تعديل وزاري محدود خلال ساعات قليلة

[se_ Elsyed]

والله بأضرب كف على كف

الثلاثة اللي أختاروهم

وزير التعليم العالي ... من شوية على التليفزيون قال إنه إتبلغ بالفعل إنه ركب الحلزونة ( واحد صاحبي يعمل مسشتار وزير التعليم العالي طلع عينه من بعد الثورة والمنصب ده إتغير عليه ييجي 4 مرات لما الراجل جاب جاز ههههههههههههههههه )

وزير القوى العاملة .... باي باي

وزير مجلسي الشعب والشورى .. الراجل الغلبان اللي ماسك التنمية المحلية كمان وعمال يتلطش له في مجلس الشعب

وزير الثقافة

هههههههههههههههههههههههههه

يا ترى كوتكوت الشهير بالكتاتني هايهدا كده ؟

هانهزر بقى هو ده التغيير ؟

حتى وإن كنت أعارض التغيير الشامل في هذا الوقت

بالله عليكم .. تخيلوا واحد جاي وزارة .. هايعمل إيه في أقل من شهر ونصف ؟

يعني إحترموا عقولنا شويه

[se_ Elsyed]

بأكلم صديقي أقول له يابني بخر المكتب أو إعمل أي منظر إنت مش بيعيش لك وزير تعليم عالي من بعد الثورة ليه .. لقيت الخبر لسه ما وصولش لأنه خارج مصر .....

تعيش الحكومة وعكها بالأشتراك مع مجلس الشعب ...

[capitshino]

يا ترى كوتكوت الشهير بالكتاتني هايهدا كده ؟

صبحى صالح من شوية كان بيتكلم عالحياة الان

قال ان مطالبنا بتغير وزارى او تغير الوزارة

وقال فيما يختص بالتعديل الوزارى كان تغير الوزراء اللى عاملين مشاكل بالشارع

من ضمنهم القوى العاملة .. والبترول واتكلم برده عن وزارات تانية

[se_ Elsyed]

ماحدش بيفتح المندل يشوف لنا في المندل او الفنجان او المج إيه علاقة مصطفى بكري بالمجلس العسكري ؟

تخيلوا قبل ما الخبر يطلع هو اللي طلع إتكلم في الموضوع ده من شوية وقال إن المجلس العسكري خد القرار خلاص ......

هو الجنزوري أبو صلاحيات راح فين .. تفتكروا لسه بيدور في الدرج على صلاحياته ؟

[capitshino]

بأكلم صديقي أقول له يابني بخر المكتب أو إعمل أي منظر إنت مش بيعيش لك وزير تعليم عالي من بعد الثورة ليه .. لقيت الخبر لسه ما وصولش لأنه خارج مصر .....

تعيش الحكومة وعكها بالأشتراك مع مجلس الشعب ...

امس فايزة ابو النجا اكدت ان مافيش تعديل وزارى قبل الانتخابات

[se_ Elsyed]

بأكلم صديقي أقول له يابني بخر المكتب أو إعمل أي منظر إنت مش بيعيش لك وزير تعليم عالي من بعد الثورة ليه .. لقيت الخبر لسه ما وصولش لأنه خارج مصر .....

تعيش الحكومة وعكها بالأشتراك مع مجلس الشعب ...

امس فايزة ابو النجا اكدت ان مافيش تعديل وزارى قبل الانتخابات

خلاص أعلنوا اسامي الوزرا خلاص

[ماستر]

بأكلم صديقي أقول له يابني بخر المكتب أو إعمل أي منظر إنت مش بيعيش لك وزير تعليم عالي من بعد الثورة ليه .. لقيت الخبر لسه ما وصولش لأنه خارج مصر .....

تعيش الحكومة وعكها بالأشتراك مع مجلس الشعب ...

امس فايزة ابو النجا اكدت ان مافيش تعديل وزارى قبل الانتخابات

خلاص أعلنوا اسامي الوزرا خلاص

مش هتفرق كتير, والتغيير دلوقتى مالوش لازمة

[se_ Elsyed]

كل بيتأكد لي إن مبارك ما كانش شخص .. لأ .. ده مبارك فكر وبلاعه مفتوحه عاوزه اللي يقفلها بأسمنت مسلح عشان ما تتفتحش تاني

ودي كانت طريقتة في أختيار أكتر من 90 % من الوزرا

يعني دوروا لي يا جماعة ورشحوا لي أبشع وأفشل شخص ... يبقى هو ده الوزير المناسب

على سبيل المثال ... بأسأل على طريقة أداء وزير التعليم العالي اللي إتشال إمبارح ... إلا واسمع عنه كل خير بصراحة وإنسان كفء ومحترم

ورجعت سألت عن محمد عبد الحميد النشار وزيراً للتعليم العالي الجديد ... إلا والاقي تاريخه الغير مشرف وأفكارة بتسبقه .. يكفي إنه رئيس الجامعة والمسئول الوحيد اللي عارض إلغاء أمن الجامع التابع لامن الدولة والشرطة .... وهو الوحيد اللي لم يحرك ساكناً للدفاع عن الطلبة اللي عنده اللي تم إعتقالهم في احداث العباسية .. في حين بصراحة تدخل شيخ الازهر وأفررج عن الطلبة بتوعه .. وجامعات كتيرة تدخلت وأفرجت عن معظم طلبتها عشان ده وقت إمتحانات .. إلا البتاع ده رفض رفض قاطع .. غير اللي إشتغلوا معاه طبعاً وبيشكروا فيه بس بالعكس ..

حتى لو كان هايقعد في الوزراة شهر او شهر ونصف يبقى ليه نختار الأشكال اللي زي دي .. هو تخريب وخلاص ؟

[se_ Elsyed]

بالمناسبة .. لا علاقة بين الكفاءة العلمية والكفاءة الإدارية على الأطلاق ...