غير حالنا اليوم

نفسي فعلا اصدق انهم وطنيين وعارفين بيعملوا ايه

من وجوه السياسة - الكثيرة - ذلك الوجه "القتالى"

هذا الوجه أعرفه جيدا

وللحقيقة

وبرغم ما حدث حتى الآن ، وما تشيرين إليه

فأنا لم أر ذلك الوجه "القتالى" حتى الآن

[se_ Elsyed]

الكيان الصهيوني ده عامل بالظبط زي الصرصار .. ما بيجيش إلا بضرب الشبشب على دماغه عشان تعرف تتفاهم معاه

بن إليعازر لرئيس مصر:استأنف الغاز بأى ثمن

بنيامين بن إليعازركتب- محمود صبرى جابر: منذ 1 ساعة 9 دقيقة دعا وزير البنية التحتية الإسرائيلي السابق بنيامين بن إليعازر، مهندس اتفاقية تصدير الغاز المصري لإسرائيل في حواره للملحق الاقتصادي لصحيفة "هاآرتس" الإسرائيلي "ذا ماركر"(The Marker) رئيس مصر القادم للتشبث باتقاقية كامب ديفيد واستئناف تصدير الغاز لإسرائيل مهما كان الثمن

اقرأ المقال الأصلي علي بوابة الوفد الاليكترونية الوفد - بن إليعازر لرئيس مصر:استأنف الغاز بأى ثمن

اللهي ينتقم منك يا مخلوع إنت ومخاليعك كلهم