خروج الاهلي من الكاس

[yasovinas]

مساء الخير يا ابو السيد

الاهلي صيف بدري

وللعلم الزمالك في الطريق ورا الاسماعيلي والاهلي

خروج الاهلي من الكاس شاهد البنالتيات

تم تعديل 11 ديسمبر 2004 بواسطة yasovinas

[msameh]

هذا وقد ذكرت وكاله انباء "غاب القمر يا ابن عمي يالله روحني" ان عددا من لاعبي الاهلي (وخصوصا من ضيع ضربات الجزاء ) قرر اعتزال الكره و سوف يستقرون في المحله الكبري ليعملوا ك" زلع" لانتاج المش...

اخواتي الزملكاويه

فلنقف جميعا حدادا علي" روح" الفانله الحمرا....

[theblackpirate2005]

اخوانى الاهلويه :blink:

نشاطركم الاحزان يا لهوووووووووووووووووووووى

والبقاء لله

[theblackpirate2005]

اصل الموضوع كبير والى فات كان مجرد تمهيد

الاهلى اللى هوه فوق الجميع وعلى رسنا من فوق خرج من الكاس

وفيها ايه يعنى مهو السنه اللى فاتت خرج ومن فريق درجه تانيه بس السنادى الحكايه بقت فضيحه rs:

الاهلى اللى قعدين يتنططوا يمين وشمال وفوق وتحت والاهلى هوه هوه بيكسب بره وجوه

وعملنا صداع طلع من الكاس بالاساسيييييييين

واولهم بركات انجح لاعب شرفنا بره فى السعوديه وقطر وبركات الخلوق ابو رجل نار وهى فعلا نار فى الضرب بس وبيبو بطل السته بقى اخره شوط ويريح ومتعب باشا اللى الى واد يجرى وراه مافتكرش انه ممسوك اللى لما دخل المنطقه ويروح مرمى جوا ويبص للحكم بحجاحه :blink:

والشاطر اسلام اللى بيتالق بره على الخشبه اقصد الدكه ومكسر الدنيا لما هيعملولو دكه ستانلس عشانه مخصوص عشان قعدته باين هتطول

كله وموهبه جوزيه واختراعه الجميل الاموهبه الفريده متخصص ضربات الجزاء كاستيلوووووووووو

ركنه بلن ولاركنه المعلم لما خله الشبكه تتكلم الحضرى ابو بطيخه

كان هجيب بطيخ عشان يعينه للنهائى بس خلاص طلعت قرعه يا حضرى cr((:

ويارب متكون اخر الاحزان وتعيش يا اهلى فى نكد ونكد كمان وكمان قولوا امين me0:

[ماجد]

بس ياولد انت و هو .... :blink:

عيب كده ..........عيب cr((:

يا شماتة ابله زازا فيـــا

.............

هع هع هع هعععععععععععععععععععع

وش واحد شمتان شماته

rs: rs: rs:

[msameh]

اما محطه " تحت السجر يا وهيبه" فقد اذاعت منذ قليل علي لسان مسئول كبير

انه في حاله خساره الاهلي للدوري "ان شاء الله" فسوف يتم تحويل النادي بالجزيره الي موقف اتوبيسات "يعني حاجه كده يكون فيها فايده" و سوف يخير اللاعبون بين وظيفه كمسري او وظيفه محصل

و سلم لي علي اللي بيكسب بره و جوه

[METALLICA]

ايييييييييييييه ده !!!!

هو سي السيد في أجازة والا إيه !!!

ما تمارس الديموقراطية وتظبط الموضوع ده كده يابو السييييييييد

[Modest]

عملوها فلاحين مصر الجدعان . زي ما عودونا على مواقفهم الوطنية من أيام حادثة دنشواي و هوجة عرابي إلى أحداث خميس و البقري و بعد ما حكوماتنا الغرَّاء خيِّبت المحلة خيبة ينِّي كقلعة للغزل و النسيج إنتفض مساء أمس أبناء المحلة البررة وعوضوا حكاية الغزل و النسيج و الفانلات و الملايات بنصر مبين على "الأهلي فوق الجميع" بضربات الجزاء

مع الشكر لكل المحلاوية وعقبال الدوري ياللي في بالي lo::h):

[se_ Elsyed]

طب انا عايز أسأل سؤال

هل يوجد فريق في العالم لا يُهزم ؟

وبعدين الاخ اللي بيقول ماهو الاهلي خسر من فريق درجة ثانية السنة اللي فاتت .... كلامه ده بيأكد إن الزمالكوية كفتجية بجد ...

مش ده الفريق اللي برضوا رزعكوا أربعة في السوبر يا بلمونت ؟

وبعدين ما تكمل كلامك ... إسم الله عليه ربنا حرسوا وصاينوا الزمالك عمل إيه السنة اللي فاتت ... وخرج من مين .... والسنة اللي قبلها عمل إيه وخرج من مين وإمتي ؟ وبعدين ما تكمل وتقول الزمالك ماشي إزاي في الكاس وعمل إيه قدام الألمونيوم وطنطا اللي أفلت من كلاهما بإعجوبة ؟

المحلة يستحق الفوز بالأمس ... الاهلي إنهزم نتيجة اخطاء وثقة زائدة والخطأ الفادح من المدرب في ترتيب الاعبيين الذين تصدوا لضربات الجزاء ...

والسؤال ده للي بيفهم كوره بس ...

هل ما حدث من لاعبي المحلة بالأمس بتسموه رياضة .. أقصد هذا العُنف المبالغ فيه ؟ وهل دور الحكم إنه يمسك صفارة ويصفر بس . ولا له دور في حماية لاعبي كرة القدم اللي أقدامهم بتعتبر رأس مالهم ... وإذا كان بركات اخطأ ويستحق الطرد .. فهل شاهدتم المبارة كلها لتعرفوا هذا اللاعب عمل في إيه طوال الماتش .

وبعدين ده بالصدفة في كرة قبلها بالظبط وصورة بالكربون حينما اعتدى لاعب منهم على جلبيرتو بدون كرة .. والحكم عمل فيها عبيط وكأنه ما شافش حاجة ...

[yasovinas]

يا خبر ابيض

والله يا ابو السيد ما كنت اعرف ان الشماته البيضاء بخطين احمر هتكون بالشكل ده

حقيقي لو كنت اعرف انهم من جوه اسود على كحلي ما كنت قلت ولا فتحت بقي

انا اصلاً ما ليش في الكورة قوي بس قلت اناغشك

سامحني

الاهلي حديد

[Ahmed Mohsen]

الله الله يابو السيد ........

مش إنت اللي كنت بتقول بلاش كلام في التاريخ والجغرافيا لما كنا بنجيب سيرة الدوري الأربع سنين اللي فاتو ؟؟؟؟؟؟؟

جاي دلوقتي ليه بقي تتكلم في التاريخ والجغرفيا عن الكاس في السنة اللي فاتت واللي قبلها؟؟؟؟؟؟

وبعدين ما تكمل كلامك ... إسم الله عليه ربنا حرسوا وصاينوا الزمالك عمل إيه السنة اللي فاتت ... وخرج من مين .... والسنة اللي قبلها عمل إيه وخرج من مين وإمتي ؟ وبعدين ما تكمل وتقول الزمالك ماشي إزاي في الكاس وعمل إيه قدام الألمونيوم وطنطا اللي أفلت من كلاهما بإعجوبة ؟

لماذا هذه الإزدواجية في الحكم علي الأمور؟؟؟

وبعدين تعالالي بقي من وراء الشنطة ..... مش إنت اللي أطلقت النداء الشهير "الأهلي هوه هوه ... بيكسب بره وجوه" .....

إيه بقي حكاية هل يوجد فريق في العالم لا يهزم؟؟؟؟؟

والسؤال ده للي بيفهم كوره بس ...

هل ما حدث من لاعبي المحلة بالأمس بتسموه رياضة .. أقصد هذا العُنف المبالغ فيه ؟ وهل دور الحكم إنه يمسك صفارة ويصفر بس . ولا له دور في حماية لاعبي كرة القدم اللي أقدامهم بتعتبر رأس مالهم ... وإذا كان بركات اخطأ ويستحق الطرد .. فهل شاهدتم المبارة كلها لتعرفوا هذا اللاعب عمل في إيه طوال الماتش .

وبعدين ده بالصدفة في كرة قبلها بالظبط وصورة بالكربون حينما اعتدى لاعب منهم على جلبيرتو بدون كرة .. والحكم عمل فيها عبيط وكأنه ما شافش حاجة ...

ليه بس كده يا سي السيد ....

معني كلامك إنك بتبرر اللي عمله بركات؟؟؟؟ فكرتني بالمخرج الهمام بتاع ماتش إمبارح محمد نصر ....... ساب ضربة بركات وفضل يعيد ويزيد ومن جميع الزوايا خبطة دراع لاعب المحلة في وش بركات من غير قصد ... أيوة من غير قصد وواضحة قوي إنها من غير قصد ...... بذمتك إنت كنت مبسوط من اللي بيحصل ده؟؟؟؟؟؟

[R.M.G.]

على فكرة بقى انا فرحت لهزيمة الأهلي لسببين أولهما ان الأندية ممكن تتشجع وتلاعب الأهلى وهي عشمانه في المكسب بدل ماكلهم بيخشوا الماتشات مغلوبين جاهزين وكل المطلوب م الأهلي الأجهاز عليهم وبس

السبب التاني ان الخواجه جوزيه يرحمنا شويه من غروره وسماجته وكأنه مدرب لم يجد الزمان بمثله مع انه المستفيد الأول من تدريب الأهلي وليس العكس وكل ماحد يلاعبه يقولك الخطط الدفاعية واللعب المقفول ومش عارف ايه ياريته بقى يبطل النغمة دي ويعرف انه لو درب حد غير الأهلي حينزله دوري الشركات

سبب اخير ان لاعبي الأهلي كانو محتاجين جدا للدرس ده عشان روح التعالي اللي ابتدو يلعبوا بيها ماكانتش في مصلحتهم وللعلم الأهلي هو المستفيد الأول والأوحد من هزيمته أمام المحلة وده عهدنا بيه لأن الأهلي - والحق يقال - ليس مثلا كالزمالك الهزايم تكر بعد أول واحده وإنما بيستفيد من أخطاءه وبيصلح نفسه بسرعه

موضوع بركات نعم غير أخلاقي بس برضو لضربه اللي أخدها في عينه كانت تنرفز

أخطاء الحكم كانت في الأتجاهين فكما طنش على خطأ لاعب المحلة ضد جيلبرتو فهو أيضا طنش على أعتراض عماد متعب وضربه الكره في الأرض لاحتساب تسلل وكان ايضا يستحق الأنذار فلا داعي لذكر الحكم في الموضوع

[disappointed]

شاهد البنالتيات

و لاتنسى مشاهدة الشلّوت ;)

فبشلّوت واحد حصل محمّد بركات على عدّة ألقاب :

= الشلّوت الذهبى

= أوسكار أقوى شلّوت

= شلّوت القرن

= شلّوت الموسم

و نظراً لموهبة محمّد بركات التى تم إكتشافها فلقد إنهالت عليه العروض للعمل بالسينما فى أفلام الــ"كيك - بوكسينج" , و سيقوم بتوقيع عقد فيلمه "الركلة المميتة" مع فان دام

طول عمرى بأقول الولد ده مشروع نجم سينمائى...بس كان محتاج "رفصه"......يوووووه...قصدى فرصه

;)

خروج الأهلى من الكأس

لاحول الله.....

طيب على الله بس ما يكونش أخذ له لطشة برد وهوّه خارج من الكأس

:D :P

السبب التاني ان الخواجه جوزيه يرحمنا شويه من غروره وسماجته وكأنه مدرب لم يجد الزمان بمثله مع انه المستفيد الأول من تدريب الأهلي وليس العكس وكل ماحد يلاعبه يقولك الخطط الدفاعية واللعب المقفول ومش عارف ايه ياريته بقى يبطل النغمة دي ويعرف انه لو درب حد غير الأهلي حينزله دوري الشركات

إضحكوا على الخبر ده :

طبعاً لوحظ فى الفترة الأخيرة إن "مانويل جوزيه" المدير الفنى للنادى الأهلى نجح بدرجة إمتياز فى إستعداء الغالبية العظمى من المديرين الفنيين و المدرّبين للفرق الصغيرة المنافسه و إثارة حنقهم و غضبهم فى المؤتمرات الصحفيّة بعد مباريات الأهلى معهم , وذلك بالطبع بأسلوبه المتعجرف المغرور , إذ دأب بعد كل مباراة على التعبير عن سخطه من الطرق الدفاعية التى تلعب بها الفرق الصغيرة أمامه , مع إظهار تبرّمه من ذلك , و قيامه بتأنيب و تقريع المديرين الفنيين و المدرّبين لتلك الفرق فى المؤتمرات الصحفيّة بعد المباريات , مما تسبب فى إغضابهم و ردّهم عليه بعصبيّة فى تلك المؤتمرات و الهجوم عليه بعد ذلك فى أحاديث صحفيّة لاحقة , وغالبا ما يكون القاسم المشترك لتصريحات هؤلاء المديرين الفنيين و المدرّبين هو : فلنرى ماذا سيفعل مانويه جوزيه لو كان فى مكانى ومعه فريقى بإمكانياته المادية و لاعبيه المغمورين و كنت أنا فى مكانه بالإمكانيّات المادّية و اللاعبين النجوم المتاحين له ( كما قال مؤخّرا عبد الرحيم محمّد المدير الفنّى لبلديّة المحلّة و كمال عتمان المدير الفنى لطلائع الجيش , و إن كان أكثر من إستشاط غضباً و كان فى قمّة الإستياء هو المدير الفنّى لأسمنت أسيوط - الراجل صعيدى بقى و ماسك فرقة الأسمنت... يعنى دماغه "جبس" -  )

المهم......

إستكمالا لهذا المسلسل المتعجرف وقع مانويل جوزيه أمس الأول فى يد مدرّب فريق الطيران ( شكله راجل دمّه حامى قوى) فى المؤتمر الصحفى بعد مباراة الكأس بين الأهلى و الطيران

ماعلينا...عندما كرّر مانويل جوزيه كلامه المتعجرف المعتاد و قعد يبستف مدرّب الطيران و يتنطّط عليه زى الأستاذ لمّا يكلّم التلميذ و يأنّبه... نظام بقى :

بتلعب دفاع ليه يا بنى آدم؟؟؟ يعنى ما بتتمنّاش كده تنضف وتلعب كوره و يبقى ليك ولفرقتك شكل ؟؟؟

قووووم إييييه... قوووووم مدرّب الطيران هاج و ماج  بعد أن إستفزّه كلام مانويل جوزيه , فقام بمقاطعة مانويل جوزيه و هو يتحدّث ...و...و... لـًبُّه.. و أخذ يعنّفه بنبرة خشنه و...و.... خذ بقى عندك... نظام بقى :  ما تيجى ياخويا تورّينى شطارتك و تمسك الطيران و تلاعبنى و أنا ماسك الأهلى.... إنت معاك فرقة ثمنها 34 مليون جنيه و أنا معايا فرقه وعدناها لو عملوا حاجه مع الأهلى حندّى مكافئة 3 آلاف جنيه و دى مكافئة عمرهم ما شافوا رُبعها......و...و..... راح مناوله بقى الحتّه الجامده قوى :

ده أى عامل أمن فى الأهلى قادر على قيادة فريق كهذا للفوز

 

قووووم إييييييييه... مانويل جوزيه إتقمص و إتلوى و قال إنه أهين فى شخصه و فى قدراته كمدرّب و راح منسحب من المؤتمر الصحفى و الدنيا قلبت غم

"الأهلي التروللي" .. والساعة الـ"واحدة إلا خمسة"!

الأحد، 12 ديسمبر 2004 - 00:55

محمد سيف

لم تفاجئني أو تدهشني خسارة الأهلي أمام غزل المحلة في كأس مصر ، فتعثره لم يكن متوقعا منذ أيام قلائل فقط ، بل توقعته منذ فوزه الكبير على الزمالك ومنذ تراجع مستواه رويدا رويدا ، حتى فشل في الحفاظ على تقدمه أمام المحلة وخسر أولى بطولات هذا الموسم غير مأسوف عليه ، بعد كم رهيب من الأخطاء المتراكمة لمدربه المغرور جوزيه.

جوزيه ، الذي استفز الجميع بتصريحاته في الآونة الأخيرة ظنا منه أنه يدرب منتخب البرازيل أو برشلونة ، أثبت أن تصريحات مدرب الطيران الأخيرة عنه تستحق التأمل والتفكير فيها ، لأنه ارتكب أخطاء لا اعتقد أن عامل غرفة الملابس قد يرتكبها إذا أدار هو مباراة المحلة.

المدرب البرتغالي هاجم جميع مدربي الأندية المصرية لأنها تلعب أمامه بطريقة دفاعية بحتة ، ولم يتبق سوى أن يطالبها بفتح دفاعاتها والسماح للاعبيه بهز شباكها ، بل وهز شباكها بأنفسهم لو اقتضى الأمر ، ونسي أن يطالب لاعبيه - ومن قبلهم نفسه – باستغلال الكرات الثابتة التي تعتبر في أي فريق محترم دجاجة تبيض له ذهبا.

ففي مباراة المحلة تحصل الأهلي على كم هائل من الركلات الركنية والركلات الحرة على حدود منطقة الجزاء ، لكنه لم يستغل أيا منها ، وإنما أضاعها جميعا هباء على عكس المحلة الذي استغل إحدى الركلات الحرة القليلة التي أتيحت إليه في هز شباك الأهلي ، وحتى الآن لم أفهم خدعة "الهولا هوب" التي ينفذ بها لاعبو الأهلي ركلاتهم الحرة ولم تخدع أحدا سوى اللاعبين أنفسهم!

هل كان عامل غرفة الملابس سيخرج بلال أيا كان مستواه ويشرك بدلا منه حائطا بشريا لم يفلح سوى في ارتكاب الأخطاء ضد فريقه؟ وهل كان عامل غرفة الملابس سيجعل كاستيللو "رجل الركلات الثابتة الأول" يسدد كرة جزاء حاسمة ويستبعد جيلبرتو المتخصص الأول في الأهلي؟ أكاد أجزم بالرد دون أن اسأله

أما السبب الذي أراه رئيسي في معظم انتكاسات الأهلي ، فأراه في تلك الآلة الإعلامية الجاهلة ، التي تذكرني بالدب الذي قتل صاحبه ، والتي دائما ما تضخم بإيجابياته وتسفه من سلبياته ، حتى أصبحت السلبيات غير واضحة لمن يرغب في القضاء عليها.

فإذا فاز الأهلي في مباراة ما فإن العناوين دائما ما تكون من طراز "أهلي جوزيه .. اسم الله عليه" أو "الأهلي التروللي .. فاز يا حلوللي" ، أما إذا خسر فإن الخسارة دائما ما تكون كبوة عابرة بسبب سوء الحظ أو الحسد ، ولم أر من قبل جريدة أو موقع انتقد الأهلي رغم فوزه ، اللهم إلا عندما كتب الزميل أحمد ماهر "الأهلي السيئ يهزم الاتحاد الأسوأ" على Filgoal.com ، ويومها قامت الدنيا ولم تقعد.

ملحوظة أخيرة : أنا لا أحكم على جوزيه بالمدرب الفاشل أو الناجح ، لكني أشيد به عندما يصيب وانتقده عندما يخطئ ولا يمكن أن أشيد به على طول الخط أو انتقده دائما حتى يقال عني أنني ثابت الموقف ، فأكون مثل الذي يسأل عن الوقت فيرد بنفس الإجابة دائما "واحدة إلا خمسة"!

و.....

لقد إرتكب مانويل جوزيه فى مباراة المحلة نفس الأخطاء القاتلة التى إرتكبها منذ 3 مواسم فى مباراة المحلة أيضا فأضاع الدورى من الأهلى حينذاك كما أضاع الكأس عليه بالأمس , وكما أضاع عليه الكأس فى الموسم الماضى , وربما كان علينا أن نسأل العبقرى جوزيه لماذا فشل بعبقريته الفذة فى الفوز بأى بطولة محلية للنادى الأهلى حتى الآن

و على رأى جمهور الأهلى :

جانى اللى بحبّه جانى..... و المحلّة حترجع تانى

:P :P

تم تعديل 12 ديسمبر 2004 بواسطة disappointed

[se_ Elsyed]

يا محبط يا حبيب قلبي .. إنتوا اللي بتحبوا تتكلموا عن التاريخ والجغرافيا .. مش هو صاحبك الزملكاوي اللي بيقول إن الاهلي خرج من نهائي الكأس اللي فاتت من فريق درجة ثانية .. فانا بس حبيت أفكره إن نفس الفريق هو اللي رزعكوا 4 بعدها بكام يوم في كأس السوبر .. وقبلها الترسانة بعتكم في الطفطف والسنة اللي قبل اللي قبلها اعتقد إن المصري او القناة برضوا بعثكم في نفس الطفطف ..

أنا كنت هاتكلم عن التاريخ لما اقولك إن الأهلي فاز بكأس مصر 31 مرة ... لكن ماحصلش

أيوه انا قولت إن الأهلي بيكسب بره وجوه ... وكمل يا حبيبي .... ده لما بنتكلم عن الدوري ... ولا الإزدواجية حرام علينا وحرام عليكوا ...

مش إنتوا اللي بتقولوا إن الزمالك كان بقى له ألف عام ما أتهزمش ؟!!! لحد الماتش اللي مايتسماش بتاع الأربعة

كنت بتتكلموا عن إيه مش عن الدوري برضوا ؟ .. مع إنكم إتظبطوا في كأس صالح كامل ... وقدام الأفريقي التونسي رايح جاي في أفريقيا وقدام اللي يسوى واللي مايسواش في كأس مصر ... فاكر بنها العسل ؟ .... يبقى مين بيتكلم عن التاريخ والجغرافيا ؟....

وهل الأهلي مش هايتهزم أو يتعادل في الدوري ؟

طبعاً إستحالة عمرها ما حصلت في العالم إن فريق يلعب لوحده وينفرد بالقمة الكروية ...

وبعدين إنتوا ماشيين بمبدأ القرعة بتتعايق بشعر بنت اختها ؟

أيوه المحلة هزمت الأهلي ...

ورونا أنتوا بقى هاتعملوا إيه ..

والشاطر اللي يضحك في الاخر ..

وبعدين ده اللي مالوش في الكورة يفتكر إن المحلة قطعنا امبارح .. وما يقولش إن إحنا كنا زانقينهم في الكورنر طول الماتش ..

واظن ما فيش فريق برضوا في العالم كله يضمن البلنتيات ..

ولا إيه ؟

[Guest النسر المصري]

ماعنديش حاجة اقولها للأهلي لأنه نادي ضخم وراقي وشريف

بس عندي حاجة عايز أقولها للجهمر

مفيش لاعب بيفضل على مستواه طالما افي اجهاد كدة على طول

بركات كان زميلي في الفصل في مدرسة أمير الشعراء بمدينة نصر

وكان بيقول ( أنا زهقت بقى نفسي ألعب عشان ألعب وبس )

طالما بشغلوا اللاعب زي الفرخة البياضة

يبقى مش هنجني غير لاعب كتكوت ... رجليه بخياطة

[egyptforever]

يا س س باين عليك بتنسى

ايام كابرال باشا حامي الحمى و عنتره الزملكاويه الجديد

خرجوا على ايد جولدي

كنا ساعتها بنقول

قولي جولللللللللللللللدي

و بعدها خرجوا على ايد سيبما بتاع اللبان الدكر التنزاني

برضه بضربات الجزاء

بس نعمل ايه بينسوا

فعلا اللي يقرا المكتوب يفتكر ان الاهلي اتغلب بضربات الجزاء من رأفه الله به و العكس صحيح

في واحد زملكاوي كان بيشوف الماتش بس هو عقلاني في نقده

بعد 1/2 الشوط الاول قال النهارده مش يوم الاهلي

و مقالش ان الاهلي وحش

و رب ضاره منفعه يمكن الفرق تستاسد فعلا على الاهلي و تهاجم و ساعتها هنشوف النتايج كام

و فعلا القرعه بتتعايق بشعر بنت اختها

السنه اللي فاتت كان الزملكاويه بعد ما صيفوا على ايد الترسانه كانوا بيقولوا على كاس مصر

البطوله التنشيطيه

الايام دي هيسموها اقوى بطوله في مصر

عجبي عليك يا زمن

[disappointed]

مع إنكم إتظبطوا في كأس صالح كامل ...

إسمها تشامبيونز ليج العرب يا معلّم ;) (و هى بطولة تجمع أقوى الفرق العربيّة بجد من أول الهلال و الإتحاد السعوديان إلى الترجى و الصفاقسى التونسيّان مروراً بالزمالك و الإسماعيلى و الآهلى من مصر , مش زى بطولة قناة الجزيرة الخايبه اللى الأهلى عامل لينا أزعرينا عليها و الإعلام الأحمر بيحاول ينفخ فى صورتها الممسوخة وهى تضم الرفاع الغربى البحرينى و "شعب إب" اليمنى و "صلالة" العمانى)... والاّ هيّه بطولة أبطال العرب بقت دلوقتى دورة صالح كامل الرمضانيّة علشان إنسحبتوووووا منها السنه اللى فاتت لمّا جالكم رهاب عصبى و حالة ذعر كروى حادّة مع هجمة شرسة من التهيّج النابع من Psychic Panic Disorder علشان خفتم تتغلبوا سكور من الزمالك , فصممتوا تنسحبوا منها؟؟!!

والإتحاد العربى يقول لكم : يهديكم... يرضيكم

وإنتم على نغمة و على صرخه واحده : حننسحب... حننسحب

طيب مشكلتكم إيه؟؟؟

أجلوا لينا ماتش الطلبة العراقى

حاضر.....نأجله ليكم

قوووووم إييييييه...قلتم : كده؟؟!!! طيب برضه حننسحب (علشان خايفين من الزمالك ...مش كده برضه؟؟ .. إعترفوا :D )

و طبعاً علشان إنسحبتم الإتحاد العربى عاقبكم و أوقفكم عن المشاركة و إستبعدكم من البطولة السنه دى (شفت منظر ثابت البطل و قفاه يقمّر عيش و هوّه خارج مدلدل و شكله بااااايخ من قاعة الإحتفال بإعلان أسماء الأندية المشاركة اللى كانت فى بيروت و اللى طنّشوا فيها الأهلى؟؟!! كان يجنن...مش كده؟؟ :P )

قوووم إييييه....

راح حسن حمدى و الخطيب (بتوع الأهلى فوق الجميع :P ) مخاطبين الإتحاد العربى برجاء و توسّل و أرسلوا ليه خطاب إستعطاف و إلتماس بيتأسّفوا فيه للإتحاد العربى و بيوعدوه إنهم حيلتزموا و حرّموا ينسحبوا و عرفوا غلطتهم و مش حيعملوا كده ثانى.....

قووووم إيييييه..

الإتحاد العربى رفض الإستعطاف بتاع الأهلى و قال له لو سمحت ماتخاطبنيش ثانى بصورة مباشرة ولو عايز تكلّمنى كلّمنى عن طريق الإتحاد المصرى (طبعاً الأهلى لمّا إدّعى إنه لم يرسل هذا الخطاب علشان كرامته وجعته من رد فعل الإتحاد العربى , راحت المواقع الزملكاويّة ناشرة على النت صورة طبق الأصل من الخطاب , فإضطرت الجرايد تنشره بعد الموضوع ما ريحته فاحت)....

قووووم إيييييه.....

شنّت الآلة الإعلاميّة الحمراء حرب شعواء على البطولة و سمّتها بطولة الديكودر و دورة صالح كامل (و ده طبعاً قصر ديل و من باب "نفسى فيه و بأقول إخخخيييييه" :P )

أما الزمالك اللى بتقول عليه إتظبّط فى البطولة دى فإذا كان الزمالك بحصوله على المركز الثالث فيها (بعد فوزنا على الهلال السعودى - اللى بيسمّوه عندهم الزعيم- فى مباراة تحديد المركزين الثالث و الرابع , بعد أن فات علينا الوصول للنهائى نتيجة أخطاء تحكيمية فادحة للحكم البحرينى فى مباراة الصفاقسى الأولى فى الدور قبل النهائى و التى وصلت إلى إحتساب هدف غير شرعى للصفاقسى من خطأ واضح ضد لاعب الزمالك مع إلغاء هدف لا غبار عليه للزمالك ممّا كان كفيلاً بأن يلعب الزمالك المبارة الثانية على حرير - وقد قام الحكم البحرينى بالتوجه لغرفة خلع الملابس الخاصة بلاعبى الزمالك و إعترف لهم بأنه قد ظلمهم و طلب من رئيس البعثة الصفح عنه... بس بعد إيه- ..... و كل ذلك فى إطار بطولة سحق فيها الزمالك فى الأدوار التمهيدية الترجّى التونسى 3-0 بعد أن فاز عليه 2-1 فى عقر داره أيضا - يعنى كسبناه رايح جاى... زى ما عملنا فى ناس ثانيين السنه اللى فاتت- , كما فزنا على الصفاقسى الذى حصل على البطولة فى الأدوار التمهيدية 3-1 فى عقر داره بتونس).... فإذا كان حصول الزمالك على المركز الثالث و تحقيقه هذه النتائج يعتبر تظبيط للزمالك , فذلك لأن الزمالك معتاد على التتويج و على تحقيق البطولات إقليميّاً و قارّياً (راجع عدد بطولات الزمالك القاريّة مقارنة بعدد بطولات الأهلى ;) )

وقدام الأفريقي التونسي رايح جاي في أفريقيا

:angry:

محتاج مجموعات تقوية فى التاريخ يا سى السيّد

الأفريقى التونسى ده الزمالك لعب معاه فى أفريقيا مرّتين... مرّه تخطّيناه فى الثمانينيّات بفوزنا عليه 3-0 فى القاهرة و التعادل 1-1 فى تونس , و الثانيه تخطّانا بفارق الأهداف عندما هزمناه فى القاهرة 1-0 ثم فاز علينا فى تونس 3-1 (كانت النتيجة 2-1 حتى الوقت بدل الضائع و كانت تكفينا للوصول , ثم أحرز الإفريقى الهدف الثالث فى آخر ثانية من الوقت الضائع , علماً بأن الهدف الثانى كان من ضربة جزاء)

و...

كنت عايز أقول لك إيه....عايز أقول لك إيييييييييييه؟؟؟؟

ممممم...

أييييوووووه..... إفتكرت...... الأفريقى التونسى ده لعب مع الأهلى مرّه واحدة بس...... و كانت فى بطولة أبطال العرب سنة 1996......و يومها فاز الإفريقى على الأهلى بنتيجه ساحقه ماحقه....4/1 مع الرأفه و مع تضييع ضربة جزاء (طبعاً الأهلى متعوّد على الأربعات زى ما إنت راسى..... الإفريقى التونسى و لوبى ستارز النيجيرى و بترو أتليتيكو الأنجولى و رينجرز النيجيرى و الإسماعيلى المصرى - مرّتين..مرّه محلّياً أيّام محسن صالح و أوتاكا و مرّه عربيّاً(4-0 فى بطولة العام الماضى التى إنسحب منها الأهلى) - ... أمّا الثلاثات فما تعدّش بقى من أيّام هارتس أوف أوك و المولودية و إنت طالع...... و مش عايز أتكلّم بقى عن البن الأثيوبى و السكّر الكينى .... يعنى بصراحة نتايج "محوّجه" و تكيّف صحيح)

:P

فاكر بنها العسل ؟

كسبناها

بصعوبه صحيح بس كسبناها.... مش زى ناس طلعوا من الكأس من فريق غزل السويس اللى طلع من غياهب المظاليم ليعود إليها فى نفس الموسم دون أن يترك أى بصمة .... غير فى الأهلى طبعاً (ما هو كان كسب الأهلى برضه فى الدورى زى ما إنت عارف)

أيوه المحلة هزمت الأهلي ...

بس الحق يتقال يا معلّم...... الأهلى معاه عذره... ما تنساش إنه لعب نصف دقيقه بــ10 لاعبين بعد طرد بركات بسبب شلّوته الذهبى :P

والشاطر اللي يضحك في الاخر ..

كنت حأقولهاااا

(مع الإعتذار للإعلان التليفزيونى الشهير)

lo::

تم تعديل 12 ديسمبر 2004 بواسطة disappointed

[yasovinas]

محبط

محصلتش انت موسوعه تاريخية

اجمل ما في الموضوع ان انت وسي السيد كل واحد يقارع التاني الحجه بالحجه والتاريخ بينكم واسع

اكس اكس اكس لارج

ولعها ولعها

شعللها شعللها

[عم الطيب]

والله العظيم 3 انا صعبان على حالنا احنا فاكرين ان العندنا ده اسمه كرة والله ده اسمه حرق دم . على العموم لمعلوماتكم انا نسيت الكرة بسبب المنتخب المهبب .

[egyptforever]

مادام بقى هترجعونا للذي مضى نفتكر بللزمالك من القديم لغايه الجديد

مين فاكر يا جماعه الخير اكبر عدد من الاهداف يدخل فريق مصري في مباراه واحده في افريقيا

انا اقولكم فاكرين ال 5/1 بتاعه الزمالك و كوتوكو

بلاش دي

الهزيمه الوحيده في التاريخ لفريق مصري على الاطلاق على الاطلاق اتسجلت وصمه عار في جبين الكره المصريه و برضه اربعه يا عم محبط علشان متزعلش

فاكر الاربعه بتوع الجيش الرواندي

الدوله الوحيده اللي عمرها مغلبت اي فريق مصري في التاريخ هي رواندا يو ما غلبتنا غلبت الزمالك و بالاربعه

نكمل خلينا نكلم شويه عن الكاس

الاهلي خرج من الكاس مره واحده على ايد فريق غزل السويس ماشي الحال يا عم حقكم

بس عندي سؤال و جولدي كان بيروح فين

فاكر 2/2 يا عم محبط و الهزيمه بضربات الجزاء و الناس كانت بتحكي و تقول جوووووووووووووولدي

بلاش جولدي السنه اللي فاتت مين اللي روق الزمالك مش الترسانه

بلاش دي فاكر مباراه سيمبا التنزاني

حصلت تسيمبا و تنزانيا معلش انا غلطان

نتكلم عن البطولات العربيه اللي دلوقتي بقت بطوله كبرى

المقاولون العرب زيوا زيكم

انتم و هم واخدين يا حرام بطوله واحده لا غير

اما موضوع الزعيم و العميد في السعوديه فالزعيم السعودي السنه اللي فاتت كان من غير انياب

و الاسماعيلي بلعيبه نصهم تحت السن مروقهم الماتشين يعني رايح جاي

اما الصفاقسي التونسي بطل الدوره فياعم محبط كمل الحقيقه

كنتم عاملين البحر طحينه و احنا الفريق الوحيد الذي لا يهزم على ارضه جه راح مظبطكم 2 في استاد القاهره

و كعاده الزمالك حجه البليد بس الحكام مينفعوش قالك ايه ؟؟؟ قالك ايه يا عم محبط

قالك كان لعيبه الصفاقسي كان بيعيطوا و يترجونا و يقولولنا و النبي خلينا نغلبكم علشان الترجي واخد كل حاجه و احنا مش واخدين حاجه و طبعا علشان الزملكاويه قلبهم كبير اتغلبوا بس لما جم يعيطوا للصفاقسي في قبل النهائي الصفاقسي قالولهم روح يا ابني العب بعيد

و بلاش موضوع العرب ده علشان قصتكم عن مباراه الرجبي و كره القدم الامريكيه نزلت في السي ان ان

اول مباراه مصارعه في ملعب كره قدم

نكمل و لا كفايه عليكم كده

بلاش التاريخ معاكم و مع الاهلي

علشان مش في مصلحتكم