مهما كان برضوا " إبــــن عــــز "

[se_ Elsyed]

أنا أتفق مع الاخ كابتشينو .. بإننا نضغط على ادارة المنتدى عشان تعمل لنا يومي رياضي .. كاجول يعني .. بحيث الواحد يتبحبح ويتكلم براحته .... وياريت اللي قلوبهم خفيفة ما يدخلوش

عشان مش لاقي كلام أقوله بعد شكل احمد باشا عز في جلسة محاكمة اليوم

الصورة دي برعاية بيير كاردان

[se_ Elsyed]

دي صورة حمدين صباحي وهو معتقل يا جماعة أيام مبارك

ولاحظوا إنه لابس ملابس بيضاء يعني لسه محبوس إحتياطياً ولم تثبت عليه التهمة ... عكس الباشا عز اللي واخد احكام بالفعل ولابش ازرق والمفروض ينطبق عليه قانون السجون من إنه يتحلق له على الزيرو .. ويلبس ملابس السجن العادية الشائعة .. وياكل من أكل السجن والأكل بتاع بره يجي له في الزيارات الرسمية المقررة فقط

[se_ Elsyed]

وده الناشط أحمد دومه من كام يوم بس قبل أن يتم الأفراج عنه لعدم ثبوت أي تهمة ضده

.. وحتى لو أختلفنا معاه ومع أفكاره لكن أنا باعرض لكم صور الظلم والعدوان حتى بعد الثورة عشان يتحقق كلام الرسول الكريم عن سبب هلاك الأمم اللي لو سرق فيهم الباشا يبقى يلبس من عند بيير كاردان وبدله اخر إحترام ونضارة شمس .. وناقص يدهن جسمه صن سكرين ويتمدد عشان ياخد حمام شمس ويكتسب اللون البرونزي ...

وده مثال

وطبعاً المفروض كل البهوات دول اللي اخدوا أحكام نهائية زي

العادلي

المغربي

عز

نظيف

محمد إبراهيم سليمان

سامح فهمي

كل دول المفروض يتحولوا لعنابر السجن اللي فيها المسجونين العاديين .. وهذا ما لم يحدث حتى الان وكلهم لسه في المزرعة .. حيث الأشجار والورود والزيارات اليومية .. والاكل اللي بييجي للجميع من فندق شبرد كل يوم

[se_ Elsyed]

من شوية على قناة اون تي في كانوا مستضيفين واحد من الصحفيين اللي إعتقلوا وهما بيغطوا أحداث العباسية .... الواد متظبط ومحلوق له أقرع ودماغه متخيطة وواكل ضرب يكفيه لمدة سنة وبيحكي عن الاهوال اللي شافها خلال عدة ساعات من جنود مصر البواسل ...

أه على فكرة ... النهاردة مجموعة من البدو خطفوا جنود من قوات حفظ السلام ... وقوات الجيش قامت بتحرريهم .... صباحك جميل يا هيبة الدولة