محمد مرسي ومشهد يخض .....فى المحله الكبري .....

[pocy]

خبر عاجل :

وصول الدكتور محمد بديع المرشد العام لجماعة الإخوان المسلمين والدكتور محمد مرسي إلى استاد بلدية المحلة ** احتشاد 150الف شخص بمدرجات وآرضية استاد بلدية المحلة في المؤتمر الجماهير للدكتور محمد مرسي ** اجواء احتفالية وأعداد غير مسبوقة باستاد البلدية ** المنصة تضم الكابتن هادي خشبه ومحمد رمضان ومجدي طلبه ومحمد عامر ** المنصة تضم د/ راغب السرجاني وخالد عبد الله ووجدي العربي ود/ صفوت حجازي والفنان محمد شومان ** وجدي العربي لو صوت الحضور (فقط ) لدكتور مرسي لفاز من الجولة الأولى ** المنصة تضم م / عد الحسيني والدكتور / مصطفى الغنيمي والحاج لاشين ابو شنب والحاج / السيد النفاض والحاج / محفوظ حلمي .............

بصراحه المنظر يخض فى الاستاذ الناس كتير جدا ودى مش اول مره اتكرر فى اسكندريه وفى الزاويه والمنيا وشمال سينا وجنوب سينا والشرقيه ............

تفتكروا فعلا كلام وجدى العربي صحيحا وان المرسي سيفوز من الجوله الاولى ................

اترككم تشاهدوا المنظر المهول فى قناه مصر 25

http://www.misr25.tv/LiveProadcast.aspx

[ابوهنا]

يا افندم هتلاقى نفس الاشخاص اللى كانوا فى المنيا هما نفس الاشخاص فى المحله الكبرى

الاخوان بيجمعوا بعض عشان يوهموا الناس ان فيه حشد

بالله عليكى فيه واحد جماته لم تكن تعتبره الافضل وخليته استبن يبقى هو الافضل

بصراحه لو محمد مرسى نجح يبقى فعلا احنا شعب نستاهل حسنى مبارك يحكمنا 30 سنه

[capitshino]

يا افندم هتلاقى نفس الاشخاص اللى كانوا فى المنيا هما نفس الاشخاص فى المحله الكبرى

وهل اللى انتخبو اعضاء مجلس الشعب عن الاخوان المسلمين فى المنيا هما اللى راحو انتخبو فى المحلة برده ؟

الاخوان بيجمعوا بعض عشان يوهموا الناس ان فيه حشد

كلام غير صحيح

بالله عليكى فيه واحد جماته لم تكن تعتبره الافضل وخليته استبن يبقى هو الافضل

عادى خالص .. لما فهمو اللعبة نزلو بمرشح تانى احتياطى وليس استين

بصراحه لو محمد مرسى نجح يبقى فعلا احنا شعب نستاهل حسنى مبارك يحكمنا 30 سنه

!

الاجابة بالاحمر

وعلى فكرة انا ما قررتش هانتخب مين ولو انى اميل حاليا لابو الفتوح

تم تعديل 1 مايو 2012 بواسطة capitshino

[الدكتور ياسر]

بصراحه لو محمد مرسى نجح يبقى فعلا احنا شعب نستاهل حسنى مبارك يحكمنا 30 سنه

حكم حضرتك استباقى وغير عادل ..

انا مقتنع تماما أن التزوير مستحيل ياتى بمحمد مرسي , وبالتالى لو فاز فسيكون بارداة الاغلبية

وبالتالى يجب وقتها منحه الفرصة كاملة ( أربعة سنوات ) قبل الحكم عليه ..

ويجب أيضا احترام راى من اختاروه لان تلك هى الديمقراطية التى نصبو إليها ..

على فكرة انا أيضا أميل إلى أبو الفتوح ولكن لن أحزن ان فاز أى مرشح آخر مادام قد اتى

عبر انتخابات نزيهة ..

تم تعديل 1 مايو 2012 بواسطة الدكتور ياسر

[pocy]

استاذ ..ابو هنا ....

أخطأت اخى الفاضل حين قلت انهم يحشدوا بعضهم علشان يوهموا ان عندهم حشد ............. بس هى الناس فاضيه كده تروح المنيا والمحله والعريش واسوان ليه يعنى .........معندهمش حاجه يعملوها غير انهم يجروا ورا محمد مرسي في كل مكان .................

بالمنظر المتكرر ده اعتقد ان كلام وجدى العربي صحيح ...........وان محمد مرسي ممكن يكتسح وعلى فكره البرنامج بتاعه ممتاز ويارب يولى علينا الاصلح ..............

[Abu Reem]

بصراحه المنظر يخض فى الاستاذ الناس كتير جدا ودى مش اول مره اتكرر فى اسكندريه وفى الزاويه والمنيا وشمال سينا وجنوب سينا والشرقيه ............

تفتكروا فعلا كلام وجدى العربي صحيحا وان المرسي سيفوز من الجوله الاولى ................

على فكرة العدد لا يمكن ان يزيد عن 60 الف تقريبا ولكن على اي حال...لازم نعرف ان لكي يفوز مرشح من الجولة الاولة فهذا معناه حصوله على اكثر من 20 مليون صوت على الاقل

- على اساس ان القوة التصويتيه في انتخابات الرئاسة ستكون 40 مليون صوت تقريبا اي بزيادة حوالي 10 مليون صوت عن انتخابات البرلمان

- اذن هل يستطيع اي مرشح ان يحصد فوق ال 20 مليون صوت على الاقل من اول جولة على اساس ان هناك على الاقل اربع مرشحين رئيسيين هم :

ابو الفتوح - محمد مرسي - عمرو موسى - احمد شفيق

( طبعا هنا مرشحين اخرين محترمين مثل حمدين صباحي والعوا ، والبسطويسي وغيرهم ولكن فرصتهم غير ممكنة في الوصول للنهائي)

- لماذا حددت الاربعة الاوائل : موسى -شفيق ثم ابو الفتوح ، محمد مرسي

لان الاول والثاني من الممكن التلاعب لصالحهم من قبل العسكري لوصول احدهم الى النهائي..وغالبا موسى مع قليل من الحشد واستغلال المجندين والبلطجية بالاضافة الى اصوات اسفين ياريس وغيرهم من الممكن ان يحصل على 7 الى 8 مليون صوت

- ابو الفتوح ايضا ممن يحصد من 8 الى 10 مليون صوت

- محمد مرسي ممن يحصد 6 الى 8 مليون صوت

- شفيق ممكن يحصل على 2 : 3 مليون صوت

- الباقيين مثل العوا وصباحي وغيرهم سيحصدوا باقي الاصوات وهي مجتمعة حوالى من 5 الى 7 ملايين صوت مع وضع نسبة مليونين الى اربعة ملايين اصوات غير صحيحة او باطلة او امتنعت عن التصويت

اذن من الجولة الاولى شبه مستحيل ان يحصل مرشح على اكثر من 20 مليون صوت...

- لكن الجيد في الامر انه بقليل من الحرفنة والذكاء والبعد عن التخوين والنظر للوراء من الممكن ان تكون مفاجأة ان نرى ( ابو الفتوح - محمد مرسي ) طرفي النهائي..ولكن اشك ان العسكري سيسمح بهذا..فعلى الاقل سيدبر بضع ملايين صوت لكي يدفع بموسى للنهائي في حالة حدث سيناريو ( احتمالية خروجه من الجولة الاولى)

- لذلك لو حدثت المفاجأة بدخول ابو الفتوح ، محمد مرسي النهائي فلا اظن انه سيكون هناك مشكلة

- اما الاحتمال الاخر الاقرب للحدوث هو وصول ( ابو الفتوح - عمرو موسى) للنهائي وهذا ما اتوقعه بشدة ان يحدث

- ساعتها لا بديل عن ان تذهب اصوات مؤيدي محمد مرسي الى ابو الفتوح لحسم المعركة...

ولذلك قد يكون تأجيل الدستور لما بعد انتخابات الرئاسة ميزة ( في حالة فوز ابو الفتوح) وستكون مخاطر كبيرة في حالة فوز عمرو موسى...

حد فهم حاجة ؟؟؟؟

[capitshino]

حد فهم حاجة ؟؟؟؟

اعتقد برده ان ممكن هولاند ينافس بس اكيد ساركوزى هيكسب

[capitshino]

اعتقد ايضا ان اى من المرشحين لن يستطيع اكتساح الانتخابات لاسيما من الجولة الاولى وستكون هناك اعادة بين ابو الفتوح من جهة

ومرسى او عمرو موسى من جهة اخرى .

[ام سلمي]

صورة لاستاد بلدية المحلة اثناء المؤتمر

[Alshiekh]

حد فهم حاجة ؟؟؟؟

اعتقد برده ان ممكن هولاند ينافس بس اكيد ساركوزى هيكسب

ولا ده ولا ده

مبارك هو اللي هيكسب

[ريمون]

الخبر من المصرى اليوم

وعلق «بديع» على من يهتفون بعبارة «يسقط حكم المرشد»، قائلا: «لم يعد لي سلطان على أحد إلا سلطان الحب»، منتقداً الأسئلة التي يوجهها الصحفيين لـ«مرسي» حول ما إذا كان سيأخذ تعليماته من المرشد لو فاز بمنصب الرئاسة، قائلا: «بيعة أبو بكر الصديق جاءت من الأمة، وهكذا ستكون بيعة المصريين لمحمد مرسي، وعندما يبايع من الأمة فستحل بيعته لي ليكون بيع من الأمة».

وعلق «مرسي» على كلام الدكتور محمد بديع قائلا: «هذا أمر صعب عليّ، لكن أقبله لمصلحة مصر، وأقول للمرشد سمعاً وطاعة».

طب ما كان المرشد اترشح و خلصنا

[ابو محمود]

اعتقد والله اعلم الأعاده ستكون بين الاسلاميين محمد مرسي وابو الفتوح ومن لا يصدق فعليه ان يركز جيدآ فى اعلام الدوله متمثل فى قنوات التلفاز المصرى وصحافته القوميه انهم يهاجمون الأخوان ومعهم كل التيار الاسلامى مما يعد أكبر خدمه لمن يحبون التيار الاسلامى ناهيكم عن الأعلام المقروء وهذا ما حدث صوره بالكربون قبل انتخابات المجلس التشريعى .. كل يوم تتغير الحقائق على الارض فلن يستمر الكذب بدون فضيحه تنال منه وتظهر عواره ولهذا نجد المثل القائل .. الكذب مالوش رجلين .. وعندها سنجد مفاجئات كبرى تحدث فى ايام ما قبل الانتخابات وربما يعالجها العسكر وشياطين الاعلام بطريقه جديده تأتى بنهايتهم لقد تعودنا وتعلما وشاهدنا التلفيق والتزوير فى ما ينتجه نظام تعود على استخدام الاعلام الخيبان والمأجور لتحسين صورته والنيل من الشرفاء فى كل العصور لكن هناك شيء ما دائمآ يكسر القاعده ويظهر الكذب الا وهو مشيئه الله التى تناساها القائمون على الاعلام والمطبلتيه لقد نسو ان الكون يتحكم فيه صاحبه ويساعد دائمآ المقهور ظلمآ بل وينصره فى اخر المطاف .. فلنستعد من الأن لنشاهد انهزام الاعلام والنخب والمأجورين واصحاب معاداه التيار الاسلامى لننتظر الفجر الجديد الذى قامت الثوره من أجله اننا أمام حقبه فاصله فى حياه المصريين انها ايام ربما نعيشها بلا طعم او مزاج لكن نهايه الممر هناك ضوء واضح للعنان انه ضوء الحقيقه التى انجبت ثوره صنعها المصريين جميعآ واختارو التغيير الى الافضل ..

[se_ Elsyed]

خبر لسه طازة

بديع: مرسي بايعني ولم ينقض عهده مع الله وغيره بايعني مرتين ونقض عهده

والله فعلاً فكرة

يعني برنامج إنتخابي .. وحزب يقف وراه ... ليه بقى تلفوا وتدورا وبيعه وأنا على العهد يا رابعه ... ما كانوا خلوا بديع نزل الإنتخابات وده حقه كمصري على فكرة بدل الشاطر أو الإستبن ...

على فكرة الوحيد اللي مش هايظهر في مناظرات مرشحي الرئاسة هو مورسي لأنه رفض .. تخيلوا ؟

[se_ Elsyed]

يا واد يا مُرشد ُ!!

بديع:أخطأنا بحسن الظن بالعسكرى

متابعة ـ جهاد الأنصارى: منذ 7 ساعة 44 دقيقة أكد د.محمد بديع – المرشد العام للإخوان المسلمين- أن الجماعة والتيار الاسلامي كله أخطأ خطأ عظيما طوال الفترة الماضية بحسن الظن بالمجلس العسكري، وتقديم الأعذار لأخطائه لكن من الآن لن يكون هناك سكوت على أي خطأ.

وأوضح بديع في مؤتمر دعم مرشح الجماعة بالمحلة مساء الثلاثاء بان الكيل قد فاض من الكوارث التي تحدث للبلاد على مدار سنة ونصف، والمسئول عنها هو من يمسك السلطة التنفيذية والحكومة ففي اي دولة محترمة في العالم من يمسك الحكومة هو المسؤول .

وأكد بديع أن الإخوان كانوا يقدمون مقترحات لإصلاح الأوضاع الاقتصادية والأمنية في مصر للمجلس العسكري من باب المسئولية الوطنية ولم يتم السماع لهم ولا لاقترحاتهم لإنقاذ الوضع في مصر على مر الشهور.

وشدد على أنه من لا يستجب للنصيحة ويعاند يكون مصيره سيئًا، وكثير من التيارات السياسية كانت تنصح المجلس العسكري ولا يعمل بنصائحهم دون مبرر.

وأضاف بديع:"إن من يهتف "يسقط حكم المرشد" لا يفهم أني لا أملك أي سلطان على أي فرد من أفراد الجماعة إلا سلطان الأخوة في الله ومن يرفض أوامري لا نعاقبه، فالرابطة التي تجمع الإخوان هي الحب في الله فقط، ومحمد مرسي لن يستمع لأوامر المرشد" .

اقرأ المقال الأصلي علي بوابة الوفد الاليكترونية الوفد - بديع:أخطأنا بحسن الظن بالعسكرى

[ريمون]

يا واد يا مُرشد ُ!!

بديع:أخطأنا بحسن الظن بالعسكرى

متابعة ـ جهاد الأنصارى: منذ 7 ساعة 44 دقيقة أكد د.محمد بديع – المرشد العام للإخوان المسلمين- أن الجماعة والتيار الاسلامي كله أخطأ خطأ عظيما طوال الفترة الماضية بحسن الظن بالمجلس العسكري، وتقديم الأعذار لأخطائه لكن من الآن لن يكون هناك سكوت على أي خطأ.

وأوضح بديع في مؤتمر دعم مرشح الجماعة بالمحلة مساء الثلاثاء بان الكيل قد فاض من الكوارث التي تحدث للبلاد على مدار سنة ونصف، والمسئول عنها هو من يمسك السلطة التنفيذية والحكومة ففي اي دولة محترمة في العالم من يمسك الحكومة هو المسؤول .

وأكد بديع أن الإخوان كانوا يقدمون مقترحات لإصلاح الأوضاع الاقتصادية والأمنية في مصر للمجلس العسكري من باب المسئولية الوطنية ولم يتم السماع لهم ولا لاقترحاتهم لإنقاذ الوضع في مصر على مر الشهور.

وشدد على أنه من لا يستجب للنصيحة ويعاند يكون مصيره سيئًا، وكثير من التيارات السياسية كانت تنصح المجلس العسكري ولا يعمل بنصائحهم دون مبرر.

وأضاف بديع:"إن من يهتف "يسقط حكم المرشد" لا يفهم أني لا أملك أي سلطان على أي فرد من أفراد الجماعة إلا سلطان الأخوة في الله ومن يرفض أوامري لا نعاقبه، فالرابطة التي تجمع الإخوان هي الحب في الله فقط، ومحمد مرسي لن يستمع لأوامر المرشد" .

اقرأ المقال الأصلي علي بوابة الوفد الاليكترونية الوفد - بديع:أخطأنا بحسن الظن بالعسكرى

ده ما اسمهوش حسن نيه ده اسمه استعماء

هو مخدش باله من بلاوى المجلس العسكرى لما كشف على عزريه البنات و لما ضرب الثوار و حاكمهم عسكريا فى مارس 2011

و مخدش باله لما الناس اتدهست تحت المدرعات فى ماسبيرو

و مخدش باله لما الناس اتقتلت فى محمد محمود و القصر العينى و مجلس الوزرا

و مخدش باله لنا بنات مصر اتسحلوا و اتعروا و العالم اتفرج عليهم

و مخدش باله انه ساب البلطجيه يقتلوا 70 من شباب الالتراس فى بورسعيد علشان ينتقم منهم

بس اخد باله لما المجلس العسكرى هدد بحل مجلس الشعب

يا راجل اللى اختشوا ماتوا

على النعمه انت سبه فى حق الاسلام. استهنت بأهم ما فى شرع ربنا, من الوقوف فى وش الظلم و قول الحق و حرمه الحياه و العرض و مسكت فى حجب المواقع الاباحيه و تحريم التظاهر و حد الحرابه.

حاجه تقرف

[AAyman]

بصراحه لو محمد مرسى نجح يبقى فعلا احنا شعب نستاهل حسنى مبارك يحكمنا 30 سنه

حكم حضرتك استباقى وغير عادل ..

انا مقتنع تماما أن التزوير مستحيل ياتى بمحمد مرسي , وبالتالى لو فاز فسيكون بارداة الاغلبية

وبالتالى يجب وقتها منحه الفرصة كاملة ( أربعة سنوات ) قبل الحكم عليه ..

ويجب أيضا احترام راى من اختاروه لان تلك هى الديمقراطية التى نصبو إليها ..

على فكرة انا أيضا أميل إلى أبو الفتوح ولكن لن أحزن ان فاز أى مرشح آخر مادام قد اتى

عبر انتخابات نزيهة ..

السلام عليكم

الكلام ده لو كانوا فعلا احترموا اختيار الشعب في البرلمان ونسبة 75% الممثلة للتيار الاسلامي !!! فما يحدث الآن هو قمة الاستخفاف والاستهوان بل والطعن في اراده الشعب لاختياره الاسلام والشريعة الاسلامية.

الأخ ابو الهنا بيقول ::

يا افندم هتلاقى نفس الاشخاص اللى كانوا فى المنيا هما نفس الاشخاص فى المحله الكبرى

الاخوان بيجمعوا بعض عشان يوهموا الناس ان فيه حشد

أين دليلك على الكلام ده ؟ !!

سامحني يا اخ ابو الهنا لكنك تكذب

وهثبت لك بالدليل انك تكذب مثلك مثل الاعلام الكاذب

الاخوان حصلوا على نسبة 40% من انتخابات مجلس الشعب على مستوى الجمهورية وشارك في هذه الانتخابات 60% من اجمالي 50 مليون لهم حق التصويت

يعني حسبة بسيطة ونحسبها مع بعض ونشوف الكلام الي حضرتك ادعيته ده " الي راحوا المنيا هما الي راحوا المحلة " !!!!

60% من الـ 50 مليون = 30 مليون ناخب على مستوى الجمهورية

طيب نشوف 40% من اجمالي عدد الناخبين = 12 مليون ناخب للاخوان فقط !!!!

طيب نشوف التوزيع الجغرافي في موقع اللجنة العليا للانتخابات

37.6 % من اصل 988.820 صوت انتخابي في دائرة الغربية الثانية

والنور 28.9% من اصل 988.820 صوت انتخابي في دائرة الغربية الثانية

يبقى المحصلة للتيار الاسلامي على وجه العموم 66.5% من إجمالي عدد الناخبين في دائرة المحلة

يبقى مين الكذاب بالارقام ؟ !!

ربنا يهديك ويهدي امثالك يا اخ ابو الهنا

الي بيقول الي كانوا في المنيا راحوا المحلة ؟ !! ولا نصدق عنينا والارقام ؟ !!

[ام سلمي]

يا راجل اللى اختشوا ماتوا

على النعمه انت سبه فى حق الاسلام. استهنت بأهم ما فى شرع ربنا,

من الوقوف فى وش الظلم و قول الحق و حرمه الحياه و العرض و مسكت فى حجب المواقع الاباحيه و تحريم التظاهر و حد الحرابه.

الاستاذ الفاضل ريمون

انا مش فاهمة ايه علاقة المرشد بالمواقع الاباحية وتحريم التظاهر و حد الحرابة ؟

شكل الامر اختلط عليك بين المرشد وبين البرلمان

و حتي حجب المواقع واللا حد الحرابة وغيرها من اقتراحات اعضاء البرلمان ما كانتش كلها من الاخوان

دي اقتراحات نواب من احزاب مختلفة ولازم تتناقش و يتحدد الموافقة عليها من عدمه ،

كون النواب ما عرفوش يرتبوا الاولويات دي مشكلتهم هما ليه حضرتك بتحاسب عليها المرشد ؟

ده غير ان البرلمان اصلا مش ليه اي سلطة يوقف الدماء علشان نحاسبه عليها ،

اللي في سلطته فقط سحب الثقة من الداخلية او الحكومة كلها ، وهما ما قصروش فعلا لكن العسكر

رفضوه مع انه من اختصاص البرلمان ،

و الغريب تلاقي الناس دلوقتي مش موافقين علي سحب الثقة وبيشتموا البرلمان

انه عايز يقيل الحكومة و في نفس الوقت يتهموه انه السبب في دماء اللي ماتوا طيب ازاي ؟ ،

و بعدين حتي لو الاخوان و المرشد اخطأوا في تصديق المجلس العسكري ، فمعظم المصريين اخطأوا نفس الخطأ

بل الاسوأ ان في مصريين كتير لحد دلوقتي مقتنعين بكدة ، فما اعتقدش ان المرشد لوحده اللي كان يستاهل

الكلام اللي حضرتك بتقوله ده ، علي الاقل هو اعترف بالخطأ في الفهم ، في حين ان مصريين كتير لسة مصدقين العسكر

و تحياتي لحضرتك

[ريمون]

يا راجل اللى اختشوا ماتوا

على النعمه انت سبه فى حق الاسلام. استهنت بأهم ما فى شرع ربنا,

من الوقوف فى وش الظلم و قول الحق و حرمه الحياه و العرض و مسكت فى حجب المواقع الاباحيه و تحريم التظاهر و حد الحرابه.

الاستاذ الفاضل ريمون

انا مش فاهمة ايه علاقة المرشد بالمواقع الاباحية وتحريم التظاهر و حد الحرابة ؟

شكل الامر اختلط عليك بين المرشد وبين البرلمان

الزميله العزيزه ام سلمى.

انا مختلطش عليا الامر بين المرشد و البرلمان

الاخوان اظهروا بكل وضوح انهم ما بيفصلوش بين مكتب الارشاد و حزب الحريه و العداله

والموضوع ده كان واضح وضوح الشمس فى اختيار خيرت الشاطر لمرشحهم للرئاسه

القرار جه بالانتخاب فى مكتب الارشاد و عملوا مؤتمر صحفى تحت رايه الجماعه و تانى يوم المكتب التنفيذى لحزب الحريه و العداله بصم على القرار ده

و الكلام اللى قاله الدكتور مرسى امبارح سمعا و طاعه بيبين اوى طبيعه العلاقه ايه فى الجماعه

يعنى ايه رئيس حزب و مرشح رئاسى يقول لحد تانى سمعا و طاعه؟؟؟ مسخره

و اغلب نواب حزب الحريه و العداله اللى فى البرلمان من نوعيه سمعا و طاعه دى برضوا

و دى مش صدفه لكن علشان يضمنوا ان النواب دول هينفذوا اوامر مكتب الارشاد (مثال على ذلك النائب اللى طلع يحكى حكايته مع والدته عن رفض بيان الحكومه و اللى تنفع مسلسل عربى مش بيان مجلس شعب)

كل المواقف القويه فى البرلمان بنشوفها من نواب المعارضه سواء كان عصام سلطان او مصطفى النجار او حمزاوى

و شهاده للحق فان الدكتور الشاعر كان ليه كلمه قويه عن الشهداء والمصابين و اللى ابنه الدكتور مصعب واحد منهم.

و لما ابو حامد وراهم الخرطوش قعدوا بقولولوا اقعد و الكتاتنى قال الوزير قال مفيش خرطوش يبقى مفيش خرطوش

و لما زياد العليمى قاس تصرفات المشير بالحمار فى مثل شعبى احالوه للجنه القيم

اداء سيئ للبرلمان فى وقت جوهرى و المسئول عن كده مكتب الارشاد

و بعدين حتي لو الاخوان و المرشد اخطأوا في تصديق المجلس العسكري ، فمعظم المصريين اخطأوا نفس الخطأ

يا سيدتى القران الكريم بيقول هل يستوى الذين يعلمون و الذين لا يعلمون؟ حضرتك عاوزه تقارنى المرشد المعجون سياسه بحزب الكنبه؟؟

اللى حصل ان العسكر عشو الاخوان كويس قوى (شرعيه و حزب و اطلاق قياداتهم من السجون) فى مقابل اغماض عيونهم

عذر اقبح من ذنب

[Alshiekh]

و الكلام اللى قاله الدكتور مرسى امبارح سمعا و طاعه بيبين اوى طبيعه العلاقه ايه فى الجماعه

يعنى ايه رئيس حزب و مرشح رئاسى يقول لحد تانى سمعا و طاعه؟؟؟ مسخره

علاقة إيه أستاذ ريمون

الحزب هو التنظيم هو الجماعة والتنظيم هو الحزب

والمرشد فوق الكل

مش المرشد قال قبل كده ان الحزب هو الذراع السياسي للتنظيم

وطبعا الذراع يكون جزء من الجسد ولايتحرك إلا بأوامر من المخ ( المرشد يعني ) والدم اللي بيجري في اوردة وشرايين الذراع يأتي من القلب ( قلب التنظيم ) والجهاز العصبي موجود في التنظيم.

يعني خدعوك فقالوا " حزب الحرية والعدالة " وكان الاولى ان تكون الامور واضحة ، ولكنها لعبة الثلاث ورقات.

ده ذراع سياسي

وده جناح عسكري

ودي أخت

ودي واحدة من على الرصيف.

حل تنظيم الاخوان والجماعة هو الحل

[عادل أبوزيد]

المأساة سادتى الأفاضل تكمن فيما يسمى جماعة الإخوان المسلمين و الحل هو تقنين جماعة الإخوان المسلمين و خضوعها لقانون الدولة ما هو نشاطها و حدود ذلك النشاط و ان تكون جماعة مفتوحة و ليست جماعة مغلقة مثل الجماعات الماسونية

ما سبق كان إستهلالا لابد منه

ما ظهر فى المحلة الكبرى هو جزء من الآليات التى يستخدمها الإخوان فى تحريك الأعضاء

أرجو ألا يخدعك هذا الاحتشاد الذى يوفره لك تنظيمك فى المؤتمرات الانتخابية. أنت أدرى منا بحقيقتها. فهى مرتبة ومنظمة ويحضرها من يحضرها بالأمر. لا يجب عليك أن تعتقد أنها تعبير عن شعبية. المصريون الذين لا يحضرون هذه المؤتمرات يندهشون. من هؤلاء الذين يصفقون لك؟ ماذا وجدوا فيك لكى يصرخوا باسمك؟ أى مواطن يضع نفسه فى مكان من يحضر.. هل يمكن أن يفعل هذا من أجلك؟ بالتأكيد الإجابة هى النفى. إنما يفعلون هذا من أجل الجماعة. يحضرون إلى المؤتمرات وفق قاعدة السمع والطاعة. أنت نفسك تخوض هذه الانتخابات على أساس أنك تطبق قاعدة السمع والطاعة.

مصر تريد رئيساً مستقلاً لا يخضع إلا للشعب. الشعب ليس الجماعة. أنت تخضع للمرشد ولنائبه خيرت الشاطر وللجماعة كلها. لن تكون رئيساً مستقلاً. لن تحركك دولة. لن يوجهك آخرون يعملون لصالح أمم غيرنا. سوف يوجهك التنظيم المحلى للإخوان المسلمين. سوف تخضع لتوجيهات وأجندة التنظيم الدولى للإخوان المسلمين. فى هذه الحالة نحن وأصواتنا الانتخابية لن نكون أكثر من أدوات تم استخدامها لكى تصل إلى مقعد الرئيس.