أبو إسماعيل يدعو القوى السياسية لحديث كبير يوم الجمعة القادمة

[se_ Elsyed]

أيو إسماعيل من على صفحته الشخصية

حازم صلاح أبو إسماعيل: أدعوا الجميع إلى الإجتماع فى صلاة الجمعة القادمة فى ميدان التحرير للنظر فيما آلت إليه الأمور من فواجع مؤلمة و إن شاء الله سأكون بينهم على الرغم من ظرفى الصحى البالغ و إننى لم أتعافى بعد لكنى إن شاء الله سأذهب مهما كان الحال.

فإن عودة المظالم لتلتف على البلد مرة أخرى هى الآن فى سهمها الأخير و لا يسع أحدنا أن يتخلف لذلك أرجوا ألا يتخلف واحدا كبيرا أو صغيرا أو رجلا أو أمرأة و ن...سأل الله أمر رشد و سكينة فى هذا البلد الغالى.

كما أرجو ألا يخاف أحدا أو يضطرب بسبب البرامج التليفزيونية و القنوات الإعلامية التى أجرت السلطات إتفاقات معها مسبقة للإيهام بغير الحقيقة و قلب الوقائع لإيقاع الناس فى الظن بما ليس حقيقيا و إستخدام السياسيين و الإعلاميين فى الترويج لذلك من باب التمهيد لأمور مدبرة فإننا لن نصدق حق الصدق إلا إذا كنا ممن لا يضرهم كيد الكائدين عن كفاءة الحفاظ على هذا الوطن و الرسالة.

و لذلك سنكون معا جميعا إن شاء الله يومها فى حدث كبير أدعوا إليه لأول مرة منذ ستة أشهر و الذى لم تكن خلالها أى دعوة للإجتماع على هذا النحو لولا ما آلت إليه الأمور الآن و على الله توكلنا

حدث كبير إيه بقى ورجل وأمرأة وحركات من دي ؟

عيب كده وإتلم يا عم حازم ما تخليش امثال طلعت زكريا يظن فينا ظن سيء وحدث أكبر وحدث أصغر .... يا بيه اللي بتطلبه ده عيب وحرام

[tarek hassan]

لا حول ولا قوة إلا بالله

http://www.youtube.com/watch?v=pyT8wYqICbM

هل هي نفس المطالب بتاعت غزوة العباسية .... مطالب ثوار العباسية مصر والسودان لنا وانجلترا إن أمكن .... حسبنا الله ونعم الوكيل فيمن يستغل هؤلاء المساكين... ليشوه صورة الإسلام ..... كنت اعتقد أنه لن يستطيع النزول مرة أخري للتحرير ....... سنرى

الأهرام : أبو إسماعيل يدعو لاجتماع الجمعة بـ التحرير‏

والأغلبية الصامتة ترد بمليونية كلنا الجيش بالحدائق

حزب "النور" ,والجبهة السلفية يقاطع مليونية "أبو إسماعيل" ويدعم استمرار الجنزوري ويؤكد: المليونيات تعطل نقل السلطة...

تم تعديل 7 مايو 2012 بواسطة tarek hassan

[ذهبية]

هو مش هيبطل يسخن الناس و هو اول واحد ييبهم و يجرى

كل ما المدة تقرب و الانتخابات تمشى فى طريقها يحصل لة حالة من دى

انا عايزة اعرف هو الرئاسة بالعافية و لا اية

اذا كنتانت بتعمل كدة و انت لسة برة الكرسى امال كنت هتعمل فينا اية

لو كنت قعدت على الكرسى

والله مكنت خرجت عليها بالطبل البلدى

و هنكون عملنا بادينا ديكاتور

كان مصر موعودة

حرام عليكم بقى ارحمونا

[م تيمور المراغي]

حرام عليكم بقى ارحمونا

لو كان لحضرتك قريب اعتقل او اتمسكت رجله بالعرض وكسروها بالمواسير او اندبح مكانش ردك بقى كده ...

[se_ Elsyed]

حرام عليكم بقى ارحمونا

لو كان لحضرتك قريب اعتقل او اتمسكت رجله بالعرض وكسروها بالمواسير او اندبح مكانش ردك بقى كده ...

خليك حقاني .. وهو أبو إسماعيل قصده إن الحدث الأكبر هايتعلق بأبو رجل مكسور أو بالمعتقلين ؟

طب أبسط حاجه إنه محامي .. كان عمل أي منظر للدفاع عنهم لو قلبه قوي عليهم

[se_ Elsyed]

وبعدين ده كذا مره يكررها يا تيمون " هاتوا عيالكم وزوجاتكم وولاد خالتكم ولا يتخلف رجل أو أمرأة " ... طب اللي ما شوفناه في مره نازل بطنط مرات أبو إسماعيل .. أو ولاد طنط اللي هما ولاده ... ولا دول ما بيتكشفوش على ثوار ؟

[الدكتور ياسر]

بالرغم انى أؤيد استمرار التظاهرات في التحرير بشكل سلمى لتنبيه المجلس

العسكرى على ضرورة الالتزام بنزاهة الانتخابات وعلى تسليم السلطة في موعدها المحدد ,

إلا أننى متخوف من تلك التظاهرة في الجمعة القادمة لأن الداعى لها هو ابو إسماعيل هذه المرة

وبالتالى اى خروج عن النص , اى احداث شغب وتخريب , أى اعمال بلطجة ستتحول مسئوليتها

مباشرة اليه .. وبالتالى هى فرصة ذهبية على طبق من ذهب للمتربصين به لقتل البقية الباقية

منه بل و التنكيل بمن سينزل في هذا اليوم ..

[إسلام علي]

وبعدين ده كذا مره يكررها يا تيمون " هاتوا عيالكم وزوجاتكم وولاد خالتكم ولا يتخلف رجل أو أمرأة " ... طب اللي ما شوفناه في مره نازل بطنط مرات أبو إسماعيل .. أو ولاد طنط اللي هما ولاده ... ولا دول ما بيتكشفوش على ثوار ؟

مش معنى إن حضرتك ما شوفتش يبقى محصلش يا فندم

ابنه رغم صغر سنه بينزل مع الشيخ حازم

وكشيخ كان داعية قبل الثورة أصلا أرفض إن حضرتك تسخر منه ومن زوجته وأولاده ...

هو كده كل ما كنت معك الحق ومتمسك بيه جدا كل ما اشتوهت صورتك جدا

إنها لعبة التزيين والتشويه لذلك يوم القيامة سيكون كما في سورة ق " فبصرك اليوم حديد "

تم تعديل 7 مايو 2012 بواسطة إسلام علي

[التونسى]

بالرغم انى أؤيد استمرار التظاهرات في التحرير بشكل سلمى لتنبيه المجلس

العسكرى على ضرورة الالتزام بنزاهة الانتخابات وعلى تسليم السلطة في موعدها المحدد ,

إلا أننى متخوف من تلك التظاهرة في الجمعة القادمة لأن الداعى لها هو ابو إسماعيل هذه المرة

وبالتالى اى خروج عن النص , اى احداث شغب وتخريب , أى اعمال بلطجة ستتحول مسئوليتها

مباشرة اليه .. وبالتالى هى فرصة ذهبية على طبق من ذهب للمتربصين به لقتل البقية الباقية

منه بل و التنكيل بمن سينزل في هذا اليوم ..

يعنى هو الشيخ حازم لا (يفطن)) لمثل تلك تخوفات اخى العزيز دكتور ياسر ؟.. أصل لو هو (يفطن) لها .. يبقى بيجعل غير اتباعه يتشككون فى نواياه .. ولو هو لا ((يفطن)) لتلك العاقبة المحتمله والتخوفات المعتبره .. يبقى يفتقد الى بعد النظر والحكمه فى تناول الامور

[MZohairy]

حازمون

[se_ Elsyed]

وبعدين ده كذا مره يكررها يا تيمون " هاتوا عيالكم وزوجاتكم وولاد خالتكم ولا يتخلف رجل أو أمرأة " ... طب اللي ما شوفناه في مره نازل بطنط مرات أبو إسماعيل .. أو ولاد طنط اللي هما ولاده ... ولا دول ما بيتكشفوش على ثوار ؟

مش معنى إن حضرتك ما شوفتش يبقى محصلش يا فندم

ابنه رغم صغر سنه بينزل مع الشيخ حازم

وكشيخ كان داعية قبل الثورة أصلا أرفض إن حضرتك تسخر منه ومن زوجته وأولاده ...

هو كده كل ما كنت معك الحق ومتمسك بيه جدا كل ما اشتوهت صورتك جدا

إنها لعبة التزيين والتشويه لذلك يوم القيامة سيكون كما في سورة ق " فبصرك اليوم حديد "

عظيم جداً

فاكر طبعاً كويس خطبته العصماء قبل أحداث محمود عن ضرورة التمترس في الميدان وقال إنه شخصياً مش هايسيب الميدان وهايعتصم به .... ومافيش ساعتين وأختفى وحصل اللي حصل من قتل وذبح للمعتصمين هناك ... وبرر ذلك الأفندي بإنه كان وراه حاجات مهمة بيعملها وماقدرش يعتصم .. وقال نفس البؤين بتاع هاتوا رجالتكم وحريمكم و و و

واهو لسه طازة خطبته العصماء الأخرى أمام لجنة الإنتخابات الرئاسية وإنه لن يتزحزح ولن يتنحنح من أمام اللجنة .. وهوووووووووووب فص ملح وغاب ... وقال لك أصل رجلي حصل لها واوا .. صح ولا لأ ؟

تعرف يا اخ إسلام .. حتى لو كان الواحد على خطأ لكنه ثبت على مبدأة ودافع عنه وكان في الصفوف الاولى .. هانقول ده راجل شجاع بغض النظر عن كونه على صواب ام على خطأ

لكن ده يا مؤمن مسخناتي وولا مره شوفناه معتصم وقاعد ساعتين على بعض ... وهو اللي بيقول هاعتصم مش إحنا او بنشنع عليه

وكشيخ كان داعية قبل الثورة أصلا أرفض إن حضرتك تسخر منه ومن زوجته وأولاده

لأ معليش .. الإرهاب الفكري ده ما بياكلش معايا .. شيخ دي تتقال لما نكون بنتكلم عن أمر يتعلق بالدين .. إنما إحنا هنا بنناقش أمر سياسي بحت ... وكان الكلام ده هايتقال عن سين أو صاد من الناس عمل كده

[م تيمور المراغي]

نقطة نظام وتوضيح واجب

القيادات في كل مكان دورها في الاساس ( تنويري وتوجيهي )

يعني مش مطلوب من ابو اسماعيل انه ينزل الميدان ويبات فيه ويعتصم بل المفروض ان تتاح له وسائل الراحة والامان الكامل لتصبح لديه القدره الكامله على تحليل الامور ودراسة المعطيات والامثلة على ذلك كثيرة

غرفة العمليات لكل جيوش العالم في اماكن محصنة تحت الارض ماحدش يزايد ويطلع يقول للقواد اخرجوا من اماكنم وتوجهوا الى الخطوط الامامية للقتال !!!

بل ان رسول الله صلى الله عليه وسلم في احدى الغزوات بنى الصحابة له ( عريشا ) فوق ساحة المعركة لكي يوجه ويشاهد

وفي غزوة حنين عندما اراد ان يقتحم الصفوف امسك العباس بخطام حماره ومنعه من التقدم

الشاهد ان النقطه دي اللي مازهقتوش ترددوها عن ابواسماعيل ليس لها اي سند لا في العلوم الحربية الحديثة ولا في السنة النبوية المطهرة

تحياتي ...

[se_ Elsyed]

القيادات في كل مكان دورها في الاساس ( تنويري وتوجيهي )

يا عم بلاش الكلام المجعلص ده ....

وأنا مالي بالتنوير والتوجيهي وحلمي فهمي نظمي رسمي

إنت لما تسمعه بودانك الأربعة دول بيقول لك مش هاتزحزح من الميدان كذا مره .. وكل مره يفتكر إنه نسي يشتري عيش للولاد وفي دقايق يدبس الأشاوس ويكُت ... يبقى كده تنويري برضوا ؟

جاوب على السؤال وبلاش المقارنة بين مواقف وأحداث غير متكافئة

سمعته ولا لأ كذا مره بيقول كده ؟

[se_ Elsyed]

عامةً .. عندك حصة تنوير وتوجيه النهاردة بالليل يا تيمون

أخبط دي

يستضيف الليلة الإعلامى يسرى فودة فى برنامجه "آخر كلام" الشيخ حازم صلاح أبو إسماعيل، وذلك على قناة أون تى فى، وتعتبر استضافة الشيخ حازم هى الأولى له بعد ما أثير عن واقعة منعه أيضا من الظهور على شاشة التليفزيون المصرى فى برنامج "هنا العاصمة" الذى يقدمه أسامة كمال.

برنامج "آخر كلام" يذاع فى تمام الساعة الحادية عشر مساء

[م تيمور المراغي]

عامةً .. عندك حصة تنوير وتوجيه النهاردة بالليل يا تيمون

أخبط دي

يستضيف الليلة الإعلامى يسرى فودة فى برنامجه "آخر كلام" الشيخ حازم صلاح أبو إسماعيل، وذلك على قناة أون تى فى، وتعتبر استضافة الشيخ حازم هى الأولى له بعد ما أثير عن واقعة منعه أيضا من الظهور على شاشة التليفزيون المصرى فى برنامج "هنا العاصمة" الذى يقدمه أسامة كمال.

برنامج "آخر كلام" يذاع فى تمام الساعة الحادية عشر مساء

عيب الخبر عندي من الصبح يا برنس .....

تاني حقول ان لو الشيخ ابو اسماعيل نفسه اصر على البقاء وتعريض حياته للخطر فمن واجب اتباعه ابعاده ولو بالعنوه عن اماكن الخطر اولا لانه رمز ثانيا لانه مستهدف ثالثا ودي الاهم لان سنه مش صغير ....

[Alshiekh]

أنا قعدت أفكر وأفكر وأفكر

ياترى ابو اسماعيل عامل اجتماع ليه؟

ياترى في حاجة جديدة بخصوص ترشحه لإنتخابات الرئاسة

والا عايز يشكر اتباعه وبتوع 6 ابريل اللي وقفوا جنبه في العباسية

والا يمكن يكون عرف حاجة عن امه

وبعد بحث وتحري عما يمكن ان يكون قد استجد من أحداث، فلم أرى شيئا جديدا على الساحة

ثم عادت بي الذاكرة إلى بعض الافلام الهندي اللي كنت باشوفها زمان وتوقعت ان اللي ابو اسماعيل ممكن يفاجئ به الجميع هو

أن أم أبو إسماعيل طلعت مش أمه وانها كانت متبنياه وعنده الدليل وأنه سيقوم برفع قضية في المحكمة تطالب وزارة الصحة ان تثبت ان امه لم تتزوج ابوه عام 1960 حتى تنجبه في عام 1961 حيث ان ذلك السن لم يكن مسموح به قانونا للصغيرة أن تتزوج والا لكان الزواج مخالفا للقانون، وطبقا للسجلات الرسمية فالسن الذي كان مسموحا لها ان تتزوج فيه كان يجب ان يكون بعد 2/11/1962 وابو اسماعيل مواليد 1961، ولم يثبت في سجلات الدولة انه كانت هناك محاضر او محاكمات بهذا الشأن، إذن فام ابو اسماعيل لم تتزوج قبل 1962 وبالتالي فهي ليست أمه وبالتالي فامه الحقيقية الغير معروفة ليست امريكية ومن ثم يحق له ان يترشح لرئاسة الجمهورية.

[م تيمور المراغي]

المداخله اللي فوق دي يعني لاتليق وغير موضوعيه واطلب من الاداره الكريمه حذفها ...

من امتى في خلافتنا السياسية بنجيب سيرة امهات الناس !!

[Alshiekh]

المداخله اللي فوق دي يعني لاتليق وغير موضوعيه واطلب من الاداره الكريمه حذفها ...

من امتى في خلافتنا السياسية بنجيب سيرة امهات الناس !!

احنا مش بنجيب في سيرة امهات الناس

أم ابو اسماعيل هي موضوع الساعة لاكثر من شهرين

ابو اسماعيل هو من نشر بيانات امه على النت وهو من نشر صورتها من غير حجاب في وثيقة طلب الباسبور الذي ادعي انه وثيقة مزورة

من أجل ذلك أنا أرفض طلب سعادتك بالحجر على ما أكتبه واتهامي بأنني اجيب في سيرة امهات الناس.

ادخل على جوجل وضع اسم ابو اسماعيل، ستجد ان نتائج البحث تظهر اسمه مقترنا بإسم والدته في عدة لينكات.

[capitshino]

ممكن سؤال يا استاذ محمد

لو كان ابو اسماعيل كمل فى سباق الانتخابات وحصل اعادة بينه وبين شفيق

كنت هتنتخب مين ؟

[Alshiekh]

ممكن سؤال يا استاذ محمد

لو كان ابو اسماعيل كمل فى سباق الانتخابات وحصل اعادة بينه وبين شفيق

كنت هتنتخب مين ؟

بكل صدق لو لم يكذب في موضوع والدته كنت سأنتخب أبو إسماعيل لو انتهت التصفيات عليهما الاثنين فقط،

شفيق عليه ملاحظات مالية، ومن الناحية الادارية اعتقد ان تصريحه بان لو المشير كان قد طلب منه عدم الترشح لم يكن ليرشح نفسه ، يكفي لأن أرفض انتخابه رئيسا,

ولكن في الوقت الحالي وحيث ان ابو اسماعيل ثبت إما كذبه ومحاولة التلاعب بثغرات القانون لصالحه، فالاثنين لايصلحان، وكنت سأبطل صوتي الانتخابي لو لم يتبق غير الاثنين.

وعموما، الاثنين كذابين،