بخصوص توثيق الورق والشهادات في الخارجية

[khaled teleb]

السادة أعضاء المنتدي الكرام

السلام عليكم ورحمة الله وبركاته

إن شاء الله مسافر السعودية للعمل في جامعة كأستاذ هناك ، وإن شاء الله هاخد المدام والبنتين ، وكنت عايز أعرف إيه الشهادات إللي أوثقها في الخارجية ، يعني هل مطلوب شهادات الميلاد لية وللمدام والبنات وشهادة الزواج ولا كفاية الباسبور .

ولكم جزيل الشكر والإحترام

[kinglove]

عليكم السلام ورحمة الله وبركاته

لازم تصدق يا اخي شهادتك الجامعيه ووثيقة الزواج وشهادة ميلاد الأبناء من الخارجية المصريه والقنصلية السعوديه .

ارجو الدعاء لي بظهر الغيب بأن يرزقني الله الذرية الصالحة .

[احمد حمدى]

وعليكم السلام ورحمه الله وبركاته

الاوراق المطلوبه لعمل استقدام الزوجه والابناء هى

1- شهاده المؤهل الدراسى مختومه من الخارجيه المصريه والسفارة السعوديه والممثليه السعوديه بالقاهرة

2- عقد النكاح ( الزواج ) مختوم من الخارجيه المصريه والسفارة السعوديه والممثليه السعوديه بالقاهرة

3- شهاده ميلاد الابناء مختومه من الخارجيه المصريه والسفارة السعوديه والممثليه السعوديه بالقاهرة

طريقه التوثيق

بالنسبة للمؤهل الدراسى انت بنفسك بتوثقة من الخارجيه المصريه بمبلغ 11 جنيه وبعدين تودى المؤهل لمكتب السفريات اللى انت طالع منه يوثقلك الورق من السفاره والممثليه والاتعاب حسب الاتفاق

بالنسبه لعقد الزواج يجب ان يكون العقد مختوم من المحكمه التابع لها وايضا مختوم من رئيس مباحث القسم التابع له وايضا مختوم من وزارة العدل ثم تقوم بنفسك بتوثيقة من الخارجيه المصريه بمبلغ 11 جنيه وبعدين تودى العقدلمكتب السفريات اللى انت طالع منه يوثقلك الورق من السفاره والممثليه والاتعاب حسب الاتفاق

بالنسبه لشهاده ميلاد الابناء لازم الشهادات الالكترونيه ودى فى الاول لازم تختمها من السجل المدنى الموجود فى العباسيه وبعدين تقوم بنفسك بتوثيقة من الخارجيه المصريه بمبلغ 11 جنيه وبعدين تودى الشهادات لمكتب السفريات اللى انت طالع منه يوثقلك الورق من السفاره والممثليه والاتعاب حسب الاتفاق

معلش هى لفة شويه لكن انت ممكن تعمل ده كله فى يوم واحد بس بشرط انك تاخد اليوم من الاول

انا عملت كده بالظبط بس الصراحه ربنا كرمنى بواحد هو اللى خلص لى كل الاوراق دى وبعربيته الخاصة واخد من 150 جنيه اتعاب وانا كنت قاعد معه بس فى العربيه وهو بيخلص كل حاجه وبعتذرلك انا كان معايا رقمه بس ضاع منى

وممكن كمان انت تروح الصبح بدرى الساعه 7 الصبح ومعاك الاوراق بتاعتك عند مكتب تصديقات وزارة الخارجيه اللى فى احمد عرابى هتلاقى هناك ناس كتير معاها عربيات خاصه وهى اللى بتخلص كل الشغل ده واتفق معاه على الاتعاب بتاعه المشاوير دى كلها او انت فهمه القصه وهو هيخلص كل حاجه بنفسه

اتمنى ان اكون قدرت اوصلك المعلومه وتستفيد ان شاء الله

لا تنسانا من دعواتك ان شاء الله وربنا يكرمك يا رب

[khaled teleb]

عليكم السلام ورحمة الله وبركاته

لازم تصدق يا اخي شهادتك الجامعيه ووثيقة الزواج وشهادة ميلاد الأبناء من الخارجية المصريه والقنصلية السعوديه .

ارجو الدعاء لي بظهر الغيب بأن يرزقني الله الذرية الصالحة .

جزاك الله أخي كل خير ، وإن شاء الله أدعوا لك بإذن الله تعالي .

[khaled teleb]

وعليكم السلام ورحمه الله وبركاته

الاوراق المطلوبه لعمل استقدام الزوجه والابناء هى

1- شهاده المؤهل الدراسى مختومه من الخارجيه المصريه والسفارة السعوديه والممثليه السعوديه بالقاهرة

2- عقد النكاح ( الزواج ) مختوم من الخارجيه المصريه والسفارة السعوديه والممثليه السعوديه بالقاهرة

3- شهاده ميلاد الابناء مختومه من الخارجيه المصريه والسفارة السعوديه والممثليه السعوديه بالقاهرة

طريقه التوثيق

بالنسبة للمؤهل الدراسى انت بنفسك بتوثقة من الخارجيه المصريه بمبلغ 11 جنيه وبعدين تودى المؤهل لمكتب السفريات اللى انت طالع منه يوثقلك الورق من السفاره والممثليه والاتعاب حسب الاتفاق

بالنسبه لعقد الزواج يجب ان يكون العقد مختوم من المحكمه التابع لها وايضا مختوم من رئيس مباحث القسم التابع له وايضا مختوم من وزارة العدل ثم تقوم بنفسك بتوثيقة من الخارجيه المصريه بمبلغ 11 جنيه وبعدين تودى العقدلمكتب السفريات اللى انت طالع منه يوثقلك الورق من السفاره والممثليه والاتعاب حسب الاتفاق

بالنسبه لشهاده ميلاد الابناء لازم الشهادات الالكترونيه ودى فى الاول لازم تختمها من السجل المدنى الموجود فى العباسيه وبعدين تقوم بنفسك بتوثيقة من الخارجيه المصريه بمبلغ 11 جنيه وبعدين تودى الشهادات لمكتب السفريات اللى انت طالع منه يوثقلك الورق من السفاره والممثليه والاتعاب حسب الاتفاق

معلش هى لفة شويه لكن انت ممكن تعمل ده كله فى يوم واحد بس بشرط انك تاخد اليوم من الاول

انا عملت كده بالظبط بس الصراحه ربنا كرمنى بواحد هو اللى خلص لى كل الاوراق دى وبعربيته الخاصة واخد من 150 جنيه اتعاب وانا كنت قاعد معه بس فى العربيه وهو بيخلص كل حاجه وبعتذرلك انا كان معايا رقمه بس ضاع منى

وممكن كمان انت تروح الصبح بدرى الساعه 7 الصبح ومعاك الاوراق بتاعتك عند مكتب تصديقات وزارة الخارجيه اللى فى احمد عرابى هتلاقى هناك ناس كتير معاها عربيات خاصه وهى اللى بتخلص كل الشغل ده واتفق معاه على الاتعاب بتاعه المشاوير دى كلها او انت فهمه القصه وهو هيخلص كل حاجه بنفسه

اتمنى ان اكون قدرت اوصلك المعلومه وتستفيد ان شاء الله

لا تنسانا من دعواتك ان شاء الله وربنا يكرمك يا رب

ألف شكر علي المعلومات ديه ، بالفعل جت في وقتها ، جزاك الله كل خير أخي الكريم .