الرصاص الحي و الخرطوش في مواجهة المعتصمين أمام وزارة الدفاع

[Om Zayd]

بالمناسبة .."البلطجية" هاجموا من في التحرير أيضا

[se_ Elsyed]

هل هذه هي بداية الأحداث؟؟

http://www.youtube.com/watch?v=u1b2q3S3oAI

إنت صعبان عليه يا طارق والله العظيم .. وصعبان عليه السكة اللي إنت أخترتها مؤخراً والتغيير اللي إنت فيه ده ..

يعني بالعقل يا طارق

علاء عبد الفتاح كان شايل سلاح مع كثير ممن كانوا في العباسية

والشرطة والجيش قبضوا على 6 عناصر مصرية وفلسطينية ومعهم أسلحة ألية وكانوا ضمن المعتصمين .

ودلوقت قبضوا على 75 مُسلح داخل مسجد النور

بالله عليك ما فكرتش لحظة هو اللي بيبقى شايل سلاح في ظروف ملتهبة زي دي بيسلك به سنانه أو بيبقى كان رايح فرح يجامل ويضرب نار وقال أما أحود على العباسية وبالمرة أخطف العشا في مسجد النور ومعايا السلاح ؟

قصدي يعني كل الأسلحة دي ومافيش طلقة تيجي في حد من الجيش او الشرطة ؟

ولا كل المسلحين دول كانوا بيضربوا في المتظاهرين منهم فيهم ؟

عيب يا طارق ده كله كلام التليفزيون المصري بتاع الـ 18 يوم ... فاكره ولا افكرك ؟

بالمناسبة يا طارق ... المجلس العسكري كان أتهم علاء عبد الفتاح بإنه سرق عربيات ومدرعات للجيش .. وأسلحة ألية تابعة للجيش وأستخدمها ضد الجيش .... بالله عليك يرضي ربنا ده ؟

[Alshiekh]

ألو، أنا آسف، السلام عليكم، نعم يامولانا

وعليكم السلام ياشيخ جمال، إحكي لي ايه الأخبار عندكم؟

والله يامولانا نحن رابضون مرابطون وصامدون لكن الأخوة يسألون المؤنة والمدد ، عايزين عتاد زيادة يامولانا

معلش ياشيخ جمال، أنا كنت عايز ابقى معاكوا بس انت عارف رجلي فيها " واوا " والدكتور قال لي راحة تامة لحد المريضة لما تموت أبقى أقدر أتحرك وآجيلكوا، هي لسه ماماتيتش ياشيخ جمال؟

نحن رابضون ومرابطون حتى نصلي الجماعة داخل اسوار الوزارة يامولانا، ووقتها ستأتينا على فرسك الأبيض أو على الطائرة ولن يخطب فينا غيرك ياشيخنا والمخلوق اللي يقول أن أم مولانا أمريكية يبقى كتب شهادة موته. أطمن يامولانا أنت الرئيس لقد رأيتك رئيسا في منامي بالأمس عندما كنت نائما على رصيف الوزارة بدون غطاء.

بارك الله فيك ياشيخ جمال وبارك الله في جميع الأخوة الذين ضحوا بأرواحهم حتى أتمكن من الوصول إلى الكرسي على جثثهم. أستأذنك الآن لان الواوا بدأت تنأح على، أستودعكم الشيطان ياشيخ جمال.

كان هذا هو تخيلي لمكالمة هاتفية بين خوميني مصر الحالم المدعو أبو إسماعيل ومنسق حملته الانتخابية الذي يؤمن بأن شيخه هو الاحق بالرئاسة وان العالم كله قد تآمر عليه.

كفانا الله وكفى مصر شره وغدره

ونداء للمسئولين باتخاذ اللازم حيال هذا الافاق الكاذب

[Om Zayd]

نقطة مهمة اثارها د. سيف عبد الفتاح

لماذا يبقى اعضاء المجلس العسكري و هم يقومون بدور سياسي في ادارة البلاد داخل وزارة الدفاع؟؟

لماذا لم يستقروا في القصر الجمهوري؟؟

كان هذا مهما حتى لا يضطر من يحتج على طريقة الحكم الى التواجد امام وزارة الدفاع

[se_ Elsyed]

ده اللي قولت لك عليه يا تيمور .. إن العافية مش مطلوبة في كل المواقف

لانك لما تبقى عفيجي كده على طول هاتضر نفسك وتضر غيرك .

على سبيل المثال .. لو أنا أب لاولاد وطافح الدم طول السنة دروس ومصاريف وخلاص جبت أخري .. وولادي في أسبوع الإختبارات النهائية مش قادرين ينزلوا من بيوتهم عشان حظي إني ساكن في العباسية والدنيا ماليانه ضرب ورزع .. ولا الولاد عارفين يذاكروا ولا يروحوا إمتحاناتهم ... يبىق بمنتهى البساطة هالعن كل من تسبب في ذلك بدون سبب ...

أنا عارف إن البلطجية هما اللي بدأو بالإعتداء هناك .. عشان كده لو لم أتحلى بالذكاء التكتيكي في مثل تلك المواقف .. يبقى لا ألومن إلا نفسي عندما يقتلني غبائي

يعني بمعنى أخر .. في حالة زي دي .. ممكن أنسحب إلى ميدان التحرير حيث مكاني المفضل وعريني اللي لو حد إعتدى علي فيه .. فهاتلاقي مصر كلها تنزل تدافع عني زي محمد محمود وماسبيرو ومجلس الشعب

خد إخبط دي يمكن تفكر شويه

اغلاق الخط الاول للمترو حتي صباح غدا

اعلنت الإذاعة الداخلية بالخط الأول لمترو الانفاق، -حلوان المرج" توقف سير المترو بعد الساعة السابعة مساء ،نظرا للاشتباكات

التي وقعت عصر اليوم بالمحطة ومازالت مستمرة حتى اليوم فى السابعة مساءا .

وكانت ادارة مترو محطة الدمرداش قامت باغلاق محطة الدمرادش نهائيا ، وذلك عقب اشتباكات جرت بين المتظاهرين والشرطة العسكرية التي تقوم بملاحقتهم

، وهو الامر الذي ادي لاغلاق خط حلوان نهائيا .وفى السياق ذاته ، قام عدد من المتظاهرين بالوقوف علي الشريط الحديدي فى محطة الدمرداش خط المرج ، لمنع وصول اي قطارات نهائيا الي المحطة ، وقاموا بتعطيل الحركة مؤقتا ولكنهم قاموا بالتراجع مرة اخري وعادت الحركة لخط المرج .

اقرأ المقال الأصلي علي بوابة الوفد الاليكترونية الوفد - اغلاق الخط الاول للمترو حتي صباح غدا

[se_ Elsyed]

والله العظيم لسه ما كملت كلامي إلا والاقي الحاجات دي على اليوتيوب وعلى الاون تي في

إشرب يا تيمور

http://www.youtube.com/watch?v=nSdypW71dZc&feature=player_embedded#!

[Om Zayd]

قوات الشرطة العسكرية تلقى القبض على مصورى قناة مصر 25 وتصادر الكاميرات

بالاتصال لثواني قليلة مع احد المعتقلين افاد انهم اكثر من 70 في سيارة ترحيلات واحدة

معهم عدد من الاعلاميين و الصحفيين رغم اطلاع الشرطة العسكرية على هوياتهم

[se_ Elsyed]

أنا إذا كنت متظاهر وحسيت إن دمي رخيص ... فلا عجب أن أجد الاخرون لا يقدرون ثمن دمي

‎

#رصد | #عاجل: نقلاً عن أطباء التحرير: وفاة 2 في مستشفى الزهراء و 2 أخرين في حالة حرجة

ما كانش له أي ستين لازمه ... الحل كان في كلمتين .. اعتصم في العباسية زي ما انا وبلاش أتحرك ناحية النار وتلسعني وبعدين أبكي

وده مش لسع بالنار .. ده قتل ودم بدون ثمن وبدون مكاسب ... بالعكس انا خسرت كتير

ومن ضمن الخسارة :

- فقد تعاطف قطاع عريض من الشعب بيعشق الجيش عشان روحت اهاجم وزارتهم وبيتهم .... ماليش دعوه بالمجلس العسكري دلوقت .

- خليت عدوي يتكشف بمنتهى السهولة نقطة ضعف عندي لم يستطع أن يكتشفها خلال سنة ونصف .. وهي إن ممكن بشوية إصرار أفرق وأشتت أي تظاهرة وإعتصام وهو لم لم يستطع ان سفعله مبارك بجبروته وقواته .

- انا لم أقدم اليوم أي مطالب واضحة ومحددة ولها توقيت زمني ... يبقى كان عشان إيه ده كله

[tarek hassan]

#ع | #مصر | متابعات | فى مداخله تليفونيه على قناة المحور منذ قليل

عاصم عبد الماجد , المتحدث باسم الجماعة الاسلامية :

وجهنا اللوم لأنصار أبو اسماعيل وحملناهم تبعة ماحدث اليوم

فردوا علينا قائلين : نحن خُدعنا , والاشتراكيون الثوريون بدأوا الهجوم على الجيش لكي يوقعوا بنا في الفخ

وأضاف عبد الماجد : لا أحد يستطيع أن يوقع بين الشعب وبين الجيش فهو حامينا وحامي مصر . Egypt #Tahrir #Abbasya #

جمال صابر مدير حملة "لازم حازم" لبرنامج "الحقيقة" : الجيش المصري أسد عليا وفي الحروب نعامة .

جيش مصر بقى نعامة في الحرووووب .... لا حول ولا قوة إلا بالله ..... مش عارف أقول إيه غير إني أمسك أعصابي بالعافية ...

تم تعديل 4 مايو 2012 بواسطة tarek hassan

[eslam elmasre]

يا جماعة فيه حد يقدر يقف ادام القطر

اللي بيحصل ادام وزارة الدفاع ده زي ما يكون واحد واقف ادام القطر وبيقولو انا بحذرك لازم تقف عشان انت مش ادي

وطبعا منه لله اللي كان السبب واللي بيغسل ايده من دمهم الكذاب العاق لوالديه اللي ما يتسمى

منك لله يا حازم يا نيرون مصر

يا عم ماتغور في داهية بأه ارفتنا في عيشتنا وخليتها بحور دم عشان حبيت وما طلتش

ارحمنا من طلعتك الغير بهية عشان خلاص بقيت كارت محروق وبيحرق مصر

بصراحة غالبية الناس غير متعاطفة مع انصار الكذاب

[eslam elmasre]

#ع | #مصر | متابعات | فى مداخله تليفونيه على قناة المحور منذ قليل

عاصم عبد الماجد , المتحدث باسم الجماعة الاسلامية :

وجهنا اللوم لأنصار أبو اسماعيل وحملناهم تبعة ماحدث اليوم

فردوا علينا قائلين : نحن خُدعنا , والاشتراكيون الثوريون بدأوا الهجوم على الجيش لكي يوقعوا بنا في الفخ

وأضاف عبد الماجد : لا أحد يستطيع أن يوقع بين الشعب وبين الجيش فهو حامينا وحامي مصر . Egypt #Tahrir #Abbasya #

جمال صابر مدير حملة "لازم حازم" لبرنامج "الحقيقة" : الجيش المصري أسد عليا وفي الحروب نعامة .

جيش مصر بقى نعامة في الحرووووب .... لا حول ولا قوة إلا بالله ..... مش عارف أقول إيه غير إني أمسك أعصابي بالعافية ...

الجدع ده كنت بتفرج على برنامج مش فاكر مين المذيع وسأله سؤال وطلب منه اجابة مباشرة وسأله لو حاز كان قبلت اوراقه كنتم هاتعتصمو ضد المادة 28 قام رادد عليه بلف ودوران راح المذيع حاصره وطلب منه اجابة صريحة ومباشرة قام قاله ما ينفعش اجاوب بطريقة مباشرة

شوفت الوضوح اد ايه

والصراحة هو متأثر جدا بحازم حتى اسمعه وهاتلاقيه بيتكلم بنفس طريقة حازم

واضح انه نضح عليه وبقي مراوغ وملاوع زيه

[Om Zayd]

** قناة مصر25 الفضائية تشجب إعتقال طواقم عملها بميدان العباسية

-----------------------------------------

تعلن قناة مصر 25 الفضائية التابعة للشركة العالمية للإنتاج الإعلامي استهجانها و استنكارها لما تعرضت لها طواقم عملها بمنطقة العباسية اليوم الجمعة 4 مايو ، حيث قامت قوات من الشرطة العسكرية باحتجاز أربعة من مراسلي القناة و مصور بالإضافة الى مصادرة معدات إعلامية كانت بصحبتهم من داخل مسجد النور بالعباسية دون وجه حق.

و نحن نحيط سيادتكم علما بأن طواقمنا لم تكن تمارس إلا عملها الشرعي و القانوني و بمنتهى المهنية اللازمة و أنها التزمت بمسافة متساوية بين المعتصمين و قوات الجيش و أن طواقمنا كانت داخل مسجد النور لأخذ قسط من الراحة و أنهم لحظة احتجازهم لم يكونوا يصورون شيئا داخل المسجد بل كانوا بداخله لأداء الصلاة و الراحة فقط لا غير.

وإذ ترفض قناة مصر 25 هذا التصرف فإنها تهيب بكافة الإعلاميين و المؤسسات الإعلامية التضامن معها في هذة اللحظات من أجل استمرار ما أكدته ثورة يناير و ما أتاحته من مناخ للحرية.

كما تحمّل قناة مصر25 المجلس العسكري و قوات الشرطة العسكرية المسؤولية كاملة عما قد يصيب أفرادها من أذى و معداتها من تلف،

وإلى حضراتكم بيان بالأفراد العاملين بقناة مصر 25 المحتجزين :

- أحمد عبد العليم ... مراسل

- أحمد فضل ... مراسل

- مصعب حامد ....مراسل

- حسن خضري .... مراسل ( مصاب صباح اليوم في اشتباكات العباسية )

- أحمد لطفي ... مصور

- كما صادرت قوات الشرطة العسكرية المعدات الآتية.

- عدد 3 كاميرات ماركة باناسونيك بمشتملاتها كاملة.

- عدد 3 لاب توب ماركة أبل ماك.

- عدد 3 كاميرات فيليب

[Om Zayd]

[Om Zayd]

[Om Zayd]

[Om Zayd]

شهاده احمد جمال علي ماحدث:

شهادة حق قدام ربنا على اللى حصل من اول الاشتباكات :

انا كنت جاى فى مسيرة 6 ابريل اللى رفعت اعلام الشهيد ابو الحسن .. واول ما 6 ابريل وصل بدأت الاشتباكات والحجاره كان بتترمى الاول من داخل المدينه الجماعيه على الشرطه العسكريه .. وطبعا الشرطه العسكريه كانت بترد علينا برده بالحجاره ورش الميه .. لحد ما لاامور اتطورت وابتدى الجيش يضرب غاز ورصاص حى ..

الجيش فجاه اقتحم مكان الاعتصام عشان يمشينا كلنا . كان معايا محمد حسن وهيما .. واحنا بنجرى قنبله مسيله اترمت علينا خلتنا نجرى جوا الشوارع اللى فى العباسيه .. هيما اختفى وفضلتا انا ومحمد حسن .. فى الشوارع لقينا بلطجيه بيضربوا فى ناس ومغرقينهم دم .. مكانش قدامنا غير حلين يا اما نخش نتضرب زيهم يا اما نمشى فى الغاز

طبعا اختارنا اننا نمشى فى الغاز .. طلعنا دايخين . وهنا اتفرقنا محمد مشى فى ناحيه وانا فى ناحيه .. ومن سؤ حظى دخلت انا العباسيه نفسها ... طبعا عملت نفسى مش مع الثوار وعملت مش عارف اى حاجه .. وكنت مضطر انى لما اشوف اى حد بيتضرب اقف واتفرج عليه عشان محدش يحس انى عايز اهرب من حاجه ... فضلت ماشى فى العباسيه ناحية مسجد النور .. لقيت الجيش عامل كاردون على المسجد .. واللى بيخرج منه البلطجيه بيعذبوه . والجيش عليه يستلمهم غرقانين فى دمهم ..

مشيت على طول عايز اروح ناحية مترو عبده باشا .. لقيت شاب سلفى واكتر من 20 واحد نازلين فوقه بالسكاكين من غير رحمه وفى الاخر بيقولوا سلموه للجيش . بصيت قدامى لقيت اللجنه الشعبيه . مش هعرف اعدى ... عملت نفسى مع الناس اللى ماسكه الشاب السلفى ... قابلهم ظابط جيش عشان يستلمه .. وقالهم ايوه كده يا رجاله طلعوا دين امهم كلهم

وقفت تليفونى بيرن .. مرعوب وخايف ارد من الدم اللى انا شايفه .. رجعت تانى ناحية مسجد النور ... قلت يمكن الاقى مخرج .. لقيت اشكال غريبه وواقفه مع الجيش وبيقولوا الجيش والشعب ايد واحده وماسكين اسلحه فى ايديهم .. وقفت معاهم عشان محدش يشك فيا ...

ببص حواليا لقيت كل شارع جانبى بيخرج من مجموعه مسلحه بيبقوا ماسكين واحد او اتنين ونازلين ضرب فيه بغباء .. بدون رحمه .. منهم واحد اتسلم رغم انه دماغه مفتوحه العسكرى كمل عليه

اكتر حاجه كسرتنى مش انى مكنتش عارف اخرج من العباسيه ولا انى كنت هموت .. اكتر حاجه كسرتنى لما شفت البلطجيه ماسكين شيخ كبير ومتغرق دم .. وبيسلموه للجيش والعساكر بيكملوا عليه .. حسيت انى جبان لما لقيت الظابط بيبصلى .. قلتله " الله ينور يا باشا موتوهم " ... كان لازم اعمل كده .. !!!

قابلت واحد من اللى واقفين من المنطقه بتاع العباسيه . جاى عليا راح واقف جنبى .حسيت انه شك فيا .. رحت انا مكلمه بنفسى عشان وقلتله هو فى ايه يا نجم .. قاللى انت مش عايش فى البلد ولا ايه .. السلفيين بيدخلوا علينا برشاشات ويموتونا .. قلتله عشان كده كل شويه الاقى شيخ بيتضرب .. قاللى د احنا هنموتهم .. قلتله ربنا معاكم ..

مكانش قدامى حل تانى غير انى ارجع ناحية قسم العباسيه . وهناك اللجان الشعبيه مكثفه وكلها مسلحه .. قلت انا كده كده ميت .. وهعدى وزى ما تيجى .. ..

كنت كل ما اقابل مجموعه امشى معاها . واعمل نفسى معاهم .. فضلت ماشى عايز اروح مترو عبده باشا .. كل متر الاقى واحد غرقان فى دمه وبيخلصو عليه .. اغلب اللى بيتضربوا مربيين لحيتهم ..

قربت من قسم العباسيه .. لقيت كشك على اليمين . حسيت بالخطر لان دى اكتر حته فيها . خطر وقفت عند الكشك واشترين كانز .. وقعدت ع الكرسى عشان اللى يشوفنى يفتكر انى مع البياع .. فضلت مراقب قسم العباسيه .. كل شويه ناس تيجى غرقانه فى دمها ويسلموها فى القسم .. والعساكر اللى فى القسم شايفه الناس اللى بيتضرب بالسلاح وكانه شئ عادى ... فجاه لقيت مجموعه خارجه من الشارع اللى جنب القسم من الثوار حوالى 12 واحد وبيجروا . والبلطجيه بيجروا وراهم بالاسلحه .. واتمسكوا كلهم عند القسم . وكله غرق فى دمه .. استغليت انا الفوضى اللى حاصله قدام القسم وعديت بهدؤ ...

فضلت ماشى لحد ما وصلت مترو عبده باشا .. ركبت المترو .. وسايب اكتر من 1000 واحد فى الشوارع . مش عارفين يخرجوا ..

اقسم بالله انا ما غيرت كلمه من اللى حصل من اول ما اليوم بدأ

احمد جمال

[Om Zayd]

محرر حقوق دوت كوم يروى شهادته حول مجزرة العباسية

في بداية الأمر أقر بأني قضيت يوما لم أشهده من قبل أثناء نزولي للتغطيات الإخبارية بداية بأحداث ماسبيرو مرورا بأحداث محمد محمود الأولى والثانية وانتهاء بأحداث مجلس الوزراء.

توجهت لميدان التحرير صباح اليوم وقمت بصلاة الجمعة هناك ليتجمع بعدها مئات المتظاهرين بالميدان معلنين وجهتهم لمسجد الفتح للانضمام للمسيرة الضخمة هناك للوصول إلى ميدان العباسية للتضامن مع المعتصمين هناك وتنديدا بأحداث العنف الحادثة وكان عدد المشاركين في المسيرتين يتخطى عشرة آلاف متظاهر، وصلوا ميدان العباسية في حدود الساعة الثانية والنصف ظهرا منهم من استقر بميدان العباسية ومنهم من أكمل طريقه حيث العازل الشائك في محيط وزارة الدفاع وتوحدت الهتافات المناهضة للمجلس العسكري.

وبين لحظة وضحاها تعالت الهتافات أمام العازل بالقرب من قوات الشرطة العسكرية المتواجدة، وفجأة حدث تبادل إلقاء الحجارة بعدما أكد عشرات المعتصمين المتواجدين أن قوات الشرطة العسكرية هي من بدأت بإلقائها لتستمر حرب الشوارع فيما هو مسموح به بين الطرفين من إلقاء الطوب والحجارة لمدة تزيد عن النصف ساعة.

بعد انتهاء فترة المسموح قامت الشرطة العسكرية بفعل ما هو غير مسموح به وليس على هوى المتظاهرين والمعتصمين حيث بدأت إطلاق القنابل المسيلة للدموع لتحدث حالة من الكر والفر يصل بعدها المتظاهرون إلى حدود كوبري المشاة بالقرب من المستشفى الميداني في محيط وزارة الدفاع.

وتابعت قوات الشرطة العسكرية تقدمها لتتخطى المستشفى الميداني وأكد لي خالد الشبراوي أحد الأطباء بالمستشفى الميداني أن القنابل المسيلة للدموع وصلت داخل المستشفى مما اضطرهم لتركها وكانت هناك حالات مصابة يرجح أن الجيش قد ألقى القبض عليها، واستطاعت قوات الشرطة العسكرية السيطرة على محيط وزارة الدفاع تماما بعد تزايد إطلاق الغاز المسيل للدموع ووجود حالات إغماء كثيرة بين صفوف المتظاهرين.

وتصل الأحداث إلى أوجها بسيطرة قوات الشرطة العسكرية على ميدان العباسية تماما وصولا إلى محطة مترو الدمرداش ولوحظ وجود بعض المدنيين بجوار قوات الشرطة العسكرية أثناء إلقائها للحجارة على المتظاهرين العزل.

وتسود حالة من الرعب الشديد بين صفوف المتظاهرين عقب توارد أنباء تؤكد سيطرة البلطجية على منطقة غمرة الذين قاموا بالاعتداء على جميع القادمين من الطرفين وإلقاء القبض عليهم وتسليمهم للمتواجدين من الجيش، كما تداول المتواجدون أخبار تفيد أن قوات الشرطة العسكرية تحاول عمل " كماشة " على المتظاهرين وبالفعل تواجدت أكثر من 3 مدرعات في المنطقة الأمامية لمسجد النور وأغلقوا الشارع المؤدي لميدان العباسية نهائيا ليستقر المتظاهرون أمام محطة مترو الدمرداش ليحدث ما كان يخشاه المتظاهرون وتأتي مدرعتان من خلف المتظاهرين قادمتان من منطقة غمرة تطلقان الرصاص الحي في الهواء لترويع المتظاهرين.

في هذه اللحظة لم أشعر بنفسي فعلا، كانت هناك حالة من الكر والفر الرهيبة فلا مفر أمام المتظاهرين سوى كوبري مشاة محطة مترو الدمرداش وحدث تكدس رهيب في تلك المنطقة واقتربت المدرعات وقتها نطقت الشهادة أكثر من مرة وأنا منبطح تماما على الأرض كما فعل جميع المتواجدين.

تستطيع قوات الشرطة العسكرية الوصول إلى أعلى أسوار محطة مترو الدمرداش وبدأوا في إلقاء الحجارة والطوب على المتظاهرين وراكبي المترو مما أحدث قلقا كبيرا في محطة المترو وبين الركاب.

بعد محاولات كثيرة وبعد مرور أكثر من قطار بدون التوقف في محطة مترو الدمرداش استطعت الدخول لإحدى العربيات والتي فوجئت أنها سيدات لأجد نفسي في موقف أصعب من كل الأحداث، ففور دخولي للسيارة قابلتني السيدات في السيارة بالصراخ الشديد والبكاء والإغماءات بعد شكوكهم أنني من البلطجية المتواجدين واستطعت أن أقنعهم بعدما أخرجت لهم بطاقة الرقم القومي وكارينه موقع حقوق ليهدأ روعهن ونلت قسطا كبيرا من الدعوات لي ولمصر.

وأثناء تواجدي في المترو رأيت بأم عيني بعض المدنيين في منطقة غمرة بالقرب من قوات الشرطة العسكرية ويتبادلون التحية وكأنهم حققوا نصرا مبينا على أعداء الوطن.

هذه شهادتي على أحداث اليوم كوني أحد المتواجدين في ميدان العباسية وشاهد عيان على كم العنف الحادث من قوات الشرطة العسكرية الصادرة لهم أوامر من قبل قيادت المجلس العسكري بالتعامل بالقوة واستخدام السلاح لفض الاعتصامات السلمية دوما

Like · Share · 22 minutes ago

[ابوهنا]

من هاجم اليوم وزارة الدفاع سواء اسلاميين او اخةوان او 6 ابريل او العفريت الازرق

دول شوية عيال ناقصين تربيه

وعايزين راجل يلمهم ويرميهم فى السجن لمدة 15 سنه

[Om Zayd]

[أبو العز]

من هاجم اليوم وزارة الدفاع سواء اسلاميين او اخةوان او 6 ابريل او العفريت الازرق

دول شوية عيال ناقصين تربيه

وعايزين راجل يلمهم ويرميهم فى السجن لمدة 15 سنه

ا

للي هاجم الوزارة هؤلاء قوم تبع ومش عايزين السجن دول يجب اعدامهم في ميدان عام

لماذا تركوا ميدان التحرير وذهبوا الى وزارة الدفاع لماذا التحرش بالجيش