الرصاص الحي و الخرطوش في مواجهة المعتصمين أمام وزارة الدفاع

[se_ Elsyed]

حسبي الله ونعم الوكيل

قربت بإذن الله .. قربت وكل الناس هاتعرف مين أعداء الثورة

على التليفون الأن المستشار المحترم زكريا عبد العزيز نائب رئيس محكمة الأستئناف الأسبق يقول أنه حاول الدخول لميدان العباسية اليوم لمؤازرة الشباب هناك .. فوجد ميدان العباسية بالكامل محاصر بالبلطجية ذوي الاشكال الغريبة وهم يحملون الأسلحة النارية والألية ويحكموا الحصار على منطقة العباسية من كل مكان لدرجة إنهم سيطروا على محطات مترو الانفاق في العباسية وكوبري اقبة ومنشية الصدر وأي مواطن حتى بيقرب من المحطة بيتم الغعتداء عليه .. فقام على الفور بالإتصال بمدير امن القاهرة وقال له هانسيطر على الوضع ونبعت تشيكلات ... وحتى الأن يتحدث من هناك بأنه لم يُشاهد أي ظل لعسكري شرطة ... وما يحدث الأن هو مذبحة بكل معنى الكلمة ....

عرفتوا مين الكلاب أيها السادة ؟

اللي حتى لو إنت نايم في بيتك هايخترعوا حرايق فيي كل مكان .. وهايفتعلوا أزمات بنزين وغاز وخلافه لأجهاض ثورتك .. يعني الموضوع مش متعلق بعاسية او التحرير او غيره .

[ام سلمي]

مستشار زكريا عبد العزيز بيتكلم علي الجزيرة دلوقتي بيقول

دي مهزلة دي مدبحة

الاهالي بيقولوا ان من اللي بيعملوا كدة عساكر جيش ، او علي الاقل بيتركوا البلطجية يدخلوا

و معاهم اسلحة الية ، وغرضهم تصفية الموجودين

هل المقصود تأجيل الانتخابات ، هل المقصود ذبح المعتصمين السلميين

كلمت مدير امن القاهرة والي الان لا يوجد ظابط شرطة واحد

و الي بيروح محطة مترو العباسية بيعتدي عليه

و الوفيات تقارب 20

اثناء الثورة الشرطة اختفت لكن الان هناك قوات شرطة لماذا لا تتدخل ،

اناشد كل وطني ان يقف لصد الفتنة

[احمد رضوان]

صمت على جميع المستويات

أيها العار لا تبحث لك عن رجال غير رجالنا ولا أرض غير أرضنا .... فالكل موتى ... والأمل يذبح والكل يصطنع البلاهة

[se_ Elsyed]

وبما إن موعد الإنتخابات المفروض قرب ... وعندنا موقعة جمل ... يبقى فاضل إيه ؟

برافو .. فاضل فتح السجون

أبشروا .. أمناء وأفراد الشرطة أرسلوا إنذار لوزارة الداخلية يمهلونهم أيام قليلة لتنفيذ مطالبهم وإلا سيخلوا جميع السجون ويتركوها على عروشها ....

وبدأوا بالفعل في إحتجاز قيادات السجون في عدة سجون .. وقفل مديريات الأمن وبعض الأقسام ..

حسب ما جاء في صحيفة الشروق

[Om Zayd]

http://ow.ly/aE4Hw المستشفى الميداني: 15 قتيلا باعتصام الدفاع حتى الآن.. وسيارات الإسعاف تنقل المصابين للبلطجية

[se_ Elsyed]

وبالنسبة للخمسميت واحد عضو مجلس الشعب أو الـ 300 بتوع الشورى

طبعاً مش فاضيين ودايرين يرقصوا ويسقفوا في مولد سيد المرسي

أخص عليكم وعلى اللي ينتخبكم تاني ...

[se_ Elsyed]

عشان نقطع الطريق على كل مرجف ويقول لك إيه جابهم العباسية أو إيه اللي لبسهم عبايات بكباسين وملابس داخلية ملونة

فاللي بيحصل ده لو بيحصل في مذبحة كلاب كالمعتاد بعد أحمد محمود وماسبيرو ومجلس الوزرا والداخلية .. كانت منظمات حماية الحيوانات تدخلت...

[احمد رضوان]

عاطف الجوهري ... سقط اليوم فجراً

[se_ Elsyed]

الداخلية: ضبطنا شخصين من أنصار أبو إسماعيل بحوزتهما 24 نبلة وألف بلية - بوابة الشروق

قول والله ؟؟؟

[ام سلمي]

كلنا خالد سعيد

للناس اللي بتسأل وزارة الداخلية فين .. الحمد لله وزارة الداخلية موجودة وقدرت تضبط 24 نبلة وألف بلية مع أنصار أبو إسماعيل !!!!!!!!!!!!!!!!!!!!!!!!

ضبط شخصين من أنصار "أبو إسماعيل" بحوزتهما 24 نبلة وألف بلية في طريقهما للعباسية

تم تعديل 2 مايو 2012 بواسطة ام سلمي

[Om Zayd]

أبو الفتوح يعلق حملته احتجاجا

عااااااااااااااااااش

[se_ Elsyed]

اخبار #مصر | عاجل : حزب الحرية والعدالة يرفض حضور لقاء العسكرى لاجتماع الأحزاب اليوم احتجاجا على المذبحة التى تحدث أمام وزارة الدفاع #ENN #Egypt #Tahrir#MOD

<br class="Apple-interchange-newline">

إنت بتصدقي يا أم كريم ؟

عفواً .. التصرفات اللي بيعملوها دي هي تصرفات العجزة .. الولايا .. قليلي الحيلة

هو ده اخرهم ؟؟ يفركشوا جلسا مجلس الشعب أو ما يحضروش لقاء العسكري ؟؟؟

طب خدي المفاجأة ... الإجتماع الماضي الأسبوع اللي فات قبل ما يبقى في أي أحداُث .. ما حضروش وبعتوا عصام العريان فقط لان المرسي والكتاتني وباقي القيادات مشغولين في اللقاءات بتاعت الإنتخابات

فما تصدقيش إن ده موقف رجولي

لأن الراجل بيبقى إيجابي حتى لو يضحي بنفسه لتصحيح الوضع .. مش يتقمص ويقول والله ما أنا لاعب

[se_ Elsyed]

الكلام الخايب اللي بيتردد دلوقت عن دور حازم أبو إسماعيل ... وإبراهيم أو محمدين ... هل هي دي المشكلة أم المشكلة في من يذبحوا الان في منطقة مش ببلاد الواق واق ولكنها في قلب القاهرة ؟

وفين دور الدولة هنا ؟

وإذا كانت الداخلية ألقت القبض أول أمس على 7 من أنصار أبو إسماعيل وبتحقق معاهم الان .. والنهاردة ظبطوا نبل وبلي ..

إيه إنتو قلوبكم إتعمت وما تفرحوناش في مره في القبض على حد من الشرفاء اللي وصل بهم الفُجر إلى ذبح احد المعتصمين اليوم فجراً من الوريد للوريد بسكين ومش عاوز انزل الصور إحترماً لمشاعر الناس

[se_ Elsyed]

لما حصلت أحداث محمد محمود ما كانش عندي ادنى شك في عدم تأجيل الإنتخابات

لكن في ظل تصاعد الأحدااث المدبرة في مصر من حرائق متكررة ومجهولة الأسباب إلى الهجوم على المعتصمين السلميين بالعباسية

أصبح الأن أخر ورقة في يد عصابة العسكر هي إلغاء أو تأجيل الإنتخابات ولو لـ 24 ساعة

وفي هذه الحالة ستتحول البلاد إلى ليبيا أخرى

ولا أقول سوريا لأن جيشنا رجالة يعرفوا ربنا ... بعكس القيادات اللي ما يعرفوش غير مصلحتهم والسبوبة فقط .... وبالتالي مصيرهم جميعهم هايبقى نفس مصير القذافي بإذن الله

ففي خلال أقل من عام ونصف في ظل حكم عصابة مبارك العسكرية .. مات الالاف من الشباب بدون أي ذنب ..... ودمهم مش هايروح ولو بعد حين

[se_ Elsyed]

حتى المشايخ الخايبين ... اللي أنكشفوا وأنكشف دورهم .. لما كان حد يقول يسقط يسقط حكم العسكر .. كانوا يطلعوا يكلمونا عن إن الجيش اخر عامود وعيب كده وما يصحش

مع إن حتى ما فيش عسكري جاله كحه في خلال تلك الفترة الماضية

وكأن بحور الدماء دي لا تلفت نظرهم وكأن تلك المذابح لا تظهر على قرنية اعينهم ...

عارفين ليه ؟

لأنها لا تعمي الأبصار ولكن تعمى القلوب التي في الصدور

وخير دليل على ذلك شخص رباني أبى الظلم وأبى الذل وأب الخضوع ونزل ضحى بنفسه وروحه عشان يفدينا أحنا ... رحم الشيخ عماد عفت اللي بإذن الله فاز في الدنيا وسيفوز في الاخرة

[Om Zayd]

مصطفى النجار عضو مجلس الشعب عن حزب العدل:

اعتذرت عن لقاء المجلس العسكرى اليوم وغير مشارك فى الاجتماع وأدعو الدكتور الكتاتنى لعقد جلسة طارئة للبرلمان

[se_ Elsyed]

مصطفى النجار عضو مجلس الشعب عن حزب العدل:

اعتذرت عن لقاء المجلس العسكرى اليوم وغير مشارك فى الاجتماع وأدعو الدكتور الكتاتنى لعقد جلسة طارئة للبرلمان

ومحمد الصاوي كمان

لكن كل عتابي على الأغلبية واللي عددهم بالالاف اللي لازم ياخدوا بعضهم دلوقت على المجلس العسكري ويقولوا له غور في مليون داهية خربت البلد وقعدت على تلها

[Om Zayd]

و لسة ناس بتتكلم و تقول ايه وداكم هناك؟؟

و البلد تمشي ازاي لما كلنا نعتصم؟؟

و دول أهالي متضررين من وجود الاعتصام.. فبيدافعوا عن نفسهم و رزقهم

(بالآلي و قنابل الغاز... عادي يعني)

حسبنا الله و نعم الوكيل

[Om Zayd]

فقط للتذكير.. المعتصمون لم يحاصروا وزارة الدفاع ولم يهاجموها

و لو كانوا فعلوا .. كان الجيش هو المطالب بالرد و ليس "المواطنون الشرفاء

[Om Zayd]

اشتباكات كهذه

أين الداخلية؟؟؟؟؟

أم لم يتم تدريبهم بعد؟؟؟؟؟