الرصاص الحي و الخرطوش في مواجهة المعتصمين أمام وزارة الدفاع

[se_ Elsyed]

أحسن يستاهلوا .. إيه اللي وداهم هناك ؟

نقابة الأطباء تبعث بخطاب للنيابة العسكرية تطالب فيه بالإفراج الفوري عن الأطباء الذين تم القبض عليهم أمس بالمستشفى الميداني في أحداث العباسية

أسماء الأطباء :

1)د. آية محمد كمال ( طبيبة بالمستشفى الميداني )

2)د. صلاح شعراوي جمعه ( طبيب حساسية و مناعه )

... 3)د. إسراء كمال محمد ( طبيبة مساعدة بالفرقة الخامسة كلية الطب )

4)د. إبراهيم عبدالله سند ( بالفرقة السادسة بكلية الطب )

5)د. عبد الله مصطفى عبد العظيم المسيري ( بالفرقة الثالثة كلية الطب )

6)د. أحمد الخولي مهدي عبد القوي ( بالفرقة الثالثة طب )

7)د. عبدالله محسن إسماعيل ( طالب بكلية الطب )

8)د. أسامه محمد عبد المنعم ( طالب بطب أسنان جامعة 6 أكتوبر )

[se_ Elsyed]

مثلما قولناها من أول احداث محمد محمود في شهر نوفمبر الماضي .. إن 1+1=2

وقولنا إن كله دوره جاي حتى اللي فاكر نفسه ماشي جوه الحيط او اللي فاكر نفسه إنه عشان عايش بره يبقى كده في امان ..

فبنقول مره اخرى ... أستنى دورك في المذبحة ده طابور وكل واحد دوره هاييجي هاييجي ......

عارف ليه ؟

لأنك شايف المنكر وإراقة الدم وانتهاك الحرمات .. وبدل حتى ما تسكت .. لا بتتريق وتدعو إلى الأستقرار

اللي هو من وجهة نظرك أشوف بوادر التزوير .. واشوف العهر قدامي وأقول لأ مش هاتكلم ولا انزل عشان الأستقرار

يا عم ألحق دول أخترعوا قانون ورجعوا شفيق ؟ ... ششششششششششششش .. أصمت يا هذا .. نحن ننشد الأستقرار

إلحق يابا ده قانون العزل السياسي راح في البلاعة .... وماله طالما في إستقرار

دول يا عم بيظبطوا أصوات الناخبين وفي قضية مرفوعة وابقى قابلني لو إتحكم فيها ..... ما بلاش غلبة .. مش لما يحصل تزوير نبقى نتكلم

كل سنة وإنتم مستقرين ...

[tarek hassan]

اللواء المرسي: الافراج عن الفتيات المحتجزات فى قضية العباسية

أعلن اللواء عادل المرسى رئيس هيئة القضاء العسكرى أنه تقرر الافراج عن جميع الفتيات المحتجزات على ذمة التحقيقات الجارية فى أحداث العباسية.

وأكد المرسى أنه لا صحة لما يتردد عن أعداد المتهمين، موضحا أن الأعداد لم تتحدد بشكل نهائى, وأن القضاء العسكرى هو المسئول عن التحقيقات وأعداد المتهمين طبقا لاختصاصه.

وأضاف اللواء عادل المرسي أنه يمكن للمحبوسين احتياطيا التقدم بتظلمات على قرارات حبسهم وفق لقانون الاجراءات.

الأهرام

#ع | #مصر | تم فى ساعة مبكرة من صباح اليوم إلقاء القبض على جمال صابر مدير حملة لازم حازم ابو اسماعيل فى انتخابات الرئاسة بتهمة التحريض على أحداث العباسية وتكدير الأمن العـام وإهانة المؤسسة العسكرية. Egypt #Tahrir #Abbasya #

طبعا أنا نقلت اللي قاله إمبارح عن الجيش ... كبرت كلمة تخرج من فمه .. أن يقول هذا الخروف على جيش مصر العظيم ...نعامة

تم تعديل 5 مايو 2012 بواسطة tarek hassan

[Om Zayd]

التليفزيون المصرى: القضاء العسكرى يقرر الافراج عن جميع الفتيات المقبوض عليهم بأحداث العباسية أمس

قبضتوا عليهم ليييييه أصلا؟؟؟

[tarek hassan]

النائب ممدوح إسماعيل "" يهين الشعب المصرى ويصفه بأنه "قليل الأدب"،

http://www.youtube.com/watch?v=nggHMcH2qYQ

تم تعديل 5 مايو 2012 بواسطة tarek hassan

[MZohairy]

الأهرام

تم فى ساعة مبكرة من صباح اليوم إلقاء القبض على جمال صابر مدير حملة لازم حازم ابو اسماعيل فى انتخابات الرئاسة بتهمة التحريض على أحداث العباسية وتكدير الأمن العـام وإهانة المؤسسة العسكرية.

طبعا أنا نقلت اللي قاله إمبارح عن الجيش ... كبرت كلمة تخرج من فمه .. أن يقول هذا الخروف على جيش مصر العظيم ...نعامة

نموذج منفر غبي للمتشددين الاسلاميين لم يعد يصلح معه النقاش و التوعية

امر ممتاز ان يتم القبض عليه ليكون عبره لغيره

[ام سلمي]

النائب ممدوح إسماعيل "" يهين الشعب المصرى ويصفه بأنه "قليل الأدب"،

http://www.youtube.com/watch?v=nggHMcH2qYQ

الاستاذ الفاضل طارق حسن

سمعت الفيديو و النائب ممدوح اسماعيل لم يعني مطلقا ان الشعب قليل الادب ، بل الضيوف الاخرين هم من حاولوا

تضخيم كلمة عفوية صدرت منه لم يعنيها في اثناء المناقشة الحامية التي دارت

النائب قال ان الكلام اللي قالته المتصلة ( و ليس الشعب ) قليل الادب ، لانها ذكرت اشياء غير حقيقية عن مناقشة البرلمان

لقضايا غير لائقة وغير منطقية مستندة في كلامها علي جريدة كاذبة

و عندما قالوا له هل الشعب قليل الادب قال انا لم اقل ذلك ، لكن هذا كلام مغرضين و ليس الشعب

لا يجب تحميل النائب كلام لم يعنيه و نفي انه يقصده ، و انما تضخيم الموضوع شئ اعتادنا عليه من الاعلام

و تحياتي

[Alshiekh]

ليه كل الصور اللي الاعضاء بيحطوها كلها عن عساكر بتضرب مدنيين بس

ليه مفيش صور بتورينا الثوار وهم بيضربوا طوب على العساكر وليه الصور كلها من أماكن نظيفة ومش مليانة طوب من اللي الثوار كانوا جايبينه معاهم واللي شفناه في الفيديوهات مبدور في الشوارع.

وليه اللي كانوا بيضربوا نار من مئذنة المسجد محدش صورهم

فين صور العساكر اللي اتصابت سواء من الطوب او المولوتوف او ضرب النار؟

مش اللي ينقل الصور يجب صور من الجانبين؟

عايزين نعرف الحقيقة كاملة مش نص الحقيقة بس

[se_ Elsyed]

هناك فرق بين مُحرض بيسخن وهو قاعد في التكييف .. وبين إنسان نزل الميدان عشان مقتنع بقضية معينة في منتهى السلمية وهذا حقه

ومن ضمن المعتقلين شخص هاجمته من زمان إسمه أبو الأشبال ...

إنسان بشع وعمل مداخلة تقريباً أول إمبارح بيحض فيها الشباب على إقتحام وزارة الدفاع لأعتقال اعضاء المجلس العسكري وأعدامهم

مثل هؤلاء لا يجب أن نخلط بينهم وبين الشباب اللي ما حدفش طوبة حتى على قوات الجيش او الشرطة ...

بالمناسبة ... هما الحجاج اللي لسه راجعين من الحجاز بتوع البرلمان يعني .. مصريين برضوا زينا زيهم ولا لسه تعبانين من الرحلة ومن أكل الكبسة ؟

[م تيمور المراغي]

ليه كل الصور اللي الاعضاء بيحطوها كلها عن عساكر بتضرب مدنيين بس

ليه مفيش صور بتورينا الثوار وهم بيضربوا دوب على العساكر وليه الصور كلها من أماكن نظيفة ومش مليانة طوب من اللي الثوار كانوا جايبينه معاهم واللي شفناه في الفيديوهات مبدور في الشوارع.

وليه اللي كانوا بيضربوا نار من مئذنة المسجد محدش صورهم

فين صور العساكر اللي اتصابت سواء من الطوب او المولوتوف او ضرب النار؟

مش اللي ينقل الصور يجب صور من الجانبين؟

عايزين نعرف الحقيقة كاملة مش نص الحقيقة بس

اتفضل يا باشمهندس ده فيديو جايب اول لقطه في الاشتباكات كان المتظاهرين واقفين خلف الحواجز لا فيه طوب بيترمي ولا فيه بني آدم واحد تخطي الحاجز ولا فيه حتى نيه في ذلك لكن ...

يقوم افراد من الشرطه العسكرية بالتقدم بكل سرعه واختطاف احد النشطاء امام الجماهير الغاضبة وسحله على الارض وضربه بكل عنف امامهم ثم ارسال عربه محملة بالمياه لاستفزاز المتظاهرين واستدراجهم للمواجهة والاشتباك

عرفت حضرتك مين اللي بدأ وان الامور كان متخططه لكده !!

http://www.youtube.com/watch?v=u1b2q3S3oAI

[se_ Elsyed]

ليه كل الصور اللي الاعضاء بيحطوها كلها عن عساكر بتضرب مدنيين بس

ليه مفيش صور بتورينا الثوار وهم بيضربوا دوب على العساكر وليه الصور كلها من أماكن نظيفة ومش مليانة طوب من اللي الثوار كانوا جايبينه معاهم واللي شفناه في الفيديوهات مبدور في الشوارع.

وليه اللي كانوا بيضربوا نار من مئذنة المسجد محدش صورهم

فين صور العساكر اللي اتصابت سواء من الطوب او المولوتوف او ضرب النار؟

مش اللي ينقل الصور يجب صور من الجانبين؟

عايزين نعرف الحقيقة كاملة مش نص الحقيقة بس

عارف الحقيقة فين يا أ محمد ؟

الحقيقة بدأت من عصر المخلوع .. لما كانت الصحف بتاعته والتليفزيون بيصور لنا مشهد أي وقفة سلمية زمان لـ 6 إبريل أو كفايه أو الجمعية الوطنية للتغيير على إنه تعدي صارخ على هيبة الدولة

والله لن أنسى في حياتي جريدة الأخبارة زمان أيام المادة 76 الفضيحة اللي كتير كانوا بينادوا بالأستقرار وعدم الإعتراض عليها .. وأخرون ينادوا بعدم الخروج عن الحاكم

ولا مؤخذه خرج الصحفيون والصحفيات يصرخوا ويقولوا لأ للظلم ... والشرطة بتاعتنا اللي إحنا وقعناها أجرت حريم شراشيح - بيسموهم كده - عشان يهتكوا عرض الستات يا أ محمد ... وجريدة الاخبار نشرت صورة كبيرررررررررررررررررررررره في أول صفحة لواحد مادد إيده ما تعرفش كان بيدافع عن نفسه او لا بيقول حرام عليكم يا كفره وكتبوا فوقيها مانشيت يتبروز ويتحط في الزبالة جنب أسماء هؤلاء الفاسدين وكتبوا " شخص من المتظاهرين يقوم بضرب احد الظباط بالبوكس " تخيل ؟

أما الحقيقة هنا فهي عدد القتلى والمصابين والمعتقلين .....

يعني جندي مات الله يرحمه .. الله اعلم مات بطلق ناري من مين .. وماحدش كان معاه أسلحة نارية إلا الجيش والشرطة وبطلجيتهم اللي تركوا الخدمة في الشرطة عشان ما بقتش تأكل عيش وتطوعوا في الجيش لخدمة الوطن .... هذه هي الحقيقة الواقعة ...

والحقيقة بتقول إن من أسبوع وعندي يومياً قتلى يسقطون بسبب ضرب نار من جانب البلطجية

وأنا مصدق إن الجيش ما ضربش نار .. لكن متأكد وعارف مين اللي ضرب نار بالنيابة عنهم

وأتحدى أي حد يجيب لي مثال على مستوى العالم كله لدولة محترمة أو مهزأه يتم مقابلة حدف الطوب بضرب النار ...

فاكرين طبعاً ماسبيرو .. الحقيقة كانت بتقول 27 قتيل ماحدش فيهم حدف نواية بلح حتى ... ومع ذلك يقول لك لأ كان معاهم أسلحة ألية و 60 جندي ماتوا من ذلك

تخيل إننا نسمع أصوات بتبرر وتقول : أصل القوات المسلحة عمرها ما تُعلن عن ذلك عشان ما تأثرش على معنويات جنودها وتشحنهم ضد المواطنين المصريين ... أه والله حصل .. وكل اللي إتذاع وعلق عليه العيسوي هو عسكري مضروب في رجلة وعنده واوا يا عيني

أقسم بالله وأنا بأكتب لحضرتك شايف لقطات من التليفزيون المصري للجيش إمبارح وهو بيرش المعتصمين بخراطيم المياه .. ومن ناحيتهم مش طوب . لأ ده دبش بيتحدف على الشباب .. من ناحية الجيش واخد بال حضرتك ....

ولا نسيت مجلس الوزرا والبلطجية واقفين كتف بكتف مع الامن المركزي وهما شايلين صناديق بيبسي مليانه مولوتوف ؟ ولا نسيت أو تقرير للنيابة العامة يؤكد العثور على عبوات مولوتوف جاهزة داخل البرلمان ؟

فين حضترك ؟؟؟. داخل مبنى مجلس الشعب اللي مسيطر عليه القوات الخاصة .. أه والله يا عم

هانروح بعيد ليه .. سمعت احد المحللين السياسيين بوداني أول إمبارح بيحلل ما يحدث وبيقول : إن المواطنين اللي مصالحهم بتتعطل من الاعتصامات دي ساعات بيستفزوا وبينضموا للجيش أو الشرطة عشان يضربوا المعتصمين .. او ساعات .. ركز الله يكرمك يا محمد بيه

أو ساعات بنلاقيهم فوق أسطح مجلس الشعب زي ما شوفنا كده وهما بيحدفوا طوب او مولوتوف على المتظاهرين

[الدكتورة أم أحمد]

تم تعديل 5 مايو 2012 بواسطة الدكتورة أم أحمد

[Alshiekh]

النائب ممدوح إسماعيل "" يهين الشعب المصرى ويصفه بأنه "قليل الأدب"،

http://www.youtube.com/watch?v=nggHMcH2qYQ

الاستاذ الفاضل طارق حسن

سمعت الفيديو و النائب ممدوح اسماعيل لم يعني مطلقا ان الشعب قليل الادب ، بل الضيوف الاخرين هم من حاولوا

تضخيم كلمة عفوية صدرت منه لم يعنيها في اثناء المناقشة الحامية التي دارت

النائب قال ان الكلام اللي قالته المتصلة ( و ليس الشعب ) قليل الادب ، لانها ذكرت اشياء غير حقيقية عن مناقشة البرلمان

لقضايا غير لائقة وغير منطقية مستندة في كلامها علي جريدة كاذبة

و عندما قالوا له هل الشعب قليل الادب قال انا لم اقل ذلك ، لكن هذا كلام مغرضين و ليس الشعب

لا يجب تحميل النائب كلام لم يعنيه و نفي انه يقصده ، و انما تضخيم الموضوع شئ اعتادنا عليه من الاعلام

و تحياتي

أنا بقى شايف ان الاستاذة فاتن ( المتصلة ) طلعت ست محترمة وواعية وفاهمة هي بتقول ايه،

وعلى العكس طلع النائب شوارعجي وقليل الأدب ووصف الشعب بانه قليل الادب ووصف الصحفيين بانهم حشاشين، واللي زيه خسارة انه يبقى عضو برلمان، نائب اتعود يطلع على المنبر والناس كله تسمع اي تخاريف يقولها ومحدش يعترض، فكيف له ان يتقبل نقد الشعب اللى انتخبه؟

[م تيمور المراغي]

صحيح يعني ليه الجنود ال6 اللي استشهدوا علي الحدود مع اسرائيل في شهر اغسطس اللي فات متعملهومش جنازة عسكرية مهيبة زي دي؟

[MZohairy]

عايز اسأل تيمور حاجه و يجاوبني بوضوح

نواره و 6 ابريل يتبعون منهجا فكريا مخالف تماما لمنهج اتباع ابو اسماعيل و السلفيين

احداث العباسية بدأت بذهاب اتباع ابو اسماعيل الى وزارة الدفاع بسبب استبعاد حازم من السباق و هو هدف شخصي فئوي

ايه اللي يودي نواره و زملاءها و 6 ابريل و من يتبع منهجهم للتورط في امر ذو ابعاد شخصيه حازميه واضحه ؟؟؟؟؟

فهمني و خدني على قد عقلي

شكرا

[tarek hassan]

http://www.youtube.com/watch?v=uPww7a8Dors&feature=plcphttp://

فيديو عاااااجل جدااا وعلى الهواء مباشره اتصال من حازم صلاح ابو اسماعيل ويرد على الاتهامات الموجهه اليه

#ع | #مصر | الست نوارة: "مخنوقة إنى هتحبس مع أبو إسماعيل" .أكدت الناشطة نوارة نجم عبر صفحتها على موقع "تويتر" صحة الخبر المنشور على "بوابة الوفد" باستدعائها التحقيق معها في النيابة العسكرية بسبب التحريض على الشغب بالعباسية, وقالت نوارة إنه لم يصدمها سوى تهمة التحريض على أحداث العباسية الموجهة إليها.

وأضافت قائلة: ( انا إسمي نزل في الكشف الاول فعلا في الضبط والاحضار، أنا مش مضايقني غير إني هتحبس مع أبو إسماعيل، وقبل الإعدام هيقولولي نفسك في ايه قبل ما تموتي، اقولهم نفسي أقول: والله العظيم والله العظيم والله العظيم والدة حازم معاها الجنسية الأمريكية ).

جدير بالذكر أن نيابة شرق القاهرة العسكرية أصدرت قرارا بضبط وإحضار كل من المهندس خيرت الشاطر والشيخ حازم صلاح أبو إسماعيل والناشطة السياسية نوارة نجم وأسماء محفوظ، وعدد من الشخصيات السياسية المؤثرة على الساحة بتهمة التحريض على أحداث العباسية

تم تعديل 5 مايو 2012 بواسطة tarek hassan

[الدكتور ياسر]

[م تيمور المراغي]

عايز اسأل تيمور حاجه و يجاوبني بوضوح

نواره و 6 ابريل يتبعون منهجا فكريا مخالف تماما لمنهج اتباع ابو اسماعيل و السلفيين

احداث العباسية بدأت بذهاب اتباع ابو اسماعيل الى وزارة الدفاع بسبب استبعاد حازم من السباق و هو هدف شخصي فئوي

ايه اللي يودي نواره و زملاءها و 6 ابريل و من يتبع منهجهم للتورط في امر ذو ابعاد شخصيه حازميه واضحه ؟؟؟؟؟

فهمني و خدني على قد عقلي

شكرا

معلش يا فنان اتاخرت عليك

المبدأ هو اني قد اختلف معك تماما في رأيك او اتجاهك السياسي

لكني اتضامن معك لكي تعبر عن هذا الرأي دون قمع او اعتداء

اول ما وصلت انباء المسيره لم ينضم اليها 6 ابريل لعلمنا من مصادر مؤكدة انها مدبرة لاستدراج الثوار وفضل الحال على كده لحد ماحصلت مذبحة العباسية فجر الاربعاء و استشهد فيها زميلنا ابو الحسن ابراهيم وهو في المستشفى الميداني بسعف المصابين بحكم دراسته في طب عين شمس ..

وقتها بقينا امام نارين اما الخوف على انفسنا من القتل او الاعتقال زي ماعمل الاخوان المسلمين و ابو اسماعيل و حزب النور والجماعه الاسلاميه واغلب الرفقاء او الاعلان عن الحشد والنزول للتظاهر امام وزارة الدفاع بدون ادنى خوف ...

وتوالت الاحداث زي ما كتبت هنا عشان ما اطولش عليك ....

[Alshiekh]

عايز اسأل تيمور حاجه و يجاوبني بوضوح

نواره و 6 ابريل يتبعون منهجا فكريا مخالف تماما لمنهج اتباع ابو اسماعيل و السلفيين

احداث العباسية بدأت بذهاب اتباع ابو اسماعيل الى وزارة الدفاع بسبب استبعاد حازم من السباق و هو هدف شخصي فئوي

ايه اللي يودي نواره و زملاءها و 6 ابريل و من يتبع منهجهم للتورط في امر ذو ابعاد شخصيه حازميه واضحه ؟؟؟؟؟

فهمني و خدني على قد عقلي

شكرا

في الاحياء الشعبية بيبقى في شوية شباب روش كده بيحب يجامل، لو هناك فرح يروحوا يعمل فرقة ويغنوا ويعمل اجدع واجب ويتعشوا وياكلوا الجاتوه والحاجة الساقعة ويتوكلوا على الله،

ولو حد عنده خناقة تلاقيهم موجودين برضه ويقوموا بالواجب ومش مهم الواحد فيهم ياخد له شومة او بشلة، المهم انه يعمل جدع،

وفي في الاحياء الجديدة الفواعلية اللي قاعدين على الرصيف مستنيين أي حد يأجرهم، كل يوم يطلعوا على باب الله وهم ونصيبهم، بس دول مفيش عليهم عيب لانهم ميعرفوش غير الشغلانة دي.

أنا بقى حاولت أعرف الثوار تحت الطلب دول من أي فصيل فيهم بس مش عارف،

يعني المجموعة اللي انت بتقول عليهم دول لما طلعوا قبل كده اتهزأوا من السلفيين والاخوان وعملوا عليهم كاريكاتيرات البانديتا وانهم بيقبضوا ولابسين عبايات بكباسين والمنقبات منهن لم يثبت انهن سلفيات، ودلوقتي لما طلعوا طلعة ابو اسماعيل، بقوا ثوار شرفاء ومش لابسين عبايات بكباسين ، بس أنا شايف انها ممكن تبقى مهنة جديدة زي مصارعة المحترفين، ثورة المحترفين.

[م تيمور المراغي]

عايز اسأل تيمور حاجه و يجاوبني بوضوح

نواره و 6 ابريل يتبعون منهجا فكريا مخالف تماما لمنهج اتباع ابو اسماعيل و السلفيين

احداث العباسية بدأت بذهاب اتباع ابو اسماعيل الى وزارة الدفاع بسبب استبعاد حازم من السباق و هو هدف شخصي فئوي

ايه اللي يودي نواره و زملاءها و 6 ابريل و من يتبع منهجهم للتورط في امر ذو ابعاد شخصيه حازميه واضحه ؟؟؟؟؟

فهمني و خدني على قد عقلي

شكرا

في الاحياء الشعبية بيبقى في شوية شباب روش كده بيحب يجامل، لو هناك فرح يروحوا يعمل فرقة ويغنوا ويعمل اجدع واجب ويتعشوا وياكلوا الجاتوه والحاجة الساقعة ويتوكلوا على الله،

ولو حد عنده خناقة تلاقيهم موجودين برضه ويقوموا بالواجب ومش مهم الواحد فيهم ياخد له شومة او بشلة، المهم انه يعمل جدع،

وفي في الاحياء الجديدة الفواعلية اللي قاعدين على الرصيف مستنيين أي حد يأجرهم، كل يوم يطلعوا على باب الله وهم ونصيبهم، بس دول مفيش عليهم عيب لانهم ميعرفوش غير الشغلانة دي.

أنا بقى حاولت أعرف الثوار تحت الطلب دول من أي فصيل فيهم بس مش عارف،

يعني المجموعة اللي انت بتقول عليهم دول لما طلعوا قبل كده اتهزأوا من السلفيين والاخوان وعملوا عليهم كاريكاتيرات البانديتا وانهم بيقبضوا ولابسين عبايات بكباسين والمنقبات منهن لم يثبت انهن سلفيات، ودلوقتي لما طلعوا طلعة ابو اسماعيل، بقوا ثوار شرفاء ومش لابسين عبايات بكباسين ، بس أنا شايف انها ممكن تبقى مهنة جديدة زي مصارعة المحترفين، ثورة المحترفين.

كلام غير صحيح يا ا. محمد عشان مسيرة ابو اسماعيل كانت مساء الجمعه وبعد 5 ايام انضمت اليها 6 ابريل ..

و مكنتش اتصور انك تستخدم مصطلحات الفواعليه والاحياء الشعبيه على اطهر وانضف وارجل شباب في مصر اللي وقفوا ومازالوا واقفين لوحدهم قدام الحراميه والمجرمين في الوقت اللي الكل بياخد على دماغه وساكت