خروج الاهلي من الكاس

[se_ Elsyed]

لأ ثواني عشان عندي كام رد مُفحم على أبو المحابط .. حبيب قلبي يا ناس .. على فكرة إوعى في يوم من الأيام الشيطان يوزك وتبقى اهلاوي .. وإلا هانجيب مين نرد عليه ...

إسمها تشامبيونز ليج العرب يا معلّم

شاملبيون مين يا عم ؟

قول تاني كده ؟...

الظاهر إنك بطلت تقرأ جرايد رياضية في مختلف الدول العربية والتي اجمعت كلها بإنها بطولة فلوس فقط ولم تُقدم أي مستوى فني يُذكر .. بل بالعكس جت نكبة على جميع من شارك فيها .. وطالما فيها فلوس يبقى هاتلاقي الزملكاوية ودانهم طقطقت ورفعوا شعار عشان ما نعلى ونعلى ونعلى لازم نطاطي نطاطي نطاطي .. حتى لو بهدلونا والصفاقسي ضربونا ومحطات التليفزيون صورونا ..

هافكرك بحاجة ظريفة قوي يمكن نسيتها ... لما ثابت البطل رجع قفاه يأمر توست ... وأستطعنا الحمد لله إننا نردها للإتحاد العربي المتمثل في عثمان السعد في مباريات كأس السوبر المصري السعودي ... عارفه ولا أكلمك عنه ؟ أظن إن إنت في السعودية وعارف كرهه لكل ما هو مصري ولمصر كلها ... وراح الأهلي مطربق لهم كاس السوبر العربي اللي عاملينه في صفعه على وجه الإتحاد العربي وعثمان السعد... يبقى تقدر تقولي الزمالك ما عملش لنفسه شخصية ليه وراح ماشي ورا الاهلي ولغى هو كمان مبارة سوبر أبطال الدوري والتي كانت ستقام في القاهرة ؟

بالظبط زي ما بيعملوا لما الاهلي يهدد التليفزيون المصري بعدم نقل المباريات إلا بعد ان يدفع مستحقات النادي المالية ....

خلي عندكوا شخصية شويه وإعملوا حاجة من نفسكم تُكر لكم ...

وبعد اللي جرا لكم من الصفاقسي والضرب اللي كلتوه السنة اللي فاتت ... لو نادي عنده كرامة كان خد موقف ... لكن الفلوس تعمي النفوس فعلاً ..

بس يا عم يا بتاع الشامبليون ليج ... إعمل إستفتا كده في أوساط الرياضة العربية والناس اللي بتشجع كرة قدم ... وإسألهم مين اللي بيلعب دلوقت في الشامبليون ليج وكام مجموعة وهايلعبوا إمتى ؟ ... وبعدين رد عليه .. بس إوعى تعمل بحث عن طريق جوجل أحسن ازعل منك ...

علشان إنسحبتوووووا منها السنه اللى فاتت لمّا جالكم رهاب عصبى و حالة ذعر كروى حادّة مع هجمة شرسة من التهيّج النابع من Psychic Panic Disorder علشان خفتم تتغلبوا سكور من الزمالك , فصممتوا تنسحبوا منها؟؟!!

أيوه دي نقطة اتفق فيها معاك إحنا عندنا بسيفك اوشن ديكودر ... وأنا فعلاً سألت دكتور نفساوي عن المرض ده وقالي دي حالة عصبية تأتي للفرق اللي بتترزع 6 ثم تحدث توابع بعدها وممكن توصل 4 .. وتؤدي إلى فقدان ذاكرة دائم وتحدث للفريق خيالات وهمية تصل بها إلى إن الفرقة تقف قدام المرايا وتقول إحنا حلوين إحنا مدرسة الفن والمدرسة التي لم ينجح منها أحد .. إحنا فريق الأسد المُرعب ..

وقد قام الحكم البحرينى بالتوجه لغرفة خلع الملابس الخاصة بلاعبى الزمالك و إعترف لهم بأنه قد ظلمهم و طلب من رئيس البعثة الصفح عنه

دي برضوا أتفق معاك فيها .. حتى بالأمارة انا شفتك قدام اوضة اللبس جنب دولاب الفانلات ....

وبالامرة برضوا الحكم البحريني تاب إلى الله وإتحجب وقعد في بيتهم آملاً ان يغفر الله له ذلاته ...

[kotoz9]

حكاية الحكم البحرينى دى حلوة قوى mfb: .انا مش شايف فى هزيمة الاهلى من غزل المحلة عيب لان الاهلى لعب 120 دقيقة هجوم وماكنتش لاعبيه بيدلعوا زى ناس.

عموما لسة فيه دورى وكاس افريقيا.

واتوقع ان الزمالك مش حياخد الكاس السنة دى

[disappointed]

وقد قام الحكم البحرينى بالتوجه لغرفة خلع الملابس الخاصة بلاعبى الزمالك و إعترف لهم بأنه قد ظلمهم و طلب من رئيس البعثة الصفح عنه

دي برضوا أتفق معاك فيها .. حتى بالأمارة انا شفتك قدام اوضة اللبس جنب دولاب الفانلات ....

وبالامرة برضوا الحكم البحريني تاب إلى الله وإتحجب وقعد في بيتهم آملاً ان يغفر الله له ذلاته ...

حكاية الحكم البحرينى دى حلوة قوى

42937 ‏السنه 127-العدد 2004 يونيو 27 ‏9 من جمادي الاولي 1425 ه الاحد

واشار درويش الي ان الزمالك ملتزم بجدول مباريات البطوله برغم الظلم الواقع عليه وسيلعب اليوم امام الهلال السعودي في السادسه مساء بملعب المدينه الرياضيه ببيروت لتحديد المركزين الثالث والرابع ولا توجد اي نيه للانسحاب او عدم التعامل مع انشطه الاتحاد العربي كما اشيع بين افراد البعثه‏.‏

واكد درويش ان عدم التاهل للمباراه النهائيه بدا في مباراه الذهاب امام الصفاقسي التونسي عندما تعرض الفريق للهزيمه بهدفين نظيفين بعد ظلم تحكيمي من جانب الحكم البحريني عبدالرحمن عبدالخالق ومعاونه الاردني فتحي العرباني‏,‏ حيث اشار درويش الي ان الحكم لم يحتسب هدفا صحيحا لصالح عبدالحليم علي‏,‏ والغريب ان الحكم اعترف للاعبي الزمالك بالخطا قبل مباراه الاياب‏,‏ وجاء الاعتراف ليقطع جسور الثقه بين لاعبي الزمالك والحكام واسهم في زياده هذا الشعور عدم تصدي الحكم الليبي لاستفزازات لاعبي الصفاقسي ومحاولاتهم المستمره لاضاعه الوقت وتغاضي الحكم الليبي عبدالحكيم الشلماني عن طرد مواطنه طارق التائب مرتين لضرب الخصم بدون كره‏.‏

واختتم كمال درويش تصريحاته بانه لا يوجد ما يمنع من تقديم مذكره احتجاج علي حكم المباراتين لكن الرياضه العربيه علي مدي تاريخها لم تنصف المتضرر وهو ما يعني ان الاعتراض لن يفيد‏..‏ وطالب درويش بان يتم ايقاف الحكم البحريني عبدالرحمن عبدالخالق والحكم الليبي عبدالحكيم الشلماني‏..‏ وايد عزمي مجاهد رئيس البعثه تصريحات رئيس النادي موكدا ان الاتحاد العربي اختار حكاما دون المستوي للادوار النهائيه

ومن جانبه اكد البرتغالي فينجادا المدير الفني للزمالك انه واللاعبين شركاء في المسئوليه رغم ان اخطاء الحكام فاقت الوصف ووضعت اللاعبين تحت ضغط نفسي كبير واكبر دليل علي سوء التحكيم ان المساعد استدعي حكم الميدان ليخبره ان بشير التابعي يرتدي حذاء مخالفا ثم اكتشف الحكم كذب ادعاءات المساعد‏

الوصله :

http://www.ahram.org.eg/archive/Index.asp

الظاهر إنك بطلت تقرأ جرايد رياضية في مختلف الدول العربية والتي اجمعت كلها بإنها بطولة فلوس فقط ولم تُقدم أي مستوى فني يُذكر

بالعقل و المنطق :

البطولة التى تجمع الزمالك و الأهلى و الإسماعيلى من مصر , و الإتحاد و الهلال و الأهلى من السعودية , و الترجى و الصفاقسى و النجم الساحلى من تونس ...هى بطولة لا بد و أن تكون على مستوى فنّى مفيد للمشاركين بها

وطالما فيها فلوس يبقى هاتلاقي الزملكاوية ودانهم طقطقت

ما باليد حيله........ إحنا نادى بيصرف على 26 لعبة فردية و جماعية (رقم قياسى مصرى) و يحتضن أبطال مصر الذين يشرفونها فى عدد من اللعبات التى لا تتواجد إلاّ فى الزمالك و عدد آخر من أندية شركات التعدين و قطاع البترول... و مواردنا محدودة (فنحن لسنا كالنادى الأهلى الذى يصرف من ريع الوديعة الكبيرة التى وهبها له الأمير عبد الله الفيصل رئيس النادى الأهلى السعودى , و من أرباح أسهم فندق ماريوت القاهرة التى منحها للنادى الأهلى نفس الأمير و التى تمثل 40% من أسهم الفندق) , وفى نفس الوقت فإن بوتيكات سور النادى لا يستفيد بريعها الزمالك فعليّاً لأن أصحاب هذه البوتيكات مبلطجين و يرفضون تنفيذ الأحكام الصادرة بإخلاء البوتيكات بعد إنتهاء عقود تأجيرها منذ أكثر من 10 سنوات و يريدون الإستيلاء عليها مدى الحياة ممّا يعطّل المشاريع المربحة التى تنتظر الإخلاء للتنفيذ بينما الجهات التنفيذيّة لا تمكّن الزمالك من تنفيذ الأحكام الصادرة و الحصول على حقه, وفى نفس الوقت فإن الزمالك محروم من دخل كبير لميارياته إذا تم لعبها على إستاد حلمى زامورا الذى يسع 30 ألف متفرّج و الذى تحصّل الزمالك على أكثر من حكم إدارى بتمكينه من اللعب عليه لزيادة موارد النادى نظراً لسهولة الوصول إليه من قبل الجماهير بدل الشعبطة فى الأتوبيسات لإستاد القاهرة و الشحططه فى مطالع الجبل الأخضر , ولكن القرار لم ينفّذ ولم يتم تمكين الزمالك من الإستفادة بملعبه لسبب بسيط وهو أن النادى الأهلى رفض ذلك و وضع العقدة فى المنشار بتصميمه على ألاّ يتم ذلك إلاّ إذا تم السماح له باللعب على إستاد مختار التتش رغم أن النادى الأهلى هو أوّل من سيرفض ذلك لو تم إقراره و هو أول من يعلم أن ذلك مستحيل من الأساس لأن إستاد مختار التتش لا يسع إلاّ لـــ5 آلاف متفرّج (ممّا يعنى إستحالة اللعب عليه أمنيّا , وحتى لو تم السماح بذلك فسيرفض الأهلى لأنه سيخسر ماليّا نظراً لمحدوديّة عدد الجماهير التى يمكن إستيعابها و بالتالى إنخفاض الإيرادات)

حتى لو بهدلونا والصفاقسي ضربونا ومحطات التليفزيون صورونا ..

وبعد اللي جرا لكم من الصفاقسي والضرب اللي كلتوه السنة اللي فاتت

الله بقى.... طيب ما إنت فاهم و عارف أهوه إن الزمالك هوّه اللى إنضرب و إتظلم و إتبهدل وتم التعدّى عليه و..و...و...

يبقى بيتهيّألى نغمة إن الزمالك هوّه اللى أثار المشاكل و عمل مهازل أخلاقيّة فى بيروت تصبح بذلك نغمة نشاز ولا محل لها من الإعراب

هافكرك بحاجة ظريفة قوي يمكن نسيتها ... لما ثابت البطل رجع قفاه يأمر توست ... وأستطعنا الحمد لله إننا نردها للإتحاد العربي المتمثل في عثمان السعد في مباريات كأس السوبر المصري السعودي

وراح الأهلي مطربق لهم كاس السوبر العربي اللي عاملينه في صفعه على وجه الإتحاد العربي وعثمان السعد

يادى خلط الأوراق

ما ترسى لك على بر يا معلّم

هوّه إسمه السوبر المصرى السعودى والاّ السوبر العربى؟؟؟

طبعا إنت عارف إنه إسمه السوبر المصرى السعودى ولا علاقة له بالإتحاد العربى من أساسه

فــــــــ...

mfb: :D

قلت لى بقى تردّوا إيه؟؟؟

و لمين؟؟؟!!!

بطولة أبطال العرب التى تم "طرد" الأهلى منها هى بطولة ينظمها الإتحاد العربى , بينما بطولة السوبر المصرى السعودى هى بطولة ينظّمها الإتحادين المصرى و السعودى بصورة ثنائيّة بناءاً على بروتوكول تعاون متعدّد الأنشطة و المجالات تم التوقيع عليه بين مبارك و الأمير عبد الله منذ 3 أعوام فى فترة تقارب بين البلدين, و كان البروتوكول يشمل نشاطات إقتصاديّة و ثقافيّة أخرى بجانب ذلك الجانب الرياضى من البروتوكول

فـــ... إنسحاب الأهلى ( أو فلنقل تهرّبه بناءاً على طلب مانويل جوزيه الذى لم يكن يريد حدث هزّة نفسيّة لفريقه فى بداية الموسم فتوازى ذلك مع رغبة إدارة الأهلى المحمومة لعمل أى شيئ ثأراً لكرامتها - حتى ولو كانت حركة خايبه كالتى فعلها بذلك الإنسحاب-) هو إنسحاب من بطولة لا علاقة للإتحاد العربى أو عثمان السعد بها من الأساس

الحقيقة التصرّف الأهوج الأرعن المشوب بالحماقة الناجمة عن العنجهيّة الذى إتخذه مجلس إدارة الأهلى فى هذا الصدد يذكّرنى بالشخص الذى تلقّى صفعة ساخنة من كف شخص على يمينه فإذا به يستدير ليصفع شخصاً آخراً لا علاقة له بالموضوع و تصادف وجوده على يساره (حاجه كده زى عبد السلام النابلسى فى فيلم "شارع الحب"......كل واحد يدّى للّى جنبه قلم)

ngh:

أغرب ما فى هذا الموضوع بقى إنه كان من المفترض إن اللى يلعب مباراة كأس السوبر المصرى السعودى لأبطال الكؤوس هو نادى المقاولين العرب مش النادى الأهلى , و الأهلى عمل هلّيلة و أزعرينه و طربق الدنيا و أرغى و أزبد...و...و... حقى... حقققققىىىىى..حأكسّر الدنيا ..فيها أو أخفيها... انا اللى ألعب الكأس دى.... طيب يا عم.. ماشى... إتفضل إلعب.... قووووم إيييييه... راح منسحب...... يعنى لا لعب ولا ساب المقاولين يلعب... وعلى رأى المثل : اللى مش حآكله حأبوّظه.... يااااااا سااااتر على ده نادى

... يبقى تقدر تقولي الزمالك ما عملش لنفسه شخصية ليه وراح ماشي ورا الاهلي ولغى هو كمان مبارة سوبر أبطال الدوري والتي كانت ستقام في القاهرة ؟

حاجه من إثنين لا ثالث لهما :

يا إمّا إنك مش متابع بجد..... يا إما إنك متابع بس بتحاول تضلّل اللى مش متابعين

الزمالك لم يلغى لقاء السوبر الخاص بأبطال الدورى مع الهلال السعودى

المعروف أن لقاء السوبر الخاص بأبطال الكؤوس (اللى كان المفروض الأهلى يلعبه و إنسحب منه) لقاء يتم تمويل جوائزه الماليّة عن طريق الإتحاد السعودى و جائزة الحاصل على الكأس مليون ريال سعودى

بينما لقاء السوبر الخاص بأبطال الدورى (اللى كان الزمالك حيلعبه) هو لقاء يقوم الإتحاد المصرى بتمويل جوائزه , وجائزة الحاصل على الكأس مليون جنيه مصرى

و ذلك حسب بنود البروتوكول الموقع بين الجانبين

سوبر أبطال الكؤوس إتلغى لأن الأهلى إنسحب منه

بينما سوبر أبطال الدورى إتلغى لأن الإتحاد المصرى لكرة القدم أعلن عدم قدرته على التوصل لإتفاق مع الرعاة الرسميين الذين كان من المفترض مساهمتهم مع إتحاد الكرة المصرى فى تمويل قيمة الجوائز المالية المقدّمة

الموضوع واضح ... و واضح جدّا..... غيرش بس إن فيه ناس ما بتكونش بتتابع الأخبار و مش فى الصورة فبيكونوا مطمع لأنه يتم تضليلهم بأخبار مشوّشة و غير حقيقية

وأنا فعلاً سألت دكتور نفساوي عن المرض ده وقالي دي حالة عصبية تأتي للفرق اللي بتترزع 6 ثم تحدث توابع بعدها وممكن توصل 4 .. وتؤدي إلى فقدان ذاكرة دائم وتحدث للفريق خيالات وهمية تصل بها إلى إن الفرقة تقف قدام المرايا وتقول إحنا حلوين إحنا مدرسة الفن والمدرسة التي لم ينجح منها أحد .. إحنا فريق الأسد المُرعب ..

والله يا أبو السّيد أنا معلوماتى إنها حالة بتصيب الفرق بتشوف منافسها التقليدى بيحصد بالــ6 بطولات و هيّه قاعده تقشّر لب و تتفرّج بس على الناس الثانيه و هيّه بترفع الدروع و الكؤوس , أو لجماهير الفرق اللى متعوّده على البطولات و فجأة لقت نفسها بقالها 4 سنين ماسكه الهواء بإيديها... وده طبعاً بيؤدّى لتوابع و خيالات وهميّة تجعلهم يقفون أمام المرآة لتردّد بصورة آليّة كجهاز التسجيل كل يوم الصبح مقولات لرفع معنويّاتها و الخروج من الإحباط القاتل ....فتجدهم يقولون كل صباح امام المرآه :

إحنا نادى القرن

mf( :)

تم تعديل 13 ديسمبر 2004 بواسطة disappointed

[egyptforever]

يا عم محبط

الاهرام المصري بيقول ان الحكم البحريني ظلم الزمالك المصري و اعترف قدام المصريين

طيب مادام الراجل اعترف كده و ضميره صحي ماعترفش ليه للاتحاد العربي ؟؟؟؟

و ياترى لو كان اعترف للاتحاد العربي لماذا لم يتم ايقافه ؟؟؟؟

و اذا كان الاتحاد العربي رفض ايقافه رغم اعترافاته الليليه لماذا تصرون على المشاركه اذا كانت النيه مبيته لظلمك لا محاله ؟؟؟؟

ممكن تلاقي مانشيت في الاخبار بيقولك على لسان الخطيب و قد اعتذر عثمان السعد للاهلي عن ايقافه سنه و باس ايد اللعيبه و وقف دقيقه حداد و ساعه استرحام امام قبر صالح سليم

اما بالنسبه لمباراه الصفاقسي

س س معرفش يشرح كويس انا اقولك اللي حصل في الماتش و اشرحه برضه للناس اللي ماشافتش

النتيجه في المباراه التانيه 1/1 بعد تسجيل الصفاقسي التونسي هدف صحيح 100% و الباقي من المباراه 5 دقائق او اكثر قليلا المهم النتيجه دي تخلي الزمالك يلاعب الهلال في ماتش الناس اللي صيفت بدري

و فجاه افتكر مدحت عبد الهادي و بشير التابعي و عبد الحليم علي صولاتهم و جولاتهم في الملاعب المصريه و كان اخرها العركه اللي عملها بشير التابعي مع لاعب القناه و اللي شاورله فيها بعلامه انه هيدبحه المهم اللعيبه الزملكاويه افتكروا ان اللعيبه التوانسه زي لعيبه القناه و هيسكتوا بس على مين طبعا كل لعيب تونسي امنيه حياته انه يضرب لاعب مصري ( زيه زي الاخوه الجزائريين وزي الاخوه المغاربه و امجاد يا عرب ) المهم يجي بشير يضرب واحد قلم يلاقي شلوت يضرب بوكس يلاقي تسعه يجي يجري يتشنكل و نفس الحاله حصلت مع لعيبه الزمالك الاحتياطي المهم الفضيحه حصلت فين لما 3 من لعيبه الزمالك جريوا ورا لعيب تونسي و لا كان الجزار بيجري ورا الدبيحه هنا الصوره جت و بانت اخلاق الزمالك ممثل الكره المصريه و المصريين اهما و علشان كده اتوقف لعيبه الزمالك مدد مختلفه . للذكرى و التاريخ دي مش اول مره الزمالك ياخد علقه من التوانسه افتكر مره مباراه في تونس الزمالك خسر فيها 3/1 و كان يومها يا حرام عندكم حارس مرمى اسمه حسين السيد و كنتم مغلوبين و وراء المرمى كان فيه واحد تونسي نازل غيظ فيه المهم كعاده الزمالك قامت العركه و يا حرام لقيت حسين السيد بياخد قفا و شلوت و الله بجد صعب عليا من ساعتها و الزمالك عنده عقده من كفوف التوانسه .

اما بالاشاره الى حاله الاهلي نتيجه انعدام البطولات عنه لمده 4 سنوات فطبعا لازم يحس بالحزن و هو الفريق الذي لم تنقطع عنه البطولات هذه الفتره بينما جماعه اصحابنا قعدوا 7 سنين من غير نفس البطوله لدرجه ان الناس افتكرت جتتهم نحست و اتعودوا على الخساره .

اما بالنسبه لفارق الاخلاق بين الاهلي و الزمالك فالموضوع يتلخص في موقف واحد حدث للفريقين

في الشوط الاول من مباراه الاهلي و الزمالك في احد اعوام السبعه الكبيسه على الزملكاويه كان الزمالك بقياده المدرب الفذ فاروق جعفر و طرد احد لعيبه الزمالك ايمن عبد العزيز بعد لعبه خشنه مع لاعب الاهلي ( الحكم اجنبي علشان حجه البليد ) ماذا فعل بطل الابطال و نادي الصفوه و نادي الاخلاق ؟؟؟؟ ضربوا كرسي في الكلوب و لموا العده و انسحبوا بعد مرور 3 دقايق على المباراه المصيبه ان الزمالك كان كده كده خسران الدوري بس اجمل حاجه حصلت ان بدل ما يهبط للدرجه التانيه و يلعب مع اسكو و الترام اتخصم منه 9 نقاط و قالوله متعملش كده تاني .

نفس الموقف حصل مع الاهلي السنه اللي فاتت بعد حركه قرعه من جدو حسام و الاهلي كان على الاقل عنده امل في المنافسه و مع ذلك مانسحبش و كمل المباراه و قدم مباراه كويسه و كان احسن من الزمالك ابو 11 لاعب

ده الفرق بين الاهلي و الزمالك

[kotoz9]

اما بالنسبه لفارق الاخلاق بين الاهلي و الزمالك فالموضوع يتلخص في موقف واحد حدث للفريقين

في الشوط الاول من مباراه الاهلي و الزمالك في احد اعوام السبعه الكبيسه على الزملكاويه كان الزمالك بقياده المدرب الفذ فاروق جعفر و طرد احد لعيبه الزمالك ايمن عبد العزيز بعد لعبه خشنه مع لاعب الاهلي ( الحكم اجنبي علشان حجه البليد ) ماذا فعل بطل الابطال و نادي الصفوه و نادي الاخلاق ؟؟؟؟ ضربوا كرسي في الكلوب و لموا العده و انسحبوا بعد مرور 3 دقايق على المباراه المصيبه ان الزمالك كان كده كده خسران الدوري بس اجمل حاجه حصلت ان بدل ما يهبط للدرجه التانيه و يلعب مع اسكو و الترام اتخصم منه 9 نقاط و قالوله متعملش كده تاني .

نفس الموقف حصل مع الاهلي السنه اللي فاتت بعد حركه قرعه من جدو حسام و الاهلي كان على الاقل عنده امل في المنافسه و مع ذلك مانسحبش و كمل المباراه و قدم مباراه كويسه و كان احسن من الزمالك ابو 11 لاعب

ده الفرق بين الاهلي و الزمالك

:lol: cr((: انا فاكر الماتش ده انسحبوا علشان طرد ايمن عبد العزيز.

[Farida]

زوجى العزيز زملكاوى ابا عن جد لفت نظرى ان و لا جرنان واحد اتشفى فى الأهلى ولا اى صحفى قعد يتفلسف و يقول الأسباب اللى أدت لهذا كله سكتم بكتم ياترى ليييييييييييييييييييه

اتفرجوا بقه لما الزمالك بكرة يخرج اللى مايشترى اكيد حا يتفرج

[se_ Elsyed]

إحنا نادى بيصرف على 26 لعبة فردية و جماعية (رقم قياسى مصرى) و يحتضن أبطال مصر الذين يشرفونها فى عدد من اللعبات التى لا تتواجد إلاّ فى الزمالك و عدد آخر من أندية شركات التعدين و قطاع البترول

صح ومعلومات دقيقة 100 % بامارة الأبطال اللي شرفونا في أثينا كانوا كلههههههههههههههم من الزمالك ..... واك واك واك

هوّه إسمه السوبر المصرى السعودى والاّ السوبر العربى؟

للأسف إحنا كنا فاكرين زيك كده وكنا بنفتكر إن البطولة سعودية خالصة .. طلع عثمان السعد حاطط مناخيره فيها برضوا ..

الله بقى.... طيب ما إنت فاهم و عارف أهوه إن الزمالك هوّه اللى إنضرب و إتظلم و إتبهدل وتم التعدّى عليه

وبتقولها كمان ومش مكسوفين ... طب لما انتوا أنضربتوا وإتبهدلتوا يبقى فين الكرامة ؟ وفين الأكشن اللي اخدتوه يا صفوة

وأديك شوفت لما حاولوا يعملوا معانا كده في البتاعة اللي إسمها دورة الصداقة اللي بتتعمل في أبها الأهلي حلف مية يمين ما هو معتبها تاني طالما فيها الأشكال الحمضانة اللي ما بتحترمش حد .

فجأة لقت نفسها بقالها 4 سنين ماسكه الهواء بإيديها

ده صحيح تماماً .. أصل فريق شبر العنب هو اللي فاز ببطولة أفريقيا سنة 2000 ومعاها بطولة السوبر وكأس مصر سنة 2002 .

بص يا محبط أنا اهو وإنت اهو .. ولإبقى قول كده لإبنك عمر وأنا هاقول لعمر اللي عندي ..

خلي الأهلي كده ينزل درجة ثانية ونشوف لنهاية القرن الـ 21 الزمالك هايحصلوا في عدد الفوز ببطولات الدوري والكأس .. وإبقى قابلني .

[se_ Elsyed]

زوجى العزيز زملكاوى ابا عن جد لفت نظرى ان و لا جرنان واحد اتشفى فى الأهلى ولا اى صحفى قعد يتفلسف و يقول الأسباب اللى أدت لهذا كله سكتم بكتم ياترى ليييييييييييييييييييه

اتفرجوا بقه لما الزمالك بكرة يخرج اللى مايشترى اكيد حا يتفرج

ما هو ده الطبيعي يا فريده .. أصلها مش أمله إن فريق زي الأهلي يتهزم ويخرج من الكأس خاصة إننا الحمد اله لا شيلنا 6 ولا 4 اهداف زي ناس .. بل بالعكس أي واحد بيشجع عجوه مش كوره يقدر يقول مين اللي كان مسيطر على الماتش وزانق الفريق التاني في الكورنر 120 دقيقة وعمال يكيل له .. لكن لعبة كرة القدم كما علمها لنا المرحوم عبده البقال لابد لها من التوفيق بجانب الأداء والخطط ..

وكلنا كنا هانسقف ونهيص لفريق المحله لو كان مسك الأهلي غسله زي ما المقاولين عمل كده في الزمالك في نهائي السوبر اللي من كام شهر ... .. لكن ده ماحصلش ... فما أسهل إن الفريق يرص 20 لاعب في منطقة جزاءة ويبقى عمال يبسمل ويحوقل ويطلب من ربنا التعادل والستر عشان يوصلوا ضربات الجزاء ...

[disappointed]

إيقاف بركات 3 مباريات بسبب "شلوت" المحلة

http://www.filgoal.com/News.asp?NewsID=12620

[afiona]

الهزيمه الوحيده في التاريخ لفريق مصري على الاطلاق على الاطلاق اتسجلت وصمه عار في جبين الكره المصريه و برضه اربعه يا عم محبط علشان متزعلش

قصدك فور باى فور 4x4 بتوع الاسماعيلى ?? <_<

اصل الاهلى لبس 4/0 :angry: و 4/1 mfb: و 4/2 mc: و 4/3 ;) من الاسماعيلى حتى لما ربنا نفخ فى صورتكم وحبايبنا بتوع الاسماعيلى صعبت عليهم حالتكم الائسة و قرر يلاعبكم من غير نفس اتعادلتم 4/4 .... (قبل لما تشتروا قريق الاسماعيلى ولجنة الحكام واتحاد الكرة ) ....

فا ... يعنى ... اصل .... بلاش تتكلموا فى الحاجات دى ...

بس بجد ... انا شايف ان الاندية الدخيلة البوبيز دول مش فاهمين كورة ومش عارفين يعنى ايه اهلى .... يعنى ايه يدافعوا قدام الاهلى او يجيبوا اجوان ? يعنى ايه مدرب فلاح خرسيس نرسيس يلعب دفاع بينما اى واحد برتغالى بغالى عارف انك تفتح دفاعاتك لكل من هب و دب عشان يدخل جون ? كسفتونا قدام الاجانب ....

[afiona]

زوجى العزيز زملكاوى ابا عن جد لفت نظرى ان و لا جرنان واحد اتشفى فى الأهلى ولا اى صحفى قعد يتفلسف و يقول الأسباب اللى أدت لهذا كله سكتم بكتم ياترى ليييييييييييييييييييه

لانه لا صوت يعلو على صوت المعركة s-: ولا نسمح بالمزايدة على اهلى -مصر .. هذه نكسة فى مسيرتنا الحمراء لا نلتفت اليها بل تزيدنا قوة على مواصلة المشوار من اجل رفعة نادينا الاحمر الحبيب ....

فالاهلى نادى الامن والامان ... ويعيش ازهى عصور الكرة ...

هنيئا لنا بالنادى الرمز ...

[se_ Elsyed]

حمد لله عالسلامه يا افيونة ... فكيت السلك إمتى ؟

يعني ماحدش سمع صوتك إلا متأخر .. إيه ما كنتش مصدق المفاجأة ؟

بجد بقى انا عايز منك خدمه وهازعل منك لو ماعملتهاش ...

إتفرج النهاردة على قناة دريم 2 الساعة 9:30 مساءً بتوقيت القاهرة وفيها حديث شيق للسيد المستثار نائب رئيس نادي الزمالك .. وإبقى تعالى نتكلم في الكورة وعن الاهلي والمباديء والحبشتكنات دي ...

[se_ Elsyed]

إمبارح في الكورة مع دريم كانوا بيحللوا جميع مباريات دور الـ 16 في كأس مصر وكان في البرنامج الشيخ طه إسماعيل وده راجل لا اعتقد إنه يختلف عليه إثنين من ناحية العقل والحكمة والحيادية ...

ومعاه الشخص الغريب اللي شخصيته محيراني لحد دلوقت بقى هو علاء صادق ... فساعات يحسسك إنه بيفهم كورة .. وساعات تاني تحس إنه طرشجي ...

فبيتكلم عن مباراة الأهلي قدام المحلة ويقولك إيه بالنص " معقولة مانويل جوزية يلعب بثلاثة في خط الضهر هما شادي محمد ورامي عادل ومحمود شيكو وثلاثتهم لا يملكون مهارات كروية خصوصاً مهارات الليبرو .. وذلك عندما نقارنهم بلاعب زي عماد النحاس ؟ " بصراحة أنا جالي حالة إذبهلال :angry: <_< ... إيه يا عم إنت كنت في الحمام ولا كنت مسافر ولا إيه نظامك ؟ يعني مافيش حد فيكي يا مصر عارف إن عماد النحاس ووائل جمعه ومحمد شوقي وأبو تريكه كانوا بيلعبوا على القناة التانية مع المنتخب العسكري ... حتى الليبرو اللي ممكن نعتمد عليه أُصيب في معركة حربية من كام يوم وسموها مبارة ودية أما نادي أسمنت السويس ونزل لاعبي الأسمنت الملعب وكانوا بالظبط وكأنهم بيلعبوا فريق شارون للرياضات العنيفة وكسروا 5 لاعبين منهم هادي خشبة اللاعب الخلوق اللي جا له رباط صليبي ومستقبلوا ضاع والولد أحمد السيد ووائل شيتوس وكاستيلو اللي لصموه عشان يلعب ...

ومع إن لو واحد كان من جمعية النور والامل بيشاهد تلك المبارة كان هايحسس على التليفزيون ويشوف غن فريق غزل المحلة كان بيلعب بعشرين لاعب جوه منطقة جزاءة !!!!!! يعني مافيش أي ضغط على دفاع الاهلي او حارس مرماه ...

وبعدين نفس هذا العلاء يقولك إيه " ومن غرائب مانويل جوزية قيامه في مباراة نهائي الكأس الموسم الماضي امام المقاولين بإجراء ثلاثة تغييرات فحدث ما حدث .... " آه والله وكأن جوزيه عمل بدعة من البدع ومافيش مدرب في الدنيا غيرنا بيعمل 3 تغيرات ...

في حين كان طه إسماعيل يركز على الأخطاء ومالوش دعوة بالهطرشة دي ..

[kotoz9]

إيقاف بركات 3 مباريات بسبب "شلوت" المحلة 

http://www.filgoal.com/News.asp?NewsID=12620

والنبى يا د.محبط ترسى على كلام واحد :blink: ..مش انا اما جبت خبر قبل كدة من موقع" فىالجول" قلت انه موقع كخة اهلاوى عميل وان كل الزملكوية مقطعينه وانه...وانه....

ايه اللى حصل؟؟.. الموقع احترم الزملكوية ولا انت بقيت اهلاوى ولا انت كنت بتقول اى كلام علشان بس الخبر كان ضد الزمالك

[disappointed]

إيقاف بركات 3 مباريات بسبب "شلوت" المحلة 

http://www.filgoal.com/News.asp?NewsID=12620

والنبى يا د.محبط ترسى على كلام واحد :o ..مش انا اما جبت خبر قبل كدة من موقع" فىالجول" قلت انه موقع كخة اهلاوى عميل وان كل الزملكوية مقطعينه وانه...وانه....

ايه اللى حصل؟؟.. الموقع احترم الزملكوية ولا انت بقيت اهلاوى ولا انت كنت بتقول اى كلام علشان بس الخبر كان ضد الزمالك

تعلم بالطبع أن هناك فارق بين الخبر و الإشاعة

خبر إيقاف بركات(وهو ليس تعليق أو تحليل أو مقال) خبر عن قرار تأديبى صادر من إتحاد الكره (ولا فيه فبركه ولا كذب أو بهتان و ماينفعش فيه التأليف - يا فيه قراربالإيقاف يا مافيش قرار-.... يعنى مش زى الخبر (أو فلنقل الإشاعة) اللى إنت بتتكلّم عليه و اللى كان إشاعة كاذبة و مفبركة عن داخليّات نادى الزمالك - وقد قمت بإثبات أن الخبر كاذب , وليس أدل على ذلك من أن تدريب الزمالك الذى إدعى موقع فى الجول أنه شهد مشادات بين وليد عبد اللطيف و الجماهير كان تدريباً تم بدون جمهور من الأساس-)

خبر إيقاف بركات خبر رسمى بأسلوب 1+1 = 2 , وحتلاقيه فى الأهرام و المساء و الأخبار و الجمهوريّة و قناة الجزيرة الرياضيّة و جميع مواقع النت.... و كان من الممكن أن انقل الخبر من أى موقع لكن طالما كان قدّامى فى هذا الموقع و كنت مستعجل علشان عايز أنام فما كانش فيه أى لازمة إنى أجيب الخبر من مكان ثانى....لأنه خبر ..... مش وجهة نظر

أنا نقلت خبر مش إستشهدت بمقالة

وبعدين...ولا تزعّل نفسك

مزعّلاك قوى حكاية إنى أوردت الخبر من موقع فى الجول؟؟ :

إيقاف بركات 3 مباريات بسبب "شلوت" المحلة

http://www.filgoal.com/News.asp?NewsID=12620

خلاص يا عمّنا :o ...ولاااااا تزعّل نفسك :P

خذ نفس الخبر من :blink: ....من..... :P من....أى مصدر آخر...نقووول من... :o من.... :o أى حاجه بقى....تأخذ الخبر من أى جرنان؟؟...نقول مثلاً مثلاً من جريدة الأخبار؟؟؟:

إيقاف بركات 3 مباريات بسبب "شلوت" المحلة

http://www.elakhbar.org.eg/issues/16425/0901.html

بص...

إنت غيّر عنوان اللينك على أى جرنان أو موقع إخبارى رياضى و إنت حتلاقى نفس الخبر :

إيقاف بركات 3 مباريات بسبب "شلوت" المحلة

:o

تم تعديل 14 ديسمبر 2004 بواسطة disappointed

[kotoz9]

انا عارف ان الخبر صحيح واتنشر فى كل الجرايد والمواقع وجاء ايضا على التلفزيون.الحكاية ان انا اول ما جبت سيرة فىالجول وقفت انت منددا وشرحت تاريخ الموقع الأسود الممول من ياسين منصور اللى وظيفته الاولى اثارة الشائعات المغرضة عن الزمالك وقلت انك والزملكوية مقاطعين الموقع ده غير ان ابراهيم يوسف طارد مندوبهم وانطلقت فى شرح مساوئ الموقع حتى ظننته موقع مكابى حيفا non:: مش موقع رياضى عادى المهم فى الاخر نصحتنى بعدم تصديق اى خبر فى الموقع العميل.وسألناك انا وحمو عن المواقع التى ندخلها بدلا منه ولم تجب.ثم فوجئت بك لسة بتدخل على الموقع العميل فاستغربت هو انت مش مقاطعه؟؟؟؟ :blink:

اما حكاية التفرقة بين الخبر والاشاعة فانا عندى اقتراح هايل....ايه رأيك انك تطبع كتاب فاخر اسمه"دليل المحتار :D فى مواقع الرياضة والاخبار"وتوزعه على اعضاء المنتدى من الاهلوية تبين فيه المواقع المحايدة وطرق تمييز الخبر والاشاعة وياريت يبقى مرفق معه شريط فيديو علشان التدريب العملى..وياسلام بقى لو عملت فيه امتحان واللى ينجح ياخد شهادة انه قادر على تصفح الموقع الرياضية بسلام....ولو بقى الخدمة فايف استارز الخمسة الأوائل تطلعهم بعثة للدراسة المتقدمة فى امريكا ويرجعوا بقى لنستفيد من خبرتهم

مع الشكر...

[yasovinas]

هي لسه فيها مع الشكر

ده انت خليتها خل خالص

[ragab2]

دولة

بأكملها خرجت من الكأس

بحصولها على الصفر

فهل كثيرا على الأهلى

الخروج من الكأس

[theblackpirate2005]

اتفرجنا على سياده المستشار

ماله بقى الراجل بيتكلم بكل ادب واحترام

f((:

عندكم زيه بقى

الراجل احسن واحد بتاع محاكم وكل همه يجيب احكام عشان مفروض تتنفذ بس عشان احنا فى دوله الاهلى

فسلملى على احكام القضاء المبجل

والراجل مظلمش ولا الوزير ولا حتى عصام بك عبد المنعم اللى دعا المجلس يوم السبت لاجتماع عاجل لبحث خروج اهلى من الكاس f((:

ولا انتوا متغاظين عشان معندكمش بقى واحد زيه

[egyptforever]

الحمد لله يا عم اننا معندناش واحد زيه

اشهر جمله في تاريخ الكره المصريه

المستشار مرتضى منصور في حديث مع منى الحسيني رمضان اللي فات

" و انا باقولها قدام الناس اهو يا كمال يا درويش انت حرامي و كل اللي معاك في المجلس حراميه "

و بعد مرور حوالي شهرين على هذه الواقعه

لم يذهب كمال درويش للقضاء لرفع قضيه سب علني و رد شرف على مرتضى منصور

لم يذهب مرتضى منصور الى النيابه للابلاغ عن سرقات كمال درويش المزعومه

الخلاصه :

زي اي اتنين صيع بيتخانقوا مع بعض الملاسنات الكلاميه لا تحتسب في النتيجه النهائيه و مادام لسه ماحدش قال للتاني انت ابن كذا و كذا يبقى الموضوع في بيتها

و بين الحرامي و البلطجي يا قلبي لا تحزن