إنقلاب مالي - بعثة الأهلى - المجلس المحظوظ

[احمد رضوان]

سبحان الله

من الواضح إن المجلس العسكري فيه حاجه لله ، وإن اللى بيقول غير كده يبقى مش بترجم رسائل القدر

بعثة الأهلى في مالي ... يحصل إنقلاب فى مالى ويسيطر المجلس العسكري المنقلب ... يقوم يحصل انقلاب ضد الإنقلاب وتتجه قوات للسيطرة على المطار ويحدث قتلا هناك .... قليل الحظ يعضة الكلب في المولد والنتيجة ... تحتجز بعثة الأهلى

إدارة الإهلى تناشد المشير إنقاذ لاعبي الأهلى ... ولن يتأخر المشير عن إنقاذهم

فيه حظ أكبر من كده .... التراس كلهم دلوقتي حيبقوا دراويش المجلس بعد ما أدهم صبري يقوم بعمل فدائي ويرجعهم

سبحان الله

على العموم ربنا يرجع بعثة الأهلى بالسلامة ويطمنا عليهم

تابعوا موضوع الدار لأني سأضع حلقة عن هذا الموضوع

http://www.egyptiantalks.org/invb/index.php?showtopic=134923

تم تعديل 1 مايو 2012 بواسطة احمد رضوان

[se_ Elsyed]

من الواضح إن المجلس العسكري فيه حاجه لله ، وإن اللى بيقول غير كده يبقى مش بترجم رسائل القدر

بالعكس .. أنا شايف إن عليه غضب ربنا .. لأننا مش ملاحقين على الكوارث اللي بتحصل كل يوم وبتُقيد ضد مجهول

إمبارح يا أحمد وفي يوم واحد فقط مش هاعد اللي قبل كده حوالي 3 حرائق كلهم أبشع من بعض ...

قرية باكلمها في الأقصر تتحرق ..

مصنع زجاج في المنوفية

مصنع كرتون في شبرا الخيمة

وقبلها بيوم مصنع توشيبا العربي للثلاجات

إيه في إيه ؟

وعلى فكرة موضوع الاهلي انا مستغرب له .. إزاي الاهلي ما خاطبش إتحاد الكرة النيلة الافريقي عشان يلعب في دولة تاني غير مالي اللي فيها 3 أو 43 أنقلابات جوه بعض

بُصوا كده :

- من حوالي شهر العسكر أنقلبوا على الرئيس المنتخب ...

- حصل عليهم ضغوط من دول غرب أفريقيا وقالوا يسلم السلطة للمدنيين ويسقط يسقط حكم العسكر .. الناس طلعوا عاقلين وسلموا السلطة لمجلس مدني يحكم لمدني 40 يوم لحد ما يعملوا إنتخابات .

- في نفس الوقت في إنفصاليين مسميين نفسهم إسلاميين في الشمال عاوزين ينفصلوا .. وفعلاً احتلوا أجزاء كبيرة من البلد وعملوا عليها دولة .

- اول إمبارح الأهلي لعب لاماتش في ظروف غريبة جداً .. البلد ماليانه تراب وشبورة ما تشوفش صوابعك ويادوب اللعيبة كانوا باينين طشاش .. والمفروض الاهلي كان يرجعوا في طيارة خاصة بعد المباراة بساعة .. لكن ظروف الجو أجلت الرحلة لعدة ساعات .. وسأت حالة الجو أكتر واتأجلت الرحلة لعدة ساعات تانية ...

- ويادوب لسه رايحين المطار الا ويسمعوا ضرب نار وأنفجارات جامده .. إيه يا جدعان ؟. قالوا إن فلول النظام السابق اللي كان بيحارب الإنفصاليين بتوع الشمال .. إتحالفوا مع بعض هههههههههههه وهجموا على المطار وأستولوا عليه بمساعدة بعض الدول الاخرى اللي وعدتهم إنها هاتبعت قوات للمطار لمساعدتهم في إستعادة السلطة .

يعني حتى مشمش مش هايعرف يتصرف ... إلا لو سفروهم بري بقى لو حدودهم متأمنة مع دولة ما بجوارهم ..

وربنا يُستر

[se_ Elsyed]

الحمد لله

وزارة الخارجية إستطاعت الحصول على تصريح إستثنائي من وزارة الدفاع في مالي .. وأرسلت طائرة خاصة بالأسم إلى ساحل العاج .. ومنها اليوم إلى باماكو عاصمة مالي ..وغادرت البعثة اليوم إلى مصر في الثالثة والنصف عصراً