كل سنة وإنت طيب يا عم الطيب

[se_ Elsyed]

زميلنا الجديد عم الطيب داخل على سن الأربعين راكب رهوان ... فاليوم قد إستكمل الـ 39 ....

فواجب علينا نقوله " كل سنة وإنت طيب يا راجل يا طيب " ‘

إوعى تكون داخل المنتدى تلم هاديا وتمشي ؟... عايزينك معانا لحد ما تكمل الأربعين .. على الأقل ساعتها تستحق مكافأة نهاية خدمة .. وساعتها ممكن تطلع معاش وغنت مستريح .

وبالمناسبة أرجو من الرفيق إسو إنه يخصم نص يوم من الكادر مُحبط رئيس قسم التشريفات لعدم إنتباهه إلى تلك المناسبة وفتح موضوع تهنئة كالعادة ....

[فــيــروز]

كل عام و انت طيب يا عم الطيب ;)

يا ترى لسه موضوع المخابرات فى حيز التفكير ولا ذهب مع الريح؟

[عصام]

كل سنة وإنت طيب يا راجل يا طيب

طيب ...

bngn::

كل سنة وانت بصحة وسعادة .. ربنا يبارك لك فى عمرك .. وينولك إللى ف بالك (بس بلاش موضوع المخابرات ده .. ;) )

[Cleo]

كل سةن و انت طيب يا راجل يا طيب....

عقبال 100 مليون سنة و انت فى صحة و هنا وراحة بال... ;)

[Modest]

عايزينك معانا لحد ما تكمل الأربعين .. على الأقل ساعتها تستحق مكافأة نهاية خدمة .. وساعتها ممكن تطلع معاش وإنت مستريح .

ياللهول

بقى أنا داخل اقول بقين حلوين للراجل ألاقيك علشان تهني الراجل تقوم شايط في أمثالي من الحكماء ممن تعدوا الأربعين.

على العموم كل سنة و انت طيب يا عم الطيب

والدك موديست sdm:

[Sherief AbdelWahab]

كل سنة وأنت طيب يا راجل يا طيب .. ;)

خلص الكلام

[yasovinas]

كل سنة وانت ،،،،،،،،،،،،،

زي ما انت

مش انت عم الطيب

طيب يبقى كل سنة وانت

زي ما انت

[Lighthouse]

كل سنة وانت طيب ياعم الطيب

ويارب تحقق كل احلامك

خد شوية البلالين دول هدية

[عم الطيب]

سى السيد / اسف على تاخيرى فى الرد على البرقيات الهائلة

لكن كل التهانى الى وصلتنى من منتدانا القيم (محاورات المصريين ) جعلتنى اشعر انى بين اهلى وناسى . ويارب تخلى كل اللى فكر فى عيد ميلادى وكمان الى ناسى .

ام ال 40 سنة انا مش عارف ازاى ده حصل انا حاسس انى 20 سنة ومكنتش اصدق انى ممكن اكبر عن كده لكن الله وحكمته ,

فيروز .... شكرا على رقتك والمخابرات ما خلاص راحت مع الجراد .

اسو .... الف شكر على الشعور الطيب . والمخابرات ده موضوع كنت بافتكر انى ممكن اكون ( رافت الهجان 2005 ) .

العزيزة كليو ....الف مليون شكر ويارب نفرح بيكى لو كنتى لسة متجوزتيش وربنا يسعدك لو كنتى متجوزة وفى كلا الحالاتين ربنا يصبرك.

والدى موديست ... شكرا على هذه الابوة بس يارب متكنش ااقرع زى حالتى .

الشكر الجميل لشريف عبد الوهاب ...وكذالك لايت هاوس ...اشكرك على البلالين. وعقبال كل اعضاء المنتدى وهم طيبين وبصحة وسعادة وتحققوا يارب كل احلامك . ومصرنا الام بخير وسلامة .

[nashwa]

ياطيب ...

عيد ميلاد سعيد ... وان شاء الله كل السنيين الجاية تكون خير .. واستقرار .. وطيبه :blink:

:blink:

[عم الطيب]

الف شكر يانشوى ربنا يديكى الصحه والسعادة وتحققى امنياتك .

[ناصر الملك و الملكية]

بسم الله الرحمن الرحيم

أشمعنة أنا متعمليش موضوع يوم عيد ميلادي ( 5 ديسمبر ) ....................... :blink: :blink: :P :o

علي العموم .........

كل سنة و أنت طيب يا عم الطيب :) و عقبال مليار سنة

و ياريت تقبل مني كباية البيبسي المتواضعة دي :)

[عم الطيب]

شكر ا ياعم ناصر شربتنى بيبسى وربنا يستر ومراتى ماتخدش خبر , علشان ديما تقولى كل علبة بيبسى تساوى 12 مكعب سكر ..يعنى حرام قصدى حرام على صحتى .

اما انا ياعم ناصر عندى موضوع باحضر فيه مخصوص علشانك بس محتاج يومين كده ,, لكن موضوع حيعجبك قوى. وعموما عقبال 2 مليار سنة لكن متاخرة شوية امسحها فى المرة دى لكن 5 ديسمبر 2005 مش حانسا اكون اول الى يقول لك سنة حلوة يا جميل .

على فكرة اولادى حاولوا النهاردة يفاجئونى ويغنوا سنة حلوة ياجميل بالعربى والحمدلله عرفوا يغنوها بالعربى ماعدا حرف الحاء .ا

[METALLICA]

hpc:!: fty:: cnst:

تم تعديل 10 ديسمبر 2004 بواسطة METALLICA

[Sharkiah]

كل عام وأنت بخير وتوفيق ونجاح وعافيه وقرب من الله ياأستاذ طيب

[عم الطيب]

شكرا ميتاليكا ... smk: chn: hpc:!:

شكرا شرقية .... fty:: cnst: blw)

[disappointed]

عــيــــد مــيــــلاد ســـعـــيـــد

تم تعديل 11 ديسمبر 2004 بواسطة disappointed

[Farida]

كل سنه و انت طيب و السنه الجايه تبقى 40 سنه ان شاء الله وتشيل صورة عبد الناصر :angry:

[عم الطيب]

شكرا فريدا وديسابوينت على التهنئة الرقيقة

فريدا احتمال اغير صورة عبد الناصر بعد اكتوبر 2005 انشالله يمكن يكون فى الافضل .... اتمنى .

علىالعموم شكرا وعقبال مااهنئكم بالمليون سنة. :) mf)

[سهيلة]

كل سنة وانت اسعد

كل سنة وانت محقق كل احلامك

والسنة الجاية تكون اطيب واطيب ياااااااااااااااا

عم الطيب <_<