حاجة تفرس

[محمد شلبى]

انتشرت فى الآونة الاخيرة ظاهرة تفييم السيارات وتركيب سارينة شرطة وكذلك طمس ارقام السيارة ووضع شعار الجيش او الشرطة او الهيئات القضائية عليها.

بذمتكم مش حاجة تفرس :blink:

مش العالم دى يا اخوانا هما المسئولين عن النظام فى البلد برضه ولا انا غلطان

عندنا فى المنصورة اكتر من 20%من السيارات عاملة كده وتلاقيهم ماشيين بالطول وبالعرض وفى الاتجاه المخالف ومشغلين السارينة ويا ويلو وسواد ليله اللى يعترض والانيل بقى يوم الخميس ,بيبقى يوم ما يعلم به الا ربنا ,سباقات الفورميلا وان بتشغل فى الشوارع من بعد المغرب لحد الصبح rs: .

واحد صاحبى ملازم جوى ,كنت معاه وهو بيشترى العربية

واتفقنا انى انزل معاه تانى يوم نظبط فيها شوية حاجات,رحتله لقيت اول حاجة عملها الفيلم ده وحتة سارينة معتبرة صوتها يرج الشارع وشال النمر خالص وطبعا بتاع 10 بادجات,اشى بادج الكلية الجوية على بادج الدفعة على بادج المطار على بادج الجيش.....,قلتله ايه ده يا بنى؟ rs:

قاللى محدش يقدر يكلمنى cr((:

ويا عينى على عربيتى الكحيانة اللى ماكانش عليها الا علامة دكتور وفى يوم الفحص وبعد ما وقفت طابور ساعتين وصلت للظابط قالى روح شيلها وتعالى بكره rs:

اشيل ايه يا عم؟ ده انا شايفها بالعافية rs:

هل ما يفعله هؤلاء يدل على عقد النقص ام ماذا ؟

آآآآآآآآآآآآآآآآآآآآآآآآآآه يا بلد

تم تعديل 11 ديسمبر 2004 بواسطة محمد شلبى

[أنـفـــال]

اه طبعاً.. :blink:

هو انت مش عارف جملة عادل امام في فيلم النوم في العسل لما قال:

(( أنا بوليس مابدفعش)) دة في عيادة الدكتور!! rs:

و البعض بيعتبر هذه العلامات يا اخ محمد حماية لهم و انهم فوق العادة يعني لامخالفات و لا اشارات و لاحتى شحاتين يقربوا منهم..

عادل امام كان بوليس مادفعش حاجة!!

بس لما تبقى انت متعدد المزايا.. يعني طيار و مقاتل و ظابط و كله في كله.. rs: rs:

يبقى مش هتدفع في اي حتة اي حاجة!! cr((: rs:

خالص تقديري..

أنفال

[محمد شلبى]

فى ايه؟ cr((:

هو الموضوع سخيف قوى للدرجة دى؟ :lol:

[se_ Elsyed]

مش سخيف ولا حاجة ..

ولكنك قولت كل الكلام ...

الحكومة عندنا بلطجية وأول ناس بتطبق القانون وبتمشي عليه

بس تطبيق الحكومة للقانون معناه إنها تطبقة وتضعه في سلة المهملات .

وتمشي عليه يعني تفرشه على الأرض وتطأه بقدمها ...

واظن الدولة نفسها عليها احكام قضائية أكثر من اللي على تجار المخدرات والقتلة المحترفين ومع ذلك لا تُنفذ أياً منها من مبدأ البلطجة واللي مش عاجبه يضرب دماغه في الحيط .