أصدق مين .. وأكدب مين!!؟

[White heart]

صدق بقى يا "مان" ان هو دة الأحسن والأفضل لينا ولبلدنا.

تحياتي.

هو أنا قلتلك انى مش مصدق .. دا أنا مصدق ومؤمن .. مؤمن بالله طبعا .. بس الموضوع لامؤاخذه مش دينى .. دا فى باب سياسه داخليه ..

:astaghfer:

مافيش حاجة يا "مان" .. خصوصاً بعد "ثورة الشباب الطاهرة" اسمها "فصل" مابين الدين والسياسة!!! اومال انت وبعض الزملاء الاعزاء بتدعو لأيه بالظبط؟!؟!؟

وبعدين يا "طعمه" .. .. يا "عسوله" .. هو انت مش واخد بالك والا ايه من "مغزى" الخبرين؟!؟!؟

الخبرين يا "شطوره" ... بيدوروا حوالين الصراع الديني / الديني على "إحتكار" الـــــــــــــمـــــــــــــرجــــــــــــــعــــــــــــــــــــــــــيــــــــــــــــــــــــــة ... وبما ان حضرتك والزملاء المستمتين فى الدفاع عن الدولة الدينية و"تطبيق" حكم الدين بواسطة رجال دين/دين/دين/سياسة ... يعني تمام كدة حضرتك زى ما مولانا فضيلة الشيخ حازم صلاح ابو اسماعيل إستفاض فى شرح وتبرير وتجميل إحدى القضايا اللى تهم المواطنين اللى على غير إيمانك/دينك ... وزى ما اختك فى الدين العزيزة "ام سلمى" إستدلت فى إحدى دفاعتها عنه وحبت تحيلنى الى كلامه:

"... صدقني يا استاذ وايت هارت انا لا احاول تجميل صورة حازم صلاح ولا اقول ما لم يقله ، انا انقل لك ما سمعته وفهمته من لقاءات سابقة له

وحتي هذا الفيديو في الاقتباس الذي وضعته لا يعني انه سيفرض جزية ، ولكن استفاضته في شرح هذا الموضوع لتوضيح ان الجزية لم تكن بالامر السئ ولبيان انها كانت رحمة وليست نقمة

و لو استمعت الي اخر جزء فيه ستجده يقول ما معناه ان من يريد الاشتراك في المخابرات او الحروب وخلافه فلا مشكلة ،

وعموما بالنسبة لمناظرته الاخيرة فقد وضح فيها صراحة ان الازهر الشريف هو المرجعية و انه لم يقل بفرض الجزية ... "

ويا سبحان الله "الحزب" الديني/الديني/الديني/ السياسي (النور) اللى هو بينتمي ليه مولانا مرشح الرئاسة المستبعد (اللى كان بيقول ان الأزهر هو اللى هايبقى المرجعية فى الفصل فى هذا النوع من القضايا) هو نفسه من يحاول اليوم "قصقصة" ريش الأزهر، والحد من صلاحياته، أو بمعنى أدق ربما "مناصفته" فى المرجعية والسلطات الدينية/السياسية....

يبقى يا "عسولة" لم تيجي تفتح موضوع فى باب السياسة الداخلية، وتسأل "اصدق مين وأكذب مين" ... أعتقد كدة يعني - وطبعاً بعد أذن حضرتك - لازم تتوقع ان فيه "مواطنين" فى بلدنا دي، مش على دينك ولا إيمانك، وبالتالي من الطبيعي انه حتى واحد منهم يلفت نظر سعادتك الى القضية البسيطة والتافهة دي .... ويسألك بحكم انك من أشد المدافعين عن منهج ونظام الإحتكام الى هذا النوع من "التطبيق" الديني الديني الديني السياسي... لعلك تصبح أكثر شجاعة وتفصح بوضوح عن موقفك ... عوضاً عن هذا الأسلوب ... عفواً ومعذرة ... الهزلي والأفعواني/ المُلتوٍ:

" .. نفسى حد من اللى يعرفك ويعرفنى ((يميل)) على إحدى أذنيك .. ويرسيك عالليله.. ويعرفك مين هو محمود البصيلى على المستوى الشخصى.. وعلى المستوى الفكرى والسياسى ..

" .. على فكره أنا من الاخوان ((السلفيون) ..او السلف ((الاخوانيون)) ... "

يا ترى برضه لسة معتقد ان انا برضه اللى باتهرب منك والاوعك؟ والا انت اللى مش حابب تكون صريح وواضح وقاطع فى ردودك، وبتتحايل بصنعة لطافة بأنك تلجأ الى "الشخصنة" لعل وعسى محاورك يتحرج، وينشغل بالإنخراط معك فى الشخصنة، وتتوه وتُنسى مثل تلك الأسئلة البسيطة، واللى ماينفعش معاها بالمرة أى "دبلوماسية" - طالما قررت وإخترت فى "رحلتك" دي (هنا فى المحاورات) انك تخرج من "دار السلم" (الشعر) ... وتدخل بشكل أكبر الى "دار الحرب" (السياسة) ... وبصراحة حسناً فعلت ... وبكل تواضع (واعلم ان رأيي هذا لا قيمة له) لكن أنا من أكثر المشجعين، على الخروج من حزب الصامتين/المتفرجين .. الى حزب المعبرين/المتفاعلين ... فياريت بقى تكمل جميلك و"تحسن" دخولك الى تلك "الدار" ... يعني بلاها اسلوب الكلام اللى من تحت لتحت، واللى على راسه بطحه، والكلام ليكي يا جارة .... وكله بتاع كله ولما تشوفه قوله hypr: ... واتكلم كدة بقلب جامد ومايهمكش حد، طالما هاتتكلم فى المفيد، وبالمنطق والعقل والأدلة والبراهين، حتى ولو غلفتهم بسوليفانة الإنشاء والزجل والقافية!!!

انا بتكلم على الوقائع والاحداث يامان ...

وهو انا جبتلك خبرين عن الفيلم الخيالي الأسطوري "الفروة الذهبية"؟!؟!؟

الخبرين من وجهة نظري معاليك ليهم علاقة بموضوعك الجاد ... ففي حين انت تعتقد ان ما أدعو اليه كنظام ومنهج واحد واضح وصريح (أثبت ويثبت نجاحه وفعاليته مقارنه بغيره) للإحتكام والتعايش، بأنه لا يناسبنا ولايليق بنا - خاصة ان لك تجربة شخصية معه لم تفصح عن تفاصيلها - ها انا أضع لك ما يوضح ان ماتدعو اليه انت ليس الأفضل ..... وأحد الأدلة التى تبشر وأستقرأ منها بوضوح فشله (وهى ذاتها من أحد ذات الأدلة التى أدت وتؤدي الى الفشل فى التطبيق على مر التاريخ القديم والمعاصر) هى الزعم والإعتقاد باننا بصدد منهج ونظام واحد (آلهي/مقدس) ذو مرجعية واحدة ... وها انا أبرهن لك ان هذا غير صحيح ... وكلامك الإنشائي الذي أوردته لي أكثر من مرة عن مسألة "المرونة" و" الليونة" ... وتلك "الثوابت المتغيرة" flrt: ... ماهى الا أحلام يقظة!!!

هذه هى الوقائع والأحداث يا "مان" التي يجب عليك ليس فقط أن تتسائل حيالها تصدق مين وتكذب مين، من قبل أى شئ آخر ....بل وتحدد موقفك وتنقد بوضوح وبلا كلل "المعسكر" الذي يريد إحتكار "المرجعية" التى هى ذاتها ما تحاول نقد ما أدعو اليه بها !!!

هذا الوضع الدائر حالياً هو من منظوري الخاص وبكل بساطة مجرد خليط من عدة أفلام: توم وجيري + علي بابا والأربعين حرامي + اللمبي والذي تدور احداثه على متن الباخرة "تايتنك" :yes: flrt: ... فعن ماذا تتسائل تصدق مين وتكذب مين؟!؟!؟

ياللا السؤال تانى عشان تجاوب عليه يا طعمه .. يا شطوره ..يا عسوله . محسسنى انى بتحايل عليك عشان اسقيك الدوا وانت عمال تزوغ منى كعادتك هههههههههههههههههههههه

انت شخصيا فى حالة تضارب الاخبار والفيديوهات بتوصل للحقيقه ازاى وبتكدب مين وبتصدق مين؟

خليني أولاً من فضلك أفكرك بالحكمة المهمة جداً اللى سبق وقولتهالك:

" .. ((الديموقراطيه ))دى اللى متأكد ان حضرتك من المقتنعين والمؤمنين بيها .."

طبعاً يا عزيزي من المقتنعين تماماً بيها ... تماماً كقناعتي التامة بتلك الحكمة الشخصية القديمة:

" ... الثورة التى لا تأتي بالعلمانية والليبرالية علاوة على الديموقراطية ... فكأنها لم تكن ... !!! "

يعني كللللللللل الفيلم اللى داير فى بلدنا، طالما ان الهدف منه فى الآخر هو "الدولة الدينية" (الفاشلة) فبكل تأكيد مرفوض قلباً وقالباً من جانبي .... على اننى فى سبيل نقد هذا الواقع، ومحاولة تسليط الضؤ على الصورة من تلك الزاوية ... فأنني وفيما يخص الوقائع والأحداث، أتبع ذات التكتيك الذي كتبته العزيزة Dreamwithme هنا:

" ... أنا شخصيا مابقيتش لا أصدق حد ولا أكدب حد بقيت أفصل الكلام عن شخصية المتكلم مفيش حد عندي أخد كلامه بدون تدقيق وفلترة والمعلومة لازم اسمعها من اكثر من طرف والفيديو الواحد لازم اتفرج عليه من اكثر من مصدر يعني متصور بزوايا مختلفة وأوزن الأمور واستفتي قلبي وبعدين اخد قراري اللي ممكن يتأخر لكن مش مهم المهم اني ارضي ضميري ..."

مع إضافة "أكثر من لغة لأكثر من دولة لمصادر جدية" + إستفتاء العقل من قبل القلب.

وشكراً على سعة صدرك .....

تحياتي

تم تعديل 10 مايو 2012 بواسطة White heart

[التونسى]

ببساطة

لا تكن مع أحد على طول الخط كما يفعل كثير من المتحزبين اللي بيبلعوا الظلط لحبايبهم

ولا ضد حد على طول الخط وتتمنى له الغلط حتى لو كان على صواب

ماهو ده اللى بعمله فعلا يابوحميد ((حتى اكون متسق مع نفسى)) وش عمر حمزاوى ..

بس ده بيؤدى انك تدفع ضريبه ولازم تتحملها وتكون قدها .. الا وهى

والناس اللى كانوا معاك .. فجأه بقوا عليك .. بل وبيتشككوا وبيرتابوا فيك .. بل وتحولت فى نظرهم من ((خليل) الى ((عميل ))..لمجرد مخالفتك رأيهم .. والناس اللى كانوا ضدك .. فجأه لاقيتهم حبايبك وبيتوددوا اليك .. وتحولت أيضا فى نظرهم من عدو ((معقرب)) الى صديق ((مقرب)) لمجرد أن رأيك توافق مع رأيهم

[التونسى]

أنا شخصيا مابقيتش لا أصدق حد ولا أكدب حد بقيت أفصل الكلام عن شخصية المتكلم مفيش حد عندي أخد كلامه بدون تدقيق وفلترة والمعلومة لازم اسمعها من اكثر من طرف والفيديو الواحد لازم اتفرج عليه من اكثر من مصدر يعني متصور بزوايا مختلفة وأوزن الأمور واستفتي قلبي وبعدين اخد قراري اللي ممكن يتأخر لكن مش مهم المهم اني ارضي ضميري المشكلة اننا ما اتعودناش علي كده من زمان .... كان دائما بنبني وجهة نظرنا معتمدين علي رؤيتنا لشخصية المتكلم ويا إما نأخد شخص كله علي بعضه وكل كلامه صادق يا اما العكس

أسلوب رائع وعقلانى ومنطقى يا دريم .. يعنى زى ما الكتاب بيقول .. بس مشكلة الاسلوب ده فى وزن الامور والاحداث والحكم عليها .. انه مش كل الناس عندها تلك القدره التحليليه العميقه لوزن الامور ..وكمان محتاج وقت فعلا ومجهود وتمحيص ودقه .. وتحرى المصادر الاقرب للحياديه لاستقاء الاخبار والفيديوهات منها .. وفى ظل ((اللهاث)) الجماعى وراء الاحداث المتواتره والمتتاليه .. الواحد بيلاقى نفسه مش عارف يتابع إيه و يتغافل عن ايه .. ويركز مع مين .. ويتجاهل مين .. أقصد ان تلاحق الاحداث بيمنع الواحد احيانا كثيره انه يعطى كل حدث القدر المناسب من الاهتمام فى تحرى الصدق والحقيقه .. مصر فعلا ومن ساعة الثوره وهى (كل يوم فى شأن) ..وفوضى فى كل شئ .. منها ما هو تلقائى ومنها ما هو ممنهج .. وفى ظل الفوضى دى بيبقى من الصعب جدا البحث عن الحقيقه .. وتلاقى نفسك فى اغلب الاحيان مش عافه تكدبى مين وتصدقى مين

[آل مصريم]

الملائكه لا تمشى على الأرض

و الأنبياء و الرسل إنتهى عصرهم من زمن

و المرآه ذاتها قد تكذب أحيانا... حتى ما هو أما العين قد لا يكون حقا

لكن إذا رئيت إنسان يخرج من الجحيم و لم يصبه مكروه إلا قولهم كان فى الجحيم... ذكرى الجحيم و سمعته

إن رأيت من هذا حاله فعلم إنه أقربهم للصدق

الصدق الخالص لا وجود له الآن... موجود فى الجنه و النار فقط

[همسة الغامدي]

الملائكه لا تمشى على الأرض

و الأنبياء و الرسل إنتهى عصرهم من زمن

و المرآه ذاتها قد تكذب أحيانا... حتى ما هو أما العين قد لا يكون حقا

لكن إذا رئيت إنسان يخرج من الجحيم و لم يصبه مكروه إلا قولهم كان فى الجحيم

... ذكرى الجحيم و سمعته إن رأيت من هذا حاله فعلم إنه أقربهم للصدق

الصدق الخالص لا وجود له الآن... موجود فى الجنه و النار فقط

عزيزي آل مصريم

بخصوص هذه المداخلة الغامضة ..

هل تريد صاحب الموضوع يرد عليها

ام تريدني انا ان اعلق بعد اذن اخي محمود؟؟