لغة جديدة

[Asat]

انا بفكر أتعلم لغة جديدة بس مش عارف إيه أفيد لغة (قصدي بأفيد لغة هى اللغة اللي ليها مستقبل, فيها علوم و ثقافة و فكر).

حاليا إختياري بين الفرنسية و الأسبانية.

الفرنسية لإن بعض دول أوروبا و أفريقيا بتتكلمها و كمان في ثقافة فرنسية حية (طبعا, هي بتصارع علشان تفضل حية).

الأسبانية علشان في تقريبا قارة كاملة بتتكلمها (أمريكا الجنوبية) و كمان ليها وجود متزايد في الأمبراطورية بسبب هجرة الكثير من الأشخاص القادمين من الدول اللاتينية إليها.

إيه رأيكم؟

الفرنسية و لا الأسبانية؟

و لا لغة ثانية خالص؟

و لا الواحد مش محتاج لغير الإنجليزية؟

[Cleo]

الإسبانية لغة لذيذة جدااااااا وسهلة خالص..

لكن للأسف ليس لها أهمية فى مصر. دول أمريكا اللاتينية دول فقيرة جدا ولا نشاط اقتصادى لها فى مصر.

عاوز نصيحتى... عليك و على المركز الثقافى اليابانى فى جاردن سيتى.. أولا رخيص جدا جدا... ثانيا هاتتعلم لغة بلد نشاطاتها الاقتصادية فى العالم كله. ولغة نادرة تعتبر، ومفيش ناس كتير بيجيدوها.. أما متكلمى الأسبانية، فبقينا أكتر من الهم على القلب...

عموما استخير و ربنا يوفقك...

[Asat]

الأخت كليو,

بصراحة مافكرتش خالص ان أتعلم لغات اسيوية. شكلها صعب!

و لكن أنت عندك حق. اليابانية لغة لدولة لها تأثير إقتصادي, و تفكير إبتكاري و إبداعي أكثر من أي دولة أخرى. عندهم خيال جامد قوي, و إرادة لتحقيق هذا الخيال.

حأبتدي أقرأ و أخد فكرة عن اللغة. يمكن.....

بس مش متخيل نفسي بارطن بالياباني. :lol: cr((:

[amostafa]

انا بفكر أتعلم لغة جديدة بس مش عارف إيه أفيد لغة (قصدي بأفيد لغة هى اللغة اللي ليها مستقبل, فيها علوم و ثقافة و فكر).

يا Asat انت ما وضحتش بالظبط ايه الهدف من تعلمك للغه جديده !!! , يعنى لو بهدف انك ها تشتغل فى السياحه ,فأنا من رئيى انك تشوف ايه اكتر داوله ليها زيارت سياحيه لمصر (اعتقد الايطاليين) و تتعلم لغتهم ....

و لو عايز تتعلم لغه ,علشان ناس كتيير بتتكلمها .. فا قوى نفسك اكتر فى الانجليزى لأن دى اللغه العالميه فى العلوم و الثقافة و الفكر و التكنولوجيا.

فا جدد الغايه الاول ....

[فــيــروز]

صحيح بالمناسبه اين ستستخدم تلك اللغه؟ فى مصر ام خارجها؟

سمعت ان الطلب على اللغه الالمانيه زاد مؤخرا .. واهو تبقى الهرررررررر Asat :)

[Asat]

الأخ amostafa و الأخت فيروز,

شكرا جدا على مشاركتكم و مساعدتكم لي. <_<

هي اللغة اللي انا عايز أتعلمها هي اللغة الثانية بعد الأنجليزية, او التي بتصعد حاليا بقوة لتكون اللغة الثانية.

هدفي الأساسي من تعلم لغة جديدة هو زيادة الإطلاع و معرفة ثقافة مختلفة و جديدة لها تأثير أو سيكون لها تأثير قوي.

بالنسبة للإنجليزي, فمستواي فيها ممكن نقول عليه فوق المتوسط. يعني بأفهم اللي بيتكتب و اللي بيُقال, و باعرف أعبر عن نفسي بالكتابة و بالقول.

بالنسبة لمجال العمل, فبإذن الله سيكون العمل التجاري المستخدم فيه الإنجليزية, و لكني لم أحدد بعد أي مجال.

و بالنسبة لمكان العمل, فأغلب الظن سيكون في المنطقة, يعني مصر او دبي.

الإيطالي و الألماني لغات جميلة و مميزة, بس المشكلة إن اللغات دي قاصرة على دولهم, و ما لهمش تأثير قوي خارجها.