القبض على الناشط المصري احمد الجيزاوي فور وصوله الى جده !

[م تيمور المراغي]

اللي يفقع بقى لما تلاقي عالم نحنوحه وللاسف مصريين جرحت مشاعرهم يا حرام الهتافات والشتايم اللي حصلت قدام السفارة وما رفعوش شماعه يدافعوا بيها عن اخوهم المحامي المصري اللي كان بدوره متبني قضية الافراج عن جميع المعتقلين المصريين في السجون السعوديه بدون محاكمة ..

[م تيمور المراغي]

وبالتالي سهل جداً عرض مقطع صغير للجيزاوي وهما بيفتشوا شنطه والعثور على هذه الألاف من الحبوب المخدرة وعلب الحليب المهربه بداخلها ..

اي خدمه يا س والشكر موصول ليك طبعا ...

«6 أبريل» تطالب السعودية بإثبات حيازة الجيزاوي للمخدرات بالفيديو \\ الرباط الخاص بي

يا تيمون إحنا ما عملناش حاجه وكله عشان مصر :egyflag: ( كلمت انجي عني ولا طنشت كالمعتاد smk: ؟ )

لا انا كلمت الامن الوطني والمخابرات السعوديه وزمان اسامينا ملعلعه هناك وبيحضروا البلف المناسب لكل واحد ...

[se_ Elsyed]

الغفير المصري في السعودية عاوز ينضرب 20 قلم على اصداغة عشان يفوق ... لأنه لسه بيفكر بعقلية مبارك اللي بتقول ": يا بخت من بات مظلوم ولا باتش ظالم "

حتى لو كان الراجل تاجر مخدرات ... مش برضوا في حاجه إسمها حقوق المواطنة ؟

مش برضوا في حاجه إسمها حق التقاضي ؟

مش برضوا في حاجه تقول إننا نقف جنبة في محنتة ونوكل محامي له يدافع عنه يمكن يطلع بريء ؟

ولا نسمع من طرف واحد فقط وهو السلطات السعودية ونقول آمين .... وخالتي وخالتك وإتفرقوا الخالات

يعني البيه بيتريق إمبارح في التليفزيون إنها تكون قضية سياسية وبيقول " سياسية مين يا عم الحج "

الفيديو موجود على معظم المواقع وده ملخص للي قاله سيادة الغفير اللي محتاج تطهير عشان يعرف يعني إيه كرامة مواطن

القاهرة - قال السفير المصري بالمملكة العربية السعودية، محمود عوف، إن السلطات السعودية ضبطت أحمد الجيزاوي، المعتقل لدى المملكة العربية السعودية أثناء سفره لأداء العمرة، وبحوزته (21380) حبة زاناكس مخدرة، في رواية تتطابق مع رواية السلطات الرسمية في المملكة، مضيفًا، أن المصريون ''يفترون'' على الحكومة السعودية.

وأضاف السفير المصري في مداخلة هاتفية على قناة ''اليوم''، أن ''الجيزاوي'' أقر بحيازته للمخدرات، وكتب ''إقرارًا على نفسه''، موضحًا أنه لم يصدر بالمملكة أي حكم بسجن المذكور أو جلده، وأن هذه القصة مختلقة من أساسها''، مؤكدًا أن المطارات السعودية مكتوب عليها ''عقوبة الإعدام لمهرب المخدرات''.

وطالب عوف السلطات المصرية بتشديد الرقابة على المصريين المسافرين إلى المملكة العربية السعودية نظرًا لكثرة المصريين المسجونين بتهم حيازة المخدرات، مشددًا على ضرورة توعية الشعب المصري بحقيقة الموضوع.

واختتم السفير المصري قائلا: ''بقي يتشدد على المصريين تحديدًا، وبعدين يفتروا على الحكومة السعودية، ويقولوا قضية سياسية، سياسية إيه يا عم الحاج''.

سيادة الغفير بيُقر إن الراجل كان معاه مخدرات ... وروايتة تتطابق تماماً مع رواية السلطات الرسمية في المملكة ... شوف إزاي ؟؟؟؟!!!!!

على أساس إن سيادة الغفير عمل تحقيق مستقل وحيادي بنفسه وفعلاً تطابقت نتيجة تحقيقة مع نتيجة تحقيق السلطات السعودية

وسيادة الغفير شاف بنفسه الإقرار اللي كتبه الجيزاوي وقال فيه إن تاجر مخدرات أراري وكمان سبق إتهامة في العديد من قضايا الإتجار .. وصدر في حقه حكمين قبل كده بالإعدام وأتشنق فعلاً 3 مرات

وعشان تعرفوا إن سعادة الغفير كذاب ويستاهل الإقلام دي وإن إحنا مش بنفتري عليه .. هو عشان يطلع نفسه واد مهتم وعالم ببواطن الامور قال إن السلطات الرسمية بلغته يوم الثلاثاء الماضي .. يعني من 8 أيام واتحدى برضوا إنه يورينا بلاغ رسمي جاله من السلطات السعودية وأبقى إنسان ما بأفهمش حاجه لو ده حصل .... ... ولما إتبلغ بقى فضل نايم وبيقول : يالا كلب وراح ... والناس كانت عماله تضرب اخماس في أسداس في مصر ومش عارفه الراجل راح فين .. اتاريه كان عارف بس خايف على مشاعرنا وما رضيش يفاجئنا إن الجيزاوي طلع تاجر مخدرات ...

الاغرب .. بيقول والسفارة من وقتها بتتابع القضية .. طب يا كذاب يا كذوب قول للرأي العام كنت بتتابع القضية إزاي ؟ بالتليفون يعني ولا بالميسدات ولا بعتت محامي ولا مندوب من السفارة ؟

لم يحدث لإنه كذاب ومتخرج من مدرسة مبارك القذرة .. وكل اللي عملوه إن لما الموضوع ريحته فاحت إتصلوا بالسلطات السعودية إمبارح فقط عشان يشوفوا الراجل أو يزوروه ... والسلطات قالت لهم هانبت في الموضوع ده النهارة اللي هو الأربعاء 25 إبريل ونخليكم تشوفوه ... شوفتوا الكذب والخداع ؟

لأ وسيادة الغفير بيسلمه تسليم اهالي وبيقول بعضمة لسانة في البرنامج إمبارح لكثرة المصريين المسجونين بتهم حيازة المخدرات،

طب لو إنت راجل ومكتوب في البطاقة " ذكر " إطلع للرأي العام وقول للناس كام مصري مسجون في السعودية في قضية تهريب مخدرات ومن إمتى وعملت إيه لهم إنت بصفتك الرسمية ؟

مش هايحصل طبعاً .. لأن الصنف ده إتربى في مدرسة المخلوع على الذل والمهانة ... وكان نفسنا يطلعو بعثة لتل أبيب عشان يعرف الدول المحترمة بتعمل إيه مع رعاياها حتى لو كانوا متهمين وجواسيس وولاد ستين تيييييت

فبالصدفة البحته أيها السادة .. تُجرى الأن مباحثات على قدم وساق بين مصر وإسرائيل لإطلاق سراح الجاسوس " عوده الترابين " وهو من بدو سيناء وكان أبوه وامه جواسيس لإسرائيل أيام الإحتلال الهيوني لسينا وهربوا إلى إسرائيل وأخدوا الجنسية وكان الواد ده لسه طفل لانه مواليدة سنة 81 ... ولما كبر دخل مصر بطريقة ما للعمل في جمع المعلومات وأتقبض عليه سنة 2000 وإتحكم عليه بـ 15 سنة سجن .. قضى منها 11 سنة .. والان توضع الرتوش النهائية لعرض إسرائيل الإفراج عن جميع المساجين المصريين في السجون الإسرائيلية وعددهم أكثر من 60 شخص مقابل الإفراج عن الجاسوس ده ..

وكل من تعامل مع السجون المصرية يعرف إن الجواسيس او المساجين الإسرائيلين بيتعاملوا معاملة 5 نجوم .. والسفراء الإسرائيليين المتعاقبين في مصر يكاد يكونوا عايشين معاهم في السجن من كتر الزيارات والهنا اللي هما معيشينهم فيه هناك ... ونفسي تسمعوا أحمد فؤاد نجم لما كان بيتسجن زي ما حصل كتير وبيقابل جواسيس يهود جوه السجن وشوفوا الدلع والثقة بالنفس إنهم هايطلعوا براءة وعن عيشة الفنادق اللي عايشينها جوه .. وكذلك تفعل كل الدول المحترمة مع رعاياها ... مش أسمع واحد من الخارجية من كام يوم بيقول عملية المحاميين دي عاوزة إمكانيات ...

خسئت وكذبت .. أقسم بالله العظيم شوفت بعيني هنا في السعودية السفارة الفلبينية بتتقلب إزاي عشان خدامة مرتبها إتأخر ... وشوفت بعيني وجم المكتب عندي مندوب من السفارة ومحامي ومترجم عشان مستحقات فني فلبيني إتأخرت وجايين يجيبوا حقه مننا ... وشوفت دلوقت إزاي العقود بتاعت لا مؤخذة الخادمات الفلبينيات بقت تتفصل وبقت الخادمة تختار اللي هاتشتغل عندهم بعد ما تدرس السيرة الذاتية لهم وتعمل لهم كشف هيئة ...

إنها يا سادة ليست مسألة إمكانيات .. لكنها كرامة وتربية

ما حدش بيقول نشجع المجرمين او المخربين او المهربين .. لكن على الأقل نعرف في إيه وعلى الأقل نحسس المواطن المصري إن في بلد بتسأل عنه ولو بالتليفون ... وعلى الأقل تطلع بيانات رسمية من سفارتنا موثقة وتقول لنا اللي حصل وتعرفنا إنهم حضروا التحقيق مع الراجل وإتكلموا معاه وإطمنوا عليه

لكن دور الخارجية وزبالتها جاي في الطريق وكل اللي إتعينوا بالواسطة دول هايتكنسوا ونبدأ على نضافة .

تم تعديل 26 أبريل 2012 بواسطة Folana

[مصطفى يونس]

نقلا عن الاهرام

تعهد الأمير سعود الفيصل وزير الخارجية السعودية بحل موضوع المحامي المصري أحمد الجيزاوي المحتجز في المملكة في القريب العاجل‏,‏ جاء ذلك خلال اتصال هاتفي أجراه أمس السيد عمرو موسي المرشح لرئاسة الجمهورية مع وزير الخارجية السعودي‏.‏

وفي تصريحات لـ الأهرام, قال السفير محمود عوف سفير مصر بالرياض إنه لا توجد أي أحكام غيابية سابقة بالسجن أو الجلد ضد الجيزاوي, وإن زوجته أخلي سبيلها وأدت العمرة, وإن السلطات السعودية ألقت القبض علي الجيزاوي بمطار جدة الدولي وبحوزته21 ألفا من الحبوب المخدرة مخبأة في علب لألبان الأطفال, وإنه أقر بأن تلك الحبوب تخصه.وقال عمرو رشدي المتحدث باسم الخارجية إن الوزير محمد كامل عمرو كلف السفارة المصرية بالرياض, والقنصلية المصرية بجدة بالعمل علي إطلاق سراح المواطن المصري.

وعلم مندوب الأهرام بالرياض أن السفير المصري التقي الأمير سعود بن نايف مدير مكتب ولي العهد ووزير الداخلية لمعرفة ملابسات القضية, والعمل علي إطلاق سراح الجيزاويوأعرب عدد من المحامين السعوديين استعدادهم للدفاع عن الجيزاوي, وذلك خلال لقائهم بالسفير ماهر المهدي نائب القنصل العام بجدة.ونظمت أحزاب سياسية, ومنظمات حقوقية وقفة احتجاجية أمام السفارة السعودية بالقاهرة أمس, للمطالبة بالإفراج عن الجيزاوي.وعلي جانب آخر, قرر عدد من نواب البرلمان جمع توقيعات لتقديمها للسفير السعودي بالقاهرة, للمطالبة بإصدار عفو ملكي عن الجيزاوي.

تم تعديل 25 أبريل 2012 بواسطة مصطفى يونس

[الغريب]

تغريدة هامة للدكتور خالد البكر :

"لا يقر أحدٌ الظلم أن يقع على أحمد الجيزاوي أو غيره .. ولكن ما أحب أن اذكّر إخوتي به وخاصة المتظاهرين عند السفارة السعودية ‎أن هناك أكثر من 2 مليون مصري في السعودية قد يتضررون بسبب تصرف غير مسؤول .. وخاصة أن المتظاهرين محسوبون على شباب الثورة وقد يسعد المجلس العسكري بقرار ارتجالي يصدر من السعودية بترحيل هؤلاء أو الإضرار بهم بأي طريقة وعندها سينقلب أكثر من 2 مليون ‎سينقلب أكثر من 2 مليون وأهاليهم على الثوار والثورة وهذا ما يريده المجلس العسكري وفلول النظام ما أتمناه أن يغلّب جانب العقل في معالجة المشكلة ويُترك العمل ليأخذ مساره القانوني .. وقد علمت أن أشرف ثابت وكيل مجلس الشعب ‎سوف يتوجه إلي السفارة السعودية علي رأس وفد دبلوماسي رفيع المستوي لبحث مشكلة الجيزاوي وكل المعتقلين في السعودية ‎"

[وطني حر]

لكن على الأقل نعرف في إيه وعلى الأقل نحسس المواطن المصري إن في بلد بتسأل عنه ولو بالتليفون ... وعلى الأقل تطلع بيانات رسمية من سفارتنا موثقة وتقول لنا اللي حصل وتعرفنا إنهم حضروا التحقيق مع الراجل وإتكلموا معاه وإطمنوا عليه

اش معني الجيزاوي . الي قلب الراي العام ؟؟ ما نشوف قضايا اخري.؟؟؟؟؟؟؟؟

وهل لم يبقي في السجون السعوديه الا الجيزاوي .. انا مش عارف اش معني ؟؟

عايزين لكل مواطن مصري يتم ايقافه او حجزه او ..... بيان من السفاره المصريه .. ولي لا اش معني الجيزاوي

اصدق مين ولا مين .؟؟ السعوديه تستقصد الجيزاوي والاعلام المصري يبتني قضيه الجيزاوي ...؟؟

هي ملعوبه من مين .؟ ما عندتش اصدق الاعلام اطلاقا . من سيكسب الرهان في الاخر . لمصلحه من سيتم الافراج عنه....؟؟

عمرو موسي بيتحرك ويحقق مكاسب شخصيه وبهدوؤ . وايمن نور يعقد لقاءات واجتمعات ولقاءات ومؤتمرات وشو اعلامي .

افضل مناظره للمرشحين علي السلطه هو طريقه تعاملهم مع الازمــه .. مين الدبلوماسي فيهم ؟؟

تم تعديل 25 أبريل 2012 بواسطة وطني حر

[م تيمور المراغي]

لا يا غريب لولا ضغط النشطاء كان الموضوع اندفن ومات ..

التصعيد هو اللي حيرجع الجيزاوي بالسلامه ان شاء الله و الانسان المصري حيتعمل له الف حساب بعد كده ولا يفل الحديد الا الحديد ....

[se_ Elsyed]

للإيضاح

- يوجد بسجون السعودية حوالية 1460 مسجون مصري في قضايا مختلفة وهو عدد قليل جداً جداً لجالية يتعدى عددها مليون شخص

- يوجد 46 معتقل سياسي مسجونون بدون صدور احكام ضدهم

- منذ عدة شهور وهناك نشاط سياسي ملحوظ من مجلس الشعب ولجنة حقوق الإنسان وبعض الاحزاب السياسية والقوى السياسية في الإتصال بالسفارة السعودية لإستضياح هذا الامر وللحصول على بيانات تفصيلية عن كل مسجون وخصوصاً السياسيين

- على لسان السفير السعودي بالأمس قال في برنامج يسري فوده على قناة اون تي في : المعتقلين السياسيين فيهم من ينتمي للقاعدة ومن قُبض عليه في تهريب سلاح ... ولم تصدر ضدهم أحكام إنتظاراً للعفو الملكي عنهم ... ولو صدرت ضدهم احكام طبقاً لقانون السعودية فستكون في منتهى القسوة

فرد عليه يُسري فوده وقال إن دي حجج غير مقبولة . لانه فرضنا طلعوا أبرياء في النهاية .. يبقى اتسجنوا ليه من الأول وبدون أحكام ؟

كمان من حوالي شهر تم إستدعاء السفير من قبل لجنة حقوق الإنسان بمجلس لاشعب وناقشوا معاه قانون إلغاء الكفالة ... وموضوع السجناء المصريين جميعهم .. وبالصدفة كان الأسبوع اللي فات في إقتراح من الطرفين المصري والسعودي يقتضي تسليم هؤلاء المساجين لإستكمال مدة سجنهم بمصر بدلاً من السعودية على الاقل يبقوا جنب أهلهم وممكن تُعاد محاكمتهم مرة اخرى .....

وكمان في نشاط للحقوقيين من بعد الثورة للدفاع والمطالبة بالإفراج عن المعتقلين المصريين بالذات .. وبصراحة في تعاون وتفاهم من السلطات السعودية ممثلة في السفارة ووزارة الخارجية السعودية لإن العلاقات بين البلدين اكبر من تلك المشاكل البسيطة ... والحمد لله يشهد الجميع إن سُمعة المصريين هنا زي الفُل . وإننا من أقل الجاليات الموجودة المثيرة للشغب او المرتكبة للجرائم ...

[الغريب]

لا يا غريب لولا ضغط النشطاء كان الموضوع اندفن ومات ..

التصعيد هو اللي حيرجع الجيزاوي بالسلامه ان شاء الله و الانسان المصري حيتعمل له الف حساب بعد كده ولا يفل الحديد الا الحديد ....

أنا مع الضغط الشعبي من أجل كل مصري أنتهكت كرامته ظلما خارج بلده

الضغط مطلوب لجميع المصريين الذين يعانون في كل مكان وليس الجيزاوي فقط

يعني مطلوب لشيخ أزهري ضرير وكبير مرمي في سجون أمريكا أسمه عمر عبدالرحمن

ومطلوب لكل المعتقلين المصريين في السعودية دون وجه حق أو سبب قانوني

ولكني متحفظ بشدة عن أي قلة أدب قد تمارس من قلة من المتظاهرين أمام سفارة السعودية والتي قد تسئ إلى الثورة المصرية

تحياتي...

[م تيمور المراغي]

ده تقرير من اليوم السابع

فيه اسماء المصرين المعتقلين بالسعوديه

حنستمر في التصعيد

وحنستثمر الضغط الشعبى للافراج عن باقى المعتقلين ان شاء الله

http://www2.youm7.com/News.asp?NewsID=661579&SecID=12

[م تيمور المراغي]

هذا ما فعله السادات مع سفارة بلغاريا .. من اجل كرامة إمرأة مصرية .. !!

................................................................................................

كانت الحكومة البلغارية مأجرة السفارة البلغارية من إمرأة مصرية ..

السفارة البلغارية إمتنعت عن دفع الإيجار لهذه المرأة في شهر من الشهور ..

طالبت المرأة بحقها ولم تجده .. فـ إشتكت لكل المسئولين في الدولة حتى الوزراء أنفسهم ..

ولكن لا حياة لمن تنادي ..

ولما لم يرد أحد لها حقها .. ذهبت إلى كبير العائلة المصرية الرئيس أنور السادات ..

حكت مشكلتها للرئيس ..

ثم أمر السادات على الفور بالتأكد من هذه القصة ..

ولما علم السادات بـ أن القصة حقيقية 100% ..

إتخذ السادات قراراته وكانت على النحو التالي ..

طرد السفارة البلغارية من مصر ، وسحب السفير المصري من بلغاريا ، ودفع المبالغ المستحقة عليهم

وقال السادات حينها :

لما الست المصرية دي يتعمل فيها كده في بلدها .. أومال لما تسافر بره مصر هيحصل لها إيه ..

هذا هو السادات .. قائدا للجيش و رئيسا لمصر

مكنش بيقبل ان مصري يتهان

رحمة الله عليه

تفتكرو السادات لو كان موجود دلوقتي كان عمل ايه مع السعودية ؟؟

[Abu Reem]

تفتكرو السادات لو كان موجود دلوقتي كان عمل ايه مع السعودية ؟؟

كان زمانه دور له على عقد عمل هناك.......هههههههههههههه

- السادات بعد 73 مباشرة لو كان اي مصري تعرض لاي اهانه في الخارج..ولو كان بس تم طرح فكرة جلد اي مصري بالخارج ، فكان بلا شك سيقوم بعمل عسكري ضد هذه الدولة....وحدث هذا من قبل مع بعض الدول العربية ...

- ولكن في فترة حكم السادات الاخيرة للأسف...بدأ السادات يتحول الى ديكتاتور..بدرجة نسبية وبدأ في الرضوخ لامريكا..وبالتالي كان تصرفه سيختلف وقتها..

ولكنه في جميع الاحوال لم يكن ليسمح ابدا بمثل هذه المهازل...فكان رغم اخطاؤه يهتم بكرامة مصر والمصريين كثيرا..الله يرحمه.....

[م تيمور المراغي]

وقفة شباب 6 ابريل الآن امام وزارة الخارجية المصرية

[se_ Elsyed]

ربنا يبارك في شباب 6 إبريل وكل الشباب المصري اللي بيرسم خريطة الكرامة المصرية ... خلي الأفندية بتوع الخارجية يتحركوا شويه

حتى لو في مصري عمل إنقلاب عسكري في أي بلد . لازم البلد تقف جنبه ونعرف مصيرة وهايتحاكم إزاي

[se_ Elsyed]

مش قولت لكم السفير المضري كذاب لأنه متخرج من مدرسة الكذب وهو ولا يعرف حاجه عن الموضوع

أدي تصريح للقنصل المصري منذ قليل على التليفزيون المصري الرسمي

أكد ماهر المهدي القنصل العام لمصر فى جدة أن اتصالات عاجلة تجريها السفارة مع السلطات السعودية للتعرف علي تطورات احتجاز المحامي المصري احمد الجيزاوي.

وأشار المهدي فى اتصال هاتفي للتليفزيون المصري إلى أنه لم يتمكن من مقابلة الجيزاوي، لعدم استكمال اوراق الموافقة الرسمية من قبل السلطات السعودية علي المقابلة، لكن فى انتظار الموافقة لمقابلة الجيزاوي والتعرف علي احواله وملابسات الحادث.

كما اوضح المهدي أنه يسعي فى الايام المقبلة علي اجراء مقابلة للجيزاوي مع زوجته واهله للاطمئنان عليه، مرجعا ذلك لتعليمات من السلطات المصرية ووزارة الخارجية فى متابعة المواطن وحالته .

وفيما يتعلق بمحاكمته، أكد المهدي أن ما قيل عن ضبط بعض المواد الممنوعة "المخدرات " سيتم تحليلها والسفارة فى انتظار النتيجة ، مشيرا إلى ان الايام القادمة ستوضح الكثير

اقرأ المقال الأصلي علي بوابة الوفد الاليكترونية الوفد - المهدى: نحاول مقابلة الجيزاوى فى السعودية

[EsoWay]

هل دا بيعتبروه دليل هيسكت المصريين ؟!!

هما بيستخفوا بعقولنا يعني ؟!!!

[EsoWay]

السفير المصري بيتكلم عن المصريين وكأنه مستعر منهم

طبيعي جدًا هننفعل وطبيعي جدًا بعد ما سمعنا روايتين رواية مصرية أقرب للصدق ورواية سعودية أقرب للتلفيق نطلب أدلة

السفارة كان لازم تنهج نفس النهج وتتكلم بعقلانية أكتر و تعرف إننا مش بنثق في أي جهة ولازم أدلة لاتحتمل اللبس عشان الشعب يهدى

وكمان يكون لينا كرامة ومش بنسكت عن حقنا

السفارة في القضية دي بتردد كلام السعودية وكأنهم مش مصريين أو التفسير التاني إنهم مش لاقيين أدلة ومش عايزين يحطوا السعودية في موقف وحش قدام الرأي العام المصري

وهنتظر ونشوف أخرتها ....!!

تم تعديل 25 أبريل 2012 بواسطة EsoWay

[hakeem]

والله حاجه تغم زى حاجات كتيرة بقت بتحصلنا..كلام كتير وافعال مفيش..والمشكلة ان فى ناس بتروج لحاجات الله اعلم صحيحه ولا لا ..بس بيسرحوا بخيالهم اوى..

يعنى فى اشخاص سعوديين ناشرين دلوقتى انه مروج مخدرات وجايبين صور بيدعوا انها من سلطات امن المطار انه داخل بكمية حبوب مخدرة بس الصور انه ولا كأنه كان معدى بتريلا مخدرات عشان يبقى معاه ده كله..

ده الوقت اللى الحكومة والخارجية تبين كرامة بئا..

مش عارف الصور بتترفع ازاى هنا كنت وريتكم الصور المنشورة..

[hakeem]

ايوة الصورة اللى نزلها الاخ EsoWay دى واحدة من الصور المتداولة..بس بجد هبل هبل يعنى..

ده على اساس ان فى مطارات مصر كل واحد ليه شنطتين ميزان وواحدة هاند باج ع الطيارة وشنطة مخدرات :malta: :P

[se_ Elsyed]

إذا كان بيان السفارة السعودية يبقول بعضمة لسانهم " علب حليب بودر للأطفال" واللي في الصورة الهبلة دي حليب جُهينة .. وطبعاً ده جزء من المظبوطات .. لأن مستحيل الكام علبة دول والدوشمتين بتوع المصاحف ياخدوا 21 الف قرص مخدرات ...

ده الراجل وهو مسافر عُمره بالمنظر ده كان بيقول يا ناس يا هو أنا مهرب وعبيط !!!!

بُصوا الخبر ده بقى وعيشوا الدنيا الجملية ... لأ والغطا بتاع المصاحف معدن يعني في مصر هايبان حتى لنزلاء جمعية النور والأمل مش في جهاز الكشف عن الأمتعة بس

اعترف المحامى المصرى المحتجز فى السعودية، أحمد الجيزاوى، بحيازة الأقراص المخدرة التى ضبطت معه فى المملكة العربية أثناء دخوله البلاد لأداء مناسك العمرة، ولكن دون علمه بغرض توصيلها لأحدى الشركات التجارية هناك بتكليف من شخص مصرى لم يفصح عن اسمه.

وكشف المستشار ماهر المهدى القائم بأعمال القنصل المصرى بجدة فى مداخلة هاتفية مع الإعلامى معتز الدمرداش على قناة ''الحياة2''، أن الجيزاوى محتجز فى مباحث المخدرات بجدة وأنه توجه لزيارته منذ قليل وأنه اعترف له بحيازة ما يقرب من 21 ألف قرص ''زياركس''، وأضاف أنه السفارة السعودية كلفت محامى لبحث أزمته كما أن عدد من أفراد الجالية المصرية فى السعودية عرضوا توكيل محامين سعوديين للجيزاوى بحكم علاقتهم هناك ولمقتضيات القانون الذى يمنع ترافع أى محامى أجنبى أمام القضاء السعودى.

وأكد المهدى، أن القبض على الجيزاوى ليس له أى علاقة بقضايا سياسية أو حقوقية وإنما بواقعة محددة، وهو ما أوضحه ياسر الشاذلى الصحفى بجريدة الحياة اللندنية فى السعودية، بأنه لا توجد هناك تهمة تسمى العيب فى الذات الملكية فى القانون السعودى، ومطالباً الإعلام من الجانبين بالتهدية وعدم التهويل والتهوين.

حتى اللي كاتب الخبر عبيط هو كمان

إعترف بحيازة المخدرات لكن دون علمه ... لتوصيلها لأحد الشركات التجارية بتكليف من شخص حتى لو عدمتوني مش هاقول إسمه

يعني واحد شربه حاجه اصفرا وقال له خد الحاجات اللي وزنها 80 ك دي وهي عبارة عن مصحفين واحد مزنوق فيهم قوي في السعودية عشان داخل الإسلام جديد وعاوز يقرا القرآن ويشوف بيتكلم عن إيه ويا عيني مافيش مصاحف هناك ..والراجل لما يقرأ بالتأكيد هايحتاج كالسيوم .. فخد له الله يخليك 50 علبة حليب جهينة أصله عنده هشاشة في العظام ومحتاج حُقن حليب في العضل تفضل متعلقه له 24 ساعة في الوريد .