راحت فين بيانات والدة الشيخ حازم ؟! حد عنده تفسير ؟؟؟؟

[طارق مصرى]

فى الموضوع المغلق الخاص بترشح الشيخ حازم http://www.egyptiantalks.org/invb/index.php?showtopic=122387&st=825

كانت هناك مشاركة مهمة جدا للاستاذ المحترم ريمون

غالبا والده الاستاذ حازم صلاح ابو اسماعيل كانت تحمل الجنسيه الامريكيه. فهى مسجله فى جداول الناخبين فى مقاطعه لوس انجيلوس فى كاليفورنيا علما بان حق الانتخاب هو للمواطنين فقط و ليس لحاملى الجرين كارد.

للتأكد بنفسك ادخل هذه البيانات

https://lavote.net/SECURED/VOTER_REG/

Last Name: nour

Birthdate: 11/03/1946

House Number: 844

Zip Code: 90403

المعلومات الشخصيه للمرحومه نوال عبدالعزيز نور والده حازم صلاح ابواسماعيل منشوره فى هذه المقاله من اليوم السابع http://www3.youm7.co...p?NewsID=643455

المعلوملت دى مش هتلاقوها فى اى حته تانيه.

ده بحث اصلى علشان خاطر عيون المحاوراتيه

واضح ان امريكا محتاجه تنقى كشوف الناخبين بتوعها من المتوفيين زى مصر

و اعتبر ذلك سبقا للمحاورات

و ده كان كلام أ-ابو محمد

يا ابن الإيه يا ريمون

ده يعتبر انفراد للمحاورات .. لأن ممكن حد يقول إن بيانات ال People Finders اللى منشورة على صفحة اليوم السابع بتشمل اللى معاهم الجرين الكارد ..

بس حكاية الانتخابات دى فكرة مباحثية منك يا ريمون ..

الله يرحمها طلعت مسجلة فى الجداول ويحق لها التصويت فى الانتخابات التمهيدية للرئاسة اللى حتحصل يوم 5 يونية 2012 ..

دى الرسالة اللى طلعت

Quote

Registered Party: DECLINE TO STATE

You are a registered voter eligible to vote in the following election(s):

June 5, 2012 - 2012 PRESIDENTIAL PRIMARY PRELIMINARY ELECTION

أستطيع الآن أن أزعم أننى عرفت سر ترشيح الإخوان لواحد منهم

السر هو تأكدهم من جنسية والدة ابو اسماعيل .. فقرروا أن يأخذوا نصيبهم من تركة الكتلة التصويتية بتاعته .. أكيد برضه الأخوان لهم مصادرهم فى أمريكا .. وفى مصر

و ده كان ردى ساعتها

أ-ريمون لما دخلت البيانات اللى اوردتها يطلعلى الكلام ده

Quote

Voter Registration Verification

Registered Party: DECLINE TO STATE

You are a registered voter eligible to vote in the following election(s):

June 5, 2012 - 2012 PRESIDENTIAL PRIMARY PRELIMINARY ELECTION

If you requested a vote by mail ballot click here to view the status of your application.

Click here to view your Polling Place and Sample Ballot.

Click here to apply for a Vote By Mail Ballot.

Click here to search for a new voter registration verification.

If you have any questions or concerns, please call 1-800-815-2666.

اللى بيقولعن صاحب البيانات اللى اسمه نور مواليد 11-3-1946 يحق له الانتخاب و اماكن الاتخاب الى اخره و ده فى حد ذاته مش إثبات

و الورقة اللى من اليوم السابع ياريت تشرحلنا خطوات الدخول على موقع "people finders" لنرى الصفحة الخاصة بوالدة الشيخ حازم لنتأكد من صحة هذا الكلام

وده الكلام اللى اعتمد عليه عمرو اديب

http://www.youtube.com/watch?v=0l2UhdBHpeM&feature=player_embedded#!

دلوقتى ادخلوا و سجلوا البيانات زى ما قال ا-ريمون و زى ما قال عمرو اديب

و هتلاقوا الرسالة دى تطلع لكم

Voter Registration Verification

The information you submitted does not match our voter records.

يعنى هذه المعلومات لا تطابق مع سجلات الناخبين لدينا

حد عنده تفسير .........؟

تم تعديل 25 أبريل 2012 بواسطة طارق مصرى

[الدكتور ياسر]

الرد جاهز يا أستاذ طارق ..

بعد مشكلة الجنسية الخاصة بالمرشح المصري ..انتبهت الجهات الامريكية

للقصور الواضح في قاعدة البيانات للمواطنين المسجلين حيث لم يتم رفع اسم الوالدة

رحمها الله من كشوف الناخبين بعد وفاتها ..

وبعد ان انتبهنا لوفاتها بعد عامين كاملين !! تم تدارك الخطأ ورفع الاسم ..

ودمتم ..

[طارق مصرى]

طيب ازاى انتبهت انها ماتت ؟! دى ماتت فى مصر و شهادة الوفاة فى مصر و ده كان كلام بعض الزملاء لما قال البعض الاخر ازاى اسمها لسه مدرج و هى ميته

عاوز تفسير تانى منطقى

اقرا كلام أ-محمد

بما انها توفيت في مصر ، فسجلات الوفاة الامريكية لم تسجل اسمها في المتوفين لان لاالمستشفى او ادارة الوفيات التي تصدر شهادة الوفاة لانها توفيت في بلدها الاصلي وكذلك الاسرة لم تقم بابلاغ السلطات بالوفاة.

[Alshiekh]

منذ حوالي اسبوع ، اعتقد انه اما ان أخت ابو اسماعيل او احد افراد الاسرة قد قام بابلاغ الجهات المسئولة في المقاطعة بوفادة الوالدة،

أو أن يكون الموظف المسئول بالمقاطعة من النوع المثقف الذي يتابع الأخبار وعلم بذلك الأمر وقام برفع إسمها، ولو إني أشك في ذلك لانه لايستطيع عمل ذلك بدون أوراق رسمية ( سجلات الوفاة أو بلاغ من أحد أفراد الأسرة )، لانه في النهاية ده موظف حكومي.

وبعدين ياجماعة انتوا متخيلين ان المكتب ده تابع لأوباما شخصيا؟

ده مكتب تابع لمقاطعة تابعة لولاية تابعة للولايات المتحدة، حاجة كده زي مكتب سجل مدني تابع لمركز بلقاس التابع لمحافظة الدقهلية التابعة لجمهورية مصر العربية.

[طارق مصرى]

منذ حوالي اسبوع ، اعتقد انه اما ان أخت ابو اسماعيل او احد افراد الاسرة قد قام بابلاغ الجهات المسئولة في المقاطعة بوفادة الوالدة،

أو أن يكون الموظف المسئول بالمقاطعة من النوع المثقف الذي يتابع الأخبار وعلم بذلك الأمر وقام برفع إسمها، ولو إني أشك في ذلك لانه لايستطيع عمل ذلك بدون أوراق رسمية ( سجلات الوفاة أو بلاغ من أحد أفراد الأسرة )، لانه في النهاية ده موظف حكومي.

وبعدين ياجماعة انتوا متخيلين ان المكتب ده تابع لأوباما شخصيا؟

ده مكتب تابع لمقاطعة تابعة لولاية تابعة للولايات المتحدة، حاجة كده زي مكتب سجل مدني تابع لمركز بلقاس التابع لمحافظة الدقهلية التابعة لجمهورية مصر العربية.

الاحتمال الاول مستبعد جدا لان كان باين ابتعاد اخت الشيخ حازم او افراد الاسرة عن الموضوع من اوله و بالذات اخته اللى كأنها كانت فى كوكب تانى محدش شاف لها حس و لا خبر و مش معقوله هضيع و قتها دلوقتى

و الوقت هناك بفلوس فى تسجيل شهاده الوفاة و اختام و امضاءات و توثيقها من الخارجية و وزارة الصحة و خلافه لتكون لها حجية عند الحكومة الامريكية و الموضوع كله سيان لا يفيد و لا يضر طيب معملتهاش من سنتين ليه ؟

و الاحتمال التانى طبعا حضرتك وضعته على سبيل الدعابه

بالنسبة للجزء الاخير من كلامك (بعدين ياجماعة انتوا متخيلين ان المكتب ده تابع لأوباما شخصيا؟

ده مكتب تابع لمقاطعة تابعة لولاية تابعة للولايات المتحدة، حاجة كده زي مكتب سجل مدني تابع لمركز بلقاس التابع لمحافظة الدقهلية التابعة لجمهورية مصر العربية). مش واضح القصد منه ايه ؟!!

[ام سلمي]

المهم كمان غير ان بيانات والدة حازم صلاح اتشالت من قاعدة البيانات ان

اتأكدنا عمليا ان اي واحد ممكن يدخل بيانات اي حد مش معاه الجنسية

يعني دلوقتي عمرو اديب هو اللي بقي في قايمة البيانات ،

واحد ابن حلال قدم له الطلب واتقبل ،

برغم ان عمرو اديب مش مقيم حتي في كاليفورنيا

فهل يعقل ان لجنة الانتخابات تعتمد علي قاعدة بيانات بالهشاشة دي علشان تستبعد مرشح

ده فيديو بيظهر اختفاء والدة حازم صلاح من سجلات الانتخاب ووجود عمرو اديب في السجلات

http://www.youtube.com/watch?v=Qzf6W8Vii3k&feature=player_embedded

[ريمون]

طبعا انا معنديش خبر يقين فى الموضوع ده

بس الاغلب ان المسئولين فى المقاطعه لما تم لفت انتباههم للموضوع ده, بحثوا فيه و بناء عليه فتم استبعاد المرحومه من جداول الانتخاب.

و المقاطعه اكيد اتلفت انتباهها لان القنصليه المصريه فى لوس انجيلوس قدمت طلب بتسأل عن السيده نوال عبدالعزيز بالاسم و اذا كانت فى جداول الناخبين ام لا. و المقاطعه اصدرت شهاده بتأكد انها سجلت فى جداول الانتخابات فى يناير 2008. و دى صوره الشهاده الى طلعتها المقاطعه فى صفحه 24 من ارد اللجنه العليا

ده معناه ان اغلب الظن ان المقاطعه لما وصلها خبر الموضوع, اتخذت اجراءات عليه

و عموما لجنه الانتخابات معتمدتش على الموقع الاليكترونى لكن على الشهاده دى من مقاطعه لوس انجيلوس

بالنسبه لى الموضوع منتهى. و الاستاذ حازم ممكن يطلع اصل الجريد كارد او مستند السفر اللى والدته دخلت و خرجت بيه من البلد و انه مش جواز امريكى.

و حتى لو ضاع منه الورق ده فممكن يطلب من محاميه فى امريكا اصدار اوراق رسميه تفيد بموقف والدته

و المعلومات كلها متوافره له

رقم السوشيال سيكيوريتى

رقم جواز السفر

رقم الوافدين

رقم شهاده التجنيس.

رجاء محبه من الجميع التوجه بالاسئله للاستاذ حازم ان كنتم مازلتم تثقون به.

انا بعد اذنكم هتوقف عن الرد فى الموضوع ده لضيق وقتى الشديد هذه الايام. برجاء سامحوا تقصيرى خصوصا ان انا حاسس اننى بذلت مجهود و جبت مستندات اكتر من اللى جابها الاستاذ حازم نفسه.

[Salwa]

استاذ ريمون .

احييك على ذوقك وأدبك وصبرك وديبلوماسيتك .

واشاركك الرأى .....حضرتك قلت .

حاسس اننى بذلت مجهود و جبت مستندات اكتر من اللى جابها الاستاذ حازم نفسه.

ده كلام صح جدااااااا

متفقة معك جدااا.

وفى الحقيقة ( ما ابسط اظهار الحقيقة والحقائق )...مسألة الترشيح لرئاسة مصر تستحق فعلا مزيد من الجهد من ( ناحية المرشح او اسرته ) ومارأيناه سواء من مستند ( يشجب ما يحدث ) أو...مناورات قضائية ..

من جانب واحد..

يجعلنى أفكر فقط فى أن ما يحدث هو ......(( لامبالاة ...بشعب يفهم جيدا ...,و محاولات لطمس الحقائق...تضييع وقت يعنى .))

سبق لى وقلت هنا.....الشيخ حازم لايعيبه ان والدته اميركية وكان باستطاعته القول ..

ان كل ( من سبقوه ) لم يكونوا مصريين فقط أو أن جيناتهم لم تختلط بجينات الفرنجة .

قالها السيد ريمون ..

قالها الاستاذ محمد..

قالها أى عاقل .....يعيش فى اوروبا او اميركا ..ويعلم جيدااا جدااا أنه توجد حقائق لايستطيع فرد أو جهة تزويرها .

فيه عشرين مستند يثبتوا جنسية من يعيش هناك..

خلاص....ليحضر مستند واحد يثبت عكس كل ما يقال ...!!!.....واااحد فقط.

هذه السيدة ( رحمها الله ) توفت وهى تحمل الجنسية الاميركية .

وبدلا من الدفاع عن ........هى كانت اميركية والا لأ...

اسألوا نفسكم ........ليييييييييييييه زوج اخته لم يقسم؟؟؟

ولييييييييييييه ..لم يكتب كلام واضح وصريح ف البيان اللى كتبه؟؟؟

ومليون لييييييييييه....بس محدش عاوز يقتنع .

والصراحة بقى الموضوع زاد قوى قوى عن حده....

وحرام كل ده يحصل بسبب ( شيخ ).... كووول اسرته اميركية .

الله؟؟

يارب يارب الدكتور عبد المنعم ابو الفتوح يكون رئيس مصر القادم.

يارب .

ووقتها ..حاتثقوا فقط فى حكمة ربنا .

وفى معنى كلمة ..(( الأصلح ))..

[أبو محمد]

هو لسه فيه ناس بتدور على بيانات الوالدة الله يرحمها ؟

السيدة توفيت إلى رحمة الله .. وأخبار وفاتها نشرتها وسائل الاعلام العالمية .. إيه الغريب إن إسمها يتشال من الجداول ؟ .. مش يمكن بنتها بلَّغت بوفاتها تحاشيا للمخالفة وتوقيع جزاء على من لا يبلغ من أقارب الدرجة الأولى .. أو تكون بلغت للحصول على أى مزايا ولتكن ضمن أى Pension Plan مثلا ؟

أنصح المهتمون بتتبع أخبار جنسية والدته أن يهتموا بالسؤال عن صحته .. فآخر ما قرأته عنه كان :

أبو إسماعيل لأنصاره: إصابة فى قدمى منعتنى من المشاركة فى الاعتصام

الثلاثاء، 24 أبريل 2012 - 22:31

كتب محمد السيد

Add to Google

كشف الشيخ حازم صلاح أبو إسماعيل، المرشح المستبعد من الانتخابات الرئاسية، عن سبب غيابه عن المشاركة فى الاعتصام الذى نظمه أنصاره فى ميدان التحرير، مؤكدا إصابته بجزع فى قدمه اليسرى بسبب سقوطه من فوق سلم اللجنة العليا للانتخابات الرئاسية أثناء تقدمه بتظلم ضد قرار استبعاده من الانتخابات، وهو الأمر الذى يمنعه من الحركة بناء على تعليمات الأطباء.

وأوضح أبو إسماعيل فى البيان الذى ألقاه على المعتصمين فى ميدان التحرير عبر الهاتف أن قطار انتخابات الرئاسة قد تخطاه بسبب ضيق الوقت لإثبات كذب اللجنة، على حد قوله، مضيفًا أنه يحاول الآن إبطال قرار الاستبعاد للعودة مرة أخرى لسباق الرئاسة.

ودعا أبو إسماعيل أنصاره إلى الحشد بميدان التحرير وتزايد أعداد الخيام لأنهم هم الشىء الوحيد على الجبهة الأخرى للميدان، وأنه يعد لتجميع هذه الجموع فى تيار واحد ليشهد تاريخ البلاد عملا كبيرا خلال الأيام المقبلة.

وقال: الله بعثنا فى شخص اسمه حازم وحازم لا يمثل إلا قطعة قماش وضعناها على خشبة، فالقيمة ليست فى قطعة القماش، ولكنها فى الرسالة التى بعثنا بها.

وأضاف أبو إسماعيل: إننا مصرون إلى العودة للحراسة الشعبية وهى ما تفعلونه الآن "إشارة إلى اعتصام أنصاره" فهى سنة الله، مشيرا إلى أن مليونية الجمعة الماضية قد تم حشد المواطنين للإبعاد عن الأمور الرئيسية ولتفريق الجماهير وإبعادهم عن الحقيقة، لافتا إلى أنه علم بحدوث مفاجأة كبرى من اللجنة العليا المشرفة على انتخابات الرئاسة، وختم كلامه بمطالبة أنصاره بضرورة الحشد المستمر بالميدان حتى فى الإجازات.

يا سلام سلـِّم .. يارب