شفيق راح .. شفيق جه .... الله عليه العوض

[القط الابيض]

مهنه المحاماه ..كأي مهنه بها الجيد وبها مادون ذلك ...

وتنقسم هذة المهنه بمصر الى قسمين لا ثالث لهم ...

الأول محام مجتهد يحفظ ويلم بدهاليز القانون ..

وأخر يحفظ بعض الشيء لكنه يعتمد على معرفته بمن يقف امامهم ..

هكذا تسير الأن مهنه المحاماه ولهذا تجد الكثيرين يبتعدون عنها ..ليس لقله الحيله وانما للبعد عن ,, او لنقل البعد عن الشبهات ..

انتهى وقت أن كانت تلك المهنه تجعل من منتسبيها يشار اليهم بالبنان

ولهذا نشاهد من يحفظ ويعتمد على ...... ؟؟؟؟؟؟

وتكون النتيجه هي !!!!!!

[Om Zayd]

السلام عليكم و رحمة الله و بركاته

مداخلة من المستشار حاتم بيجاتو أمين عام اللجنة العليا للإنتخابات الرئاسة و رد من المستشار محمد حامد الجمل رئيس مجلس الدولة الأسبق

http://www.youtube.com/watch?v=iDI8BRNeYGg

[ام سلمي]

أرجو أن أكون قد أوضحت أننى لم أقصد أبدا استهجان رأى لحضرتك ..

الاستاذ الفاضل ابو محمد

شكرا لحضرتك علي التوضيح ، و اعتذر عن سوء فهمي

و احترم بالتأكيد رأي حضرتك في ما قاله الاستاذ عصام سلطان او في قرارات اللجنة العليا

حتي ان اختلفت مع هذا الرأي

تحياتي

تم تعديل 27 أبريل 2012 بواسطة ام سلمي

[ام سلمي]

شوفوا رد فاروق سلطان وبجاتو علي اسئلة الصحفي عن رجوع شفيق ، و ازاي نهوا المؤتمر بسرعة :)

http://www.youtube.com/watch?v=ITQxalmjEMU&feature=share

[ام سلمي]

رأي المستشار هشام جنينة رئيس محكمة استئناف القاهرة في فاروق سلطان

المستشار هشام جنينة يدعم مطالب تغيير لجنة فاروق سلطان

أكد المستشار هشام جنينة رئيس بمحكمة استئناف القاهرة وأحد قيادات تيار استقلال القضاء في مصر أن التاريخ القريب للمستشار فاروق سلطان رئيس اللجنة العليا للانتخابات الرئاسية وطريقة اختياره لا تبشر بالخير وتنذر بأمور لا تحمد عواقبها.

وقال: إنني أؤيد بشدة المطالبات الشعبية بتولي شيخ القضاة ورئيس مجلس القضاء الأعلى المستشار حسام الغرياني رئاسة اللجنة العليا للانتخابات الرئاسية بدلاً من رئيسها الحالي، مشيرًا إلى أن اعتراضه على الرئيس الحالي ليس اعتراضًا على المحكمة الدستورية العليا، وإنما هو اعتراض على شخص المستشار فاروق سلطان وتاريخه وممارساته الخاطئة.

وأضاف أن ممارسات سلطان منذ أن كان رئيس محكمة جنوب القاهرة الابتدائية وموقفه من انتخابات النقابات المهنية واختياره لبعض أعضاء اللجنة، أمثال المستشار عبد المعز إبراهيم رئيس محكمة الاستئناف المتورّط في قضية التمويل الأجنبي، تُلقي بظلال من الشكوك حول نتائج الانتخابات المزمع إجراؤها في مايو المقبل.

وأوضح أن مطلب تولي الغرياني رئاسة اللجنة مطلب شعبي رائع يستدعي تبنِّي كل القوى الثورية له والضغط الشعبي حتى يدخل حيِّز التنفيذ.

http://www.ikhwanonline.com/new/Article.aspx?SecID=230&ArtID=107185

[ام سلمي]

كما كان متوقع طلعت اعلانات الرئيس المنتشرة في مصر لاحمد شفيق

شفيق يستحوذ على "الرئيس" بـ3 ملايين جنيه

استحوذ الفريق أحمد شفيق المرشح لانتخابات الرئاسة على إعلانات الرئيس المنتشرة في الشوارع الرئيسية في مصر بعد أن دفع 2 مليون و950 ألف جنيه مقابل الحصول على الإعلانات.

وكانت إحدى الشركات الإعلانية قد طرحت مزايدة على إعلانات الرئيس واستطاع شفيق الحصول عليها، وبدأت في نشر شعارات وصور شفيق منذ صباح اليوم الثلاثاء مع بدء مرحلة الدعاية الرسمية لمرشحي الرئاسة.

وكانت بوابة الوفد أول من أشارت إلى أن إعلانات الرئيس تخص شفيق، وسط تكتم من إحدى الشركات الإعلانية على صاحب تلك الإعلانات.

يذكر أن الحد الأقصى الذي حددته اللجنة العليا لانتخابات الرئاسة للدعاية الانتخابية يصل إلى 10 ملايين جنيه لكل مرشح في الجولة الأولى، ومليوني جنيه في جولة الإعادة.

اقرأ المقال الأصلي علي بوابة الوفد الاليكترونية الوفد - شفيق يستحوذ على "الرئيس" بـ3 ملايين جنيه

[se_ Elsyed]

قناة CBC بدأت برنامجها بأستضافة المرشحين للرئاسة في الأستديو التحليلي لخيري رمضان ومجدي الجلاد وبعض الخبراء المتخصيين .. بدأوا بالشفيق أحمد فريق

انا سمعت شوية إمبارح من البرنامج الساعة 9 بتوقيت مصر .. والنهاردة كملوه

بجد .. أنا فرحان قوي بالراجل ده وكويس إنه بيتكلم ويبعبع ..

بجد والله العظيم يا جماعة .. فضيحة متحركة على الأرض .. ووجه اخر لمبارك بس على عبيط

من اوائل الأسئلة اللي إتوجهت له : مين الفريق الرئاسي اللي شغال معاك في برنامجك الرئاسي ؟

ج : أنا بلا فخر خبرة 41 عام ... وبالتالي مش محتاج أي إستشاريين معايا وأنا بأعتمدعلى خبرتي

ومن إمبارح وتل أبيب متحزمين وبيرقصوا بعد ما اعلن إمبارح إنه على استعداد لزيارة إسرائيل بشرط توافر حُسن النية

النهاردة يدعوت أحرونوت ردوا عليه وقالوا : مرحباً بشفيق في بيته

يا الف ليلة بيضا ونهار نادي

[ام سلمي]

عصام سلطان بيفضح اللجنة العليا و بيذكر بالتفصيل اخطاءها

من الاسرار اللي قالها ان قانون العزل لما الجيش ارسله للمحكمة الدستورية للفصل في قانونيته

قضاة مفوضي الدستورية العليا كتبوا تقرير انه قانوني و قبل ما يعلنوه اخده رئيس المحكمة اللي هو

فاروق سلطان وبعت لقضاة تانيين هما اللي رجعوا القانون للعسكري لعدم الاختصاص

شوفوا الفيديو

http://www.youtube.com/watch?v=5dKpOoWD0to&feature=share

[طارق مصرى]

قناة CBC بدأت برنامجها بأستضافة المرشحين للرئاسة في الأستديو التحليلي لخيري رمضان ومجدي الجلاد وبعض الخبراء المتخصيين .. بدأوا بالشفيق أحمد فريق

انا سمعت شوية إمبارح من البرنامج الساعة 9 بتوقيت مصر .. والنهاردة كملوه

بجد .. أنا فرحان قوي بالراجل ده وكويس إنه بيتكلم ويبعبع ..

بجد والله العظيم يا جماعة .. فضيحة متحركة على الأرض .. ووجه اخر لمبارك بس على عبيط

من اوائل الأسئلة اللي إتوجهت له : مين الفريق الرئاسي اللي شغال معاك في برنامجك الرئاسي ؟

ج : أنا بلا فخر خبرة 41 عام ... وبالتالي مش محتاج أي إستشاريين معايا وأنا بأعتمدعلى خبرتي

ومن إمبارح وتل أبيب متحزمين وبيرقصوا بعد ما اعلن إمبارح إنه على استعداد لزيارة إسرائيل بشرط توافر حُسن النية

النهاردة يدعوت أحرونوت ردوا عليه وقالوا : مرحباً بشفيق في بيته

يا الف ليلة بيضا ونهار نادي

بس الحقيقة عاملين شغل جامد خيرى و الجلاد كانوا ذوق ذوق ذوق بصراحة معاه و كمان جايبين شوية مطبلتيه كل ما شفيق يهيس يرحوا مصفقييييييييين

[se_ Elsyed]

بس الحقيقة عاملين شغل جامد خيرى و الجلاد كانوا ذوق ذوق ذوق بصراحة معاه و كمان جايبين شوية مطبلتيه كل ما شفيق يهيس يرحوا مصفقييييييييين

لأ كل المرشحين يا طارق اللي هاييجوا البرنامج هاييجي معاهم المبطللاتية بتوعهم

بس بصراحة .. نظرتي في الشفيق أحمد فريق ما خيبيتش .. شخصية لزجه .. وديكتاتور لأبعد الحدود ولا يقبل الرأي الاخر .. ولمجرد المعارضة بينفعل ويهلفط في الكلام .. إمبارح عملوا فقرة خلوا فيها المرشحين الاخرين يوجهوا له أسألة .. وسأله ابو الفتوح وخالد علي وحمدين صباحي .. وكلهم سألوة عن موقعة الجمل وعن الفساد اللي كان في وزارة الطيران وعن طرمخة البلاغات اللي متقدمة ضده.. وفجأة ده بقى يرتعش ويهلفط وكانت حالته حالة ....

ولما سألوه .. إن بعد سنتين من ترشحيه - والعياذ بالله - لو خرج الملايين يقولوا الشعب يريد إسقاط النظام .... هلفط وقال مافيش حاجه إسمها إسقاط النظام .. وده تهريج .. واللي عاوز يقول يسقط النظام .. هانخصص له مكان زي الهايد بارك يقول اللي هو عاوزه وهانشغل له موسيقى كمان ..

يعني زمان كان نونبوني .. ودلوقت موسيقى .. والله ما في أحلى من كده .. يعني أحلي وأسمع مزيكا وتبق مليونيات عجب

[طارق مصرى]

ده مش السى بى سى بس يا جدعان

[ريمون]

ده مش السى بى سى بس يا جدعان

الله يرحم ايامك يا ابراهيم عيسى لما كان الدستور من الجرايد القليله اللى بتقول الحق

بعد ما ابعدوك فى 2010 بقى الجرنان بتاع الكلاب

بس هانت

[أبو محمد]

إمبارح عملوا فقرة خلوا فيها المرشحين الاخرين يوجهوا له أسألة .. وسأله ابو الفتوح وخالد علي وحمدين صباحي .. وكلهم سألوة عن موقعة الجمل وعن الفساد اللي كان في وزارة الطيران وعن طرمخة البلاغات اللي متقدمة ضده.. وفجأة ده بقى يرتعش ويهلفط وكانت حالته حالة ....

فعلا ال cbc عاملين شغل كويس جدا .. ومانشيتات الدستور هى تحليل د. معتز بالله عبد الفتاح للمقابلة مع شفيق .. وحيتناوب هو وعمرو حمزاوى عملية التحليل فى استوديو التحليل (زى ماتشات الكورة) اللى بيقدمه عماد الدين أديب ..

والفقرة بتاعة أسئلة المرشحين التانيين كانت من الفقرات المثيرة فى المقابلة .. وحتتكرر مع كل المرشحين

دى فقرة أسئلة خالد على ، وابو الفتوح ، وصباحى

http://www.youtube.com/watch?v=96-lcQvp-04

[ام سلمي]

حكايات شفيق

ودخل مرشحنا الثانى , وهو من الجو الحار يعانى ...

ووقف أمام شيخنا العارف بالله , ليبث إليه همومه وشكواه ...

وقد كان يرتدى البلوفر , وقال الجو النهاردة بجد أوفر ...

حر جدا وخنيق , ثم تنحنح وقال أنا أحمد شفيق ...

ووقف والعرق يتساقط منه بشكل محسوس , حتى أشار إليه الشيخ بالجلوس

فقال " لماذا يكرهنى هؤلاء " , وكأنى مرشح من بولاق ...

بالرغم منى أننى ذو المقام العالى , الذى تربيت على كل نفيس وغالى ...

يكرهوننى وأنا من سلالة شريفة , ويداى من كل تلاعب نظيفة ...

صحيح أننى أيام رئاستى لوزارة الطيران , قبل أيام الثورة القطران ,

أسندت لإحدى شركات علاء لتباشر , أعمال المطار بالإسناد المباشر ,

فهو إبن سيدى مبارك , ربنا يزيد فى ثروته ويبارك

ولم أستفد سوى بقرشين , جبت بيهم قصر فى مارينا وكام فيلا وشقتين ,

وكام حتة أرض لبناتى شرين ومى وأميرة , وإرضاء البنات كما تعلم حاجة جميلة ...

وكل هذا لم يكن نقيصة , قبل قيام الثورة الخبيثة ...

أه لو تعود أيامى الميمونة , فتبا لتلك الثورة الملعونة ...

كانت أياما سارة , خاصة عندما كنت أقود لمبارك السيارة

فقاطعه الشيخ " إنجز ياعم البلوفر " , دا إنت راجل بجد أوفر ...

ثم إعتدل مرشحنا بأناقة , قبل تلتمع عيناه بدمعة رقراقة ...

ثم أتت الثورة السوداء , لأعين رئيسا للوزراء ...

ففرحت كأنى سأفتح عكة , ولبست بلوفر من أحسن ماركة ...

وخرجت على الناس بمعسول الكلام , لأرفع عن مبارك أى حرج أو ملام ,

وحتى أضحك على الثوار ولا يلومونى , قلت لهم خليكم وأنا أجيبلكم بونبونى ...

وقلت لهم كلام زى العسل , قبل ما نسحلهم فى موقعة الجمل ,

وللأسف كانت هذه النهاية الرهيبة , وتنحى مبارك فيالا المصيبة

ولم أبق بعده إلا أياما معدودة , وخرجت من الوزارة فى لحظة مشهودة ...

وسكت على إنتهاكات العسكرى , ولم أقل أى تصريح منصفا أو عنترى ...

وما أن أصبح الشعب ما بين قتيل ومدان وشريد , حتى إستدعانى طنطاوى سيدى الجديد ...

ودفعنى دفعا بشكل حثيث , حتى أترشح لمنصب الرئيس ...

حتى يكون الرئيس للعسكر كلب أمين , ويستمر حكمهم سنين وسنين ..

وإحدى أهدافنا يا شيخنا الأمين , أن نفرج كرب مبارك المسكين ...

ونزيل من وجهه الوجوم , ونخرجه من محبسه الخمس نجوم ...

ونعيد أيام مجدنا الجميلة , بدل المرحلة دى المنيلة بنيلة ...

فماذا إذا يكرهنى الجميع ويهاجمنى , أخبرنى يا شيخنا وأجبنى

فتراجع الشيخ فى مقعده يتأمل شفيق , وتمتم فى سره " دا إنت عيل خنيق " ...

ثم بصق على جانبه بتأفف , وقال "سأجيبك بقدر من التلطف " ...

يا عزيزى كل الحكاية , أن ماقلته فيه الكفاية ...

ثم أن الرئيس يحتاج إلى كاريزما , وإنت بصراحة مالكش لازمة ...

وكلما سئلت عما تخفيه , لا نجد إجابة منك إلا "إيـــــه ؟" ...

وستكون للعسكرى خاضع ذليل , وللأعداء حقا عميل ...

وإذا أصبحت يا هذا رئيسا بعد الثورة , فستكون فى حقنا أكبر عورة ...

وتأكد بعد كلامك الخبيث , سيضغط الكل شير كثير حتى تستغيث.

[se_ Elsyed]

شفيق على قناة النهار في برنامج موعد مع الرئيس ...

عنجهية وكبر مالهمش حل ... وبيتهيء لي هايقلع اللي في رجلة ويضرب خالد صلاح .. لانه لا يتحمل اي نقد .... شخصية غير مقبولة من الأخر

[se_ Elsyed]

شفيق بيردح ويشرشح لعبد المنعم أبو الفتوح وبيقول عليه : كيف يطمح أو يترشح إنسان لمنصب زي رئيس الجمهورية وهو كل وظيفته إنه بيوصل بطاطين ومساعدات للناس

أه على فكرة إتفرجت على حته كده ماركة مبارك .. بالنص بيرد على الهبل اللي حصل في الفترة الإنتقالية وبيقول : المسئول عنها تماماً هو رئيس الوزراء في أي وقت لان رئيس الوزراء هو المسئول الأول والأخير .. والمجلس العسكري لا دخل له مطلقاً بإدارة شئون البلاد .. وهذا كان يحدث بالمناسبة أيام مبارك حيث كان رئيس الوزراء هو من يتصرف في كل شيء .

أه يابن الـ تييييييييييييييييييييييييييت

فعلاً المخ الجزمة هايفضل جزمة

والله يا جماعة مبارك والتاريخ مسجل له كده قال : لما كنت نائب للسادات كان بيعتمد عليه في حل أزمات كتيرة جداً وكنت عامل نشاط هايل .... ولأن الكذاب نساي ... فلما كانوا بيسألوه ليه ما عينش نائب لمدة 30 سنة قال : نائب الرئيس منصب ليس له أي صلاحيات وبيعمل مشاكل مع رئيس الوزراء .

اهو شفيق بيعترف بنفسه إنه لا قدر الله وده في الأحلام لو فاز ههايبقى قرطاس ورئيس الوزراء هو اللي هايعمل كل شيء .

[shawshank]

اهو شفيق بيعترف بنفسه إنه لا قدر الله وده في الأحلام لو فاز ههايبقى قرطاس ورئيس الوزراء هو اللي هايعمل كل شيء .

وإنه مسئول تمامًا عن موقعة الجمل.

[متعب]

انا مع ترشيح احمد فشيق للرياسه

ولو تم نجاحه بالفعل ده بيعتبر نجاح الثورة مفيش كلام

واعتقد انهم مش هيسمحوا بده لانهم كده بيضحوا بالكراسى رسمى ابن عم نظمى

الخطر الوحيد على الثورة هى الاخوان مفيش كلام

ولو وصلوا للحكم انتهت مصر برده مفيش كلام

اولا الاخوان ماشيين فى سياسه التظليل بشكل غريب جدا وعندهم قدرة غريبه جدا على حشد الاصوات لصالحهم رغم كل مواقفهم العرة على الساحه . ومطلوب من كل عضو من اعضائها انه يحصل على حشد على الاقل على خمسين صوت

تحت شعارات بقى جربونا مرة واحده وفى المرة الواحده دى هيعيدوا تقييم النظام ويتم تسيسه من القضاء الى ساعى البريد وهيكون كله تحت امر الاخوان وهيتم تدبيح ربع ولا نص الشعب على الاقل باعتبارهم خارجين على الشريعه الاسلاميه وابقوا قابلونى لو حد عرف يصرفهم تانى

النغمه ال شغاله حاليا بالنسبه للضحك على المتعلمين . بيدعوا ان فى حاله فوز الاخوان هيدخل مستثمريين لمصر بمبالغ 200 مليار دولار

اما الباقى بتوع العزب والقرى دول هيتحملوا على الجرارات الزراعيه من كل فج عميق وخش وعلم على زعبله وهندخلك الجنه .

الماده 28 موجوده من ساعه ماعملوا الاعلان الدستورى بس مشفناش حد من الاخوان اعترض عليها لانها كانت لصالح مرشحهم فسكتم بكتم

ولما دخل سليمان واحمد فشيق نزلوا مظاهرات فى التحرير بيطالبوا بالغاء الماده 28 . اشمعزة بقه

فشيق يبقى مكسب للثورة ازاى

ان هيخلصنا من الاخوان

والخطه كتاتى

فشيق ينزل الساحه وطبعا باعتباره فلول القوى السياسيه وبما فيهم الاخوان هيعترضوا عليه وجميع الحركات هتدخل فى اللعبه وتقوم ثورة تانيه على النظام والمرة دى هتكون اسقاطه يعنى اسقاطه وطز فى ام السلميه العبيطه دى ال رجعتلنا الفلول تانى . التصفيه هتشتغل على ابوه . شغل يابنى يعنى

تصفيه بتاعه بلادها . وساعتها الاخوان هيكون كمان انكشفوا للشعب اكتر فالشعب كده كده هيخلعهم فى البرلمانات والسكريات والشربات

وتبقى كده بالفعل نجحت الثورة

النظام حط مصر بين المطرقه والسندال . بين التيارات المتأسلمه والنظام وهو نفسه ال هيدفع نتيجه الاختيار ده . لان لو الاسلاميين وصلوا هيتم تصفيه النظام لامحاله واذا النظام سيطر هيكون نفس المصير للاخوان وهيتم برده تصفيتهم . يعنى المطرقه والسندال هما حطوها لنفسهم مش للشعب

وفطس الكلام وطلع كده فى الروح كمان

[shawshank]

حكم القضاء الإداري بوقف تنفيذ قرار لجنة الانتخابات الرئاسية بإحالة قانون العزل السياسي للمحكمة الدستورية العليا. وبكده يبقى المفروض شفيق برة. متوقع يطعن أمام الإدارية العليا، وحكمها نهائي.

[ام سلمي]

اتمني شفيق يخرج بجد من السباق

حاسة انهم حيلعبوا لعبة جديدة علشان يخلوه يستمر

صاحب الدعوى: حيثيات حكم "الإدارى" حول العزل ستصدر اليوم.. واستبعاد شفيق أثر طبيعي

بوابة الأهرام

أكد شحاتة محمد شحاتة، مدير المركز العربي للنزاهة والشفافية -صاحب الدعوى التي أصدرت محكمة القضاء الإدارى حكمها فيها- أن قرار محكمة القضاء الإدارى بوقف تنفيذ إحالة قانون العزل السياسي إلى المحكمة الدستورية العليا، يترتب عليه استبعاد اسم الفريق أحمد شفيق من كشوف المرشحين.

وقال شحاته لـ"بوابة الأهرام" إن حيثيات الحكم ستصدر اليوم الأربعاء، موضحاً أنه لم يتعرض لمسألة استبعاد أحمد شفيق بشكل مباشر، فالاستبعاد أثر طبيعي، مشيراً إلى أن الحكم غير مرتبط بصدور القائمة النهائية للمرشحين من اللجنة العليا للرئاسة مساء أمس الثلاثاء.

وأضاف أنه أكد في مرافعته أن المادة 29 من قانون المحكمة الدستورية حددت كيفية إحالة المواد القانونية لها، وما حدث في إحالة قانون العزل السياسي صدر من محكمة غير مختصة، ويمثل اعتداءً من الإدارة على اختصاص السلطة القضائية