اهل الخبرة والمشورى (( ارجوا النصيحة ))

[mohmedgawesh]

الاخوة الافاضل عاوز رأيكم

انا منذ اسبوع عملت مقابلة مع صاحب مؤسسة مقاولات اسمها صالح الكربى للمقاولات وهو عاوز رئيس حسابات يكون مسؤل عن كافة الجوانب المالية ((لا يوجد مديير مالى )) او بمعنى اخر هكون انا المدير المالى كان بيكلم فى عرض مالى زفت ( 5000 اساسى 1000بدل سكن 500بدل انتقالات ) بعد التفاوض والفصال (5600اساسى 1400بدل سكن 560بدل انتقالات) كان بيقول ان الاجازة كل سنتين وتزكرة زهاب وعودة طبعا تفاوض وقلتلوا اجازة شهر كل سنة وتزكرة زهاب وعودة نسيت اقول ان التأشيرة محاسب عام كان بيقول ان ( تزكرة القدوم وتزاكر العائلة والاولاد والتأمين الصحى الراتب شامل كل هذا ) طبعا انا رفض وحصل تفاض كتير ومناقشة وكانت حجته ان كل اللى موجدين فى المؤسسة وعددهم فى حدود 60 فرد لا يتمتعون بهذه المميزات واننى لما اكون هناك اعمله دراسة للموضوع التأمين الصحى ويعمم على كل الناس ونشوف كيفيه تطبيقة بعا انا قلتلوا انا بتكلم عن نفسى دلوقتى ولزم تكون هذه البنود واضحة فى العقد فى النهاية وافق وقلتلوا ان بكدة العرض النهائى ( 7560بكتج شهر اجازة كل سنة مدفوعة الراتب وتزاكر زهاب وعودة لى والادى وتأمين صحى لى وعائلتى ) يهمنى اعرف رأيكم هل اوافق بصفة نهائية وانا قلقان من العمل فى مؤسسة صغيرة ممكن ما تم الاتفاق علية فى العقد لا يتم تنفيزه ولو اى اخ يعرف اى معلومات عن هذه المؤسسة وسمعتها يفدنى

مع العلم انى اعمل فى شركة مقاولات صغيررة فى الاسكندرية رئيس حسابات بمرتب 2000ج ومش حاسس بلاستقرار وكانت امنياتى انى اعمل فى مكان كبير واستقر فيه

[مروان]

طبعا المؤسسة اللي ليها نظام شامل الكل وماشي ع الكل بتبقى افضل واعدل ومفيهاش ظلم لاحد

من اصغر عامل لاكبر مدير

لكن المؤسسات اللي ماشية بالمزاج وبالبركة وبالصوت العالي واللي عاوزة واحد فاضي ويقعد يفاوض ويفاصل ويساوم علشان ياخد حقه-زي شركتنا- بتبقى فوضى

وفعلا بيتم الحقد ع الناس اللي واخدة حقها فيها وبينظر صغار الموظفين اللي فيها للكبار على انهم حرامية ومضبطين مع الكفيل

وده واضح جدا في شركتنا لدرجة ان الشؤون الادارية عندنا بتاخد بونص على كل فرد تقدر تقص منه فلوس تخيل

ولما يحين ميعاد بدلاتك مثل بدل السكن او التذكرة مثلا تقعد تروح وتيجي وتطلع وتنزل وتفاوض ودوشة

ولو انت طيب وماشي مع الريح زي ما بيقولوا بيضيع حقك تخيل

اما المؤسسات المحترمة اللي الراتب فيها بميعاد والبدلات بتنزل على حسابك في ميعادها بدون مشاكل

فهي افضل بكثير

نصيحة من اخوك الصغير ابعد عن المؤسسات اللي بتدار بالمزاج والفهلوة

ربنا ييسر لك الخير

وياريت الاكثر خبرة ومقاما مني يفيدوك

[mohmedgawesh]

جزاكم الله خيرا اخى مراوان

بس انت بتقولى ان فى مؤسسات صغيرة فيها نظام يطبق على الكل المشكلة انى فى قلق ان المتفق عله فى العقد بلبنود السابقة يمكن ان ييخل بها ولا طالما اقر بها فى عقد عمل يصبح ملتزم بها ولا يمكن العدول عنها كمان ان من خلال كلامى مع صاحب االمؤسسة وجد انه بيقلى اننا مشمطبقين بس لو عملت دراسة وفيها جدواى يطبق على الكل اعتقد ان دى اشارة انه عندة حتت ان الاستفادة تكون على الكل مش عليا بصراحة مش عارف على العموم الله المستعان

[حسام الغرباوي]

انا شايف ان العرض كويس ..بشرط كل كلمة تتكتب في التعاقد والاهم ان العقد يوثق من الغرفة التجارية ويوثق من السفارة

بعدها انتا ضامن حقك حتي لو حصل تلاعب ...شكوي في مكتب العمل بنسخة التعاقد تخليه يلف حولين نفسة وعلي فكرة مكتب العمل هنا بيعمل مشاكل كبيرة للمؤسسات اللي بتغير اتفقتها بتوصل لدرجة الاغلاق ودا حصل قدامي

انا شايف انك تتوكل علي الله وصلي برضو استخاره

واسألو المؤسسة مصنفة ولا غير مصنفة والمؤسسة مكنها فين ؟؟ دي مهمة اوي المكان لان في اماكن لو جالك عرض ب10 الاف اساسي متوفقش عليها

[Nileman]

العرض مش وحش بس وثق العقد و خلي معاك نسخة منه

[mohmedgawesh]

جزاكم الله خيرا اخوانى الافاضل

واضح من ارائكم انى اتوكل على الله واوافق بعد طبعا (( صلاة ااستخارة )) واخد بالاسبااب ويكون االعقد فيه كل بنود المتفق عليا

الشركة فى الرياض فى منطقة اسمها الدرعية مش عارف مطررفة اوى وبعيدة عن المدارس و وسط الرياض

على العمام الله المستعان وربنا يخترلنا جميع الخير

[حسام الغرباوي]

جزاكم الله خيرا اخوانى الافاضل

واضح من ارائكم انى اتوكل على الله واوافق بعد طبعا (( صلاة ااستخارة )) واخد بالاسبااب ويكون االعقد فيه كل بنود المتفق عليا

الشركة فى الرياض فى منطقة اسمها الدرعية مش عارف مطررفة اوى وبعيدة عن المدارس و وسط الرياض

على العمام الله المستعان وربنا يخترلنا جميع الخير

المنطقة معقولة ومش بعيده اوي عن وسط الرياض

المنطقة دي يعتبر جنبي بشوية

[hakeem]

البنود المالية والمميزات يفتيك الافاضل هنا واقدم منى بس انا داخل لانى كنت فى الدرعية من يومين وعجبتنى جدا..

صغيرة وهادية ومش بعيده عن الرياض..

وخبرتك اد ايه بردوا يمكن افيدك بالقياس على رئيس حسباتنا..

[mohmedgawesh]

ربنا يبارك فيك وجزاك الله خيرا

انا خبرتى 12 سنة وعامل دبلومة دراسات عليا فى ا لمحاسبة والحمد لله رب العالمين شغال فى المهنة طوال هذه الفترة

بس هى فيها مدارس international علشان اولادى

[hakeem]

ربنا يبارك فيك وجزاك الله خيرا

انا خبرتى 12 سنة وعامل دبلومة دراسات عليا فى ا لمحاسبة والحمد لله رب العالمين شغال فى المهنة طوال هذه الفترة

بس هى فيها مدارس international علشان اولادى

لا رئيس حساباتنا قديم عنك شوية..20 سنه..

المدارس والله معرفش اصل اللى ودانى هناك ناس اعرفهم قالولى تعالى بينا نروح الكورنيش وودونا هنا وفعلا قعدنا على حاجه زى كورنيش بس مكنش فى ميه:P