الرصاص الحي و الخرطوش في مواجهة المعتصمين أمام وزارة الدفاع

[م تيمور المراغي]

ابريلي اعزل قصاد الف ( مغيب ) مسلح ...

[ابراهيم عبد العزيز]

حازم أبو إسماعيل في بيان أصدره منذ قليل على صفحته الرسمية على الفيسبوك : أدعو الجميع لإجتماع عاجل في ميدان التحرير الجمعة القادمة وعلى الله توكلنا

أدعوا الجميع إلى الإجتماع فى صلاة الجمعة القادمة فى ميدان التحرير للنظر فيما آلت إليه الأمور من فواجع مؤلمة و إن شاء الله سأكون بينهم على الرغم من ظرفى الصحى البالغ و إننى لم أتعافى بعد لكنى إن شاء الله سأذهب مهما كان الحال.

فإن عودة المظالم لتلتف على البلد مرة أخرى هى الآن فى سهمها الأخير و لا يسع أحدنا أن يتخلف لذلك أرجوا ألا يتخلف واحدا كبيرا أو صغيرا أو رجلا أو أمرأة و نسأل الله أمر رشد و سكينة فى هذا البلد الغالى.

كما أرجو ألا يخاف أحدا أو يضطرب بسبب البرامج التليفزيونية و القنوات الإعلامية التى أجرت السلطات إتفاقات معها مسبقة للإيهام بغير الحقيقة و قلب الوقائع لإيقاع الناس فى الظن بما ليس حقيقيا و إستخدام السياسيين و الإعلاميين فى الترويج لذلك من باب التمهيد لأمور مدبرة فإننا لن نصدق حق الصدق إلا إذا كنا ممن لا يضرهم كيد الكائدين عن كفاءة الحفاظ على هذا الوطن و الرسالة.

و لذلك سنكون معا جميعا إن شاء الله يومها فى حدث كبير أدعوا إليه لأول مرة منذ ستة أشهر و الذى لم تكن خلالها أى دعوة للإجتماع على هذا النحو لولا ما آلت إليه الأمور الآن و على الله توكلنا.

تم تعديل 5 مايو 2012 بواسطة ابراهيم عبد العزيز

[م تيمور المراغي]

معاك يا بو اسماعيل ..................

[التونسى]

عايز اسأل تيمور حاجه و يجاوبني بوضوح

نواره و 6 ابريل يتبعون منهجا فكريا مخالف تماما لمنهج اتباع ابو اسماعيل و السلفيين

احداث العباسية بدأت بذهاب اتباع ابو اسماعيل الى وزارة الدفاع بسبب استبعاد حازم من السباق و هو هدف شخصي فئوي

ايه اللي يودي نواره و زملاءها و 6 ابريل و من يتبع منهجهم للتورط في امر ذو ابعاد شخصيه حازميه واضحه ؟؟؟؟؟

فهمني و خدني على قد عقلي

شكرا

السؤال ده بيؤكد لى فرضيتى اكتر واكتر اللى بفكر أطرحها فى موضوع لولبى ان شاء الله لاحقا ..

السؤال ده من الفنان زوهيرى بيوضح حاجات كتير اهمها

أولا إن الثوره فشلت فى عيون كثير من مؤيديها

ثانيا ان الماء والزيت لن يجتمعان ابدا .. ومصر لن ترى خيرا بسببهما فى ظل تطاحنهما معا على مسرح السياسه

ثالثا .. ان المجلس العسكرى لو كان بيخطط لفتنه لاحداث وقيعه بين الاطراف المختلفه .. بل لو الشيطان نفسه وضعها بنفسه .. مكنتش حتنجح بالشكل ده .. والبركه فى النفوس

رابعا ان اخواتنا الليبراليين والعلمانيين يفكرون جديا فى عودة النظام السابق عبر الفلولى حسن السمعه ((عمرو موسى)) مضطرين طبعا ((ف جنة ذاك الفلولى .. ولا نار الاسلاميين)

خامسا ((لف وارجع تانى يابنى)) مع عدم الاعتذار لإبن الحرام اللى بسبع ترواح

[أبو محمد]

الأهرام

تم فى ساعة مبكرة من صباح اليوم إلقاء القبض على جمال صابر مدير حملة لازم حازم ابو اسماعيل فى انتخابات الرئاسة بتهمة التحريض على أحداث العباسية وتكدير الأمن العـام وإهانة المؤسسة العسكرية.

طبعا أنا نقلت اللي قاله إمبارح عن الجيش ... كبرت كلمة تخرج من فمه .. أن يقول هذا الخروف على جيش مصر العظيم ...نعامة

نموذج منفر غبي للمتشددين الاسلاميين لم يعد يصلح معه النقاش و التوعية

امر ممتاز ان يتم القبض عليه ليكون عبره لغيره

للأسف ما حصلش .. أنا لسه شايف طلعته فى برنامج "مصر تقرر" مساء اليوم .. وعندما واجهه المتصلون والمذيع والضيف الآخر وسألوه عن قوله : "أسد علىَّ وفى الحروب نعامة" .. جاوب على أسئلة تانية خالص .. هذه عينة لشجاعة أسد من أسود الإسلام .. كان رده : أنا ماكنتش متصور إن الجيش يعمل فينا كده امبارح .. ما كنتش متصور إن الجيش يضربنا امبارح بالرصاص (كما قال إبن الفاضلة أم احمد) ..

بقى الجيش ضربكم بالرصاص ؟ .. طيب وكام واحد ماتوا من أشاوسكم الذين ذهبوا لفتح مكة وقتال المشركين ؟ .. حصيلة أمس - أيها الكذاب - كانت شهيد واحد من صفوف الجيش .. بطلق نارى (رصاص حى) .. تعرف يا مولانا لو عسكرى واحد خرج عن شعوره بعد استفزازاتكم وطلع دفعة واحدة من الآلى كانت حتبقى الحصيلة كام ؟ .. تعرف تعد ولا ما تعرفش غير الكذب ؟ .. عدها على مهلك واسأل نفسك لو كان "الجيش" ضربكم بالرصاص كان حيهلك كام واحد منكم ؟

ولكن إذا طلع العيب من أهل العيب ما يبقاش عيب .. ماهو حضرتك مدير حملة "لازم حازم" .. لما يكون "لازم الكذاب المدلس رئيس لمصر" .. تبقى حضرتك و"الجيش" اللى كنت واخده معاك العباسية عشان تقولوا "لازم حازم" تبقوا إيه ؟ .. وبعدين لازم ليه ؟ .. وبأمارة إيه ؟ وانت ومن معك تمثلون نسبة كم من الشعب المصرى علشان "تلزمونا" بحازم ؟ أيها الكاذبون ذوى الأيادى الملوثة بدماء الأبرياء .. لم يعد أحد يطيق أن يرى وجوهكم على الشاشات .. ولقد واجهك أكثر من مشترك ومشتركة بأنهم لا يريدون أن يروا وجهوكم .. وكنت تطأطئ رأسك وتمضى فى أكاذيبك وبهتانك

الحمد لله أننى لا أحملكم المسؤولية الآن بعد أن سالت الدماء .. ولكنى حملت زعيم الكذابين ، وحملت المخدوعين الذين صدقوه وسقتهم أمامك (أو خلفك لا تفرق) المسؤولية قبل أن يعلن القرار النهائى باستبعاد الكذاب .. سقتهم أولا إلى اعتصام مقر اللجنة القضائية العليا للانتخابات عسى أن تسيل الدماء فلم تسل .. ثم سقتهم إلى اعتصام فى ميدان التحرير عسى أن تسيل الدماء فلم تسل .. فتفتق ذهن الشيطان الأكبر وأصدر التعليمات بتوجيهكم إلى حيث من المؤكد أن تسيل الدماء .. فلم تسل .. ثم صدرت التعليمات - بعد تحذيرات الجيش قبل اليوم الموعود بيوم - إلى اقتحام السياج الأمنى .. ومع ذلك كانت الحصيلة شهيد واحد من "الجيش الحقيقى" برصاصكم أيها الكذابون .. شاهت وجوهكم .. وأنكرت أصواتكم .. لا نريد أن نسمع إنشاد ابو اسماعيل ليرد عليه أبو الأشبال .. أغربوا عن مصر وشعب مصر بكذبكم وخداعكم

[م تيمور المراغي]

http://www.youtube.com/watch?v=vkU3t4XtOvI

بيت القاضي نسيب مورتا ليه حصانه لكن بيوت الله بيدخلوها بالجزم

في تاريخ مصر محدش عملها غير نابليون لما دخل الازهر هو وجنوده بالجزم

حانت نهايتك يا دولة العواجيز ....

[ام سلمي]

تحية واحترام لحازم صلاح ، اللي برغم التهديدات بالاعتقال والاستدعاء للنيابة كل اللي بيتكلم

عنه جرايم العسكر و الحساب اللي المفروض يتحاسبوه ، و الاجتماع للنظر في الامور اللي استجدت

لو لم يكن له اللا هذا الموقف الشجاع لكفاه ،

في الوقت اللي كتير من الناس اصبحوا في صف العسكر

او سكتوا علي جرايمهم ، او حتي شمتوا فيهم و كأن اللي ماتوا دول مش مصريين اخوات لينا

[م تيمور المراغي]

دي عينه من ولاد ابو اسماعيل .....

اي ثبات !!!

[م تيمور المراغي]

مرتضى منصور لما طلع وقال بعلو حسه : وزير الداخلية لو دكر يجي يعتقلني كان عارف انه ماسك ذلة على حرامية العسكر وتورطهم في موقعة الجميل عشان كده النظام بلع الاهانه وما هوبوش ناحيته ..

[م تيمور المراغي]

يعني إيــــــــــة حب الوطن ؟!!!

يعني دمك سايح و ســـــــايل في كل مكان و شفت الموت بعنيك و لسه بسمة الامل على شفايفك !!

[التونسى]

دي عينه من ولاد ابو اسماعيل .....

اي ثبات !!!

فوتو شوب !!!!

[التونسى]

يعني إيــــــــــة حب الوطن ؟!!!

يعني دمك سايح و ســـــــايل في كل مكان و شفت الموت بعنيك و لسه بسمة الامل على شفايفك !!

دى بقى فوتو ((حُب))

[نوران]

ترحيل معتقلات العباسية لسجن القناطر

[محمد عبدالعزيز]

صحيح يعني ليه الجنود ال6 اللي استشهدوا علي الحدود مع اسرائيل في شهر اغسطس اللي فات متعملهومش جنازة عسكرية مهيبة زي دي؟

وإيه أخبار الروح المعنوية دلوقتى للجنود الأشاوس؟

أكيد فى الحضيض عشان المجلس اختار يعلن الخبر المرة دى وماكتمش عليه زى أيام ماسبيرو, وطبعاً شفنا حالتهم المعنوية المتدهورة امبارح وهما بيقدموا وصلة رقص وغناء مع إخوانهم من المواطنين الشرفاء بعد انتصارهم الساحق فى موقعة العباسية.

[م تيمور المراغي]

يعني إيــــــــــة حب الوطن ؟!!!

يعني دمك سايح و ســـــــايل في كل مكان و شفت الموت بعنيك و لسه بسمة الامل على شفايفك !!

دى بقى فوتو ((حُب))

شاعر يا تونسي حتى في مناكفاتك

طيب شوف اشارة الحب دي كانت نتيجتها للاسف ايه ...

قبل لحظات الموت .. الثوار يُطعمون جنود الجيش تمراً

بقى دول يتقال عليهم شوارعية و حوارجيه

[ام سلمي]

حملة خالد على: "العسكري" يحمي الثورة المضادة.. وأحداث العباسية محاولة للمماطلة في تسليم السلطة

الحملة تطالب بالإفراج عن المعتقلين.. وتؤكد: كان من الأولي اعتقال البلطجية الذين هاجموا المعتصمين لخمسة أيام

جنود الجيش استفزوا المتظاهرين قبل الهجوم عليهم واختطفوا أحدهم واعتدوا عليه أمامهم

[ام سلمي]

شهود من العباسية بيشهدوا ان البلطجي اللي كان بيضرب نار من فوق مسجد النور ، عساكر الجيش طلعوا و مشيوا معاه عادي واتضح انه تبعهم

و الفيديو بيظهر اللعسكر مع البلطجي فوق المسجد ،

لسة في حد بيصدق العسكر بعد كدة ؟

أكدوا أنهم أطلقوا النار على المواطنين بشكل عشوائى

فيديو.شهود:بلطجية مع الجيش فوق "النور "

أكد شهود عيان من أهالي العباسية في فيديو مصور وهم يقفون بجوار مسجد النور ان المسلحين الذين يقفون فوق مسجد النور هم ابعين للجيش وكانوا يطلقون النار بشكل عشوائي على المواطنين والدليل على هذا ، قوات الجيش عندما صعدت فوق المسجد وقفت مع المسلحين دون أن تقبض عليهم وكأن هناك تعاون بينهم.

ويظهر في الفيديو الذي صورته إحدى المواطنات مجموعة من المدنيين يشاهدون أحداث العباسية من فوق الكوبري المواجه لمسجد النور ويحذرون قوات الجيش من وجود مسلحين فوق المبنى ولكن يفاجأ شهود العيان أن المسلحين يقفون بجوار رجال الجيش بعد صعودهم فوق المسجد دون أي مشاكل مما يثير استهجانهم وتعجبهم مما يحدث.

وقال أحد الشهود في الفيديو:"دي تمثيلية عاملها الجيش وبلطجيته على الشعب واحنا كنا خايفين عليهم من المسلحين لكن لما طلعوا وقفوا معاهم ولا كأنهم طرف تالت ولا بلطجية رغم انهم كانوا بيضربوا نار من شوية ".

اقرأ المقال الأصلي علي بوابة الوفد الاليكترونية الوفد - فيديو.شهود:بلطجية مع الجيش فوق "النور"

Http://www.youtube.com/watch?v=LDmDwHIzvd4

تم تعديل 6 مايو 2012 بواسطة ام سلمي

[tarek hassan]

http://www.youtube.com/watch?v=GtXRWAMJg9s&feature=youtu.be

فاصل من التهزيئ والتوبيخ لجمال صابر .. رئيس حملة لازم حازم

والله لقد أساءتم للإسلام أبلغ إساءة وأضررتم بالمسلمين أبلغ الضرر .... وعليكم بالتوبة ....

المسلمانى :على كل عائله شارك أحدها فى ما سمى بغزو وزارة الدفاع أن تشعر بالعار والخزى لان لديها (( عميل وحقير )) اراد ان يسقط وزاره الدفاع لصالح اسرائيل ..

تم تعديل 6 مايو 2012 بواسطة tarek hassan

[tarek hassan]

http://www.youtube.com/watch?v=iQRsdSh4rc0&feature=share

صور من الشئون المعنوية للقوات المسلحة لأحداث العباسية

التفاصيل الكاملة لأقتحام القوات الاسرائيلية سيناء لحظة أقتحام وزارة الدفاع

تم تعديل 6 مايو 2012 بواسطة tarek hassan

[Om Zayd]

خالد الشافعى

من حوالي 5 ساعات نشرت البوست ده :

انا اعتذر اليوم لكل ليبرالي خونته لما اختلفت معاه

اعتذر لكل ثوري اتهمته بالتهور والاندفاع

اعتذر لكل واحد اتظلم وانا ما دافعتش عنه لأنه مش من التيار الإسلامي

اعتذر للمسحولة

اعتذر لضحايا محمد محمود

اعتذر لضحايا محلس الوزراء

اعتذر لضحايا ماسبيرو

اعتذر لهم ودلوقت قدرت افهم مشاعرهم تجاهنا ساعتها

ودلوقت اقدر افهم نظراتهم اللي كنت بشوفها في عينيهم لما يقابلوني

اعتذر لهم وانا عايش نفس شعورهم بالظلم والقهر والمرار

لكن صدقوني عندنا فرصة نبدأ صفحة جديدة

مش بس كده ، إحنا ما عدناش خيار تاني

وارجع واقول عشان ماتكونش متناقض مهما طال الزمن واختلفت المواقف وتعقدت الأحداث الحل انك يكون عندك مبدأ ولا يتجزأ

انتهى البوست

والحقيقة ان انا لم اكن اتصور ان يحقق كل هذا اللايك والشير

فهو اكبر بوست وضعته على صفحتي و يحظى بهذا الاهتمام

واول بوست يدفع ليبراليين ومسيحيين للتواصل معي على الخاص

وقد جائتني رسائل مؤثرة فعلاً فضلاً عن تعليقات شديدة التأثير وهو ما يحمل دلالات بالغة جداً ووفيرة تستحق التأمل والتوقف إذا أردنا أن ننتشل الوطن من هذه المحنة المرعبة ويبدو أن الموضوع يحتاج لمقال مستقل وآنشودة شديدة الشجن

المهم

ارسلت الي اخت كريمة رسالة رداً على هذا البوست تقول :

دة كان رد احد المسيحين على ما كتبته اليوم

Samuel William

خلاص يا شيخ أنا معاك ...

يا شيخ أنا لا يمكن اقبل ان حد يهينك ..

يا شيخ أنا بحترم المسجد زى ما بحترم الكنيسة بالضبط ولا يمكن فى يوم اقبل تدنيسه ...

أنا معاك يا شيخ ولا يمكن اقبل ان حد يعذبك او يعتقلك او يقتلك تانى .....

بس أوعدني يا شيخ .. أوعدني محدش يهيننى او يهين ولادى ..

اوعدنى تحترمني وتحترم عقيدتى وده من دينك على فكرة ...

أوعدني تحترم حريتى الخاصة .. أوعدني تحترم هوية بلدى وبلدك ونحافظ عليها سوا ...

أنا معاك يا شيخ بس اوعدنى ومعاك على فكرة حتى لو موعدتنيش بس ارجوك متخذلنيش!

انتهت الرسالة وانا خرجت منها بانطباعات منها :

ان احنا ما بنسمعش بعض كويس

ان احنا في مركب واحدة يا نوصل سوا يا نغرق سوا

ان احنا محتاجين نشوف بعض من جديد

البوست ده فتح عيني على حاجات كتيرة قوي

ومرة تانية اعتذر لكل واحد خونته أو أهنته أو شهرت بيه

وخصوصاً خصوصاً ضحايا ماسبيرو