جهزوا التورتات والليموناضة وتعالوا يللا لعيد ميلاد لماضة

[لماضة مصرية جدا]

والنهاردة لازم يكون ...........الدخول بالاحساس فقط.

http://www.vectoriza...y-mariposas.jpg

وقبل ما حد يدخل المكان ده لازم يقول .

بسم الله ماشاءالله

http://www.hi-mama.c...2010/07/881.gif

من كذا سنة ..اتولدت بنت جميلة على أرض مصر الطيبة ويومها ياأهل الخير الناس مكانتش عارفة سبب نزول المطر وسبب خضار الزرع وايه ريحة المحبة اللى مالية الكون ده كله .

من كذا سنة ...لما اتولدت البنت جميلة القلب والروح كل الناس اتجمعت وكل الناس اتصالحت مع بعضها ومع نفسهم ..كل واحد اتصالح مع نفسه ,

وخلاص ...بطلوا يحسوا بأى قلق أو أى خوف .

قالوا ..النهاردة اتولدت فراشة جميلة بألوان زاهية تسر العين والخاطر ..متعرفش اى طريق غير طريق الورود .

ومن كذا سنة ....مرت كام سنة .

وقررت البنت الجميلة ..تكبر.

بس معرفتش تبقى حاجة تانيا غير نفسها .

كبرت البنت ف تفكيرها وعقلها .لكن قلبها فضل قلب طفلة صغننة ميعرفش يشيل جواه الا كل الحاجات الحلوة .

ربنا يسعدك ياأجمل ريهام ف الدنيا بحالها ... :clappingrose:

ازاي فاتني...ده

ازاي مكنتش هنا

هتصدقي اني قمت و بصيت لروحي في المراية و حضنتني و كدهوت....و احتمال يعني احبني.....(وش حد لمض بس بيضحك اوي)

اقولك علي حاجة و متضحكيش عليا...قولي في سرك البنت دي كده بجد كبرت...و عقلت و الفيوزين في دماغها خلاص هينوروا اللمبة

انا كنت فاكرة ان الارض الطيبة....هي الارض اللي اتولدنا فيها....الطين اللي اتعجنا بذكرياتنا و حكياتنا و تفاصيل السعادة اللي ربطناها بمكان علي الخريطة

كنت فاكرة ان الأرض الطيبة دي هي "مصر" الحتة بتاعتي انا و اللي فيها ملامحي أنا....و اللي بزعل اوي لو حد قالي انتي شكلك مش مصري...بحسه بيهيني

لما سافرت فضلت شايلة جوه مني كل الخيوط اللي ترجعني ليها...للارض دي...للحتة دي....للوجع ده

لما رجعت....غضبت...و زعلت و دبدبت برجلي علي الارض و قولت مش لاعب انا عايزة الارض بتاعتي...انا عايزة الحلم بتاعي

دلوقتي بقيت مصدقة...ان "الأرض الطيبة".....جوانا احنا

بلاقيها في ناس تحضني حروفها....زي حضرتك

بلاقيها في فرحة يخطفها قلبي في ابعد مكان علي الارض

بلاقيها في حلم يمكن يتحقق في مصر و يمكن يتحقق براه

بلاقيها في تفاصيل انا بس اللي اعرفها و افضل اضحك عليها و يمكن اشيلها جوه مني لو يوم نويت ارجع اسافر

الارض الطيبة

انا مقدرشي ادعي ابدا اني كشخص....ممكن اكون "ارض طيبة"....يمكن بحاول....بعافر...بزرع مرة...و اتعلم مرات

بس اللي اقدر اقوله بالفم المليان اوي

و بصوت عالي اوي

و من جوه قلبي اوي

انتي بجد...."ارض طيبة"....هفضل مربوطة فيكي...و هفضل مادة جدوري تتشعلق علي جدرك...و ساقي يلتف علي ساقك...علشان النبتة اللي بحاول ارعاها جوه مني تكبر بملامح قلبك اللي بحسه من حرفك و من ابجديتك

المكان هنا....الفسحة البيضا دي....الشاشة المبدورة حروف و صور رمزية و توقيع للشخصية...و حوار و نقاش و شد و جذب و هات و خد.....الحتة دي....اللي اسمها محاورات....هي ارض طيبة

كل حد فينا ممكن يكون "ارض طيبة"

يدور جوه تربته....ينكش الرملة اللي جوه منه...و يفتش علي نبتة حلوة تشيل اثره و شذا حرفه يمكن حد غيرنا يجي في يوم و يقراها و يتأثر بيها و يكون هو بدوره كمان "أرض طيبة"

يسلملي قلبك...و حرفك و ابجديتك...و قبل منهم...."انتي" يا ارض يا عفية يا طيبة

كل سنة و حضرتك حدوتة مصرية جدا

كل سنة و انتي التأملات و الحكايات....كل سنة و انتي هنا

صباح حضرتك.......النبتة بتكبر حبة حبة

صباحك سكر

[لماضة مصرية جدا]

لموضة لمضوضتي حبيبتي

كل سنة و انتي طيبة يا قمر

بمناسبة عيد العمال طبعا :closedeyes:

اليوم يومك يا عم

تدللي آمري يا نور العين

النهاردة

احنا اللي حنسأل

هو البوفيه فين ؟؟؟:blink:

حاجة بسيطة كده مش قد المقام

خدي مني بسرعة

السلم قطع نفسي

كح كح كح

شكرا لحد السما

الله يسعد قلبك...و يبعتلك ايام احلي مما تتخيلي

انا حقيقي شاكرة جدا....(وشي و انا بحاول اعمل مؤدبة و كدهوت)

طمنينا علي صحتك....ادعيلي بقي في الولادة.....اللي يبعتلك ساعة سخية....(انا بسمعها كده في الافلام....وش حد بيغمز بعينه اليمين)

[لماضة مصرية جدا]

كل سنة وانت طيبة يا ريهام

كل سنة وانت سعيدة ومحققة كل أحلامك

وعقبال 100 سنة

وآدي الليموناضة

مين ريهام.....(وش حد متشقلب علي ضهره من الضوحك)

انا اسمي لموناضة

و بيدلعوني يقولولي يا فوزي:)

الله يسعد قلبك

دعيني احيكي و اشد علي ايديكي و اقولك...النعناع الاخضر مع اللمون و اضربي عليهم شوية اسبرايت او سفن آب يبقي افتكاسة جامدة جدي....(وش الكابير اوي)

يسلملي قلبك

و ميرسي كتير علي طقم الكوبايات

هخليهم عندنا بقي.....(وش حد من الجيران الغلسين)

[لماضة مصرية جدا]

جوايا معانى كثيره '

لكن مش هتلامض ..

( كل سنه وانتى محققه احلامك

المرسومه بألوان زاهيه على جناح

~ فراشه ~ تحلق فى الأفاق )

ما هذا....ماذا أري....يا هل تري؟؟؟

هو حضرتك هو ذات نفسيك طائر الليل الحزين و بعدين تحولت الي "باهي"

طب الطلعة اهيت حلوة و تشرح القلب ما تكملها

ان شاء الله في السنة اللي جاية تكون باهي طائر القلب المنشرح المزغطط

كل سنة و حضرتك طيب

و كل سنة و كل احلام حضرتك انت كمان متحققة و زيادة

[لماضة مصرية جدا]

كل عيد ميلاد

و انتى طيبة

كل عيد ميلاد

و انتى سعيدة

كل عيد ميلاد

و احنا بناكل التورتة دى

شكرا كتير علي معايدة حضرتك يا عطر من الجنة

و البنوسبة للتورتة....اشك اذا كان اتبقي منها ايتوها حاجة ليا

يالا مش مشكلة اهم حاجة فيه ساندوتشات جبنة رومي و بسطرمة و لا لا....(وش هاني رمزي في جواز بقرار جمهوري)

صباحك.....عطر ما يفارق قلبك ابدا

[لماضة مصرية جدا]

يا رب ..يهنيكي ويسعدك

مدوا ايدكم يا جماعة... متتكسفوش

فراولة

عنب

اناناس

احمدك يا رب

(وش علي بابا و هو داخل علي مراته ببطيخة و بعدين اتفتحت المغارة علي سوق الفاكهة)

و انتي بكل الصحة و السعادة...و الخير حواليكي دايما في زيادة

و اتمني اشوفك في المغارة قريب....انتي بس قولي

سم.....سم

او جزر

هتلاقيني ع طول فوق كتافك....(وش عفريت شقي)

صباحك.....قطوفها دانية...نتجمع فيها باذن الله

[لماضة مصرية جدا]

كل سنة وانتِ طيبة ريهام

وعقبال 100 سنة

يارب تكون سنة سعيدة عليكِ وتحققى فيها كل احلامك

و الله اتمني من كل قلبي تبقي سنة سعيدة...او سنة كويسة....او سنة طيبة....يعني باذن الله حاجة من الاختيارات ديت يا رب

و ابالنوسبة لاستدعاء صورة فقيدعائلة القوارض شمشون

حقيقي كان بودي اني اكمل السلالة بتاعته في مصر.....بس زي ما انتي عارفة احنا عندنا ثورة و كدهوت و الثورة يعني نغير فكرة و من ضمن الافكار اللي مش قادرة اغيرها لا بعد الثورة و لا قبلها و لا في وسطيها

ان الهامستر دوت مش فار ابيض....مش فار نوهائي....مش فار ابسلوتلي....(انتي فين يا داااااااااااااااامو يا رفيقة الكفاح الحيوانات المنزلية)

و عشان كده انا تحولت الي قطط....بمعني اصح اختي و انا واقفة في كتفها عاملة زي الخايلة الكدابة...و باذن الله لما الثورة تكمل و كدهوت نبقي نتطور و نربي حاجة من الاتنين يا شامبنزي يا فهد

هذا و بالله التوفيق

من امام القفص

الجيزة

كان معكم مراسل عالم الحيوان

لماضة

[لماضة مصرية جدا]

كل عام واختنا ريهام خفيفة الظل وطيبة الروح

بخير و سعادة ..

وعقبال ألف سنة ..

و حضرتك بكل الخير و راحة البال

شكرا كتير

حقيقي شكرا

هات حتة بخمسة بقي...(وش عيل شحات)

[لماضة مصرية جدا]

السلام عليكم ورحمة الله...

مش عارفة أكتب إيه بعد الكلام الجميل اللى كتبته مدام سلوى..

كل سنة وأنت طيبة يالمضمض..ويارب كل أيامك الجاية تعيشها فى فرح ورضا

الله يسعد قلبك

ايه اتمني تاني

غير ان الايام اللي جاية فعلا تبقي فرح و رضا

و يا سلام لو العريس يبقي اسمه رضا

يبقي الفرح بتاع رضا....علي مين بقي مش عارفين...(وش حد من اعلانات كوفرتينا)

كل سنة و حضرتك بكل الفرح اللي يستاهله قلبك و قلوب حبايبك

كل سنة و انتي في حالة رضا تساع الكون بحاله

صباحك.....فرح

[لماضة مصرية جدا]

الأخت الفاصلة / لماضة : كل عام وأنتي بخير

و حضرتك بكل الخير

و يبعتلك خير لا تحتسبه من حيث لا تدري

متشكرة جدا...فعلا يعني....(من المعاميق الجوانية)

[لماضة مصرية جدا]

كل عام وانتى بخير يا لماضة

ودايماً كده منورة ومالية المنتدى لماضة ومرح وخفة دم.

الله يسعد قلبك بحبايبك يا رب

و انا كل ما اخش المنتدي ادور علي حضرتك (حضرتك و استاذنا aimen) كنتب حبتاج آخد منكما (انا بليدة في العربي محدش يضحك)....جورعة تفاؤل علشان الثورة تكمل

و آديها كملت الحمد لله و كبرت بجت زي البت نبجة بنت عبد المتجلي سليط....(وش حد اوقات بيبقي محبط و كدهوت لما بيبقي مش فاهم)

طب انا بقول ليه الكلام دوت دلوكيتي

انا حابة اشكر حضرتك علي كل حاجة بتكتبها لاني حقيقي بتعلم منها كتير

شكرا...جدا...(من المعاميق برضه اخت المعاميق اللي فوق:)

صباح حضرتك ثورة....مكملة...مكملة...مكملة

[لماضة مصرية جدا]

.

كل عام و أنتم بخير

.

و حضرتك بكل الخير يا استاذنا"آل"...و لا دي معناها عيلة مصريم و كدهوت

طب لو العيلة يبقي اتفضل عندنا

تحب تقعد في الفرندة و لا في الصالون

البيت بيتك

و البيت مصري

صباحك....صعيدي جدا و روحه مصرية جدا جدا جدا

[لماضة مصرية جدا]

كل سنة وأنتي طيبة يا لمضمض وربنا يرزقك السعادة يارب

هيييييييييييييييييه العروسة جت....العروسة جت....وش عيل واخد السلم زحلقة

يسعدلي قلبك

و ميحرمنيش من رسايل ودك و قربك اللي بتحلي بيكي انتي

كل سنة و انتي الصحبة اللي في الخير اللي بدعي ربي يجمعني بيها قريب

كل سنة و انتي حلم....بنحلمه سوا

صباحك...و مساكي...و عمرك كله...حلا قلبك

[لماضة مصرية جدا]

ايه ده كله ايه دا كله

كل دى جاتوهات وجاتوهات

وش قاسم السماوى

جتنا نيلة فى حظنا الهباب

طيب ما انا عيد ميلادى النهارده ومحدش عبرنى بحاجة من دول

طيب انا بفكر اخبط كل مشاركة فيها حلويات تقرير للمشرف بحجة مراعاة الظروف اللى احنا فيها دلوقت

اشمعنى انا يعنى

لماضة

كل عام وانت بالف خير وعمر مديد

يارب تحققى كل احلامك يارب

http://www.youtube.com/watch?v=3gr0blCUWJs

استاذي الجميل...الانيمشين كله....التي ديكس....و الافكار الطايرة الحايرة

طب هو مين يقر علي التاني

من ناحية عاطف السماوي و مشيها عاطف...هو شكله يدي علي كده...انا اللي لازم اقر علي حضرتك...علشان دايما بتحاول تدور علي الافكار الجديدة اللي تنكش الدماغ

دايما متابع...و قاريء و محلل و ثابت علي موقفك

اقر بقي لا مقرش

انا فعلا هقر

هقر

هقر

هقر اهوت

اقر و اعترف

ان

هابي بيرث داي تو يووووووووووووووووووووووو....(صوت حد بينشز...بس استحمل بقي)

كل سنة و حضرتك بكل الخيرو الصحة و راحة البال

و يبعتلك ايام بلستة احلام تتحقق بكل لحظة

[لماضة مصرية جدا]

كل عام وانتي بالف خير يا ريهام وربنا يسعد قلبك يا رب

ذي ما دايما بتسعدينا بكلماتك الجميلة

والعام القادم يا رب تكوني محققة كل احلامك

الله يسعد قلبك اللي بيشوف كل جميل يا همسة تخش تخبط علي القلب كده بشويش و تستقر فيه

شكرا...جدا....(من المعاميق اوي...غير المعاميق الرجالي اللي قولتها فوق توماما)

شكرا جدا علي التورتة.....توحفة...توحفة...توحفة.....انا هوريهالهم في البيت و غالبا هيقوللي حلوة اوي البورنيطة دي (بيحاولوا يداروا علي عملتهم في اختفاء الكيكة بتاعتي)

شكرا لقلبك

و شكرا لوجودك

و شكرا لمساحة حب بترسميها....بهمسات...مصرية

لماضة

مصرية:)

[لماضة مصرية جدا]

فراشتى الجميلة

اثرت ان اسجل كلماتى المتأخرة

حتى لا تتبعثر الحروف وتطوى بين طيات الصحف ....

حقا فراشتى لا املك من الثروات الكثير

فهديتك تستحق كل ما هو ثمين بما يليق بوجهكى الصبوح

ولكنى عذرا

وفى عامك الجديد لكى منى اعتراف وأمنية

اعترافى ...

أن كلماتى وقفت عاجزة ....ارهقها الصعود إلى قمام الجبال تدنو من مشاعرك

أما امنيتى لكى ب

الغــــــــــــــــــــــرق

على اعتاب عامك السعيد

أدعو رب العباد أن يرزقكى بطوفان سعادة ...تنغمرى فيه حد الغرق

يا بنتي متكلمنيش بالعربي كدهوت بلاقي رجليا بتحدف شمال و مبعرفشي اقف علي حيلي

و بالنوسبة لموضوع امنيات الغرق

احب افتكر مع سموك...مشهد حسب الله السابع عشر لما وقف في شارع الحب...قعد يدعي...و يدعي...و بعدين هوووووووووووووووووووووووب

نزلت عليه حلة ملوخيةبايتة

و قال جملته الشهيرة

خلاص متبسطهاش اكتر من كده

بس علشان كلمتك متنزلشي الارض

حاضر

انا هغرق

هغرق

هغرق

بلللللللللللللللللللللوللللللللم....(مش دوت صوت الغرق و لا ايه)

بس الله يكرمك....ابعتيلي اي عوامة....انتي اعرفة البلد كلها راكبة عجلة الانتاج و ناسين ينفخوا العوامات و كدهوت

و علي هامش الحوار الحلامنتيشي دوت

و

ح

ش

ت

ي

ن

ي

وجودك.....و لو كان مرة...فيس تو فيس.....حقيقي كان بالنسبة ليا مش طوفان....كان بالنسبة ليا "سفينة نوح" كنت محتاجاها في وقت ما علشان الاقي الارض الطيبة اللي هحط فيها

صباحك...يا شيكو.... ومساكي و كل لحظة في عمر.....نور من قلبك الصافي دوت

ميحرمنيش منك...و يبعتلك ملايكة....في صورة بشر تحبك و تفتحلك ابواب سعادة منين ما تكوني

كان معكي....قبل الغرق الاخير

علي شط اسكندرية...حدفنا الهوي....(وش فيروز من ورا القوصة بتاعتها)

لماضة.....غررررررررررررررررررررررررررررررريق.....(وش اللمبي في اللي بالي بالك قبل ما ينضرب)

[لماضة مصرية جدا]

كل سنة وانتى طيبة ياريهام

ربنا يجعل ايامك كلها خير وبركة وسعادة

وتحققى كل اللى نفسك فيه

و انت بكل الخير و الصحةو راحة البال و سعادة فوق الخيال

شكرا كتير يا حسام

و افتكرني في صالح دعواتك

[لماضة مصرية جدا]

انت جيت يا رمضان

قفشتك يا لمضوضة في المتواجدين الآن

و لأني عارفة انك مش بتعرفي تطلعي المواضيع

رفعتلك الموضوع اهو

خشي يا شابة برجلك اليمين

خدي دي

قمة في الرومانسية

http://www.youtube.com/watch?v=pTb1sfvybd4

يا سلام هو فيه زي رمضان....يا رب بلغنا رمضان....يا رب

انا فعلا بعتذر علي التاخير من معاميق معاميق قلبي

بس الحقيقة الحياة حادفة معايا مقص في العارضة الشمال...بس الحمد لله رب العالمين

انا نزلت مصر من هنا و لقيت عربيات الجيش في المطار...بسال ايه يا ولاد....قالولي و لا حاجة دول شوية "عيال" كدهوت في محمد محمود

طب و ده م

و عشت الترف العائلي....علشان اصحي خير اللهم اجعله خير....بيقولوا ايه يا ولاد قامت ثورة....(طبعا انا مصدقة جدا....بس المشكلة لما تبقي محاطة بحوالي مثلا 3456797234 شخص مصرين اني هبلة)...و طبعا كل يوم بخوض عصف ذهني من نوع ما علشان اكتشف يا اما اني هبلة...يا اما اني هبلة برضه....بس و لو...فيه ثورة...(وش حد مطلع لسانه)

نويت النية اني اسافر علشان الانتحانت في نهاية شهر خمسة و المفروض اني في عين سمس....خير اللهم اجعله خير....الراجل الكوبارة بتاع الجامعة مات في حادثة و بعدين اندلع مشهد العباسية...و جابوا ضرف الجامعة...(يعني هي جات عليها ما هو الحمد لله جابوا ضرف البلد كلها و اوعي حد يقولي الثورة اخزق عينه بجد)

فانا قولت بقي احترم نفسي و اقعد في بيتنا اليويمن اللي جايين...انا حاسة اني قدمي قدم خير علي ثورة مصر المباركة :closedeyes:

...بلا تعليم بلا بتاع.....انا سخصيا قررت اتجوز و اقعد في الشارع...قصدي في البيت

و بفكر دلوقتي اخطف رجلي اسافر شوية بره و ارجع يمكن الصورة تنعدل....او اللي بيقراها يعوج دماغه بقي و يريحنا

بس ع العموم....كله خير

بعتذر عن التاخير

و فيكي دايما كل الخير

صباحك.......فطيرة بالسكر من عند جاد وسط البلد

[لماضة مصرية جدا]

كل سنه وانتى طيبه يا ريهام وعقبال مية الف سنه سعاده وهناء وشقاوه

و انت طيب يا عنبو يا طيب

و كل سنة و انت دنيتك أحلي و غربتك أهون وووطنك لروحك أقرب

شكرا كتير يا عنبو....:)....(سؤال علي هامش الكارت و كدهوت...انت متكعبلتش في دامو في المعمل....مش معقول تكون البنت اتشهرت و نسيتنا....حقة...ساعتها تبقي باضتلك في السبت يا دامو....دور كده جوه اي انبوب اختبار...فعلا مفتقداها)

شكرا عنبو

[Scorpion]

ظهور الدلافين في البحار يعني نقاء مياهها و عدم تلوثها .. و اختفائها يعني العكس

و العزيزة لماضة استطيع بضمير مستريح ان اشبهها ب "دولفين" محاورات المصريين

فعندما تتواجد فهذا يعني نقاء النفوس و اختفاء التلوث الحواري من محاورات المصريين

و اختفائها يعني ان المناخ به اصبح ثقيل

اذن لا يسعني الا ان اتمني ان تتواجد معنا دائمآ بما يعنيه هذا من اشياء جميلة

كل سنة و انتي طيبة "لماضة" العزيزة ..