استفسار بخصوص توثيق الشهادات والاوراق

[Abdallah Gamil]

السلام عليكم ورحمة الله وبركاته

انا الحمد لله تعاالى روحت اول امبارح وخلصت الكشوفات وتحليل الفايروس ومستنى النتيجة

انا مسافر على تاشيره حره بمسمى عامل عادى

سمعت عن ناس قبل ماتسافر بتوثق شهادتها من القنصليه السعودية والملحق الثقافى

وفيه ناس بتوثقها فى الخارجية بس

ممكن حد يقولى هوا الشهادة المتوثقة ليها مده معينه لازم تستخدم فيها ولو ما استخدمتشى لازم تتوثق تانى ولا المده مفتوحة

انا كنت ناوى اوثق شهادة البكالوريوس وشهادة الماجستير وشهادة الميلاد بتاع المدام وبتاع ابنى وقسمية الزواج

وسمعت انى ممكن اغير المهنه الى مهندس زراعى ( تخصصى ) وده هايسهلى حاجات كتير فى الممكله

وفيه واحد قالى انك مينفعشى تغير المهنه الا لما تكون بقالك سنتين (2) فى السعودية ولازم يكون نشاط الكفيل قريب من تخصصك علشان تقدر تغير المهنه وتعمل استقدام

المكتب قالى انه هايوثقلى شهاده البكالوريوس والماجستير كل واحده ب 200ج من القنصلية والملحق الثقافى

وشهادة الميلاد والزواج كل واحده ب 100ج

الاسعار دى حلوه ولا غالى

ياريت حد يهتم ويرد عليا

شكرا جدا

[احمد حمدى]

بسم الله الرجمن الرحيم

اولاً الاسعار دى غاليه جدا

كل التصديقات دى بتخلص تقريبا 250 جنيه كل الاوراق

بالنسبه لمهنه عامل ملهاش استقدام ولا ليها زيارة

بالنسبه لتغيير المهنه عادى ممكن تغيير المهنه فى اى وقت لكن لازم تكون المهنه اللى مغير عليها تكون متوافقه من نشاط المؤسسه او الشركه اللى انت طالع عليها وكمان تكون متوافقه مع مؤهلك الدراسى لكن فيه مشكله لو كفيلك فرد مش شركه او مؤسسه دى بتكون تغيير المهنه صعب شويه

بس ملحوظه مهمه والكل بيقع فيها قبل ما تسافر لازم توثق كل شهاداتك اللى هى

1- شهاده المؤهل الدراسى

2- قسيمه الزواج

3- شهادات ميلاد الابناء

والتوثيق لازم يكون من الخارجيه المصريه ومن السفارة السعوديه والممثليه السعوديه فى القاهرة

وبالنسبه لمده ثوثيق الشهادات دى ملهاش مده معينه يعنى بدال وثقت الشهادات خلاص هى مفتوح طول العمر معاك

بالتوفيق ان شاء الله

[Abdallah Gamil]

شكرا ليك ياباشا بس ممكن تعرفنى على مكتب كويس اروحلة يصدقلى الورقه ده بالسعر اللى انت قولت عليه

وياريت لو رقمة اكون شاكر ليك جدا

[Abdallah Gamil]

هل من مجيب

[sheriff]

سعر توثيق الشهاده الواحده من القنصليه السعوديه 70 جنيه

اما شهاده البكالوريوس انا وثقتها من الملحق الثقافى والقنصليه ب 140 جنيه كل ختم ب 70 جنيه

انا وثقت شهاداتى من مكتب اسمه فهد وهناك مكاتب اخرى حول القنصليه فى القصر العينى بس مش تدفع اكثر من هذا

بس فى الاول وثقها انت من الخارجيه

الكلام ده من خمس شهور

[drdalia]

انا وثقت اوراق المؤهل ب 50 جنبة للورقة من حوالي شهرين بس ده علشان كان مكتب معرفة

اعتقد ممكن تفاصل مع اي مكتب

لان السعر الحقيقي لطابع اللي علي الورقة 30 ريال يعني السعر الاصلي حوال48 جنية