ليه تخسر صديقك؟؟

[فــيــروز]

بس أنا مش بتكلم عن أخطاء عابرة.. أنا بتكلم عن أخطاء فادحة

لا طبعا الاخطاء الفادحه لها حسابات اخرى mfb:

ربما تحتاج من الانسان الى بعض الوقت بمفرده بعيدا عن صديقه ليستطيع نسيان هذه الاخطاء و تصفية نفسه كى يعود كما كان ngh:

[Guest النسر المصري]

أولاً أناأحيي فيروز على هذا الموضوع

وأنا أساسا من عشاق فيروز بشكل مش طبيعي

يومياً أسمعها ويوميا اتكلم عنها ... فيروز دي حاجة فوق الجمال .. فيروز دي حاجة كدة يسلاااام .دي دي

أه لا مؤاخذة معلش أنا طلعت برة الموضوع

بعد التحيات الخالصة التقدير للزميلة الصديقة الرائعة فيروز

والتي أتمنى إن تتقبلني كمشارك دائم مداخلاتها وحوارتها الرائعة

ُفأنا بقى عندي من الموضوع دة أهمية قصوى في حياتي

يعني عندي كم من الأصحاب والأصدقاء والمعارف يتعدوا المائة ألف

إشي من مصر وإشي من العريش وإشي من الكويت اللي أنا فيها وحبة هنود على اتراليين على سوريين على لبنانيين على يمنيين على كام موريتاني وهندي وباكستاني واللي صعيدي بلد الجدعان واللي منوفي أصيل واللي دماياطي كريم واللي اسكندراني أيووووه بلد الحلوين... وهات يافرنسي على أمريكي وياكندي يامدلعني وأفريقي سمعني ...ياااااه كم من صديق أنا أحتفظ به

ده لأني باقسم الناس عندي حسب أخلاقها وصدقها

مش حسب المواقف لان اللي يحسبها بالمواقف يبقى دة بتاع مصلحته

ولما اتخذتها على الاخلاق بقت لي قاعدة عريضمن الأصدقاء

وهنروح بعيد ليه صديق جايه من كلمة الصدق

طالما مابيكدبش يبقى صديق

ومش مهم عددهم من يبقوا فوق المليون

لانهم كلهم بيحبوك حيث انك جمعت بين مجموعة صادقه في كلامها .. حتى لو اختلفت اللغة والعرق والدين

المهم الصدق

وعندي مبدأ شغال عليه ياجماعة في الدنيا عامة واللي هيمشي عليه هيرتاح قوي

تدي جنييه.. تاخد عشرة

وبمعنى أصح الحسنة بعشرة أمثالها

والحقيقة انهم اكثر من عشرة

أما بقى مش قادر تستحمل وعايز ترد على كل كلمة وعايز تحس انك الزعيم وانك انت المتحكم والمنتصر على صاحبك

تبقى انت كدااااب...ليه.. لانه مش صاحبك اللي انت المفروض تعمل عليه الهيمنة والسيطرة

صاحبك هو اللي انت تنكر نفسك جنبه..يقوم صاحبك ينكر نفسه هو بدوره وهكذا هتلاقوا مايسمى في علم الخيال

اتحاااد الروح

الكلام دة مش مع صاحبك بس .. دة كمان مع مراتك وابنك واخوك وامك وابوك وكل الناس

والعلم اللي انت عارفة ومخبيه على اللي حواليك خوفا ان زميلك يبقى اشطر منك هتلاقي ربنا مسخر له كل التوفيق هيخليه احسن منك وفي الآخر مش هيزيد جواك إلا نار وغيره تحرقك من جواك

لانك ماخدتش مبدأ تدي جنيه..تاخد عشرة

أنا كنت أيام المدرسة ومازلت بموووت في الرسم ودخلت فنون جميلة واتخرجت

طوال الدراسة كان في ناس مابتحبش تساعدني في فهم الدروس لاني ماكنتش بهتم بالمواد الدراسية ..كنت فن وبس

ومرت السنين ولقيت العلوم الثقافية اللي انا أعلمها تفوق ذكاء الناس المتفوقين الحقودين على انفسهم

ولما دخلت الكلية كنت ولله الحمد من أشطر الرساميين واستمريت في ان اللي أعرفه وأول ماعرفه أقولها للجنبي وزميلي وزميلتي وصاحبي

وهكذا لقيت نفسي يدوب بدي المعلومة للجنبي ألاقي نفسي اعرفت عشرين معلومة جنبهم

واكتسبت شعبية ضخمة في الكلية بدون قصد ولقيت ناس بيسلموا علي ويطلبوا المشورة لدرجة الخصوصيات اللي جواهم بقوا يتانقشوا معايا فيها

كل دة خلاني ادعوا بالفخر اني عندي اصدقاء زي دول رغم من عددهم ممكن ما افتكرش اسمائهم

أصدقاء كان قوامهم الصدق والأمانة والإخلاص

وكتييير كانوا بيقولوا لي ان الطيب في الزمن دة مالهوش نصيب

كذب والله ياجماعة الاثبات حي قدامنا اهو عدد ضخم من الاصدقاء ومازالنا نذكر لبعض بالخير وكل الخير

وكلنا بنحب الطيبة ولو حد وقع فينا..هوب..فريييييييرة نقوم نساعدة

انتم عارفين عمري كام سنة ??

ومش متجوز

ورغم ذلك عندي اهم صحاب لي من هم في الاربعين والخمسين

وفي اللي فيهم بقى جد

وكلهم بيعاملوني ان مافيش فرق بيني وبينهم بل وهم رغم انهم اصحاب مراكز إلا انهم بياخدوا المشورة مني زي ما انا باخدها منهم

دة لانه وبكل جرأة ممكن يغير موقفه ويقول انه غلطان بل ويعتذر ولا جواه كلام خايب زي الانتصار على غريمي عشان كرامتي

كرامتك هتفقدها بالكلام الفاضي دة

افتكروا مين اللي بقى وفضل صاحبك

مفيش فيهم فضل غير الصادق الأمين

دة دي حتى كانت أهم صفتين حبوها المشركين في رسول الهه محمد عليه الصلاة والسلام

حبوه وصادقوه وودعوه عنده الأمانات رغم انهم مشركين ..ليه ... لانه الصادق الأمين

وكان الله في ما اقول شهيد

والسلام عليكم

[mwefy]

انا رأي يمكن يكون مختلف بس ده يمكن لان انا الصداقه او الاصدقاء دول جرء من الحياه اللي انا عايشها يعني ما ينفعش اعيش من غيرهم ده بصراحه انا رأي ان كل بني ادم في عيوب واول حاجه لازم تعرفها في صاحبك عيوبه ولازم تتعامل معاها لازم تتقبله من الاول زي ما هو لان انت كمان فيك عيوب وهو بيتقبلك ف الموضوع انك لازم تكون صريح مع صاحبك ومع نفسك ولازم يكون في قر كبييير من العتاب العتاب ده ظاهره صحيه جدا جدا لازم تكون انت وهو ملتمسين لبعض الاعزار انا اصحابي كلهم 5 من ضمنهم اخويا كلنا موجودين في مصر كلهم متجوزين تقريبا انا لسه علي وش جواز (يا كسوفييي) بنتقابل علي طول عارفين بعض كويس عارفين عيوب بعض كويس جدا بنحاول نتعامل مع بعض بعيدا عن العيوب دي ومش فاصلين حيتنا الزوجيه عن الصداقه يعني كلنا بنكون مع بعض مع زوجتنا بصفه مستمره عارفين مشاكل بعض بنحكي لبعض هتسدقوني لو قولتلكو ان اصحابي كانو من اهم الاسباب اللي ما سافرتش اشتغل بره مصر عشنها والله دي حقيقه انا مش متخيل نفسي لوحدي من غير اصحابي تبقي علاقتي بيهم كلها شهر في السنه وخلاص شيء انا مش ممكن استحمله

[Cleo]

إذا هجرك صديق بدون سبب... يعنى ملل... انشغال.... إلخ...

هل تلح عليه وتفرض نفسك عليه حتى تعود المياه لمجاريها؟؟؟ ولا تستسلم لهذا الوضع و تفضل تتركه على راحته؟؟

[Cleo]

هل تصلح المواجهة فى جميع المواقف؟؟؟ سواء لحل المشلمة و استمرار العلاقة، أو للفصل فيها نهائيا؟؟

[Modest]

هل تصلح المواجهة فى جميع المواقف؟؟؟ سواء لحل المشكلة و استمرار العلاقة، أو للفصل فيها نهائيا؟؟

هذا يعتمد على شخصية كل من الطرفين ... قد يكون أحدهما حاد الطباع لا يقبل الرأي الآخر و هذا يُفشِل محاولة إيجاد حل للخلاف بينهما.

تصلح المواجهة فقط عندما يكون الطرفان على استعداد نفسي للإلتقاء في منتصف الطريق مع تقديم ما قد يتصورونه من تنازلات حتى يعود الوئام بينهما.

و الأمر يعتمد أولاً و أخيراً على سبب الخلاف .. قد يكون سبباً يجعل المواجهة بلا طائل.

[Cleo]

قد يكون سبباً يجعل المواجهة بلا طائل.

زى ايه مثلا؟؟

أحيانا بحس إن المواجهة بتكون مجرد تحصيل حاصل... وفى الأخر هاتدى اللى قدامك فصة إنه يقول أى حجة واهية انت عارف انها أى كلام.... mc(:

[Modest]

قد يكون سبباً يجعل المواجهة بلا طائل.

زى ايه مثلا؟؟

مثال بسيط: تكرار تَخَلي أحدهما عن الآخر في وقت احتياجه له بلا عذر.

و مثال أقوى: الخيانة بمفهومها المُطلَق أي حدوث أي نوع من أنواعها لإن حدوثها من أي منهما ينفي وجود صداقة حقيقية من الأصل و بالتالي لا طائل من حدوث مواجهة لمحاولة استمرار علاقة لم تكن حقيقية.

[Cleo]

نقدر نعتبر إن وسائل الاتصالات الحديثة زى الموبايل والإنترنت عامل هدم تدريجى لعلاقات الصداقة فى العالم الواقعى (يعنى لو استثنينا عالم النت وصداقاته) ؟؟

[se_ Elsyed]

إذا هجرك صديق بدون سبب... يعنى ملل... انشغال.... إلخ...

هل تلح عليه وتفرض نفسك عليه حتى تعود المياه لمجاريها؟؟؟ ولا تستسلم لهذا الوضع و تفضل تتركه على راحته؟؟

لو عمل كده والهجر طول ما يبقاش صديق ولكن يبقى شنكوتي .. وده إختبار وضح حقيقته ، وقلت معرفتة تبقى أحسن ...

فالصديق الصح صح هو الذي لا ينتظر أن يسأل عنه صديقه الأخر بل يبادر هو بفعل ذلك ..

وزي ما قلنا يا كليو - ده كان موضوع برضوا لفيروز إسمه كيف تختار أصدقاءك - على ما أتذكر - إننا يجب أن نُصنف الأصدقاء

صديق درجة اول مُكيف .

صديق درجة أولى بس مش مكيف

وهكذا إلى أن يصل إلى درجة زميل سواء في العمل أو الدراسة وتنقطع علاقتي به بمجرد أن أترك العمل وأروح أنام .

نقدر نعتبر إن وسائل الاتصالات الحديثة زى الموبايل والإنترنت عامل هدم تدريجى لعلاقات الصداقة فى العالم الواقعى (يعنى لو استثنينا عالم النت وصداقاته) ؟؟

برضوا لأ فالوسائل التكنولوبية الحديثة دي تُستخدم بين الزملاء أو الأصدقاء اللي مش في الدرجة الأولى المُكيفة ...

يعني مثلاً لو أنا بأمر بظروف صعبة أو حتى سهلة .. هل تتصوري إني أقبل مكالمة تليفون من صديقي الصدوق أو زي ما بيقول اللمبي ( صاحبي الأنتيخ ) وبكده يبقى عمل الواجب ؟

طبعاً لأ وألف لأ .. وتبقى فيها حق عرب ونص خروف .

أنا بأتكلم هنا عن الأصدقاء اللي عايشين في مدينة واحدة وقريبين من بعض .

ولا أقصد حالات إستثناء كأن تكون مصادفة إن صديقي عنده ظروف تمنعه من إنه يقف بجانبي في هذه الظروف ..

يعني مرة إثنين ماشي .. لكن يستهبل فيها ويقضيها موبيلات وميسدات .. يبقى كده ينزل من الدرجة الأولى المُكيفة على طول من غير جدال .

[Hammer]

ساعات الصداقه بتبقي عاملة زي الجواز , تفشل لأسباب ( تراكمية ) , يعني المشاكل و الخلافات اللي ممكن تكون صغيرة , بس إهمال الحور الصريح يجعلها تتراكم و تترسب علي مر الأيام و السنين حتي يفيض الإناء.

و للأسف , عندنا مشكلة في ثقافتنا , ألا وهي عدم قدرتنا علي الحوار بين المختلفين , فنعديها مرة , و ننفعل عصبياً مرة و نصهين مرة .. لغاية ما يحصل تشبع بالمشاكل و تفسد العلاقات .

[~Heba~]

إذا المرء لا يرعاك إلا تكلفا فبعه و لا تكثر عليه التأسفا

هذا هو بالضبط ما يشرح لِمَ يمكن ان اخسر صديق..... لا يمكن ان اظل ارعى انسان و اعتبره صديق مقرب و انا لا أعنى له اى شئ الانسحاب بهدوء من حياته يكون افضل

و بمناسبة موضوع الصداقة ده و انا بالصدفة قريته انهارده وانا اقوم عن حاجة فى المنتدى

يقال انه : صديق كل الناس ليس صديق احد

فهل هذه المقولة صحيحة؟

و هل تعنى ان الانسان الاجتماعى - ينشئ الصداقات بسهوله و له الكثير منها - رغم ما يبدو عليه من انه مقرب للجميع لكنه فى الحقيقة وحيد و لا يجد الصديق الصدوق فعليا؟؟؟!!!

[MZohairy]

اذا كانت تصرفاته بتشير بشكل واضح و متكرر الى انه بيسعى لخسارتي فمفيش مانع ابدا اني اسعى انا كمان لخسارته

كما ان الاسباب الشخصيه لتبرير الخطأ في الغير زي انا اصلي عصبي او لما بقوم من النوم بكون مش طايق دبان وشي و معلش اصلي كنت متنرفز

كل ما هو بعاليه هو تهريج و عذر اقبح من الذنب نفسه

[اليوم السابع]

يفقد الصديق لما تكون جنبه في افراحه واحزانه البسيطة ولكن لما تحتاج المساعدة بجد وتحتاج راجل بجد وماتلاقهوش

لما تكون بمثابة المعلم ليه بتفكر له وبتساعده وبعدين تلاقيه شكك فيك واتهمك بالباطل

صعب تستمر

[لولا]

كل واحد فينا كان له فى يوم صديق عزيز عليه جدا جدا جدا.. أكتر من أخ.. أكلين شاربين نايمين مع بعض.

فجأة... يختلفوا... وكل واحد فيهم يروح فى طريق ومشعارهم تجاه بعض تتغير.

إيه فى الدنيا ممكن يخليك تخسر واحد بتحبه؟؟

ليست سبب ولكنها اسباب ..

عندما تتدخل ظروف اكبر منك ومنه وتفرقكم غربه وتبتعد المسافات وتقل المكالمات وتضيع العلاقه فى زحمة الحياة وبعد المسافات !!

يظل دوما هناك شيء جميل وتسعى لتحدثهم عندما تسمح الظروف وتقابلهم ايضا ولكن المفاجأة انك قد تجد انك ربما لم تعد تعنى

لهم تماما كما هم بالنسبه لك .. الظروف ثانية تتحكم بالموقف بشكل ما ..

اتذكر قبل ان اتجوز ان صداقاتى غالبا كانت مع فتيات غير متزوجات .. بعد الزواج ولم اكن قبلا مقتنعه بذلك ولكن تغيرت قناعتى

وجدت بعد فتره ان الأحاديث اختلفت والإهتمامات وشكل المسؤوليات وطريقه العيش وان صداقة تجمع فتاة متزوجه مع اخرى غير متزوجه

ينقصها شيء ما ..

لم تعد ذات الأحاديث والأسرار الصغيره التى كانت تجمعنا قبلا هى نفسها ولم تعد الإهتمامات نفسها بشكل ما.. ولا اعرف لماذا تأتى النصيحه

غالبا من صديقه غير متزوجه لمتزوجه عند اى خلاف زوجى بمثابه سكب البنزين على النار - بحسن نيه طبعا- ولكن قلة الخبره واختلاف الظروف تؤثر خصوصا

عندما نكون كلنا اصلا فى سن صغير نوع ما .

وهناك علاقات كانت تلبس ثوب الصداقه بالخطأ .. خطأ نكتشفه لاحقا ونعرف اننا اخطأنا الإختيار منذ البدايه اصلا رغم العشره

والذكريات الموجوده ولكن تأتى مواقف تظهر ان من كنت تظنه صديق لم يكن يستحق الوصف الذى تسبغه قداسه كلمه صداقه عليه .

ارى الصداقه فى كل الأحوال بمعناها الحقيقى العميق عملة نادره فى هذا الزمن .

لولا