أصدق مين .. وأكدب مين!!؟

[التونسى]

أخبار وفيديوهات متضاربه ..خبر يؤيد وخبر ينفى .. مصدر يؤكد ومصد تانى يندد .. فيديو يخليك تتعاطف مع الثوار .. وفيديو يخليك تنقم عليهم .. فيديو يدفعك الى تحية الجيش .. وفيديو أخر يجعلك تسخط عليه

اللى كانوا بيقولوا الجيش خط أحمر .. النهارده بيطالبوا بإسقاطه .. والعكس صحيح .. اللى كانوا بيتهموا الجيش بالوحشيه والقمع والدمويه فى التعامل مع المتظاهرين .. النهارده بيدافعوا عنه بإستماته

واللى كان امبارح مع الثوار ,,, فجاتن بقى مع الفلول .. واللى كان بيرشح البرادعى .. النهارده بيرشح عمرو موسى

والاعلام سواء عام او خاص يتلون بكل فجاجه كما تتلون الحرباء .. ولكن بوجه مكشوف ومفضوح وسافر ..

والناس اللى كانوا معاك .. فجأه بقوا عليك .. بل وبيتشككوا وبيرتابوا فيك .. بل وتحولت فى نظرهم من ((خليل) الى ((عميل ))..لمجرد مخالفتك رأيهم .. والناس اللى كانوا ضدك .. فجأه لاقيتهم حبايبك وبيتوددوا اليك .. وتحولت أيضا فى نظرهم من عدو ((معقرب)) الى صديق ((مقرب)) لمجرد أن رأيك توافق مع رأيهم

أنا عارف ان مثل تلك النوعيه من الموضوعات بتكون شائكه .. لانها تعرضك للهجوم من كافة الاطراف .. لأنك اصلا تهاجم فيها وتنتقد كل الاطراف .. وهو مش موضوع شخصى بقدر ما هو شئ لاحظته فعلا سواء فى المحاورات .. او فى المنتديات الاخرى اللى بكتب فيها .. الناس كلها واقعه فى بعض.. ومتعرفش مين مع مين ..ومين ضد مين .. واللى كان صديق الامس بقى عدو اليوم ... والعكس صحيح

سؤالى اللولبى البسيط جدا فى صياغته .. الصعب جدا جدا جدا فى الاجابه عليه

أصدق مين .. وأكدب مين ؟

((سامع الكل بيصرخ من جواه وفى نفس واحد صدقنى أناااااااااااااااااا )) .. ونعم الاجابه الشافيه هههههههههههههههههههه

تم تعديل 9 مايو 2012 بواسطة محمود البصيلى

[محمد عبدالعزيز]

أنا لا يهمنى مين معايا ولا مين ضدى

المهم أنا أكون مع الحق بقدر المستطاع, ولا يكلف الله نفساً إلا وسعها.

مفيش عندى شخص مقدس أياً كان مين هو, مفهوم طبعاً إنى باتكلم عن الوقت الحالى وعن الأوضاع السياسية عشان ماحدش يفهم كلامى من ناحية تانية.

الحق بقى أعرفه من ما يتاح لى من معلومات ومشاهدات ومقارنات وتفكير فى كل ذلك حتى أصل لما أعتقد إنه هو الحقيقة.

فى الآخرة ربنا بيحاسب كل واحد لوحده وبيحاسبه على ما فعل واعتقد هو مش أى حد تانى.

[همسة الغامدي]

اخي الفاضل محمود ...طرح اكثر من رائع وخاصة في هذه الفترة الحرجة من تاريخ الامة

باختصار شديد (استفت قلبك ولو افتاك الناس) لاتصدق فلان ولاتكدب علان ..

مشكلةالغالبية العظمى من الناس ان لديهم جهل سياسي فظيع

فهم على مدار قرون والسياسة شئ من المحرمات

والاقتراب منه يوجب اللعن الرئاسي والطرد من جنة الحكومة المبجلة

وفجأة اصبحت السياسة حق للجميع فكيف بالله يمارسون مايجهلون ..

لهذا تجد الاغلبية كلمة توديه ولقاء تلفزيوني يجيبه ..

خطبة تخليه يغير قناعاته ونشرة تجعله يرجع في كلامه

لخبطة فكرية لايعلم بها الالله والراسخون في السياسة

الذين يعرفون هذا جيدا فنجدهم يسوقون الناس امامهم سوقا

مستغلين تلك الثغرة في تاريخ تطورنا السياسي

من وجهة نظر شخصية لدي قناعة لاتتزعزع

ان الاخوان ومرشحهم هو الخيار المناسب للشعب المصري حاليا

وهذا الكلام اقوله بناء على خلفية صلبة من القراءات

لتاريخ هذه الجماعة وكفاح رموزها وليس لاني شاهدت فلان اوسمعت علان

بالرغم انني لم استمع لبرنامج اي مرشح

حين تكون القناعة راسخة صعب ان يحدث لها هزة او اختلال في النفس

مهما علا وزاد صوت المعترضين حولها

قد اسمع كلاما يعجبني هن او هناك .

.قد يستوقفني متحدث ويعجبني تفكير عالم

واتأثر بصوت خطيب لكن قناعتي في الاخوان ومرشحهم لا تهتز

هم كغيرهم لهم عيوبهم وسقطاتهم والعبرة بالخواتيم كما يقولون .

.كلها اربع سنوات ان لم يفعلوا شيئا وثبت انهم غير جديرين بالثقة

فسياتي الشعب بمن هو افضل منهم .........هذه وجهة نظري وعذرا للاطالة

[ماتركس]

أحييك على كل كلمة قلتها ، فذلك يحدث في كل مكان في مصر الأن.

السبب ببساطة أن الوضع ليس كما كان قبل 25 يناير بينما هناك من يصر أنه لم يتغير شئ.

ولذلك أنتقل الكثير منا من خانة الثوار إلى خانة من يريدون للبلد أن تمضي في طريق الديمواقراطية بعيدا عن الفوضى بينما بقى البعض مأخوذاً بنشوة الثورة ونشوة تنحي مبارك وأصبح يعتقد أن كل شئ يمكن تحقيقه بالإعتصام والإضراب ، وغير قادر على أن يقتنع أن الشعب الذي نزل في 25 يناير لن ينزل الأن إلا لضربهم أو حتى قتلهم لأنه يحملهم مسئولية الفوضى وأنعدام الأمن.

السبب الأخير في وجهة نظري هي ديكتاتورية المصري ، فالمصري الذي يحمل رأياً - غالبيتنا كذلك - يرى أنه الأكثر فهماً وحكمة ومن لا يتبع رأيه ربما خائن أو عميل أو في أحسن الأحوال فلول ، حتى أن هناك من لم يرى ميدان التحرير في ثورة يناير ويكتب من وراء الكيبورد يطلق الأن على من وقفوا بصدروهم العارية في يناير 2011 لقب فلول لمجرد أنه يخالفه الرأي ، ولا يحمل تطرف رأيه الموتور.

الجميع ينادي بالديموقراطية ولا يمارسها ، الجميع يعاني من تخوين الأخرين له بينما يخون هو الجميع ، الجميع يعاني من إلحاق الأخرين الضرر به بشكل ما ، بينما يعطل هو مصالح الأخرين ويعرقل مسيرة وطن.

آفتنا هى الصوت العالي وفتحة الصدر وتسفيه الأخر وعدم الجلوس معا للحديث بقلب وعقل مفتوح لنفهم ماذا يريد كل الأطراف.

الفوضى في الشارع هي إنعكاس للفوضى التي في النفوس .

تلك هي الحكاية بكل بساطة.

وأحييك على موضوعك.

تم تعديل 9 مايو 2012 بواسطة ماتركس

[se_ Elsyed]

ببساطة

لا تكن مع أحد على طول الخط كما يفعل كثير من المتحزبين اللي بيبلعوا الظلط لحبايبهم

ولا ضد حد على طول الخط وتتمنى له الغلط حتى لو كان على صواب

[Dreamwithme]

أنا شخصيا مابقيتش لا أصدق حد ولا أكدب حد بقيت أفصل الكلام عن شخصية المتكلم مفيش حد عندي أخد كلامه بدون تدقيق وفلترة والمعلومة لازم اسمعها من اكثر من طرف والفيديو الواحد لازم اتفرج عليه من اكثر من مصدر يعني متصور بزوايا مختلفة وأوزن الأمور واستفتي قلبي وبعدين اخد قراري اللي ممكن يتأخر لكن مش مهم المهم اني ارضي ضميري المشكلة اننا ما اتعودناش علي كده من زمان .... كان دائما بنبني وجهة نظرنا معتمدين علي رؤيتنا لشخصية المتكلم ويا إما نأخد شخص كله علي بعضه وكل كلامه صادق يا اما العكس

[التونسى]

أنا لا يهمنى مين معايا ولا مين ضدى

المهم أنا أكون مع الحق بقدر المستطاع, ولا يكلف الله نفساً إلا وسعها.

مفيش عندى شخص مقدس أياً كان مين هو, مفهوم طبعاً إنى باتكلم عن الوقت الحالى وعن الأوضاع السياسية عشان ماحدش يفهم كلامى من ناحية تانية.

الحق بقى أعرفه من ما يتاح لى من معلومات ومشاهدات ومقارنات وتفكير فى كل ذلك حتى أصل لما أعتقد إنه هو الحقيقة.

فى الآخرة ربنا بيحاسب كل واحد لوحده وبيحاسبه على ما فعل واعتقد هو مش أى حد تانى.

الاشكاليه يا محمد هو انك حتوصل للحق ازاى خاصة لو انت عندك مثلا فيديوهين متضادين لواقعه واحده .. واحد بيأكد وواحد بينفى ..وشهود بتثبت وأخرين بينكروا .. تضمن مين ان حكمك مش حيكون خاطئ .. وتضمن منين انه ميترتبش عليه ظلمك لطرف دون الاخر..

طبعا مفيش حاجه اسمها اشخاص مقدسه .. بس فيه سمعه برده للشخص ممكن تساعدنا ايضا فى تصديق تصريح او خبر عنه

انا عن نفسى ساعات بحس ان دماغى حتضرب .. ومش عارف ارسى على بر .. وكل اما اقول ابعد خالص واريح نفسى من الدوامات اللى هنا وهناك .. الاقينى مش قادر ابطل متابعه للاخبار والفيديوهات والمنتديات .. مما يترتب عليه السقوط فى بئر من الحيره لا قرار له

[ابو محمود]

هريحك يا حوده .. صلى على النبى

لما قامت الثوره كلنا اختار او معظم الشعب اختار تيار معين ظنآ منه انه من يخرج البلد من الفساد والهم

اتت بعدها شياطين الاعلام وبعض زلات التيار اياه اللي اختاره الناس والاعلام شغال على ودنه يشهر بيهم وكله كذب وتضليل

الشعب كان زمان وقبل الثوره بيغسلو ودانه ومخه بان التيار الفلانى ارهابى وانه عايز السلطه وانه متعاون مع اعداء مصر وتم تلفيق اكاذيب من الاعلام ونفس الاعلام برضو هو هو ونفس الاسطوانه المشروخه الناس من كتر ازمات البنزين والسولار والغاز وانابيبه صدقت ليه بقى علشان الثقافه بتاعتهم بؤ وودان بدون فلتره او ذاكره

هناك بقى من الناس فهما اللعبه بمعنى انها اختارت س من التيارات وتم ذلك بنجاح اذآ سيختارون نفس المعادله او الرمز س ليه بقى لانهم يعلمون ان تغيير المسار فى وسط الطريق هيكون خطأ فادح اذآ لا بد ان نوعى الناس ان تفكر جيدآ لو حكمنا واحد تابع لنظام قديم فاسد ويحاكم هيكون ايه تصرفه معانا ومع من هم بالحبس اكيد هيفتح لهم القفص وهيدخلنا مكانهم

اما لو كان الاختيار لواحد من غير الفلول برضو هيكون خطأ ليه بقى علشان احنا لازم ندى صوتنا لمن هو صاحب مشروع وكيان نقدر نحاسبه فى اخر المشوار يعنى الخيار س انت اختارته لانه حزب اذآ لا يمكن ان تختار مثلآ الخيار ح او ن علشان هو فرد ولا يوجد له كيان لأن الكيان سيعمل من خلال هذا الاختيار س وسيساعده على تنفيذ برنامجه او مشروعه فتحدث المعجزه اذآ بعدما شاهدنا حرب الاعلام وحاله الشعب الغلبان اللي بقى بؤ وودان ندعى ربنا أن يسلم مصر من الخونه والأعلام الفاسد ونستمسك بالخيار س

تم تعديل 10 مايو 2012 بواسطة ابو محمود

[Alshiekh]

أنا لا يهمنى مين معايا ولا مين ضدى

المهم أنا أكون مع الحق بقدر المستطاع, ولا يكلف الله نفساً إلا وسعها.

مفيش عندى شخص مقدس أياً كان مين هو, مفهوم طبعاً إنى باتكلم عن الوقت الحالى وعن الأوضاع السياسية عشان ماحدش يفهم كلامى من ناحية تانية.

الحق بقى أعرفه من ما يتاح لى من معلومات ومشاهدات ومقارنات وتفكير فى كل ذلك حتى أصل لما أعتقد إنه هو الحقيقة.

فى الآخرة ربنا بيحاسب كل واحد لوحده وبيحاسبه على ما فعل واعتقد هو مش أى حد تانى.

الاشكاليه يا محمد هو انك حتوصل للحق ازاى خاصة لو انت عندك مثلا فيديوهين متضادين لواقعه واحده .. واحد بيأكد وواحد بينفى ..وشهود بتثبت وأخرين بينكروا .. تضمن مين ان حكمك مش حيكون خاطئ .. وتضمن منين انه ميترتبش عليه ظلمك لطرف دون الاخر..

طبعا مفيش حاجه اسمها اشخاص مقدسه .. بس فيه سمعه برده للشخص ممكن تساعدنا ايضا فى تصديق تصريح او خبر عنه

انا عن نفسى ساعات بحس ان دماغى حتضرب .. ومش عارف ارسى على بر .. وكل اما اقول ابعد خالص واريح نفسى من الدوامات اللى هنا وهناك .. الاقينى مش قادر ابطل متابعه للاخبار والفيديوهات والمنتديات .. مما يترتب عليه السقوط فى بئر من الحيره لا قرار له

شوف يا أستاذ محمود

في ظل الأحداث الكبيرة، وتعدد وجهات النظر،

وفي ظل إتساع رقعة الأحداث وارتفاع أرقام الأعداد المشاركة في الأحداث،

فبالضرورة عين واحدة وكاميرا واحدة ورواية واحدة لن تعطيك الصورة الحقيقية للأحداث.

منطقة الاحداث سواء كانت العباسية وماحولها، أو التحرير وماحوله، أو ماسبيرو وماحوله وما الى آخر الأماكن التي جرت فيها أحداث الثورة، تعتبر مساحات كبيرة وشاسعة،

كذلك الأطياف المشاركة في تلك الأحداث هي أطياف متعددة، وكل له توجهاته وأهدافه التي قد تكون متوافقة في بعض منها والتي نراها في إختلاف وجهات نظر الفيديو كليب.

أضف لذلك سكان تلك المناطق الذين تؤثر الاحداث في حياتهم أو أعمالهم بشكل مباشر والتي بالطبع تختلف من منطقة لمنطقة تبعا لمستوى وثقافة سكان تلك المناطق.

نتيجة كل تلك العوامل والاختلافات فلن تجد وجهات نظر متطابقة ولن تجد روايات متطابقة ولا حتى شهادات يمكن الوثوق فيها.

مثلا لو عدنا لبدايات الثورة، كان لدينا فصيلين ، أحدهما رسمي والثاني من الثوار،

كلاهما استخدم أسلوب ترويج الإشاعات لتحقيق هدفه،

المجلس العسكري اشاع انباء القبض على وزير الداخلية، او احمد عز

وعلى الجانب الآخر 6 إبريل ضخمت من كل حادث صغير وطلبت العون والمدد بنظام ضربني وبكى وسبقني واشتكى ، واعتقد ان الفاضل تيمور ممكن يشرح لكم هذه الطريقة.

الخلاصة،

كي تصل للحقيقة يجب أن تكتشفها بنفسك، يجب أن تستمع للجميع وتضع نفسك في كل موقف لتحكم بنفسك إن كانت الرواية صحيحة أم بها ميل.

وهذا هو ما أفعله، والشيئ الذي لا أستطيع أن أكون حوله رؤية أبتعد عن النقاش حوله واستمع أكثر.

[التونسى]

اخي الفاضل محمود ...طرح اكثر من رائع وخاصة في هذه الفترة الحرجة من تاريخ الامة

باختصار شديد (استفت قلبك ولو افتاك الناس) لاتصدق فلان ولاتكدب علان ..

مشكلةالغالبية العظمى من الناس ان لديهم جهل سياسي فظيع

فهم على مدار قرون والسياسة شئ من المحرمات

والاقتراب منه يوجب اللعن الرئاسي والطرد من جنة الحكومة المبجلة

وفجأة اصبحت السياسة حق للجميع فكيف بالله يمارسون مايجهلون ..

لهذا تجد الاغلبية كلمة توديه ولقاء تلفزيوني يجيبه ..

خطبة تخليه يغير قناعاته ونشرة تجعله يرجع في كلامه

لخبطة فكرية لايعلم بها الالله والراسخون في السياسة

الذين يعرفون هذا جيدا فنجدهم يسوقون الناس امامهم سوقا

مستغلين تلك الثغرة في تاريخ تطورنا السياسي

من وجهة نظر شخصية لدي قناعة لاتتزعزع

ان الاخوان ومرشحهم هو الخيار المناسب للشعب المصري حاليا

وهذا الكلام اقوله بناء على خلفية صلبة من القراءات

لتاريخ هذه الجماعة وكفاح رموزها وليس لاني شاهدت فلان اوسمعت علان

بالرغم انني لم استمع لبرنامج اي مرشح

حين تكون القناعة راسخة صعب ان يحدث لها هزة او اختلال في النفس

مهما علا وزاد صوت المعترضين حولها

قد اسمع كلاما يعجبني هن او هناك .

.قد يستوقفني متحدث ويعجبني تفكير عالم

واتأثر بصوت خطيب لكن قناعتي في الاخوان ومرشحهم لا تهتز

هم كغيرهم لهم عيوبهم وسقطاتهم والعبرة بالخواتيم كما يقولون .

.كلها اربع سنوات ان لم يفعلوا شيئا وثبت انهم غير جديرين بالثقة

فسياتي الشعب بمن هو افضل منهم .........هذه وجهة نظري وعذرا للاطالة

شكرا على مداخلتك القيمه يا همس .. وحقيقى سعيد جدا بتواجدك بيننا وتفاعلك معنا وكأنك بتشاركينا من زمان

أنا فعلا ممكن احاول استخدم الفراسه .. او استفتى قلبى فى خبر.. او عند الاستماع لحديث شخص ما .. لكن بالله عليكى استفتى قلبى ازاى لما اشوف مثلا فيديو لجنود بيضربوا المتظاهرين بوحشيه فى واقعة ما .. واتعاطف جدا طبعا مع المتظاهرين لدرجة غليان حقيقى للدم فى نافوخى .. وبعدين اشوف فيديو تانى بيخص نفس الواقعه .. وفيه سباب وشتيمه والقاء حجاره واستفزاز لبعض الجنود او اعتداء على منشأت عامه

.. وبحط نفسى مكان واحد من الجنود دى .. وبلاقى نفسى برده بلتمس لهم العذر لو فقد احد منهم اعصابه فى خضم المسئوليه الامنيه الملقاه على عاتقه .. ..ودول بشر زينا من لحم ودم .. وتبدأ بقى حيرتى .. البيضه الاول والا الفرخه .. الجنود اعتدوا الاول والا المتظاهرين .. وتيجى للشهود تلاقي منهم اللى مع دول .. ومنهم اللى مع دول .. وشنيور عمال يحفر فى دماغك وصوت بيصرخ من اعماقك وبيتسائل ((اصدق مين واكدب مين))؟

معاكى فى نقطة تمتعنا بالجهل فى ((الوعى)) السياسى .. وده شئ بديهى .. خاصة بالنسبه للجيل الجديد

اما عن الاخوان حتستغربى وحيستغرب بعض من اخواتنا ها هنا .. انى اخترت مرشحهم الرئاسى .. بأليه ومنظور ((ليبرالى)) .. وهى الأليه (البرجماتيه) .. يعنى نظرت للمصلحه العامه تتطلب مين واحنا كشعب لسه خارج من هوة الديكتاتوريه ينفعنا ايه .. فرأيت ان تفرق السلطات المختلفه على احزاب سياسيه عده حيؤدى الى صدامات وخلافات وتطاحن وتشاحن سيؤدى بنا الى العودة الى ما هو اسوء من ايام اللا مبارك .. لذلك فضلت اختيار مرشح الاخوان ((الذين لا اعرفهم)) خاصة بعد ان حصلوا على ثقة الاغلبيه .. حتى تكون زمام السلطه بين يديهم .. لياخذوا فرصتهم كامله ومرة واحده

طبعا انا للاسف اكتشفت يوم امس باننى ليس لدى صلاحيات الانتخاب لتاخرى فى تسجيل نفسى بكشوفات المنتخبين بالسفاره فى لندن .. والحمد لله ان ربنا عفانى من تلك المسئوليه

[همسة الغامدي]

اهلا بك اخي العزيز ..الحقيقة انني انا التي سعيدة بوجودي بينكم هنا

كنت دوما ولازلت اعتقد ان المصريين هم نخبة مثقفي العرب

وهنا اقول بملء فمي ااني بين نخبة النخبة (فكيف لا ا اسعد واطاول السماء فخرا

ترحيبك هنا فتح نفسي للمشاركة مرة ثانية وربما مرة ثالثة

كلامك صحيح عن الحيرة ... حدثت معي واثناء الثورة رائت فديو للشاب الذي تسلق سفارة اسرائيل

ونزع علمها وبدات اطارد الخبر هنا وهناك حتى شاهدت لقاء معه

وكنت استمع بحماس وفخراليه وكانه اخترق حدود اسرائيل لم اتمالك نفسي يومها من البكاء

وقلت اذا كان في مصر الف واحد مثل هذا لن يكون لاسرائيل وجود في الخريطة

بعد ايام شاهدت في الفيس بوك فيديو لرجل (لا اعرفه ) بس هو صحفي على ما اظن يتهم فيه الشاب احمد بالكذب

ويقول انه صور الرجل الحقيقي الذي تسلق السفارة وانه اتصل باحمد وقاله بتكدب ليه وكلام كثير ماكملتوش

اغلقت الجهاز وقلت ليتني لم اشاهده لانه قتل بداخلي شعور العزة الذي اصابني قبل يومين

ذها يحدث لي ولك وكل انسان لديه رصيد من العلم والانفتاح والتنوير فمابالك بمن رصيده صفرا

انه يصبح مثل الشجرة في مهب الريح وانا بجد اشعر باشفاق شديد نحوهم فمثل هذه المواقف تحتاج الى قرارا مصيري

وهم عاجزون ان يعرفوا ماذا يريدون

سؤال على جنب كده

عدم مشاركتك اهي رحمة فعلا ..ام حرمان من امنية راودتك عن نفسها طويلا ؟؟؟

[White heart]

سؤالى اللولبى البسيط جدا فى صياغته .. الصعب جدا جدا جدا فى الاجابه عليه

أصدق مين .. وأكدب مين ؟

استغفر الله العظيم .... دة سؤال برضه يا "مان"؟!؟

تصدق ربنا طبعاً!

تصدق اللى انت وبعض الزميلات والزملاء عايزنهم يحكموا ويطبقوا بأسمه ...

أظن مافيش أحسن من كدة ... ماعدش عندك حجه!

تحياتي

[التونسى]

[

تصدق اللى انت وبعض الزميلات والزملاء عايزنهم يحكموا ويطبقوا بأسمه ...

أظن مافيش أحسن من كدة ... ماعدش عندك حجه!

تحياتي

ما بلاش إنت ((أااساحبى)) هههههههههههههههه.. يعنى بتشكى مر الشكوى منى انى بحاول أأطر وأقولب أسلوبك وأفرض عليك اسلوبى .. وانت جاى هنا تأطر وتقولب ((إتجاهى السياسى)) بلا بينة حقيقه .. نفسى حد من اللى يعرفك ويعرفنى ((يميل)) على إحدى أذنيك .. ويرسيك عالليله.. ويعرفك مين هو محمود البصيلى على المستوى الشخصى.. وعلى المستوى الفكرى والسياسى .. والا اقولك خليك مصدق تخميناتك وعايش معاها .. ميضرش برده .. ماحنا بقى فى رحله ..هو احنا خسرانين حاجه .. وادينا بندردش ورانا ايه ورانا ايه ههههههههههههههههه ..

على فكره أنا من الاخوان ((السلفيون) ..او السلف ((الاخوانيون))

نسيت ارحب بيك يا مان . انا كده ضمنت بوجودك ان الموضوع مش حيقل عن اربع خمس صفحات من الحجم الكبير.. بس متقلش العيار احسن تجيب ضلف الموضوع ويتقفل ههههههههههههههههههههه

بهزر معالك والله.. ومرحب بيك مره تانيه.. واتمنى تشارك بموضوعيه بعيدا عن الشخصنه و الانتماءات السياسيه ..((انتمائى وانتمائك)) .. يعنى عرفنى يا وايت .. انت شخصيا فى حالة تضارب الاخبار والفيديوهات بتوصل للحقيقه ازاى وبتكدب مين وبتصدق مين؟

وعذرا للاخوه اللى تخطيتهم فى المناقشه والرد .. اصل وايت ده بقى ادمان.. ولما بشوف مداخله له بتركبنى عفاريت الكتابه.. ومخى بيشتغل على طول ..وببقى عايز ارد عليه فى ساعتها أحسن ما يجرالى حاجه .. اصله جابللى حاجه فى عقلى مش حكتبها عشان اخويا العزيز ابو محمد ميزعلش منى ههههههههههههههههه

[التونسى]

مكركر .. رجاء الحذف .. مع الشكر

تم تعديل 10 مايو 2012 بواسطة محمود البصيلى

[White heart]

على فكره أنا من الاخوان ((السلفيون) ..او السلف ((الاخوانيون))

خلاص ... بسيطة خالص ....

ولو ان الخبر يناسب تماماً إنتمائك الديني - الديني دة ... لكن ما يمنعش أحطلك خبر غيره .. تأكيداً على أفضلية ما تدعو اليه انت وبعض الزميلات والزملاء هنا:

وبعد ما تقرا تقيبات "المصريين" قراء الخبر دة ... أظن بقى مايبقالكش فعلاً أى حجه ... بزمتك فيه أحسن من كدة؟!؟!؟

صدق بقى يا "مان" ان هو دة الأحسن والأفضل لينا ولبلدنا.

تحياتي.

[التونسى]

أحييك على كل كلمة قلتها ، فذلك يحدث في كل مكان في مصر الأن.

السبب ببساطة أن الوضع ليس كما كان قبل 25 يناير بينما هناك من يصر أنه لم يتغير شئ.

ولذلك أنتقل الكثير منا من خانة الثوار إلى خانة من يريدون للبلد أن تمضي في طريق الديمواقراطية بعيدا عن الفوضى بينما بقى البعض مأخوذاً بنشوة الثورة ونشوة تنحي مبارك وأصبح يعتقد أن كل شئ يمكن تحقيقه بالإعتصام والإضراب ، وغير قادر على أن يقتنع أن الشعب الذي نزل في 25 يناير لن ينزل الأن إلا لضربهم أو حتى قتلهم لأنه يحملهم مسئولية الفوضى وأنعدام الأمن.

السبب الأخير في وجهة نظري هي ديكتاتورية المصري ، فالمصري الذي يحمل رأياً - غالبيتنا كذلك - يرى أنه الأكثر فهماً وحكمة ومن لا يتبع رأيه ربما خائن أو عميل أو في أحسن الأحوال فلول ، حتى أن هناك من لم يرى ميدان التحرير في ثورة يناير ويكتب من وراء الكيبورد يطلق الأن على من وقفوا بصدروهم العارية في يناير 2011 لقب فلول لمجرد أنه يخالفه الرأي ، ولا يحمل تطرف رأيه الموتور.

الجميع ينادي بالديموقراطية ولا يمارسها ، الجميع يعاني من تخوين الأخرين له بينما يخون هو الجميع ، الجميع يعاني من إلحاق الأخرين الضرر به بشكل ما ، بينما يعطل هو مصالح الأخرين ويعرقل مسيرة وطن.

آفتنا هى الصوت العالي وفتحة الصدر وتسفيه الأخر وعدم الجلوس معا للحديث بقلب وعقل مفتوح لنفهم ماذا يريد كل الأطراف.

الفوضى في الشارع هي إنعكاس للفوضى التي في النفوس .

تلك هي الحكاية بكل بساطة.

وأحييك على موضوعك.

أنا اللى بحييك على اهتمامك بالمشاركه .. وبرحب بيك فى المحاورات .. وانا قريت لك مداخله رائعه وقيمه وعجبنى جدا تفكيرك وابرازك لتلك العيوب الخطيره الفرعونيه الديكتاتوريه فى كثير منا والتى تتمثل فى تخوين الاخر .. ومن ليس معنا يصبح علينا .. والتحدث كثيرا والانصات قليلا .. وتسفيه اراء الاخرين .. وغيرها من العيوب التى قد نقع ايضا انا وانت فيها احيانا ولسنا معصومين منها .. مما يجعلنا نقع فى دوامات الحيره والتخبط (واصدق مين واكدب مين) .. ساعات بعذر الناس اللى بيبقوا منتمين لفكر او فصيل معين .. لانهم من الصعب عليهم(الانشقاق) عن الاتجاه العام لفكرهم او حزبهم او اتجاههم السياسى برأى مختلف قد يضر الاتجاه ككل .. عشان كده انا ذات نفسى لا احب فكرة التحزب .. عشان يبقى حكمى على الامور ((سياسيا)) حر .. بدون ضغوط او اعتبارات معينه قد تقيدنى وتلزمنى

[التونسى]

صدق بقى يا "مان" ان هو دة الأحسن والأفضل لينا ولبلدنا.

تحياتي.

هو أنا قلتلك انى مش مصدق .. دا أنا مصدق ومؤمن .. مؤمن بالله طبعا .. بس الموضوع لامؤاخذه مش دينى .. دا فى باب سياسه داخليه .. انا بتكلم على الوقائع والاحداث يامان ... ياللا السؤال تانى عشان تجاوب عليه يا طعمه .. يا شطوره ..يا عسوله . محسسنى انى بتحايل عليك عشان اسقيك الدوا وانت عمال تزوغ منى كعادتك هههههههههههههههههههههه

انت شخصيا فى حالة تضارب الاخبار والفيديوهات بتوصل للحقيقه ازاى وبتكدب مين وبتصدق مين؟

[ام سلمي]

أنا فعلا ممكن احاول استخدم الفراسه .. او استفتى قلبى فى خبر.. او عند الاستماع لحديث شخص ما .. لكن بالله عليكى استفتى قلبى ازاى لما اشوف مثلا فيديو لجنود بيضربوا المتظاهرين بوحشيه فى واقعة ما .. واتعاطف جدا طبعا مع المتظاهرين لدرجة غليان حقيقى للدم فى نافوخى .. وبعدين اشوف فيديو تانى بيخص نفس الواقعه .. وفيه سباب وشتيمه والقاء حجاره واستفزاز لبعض الجنود او اعتداء على منشأت عامه

الاستاذ الفاضل محمود بصيلي

بالنسبة لي في الجزئية دي بالذات الخاصة بالعسكر والمتظاهرين ممكن احدد اصدق مين واكذب مين علي اساس عدد الضحايا و المصابين من الطرفين

و غالبا الطرف اللي ضحاياه اكتر يبقي هو اللي اتظلم بجد

لان مش معقول حتي لو كان في حدف طوب او شتيمة يبقي جزاءها القتل و الضرب بالرصاص

تحياتي

تم تعديل 10 مايو 2012 بواسطة ام سلمي

[متعب]

اهو اى كلام فى طحينه

وطحينه من النوم والنوم فى العسل والعسل فى البلاص والبلاص عند التاجر

[Alshiekh]

اهو اى كلام فى طحينه

وطحينه من النوم والنوم فى العسل والعسل فى البلاص والبلاص عند التاجر

ياريت الأخ متعب يكتب لنا حاجة مفيدة أو جمل مفيدة علشان انا تعبت من الالغاز