برومو مليونية كلنا الجيش المصرى الجمعة 2012/5/11

[tarek hassan]

http://www.youtube.com/watch?v=EhQDi__mw4Q

مليونية كلنا الجيش المصرى

مستنى إيه.......

وقفنا مع جيشنا أكتر من مرة فى الوقت

اللى كانوا الخونة والعملاء واصحاب المصالح

بيهاجمووووووا جيشنا

المرة ديه مش هينفع نقعد ساكتين

هننزل نشكرهم ونقف معاهم

ايد بأيد ..........

مستنينكم الجمعة 2012/5/11 كوبرى القبة

والله الموفق والمستعان

برومو مليونية كلنا الجيش المصرى الجمعة 2012/5/11

أنا مع جيش مصر وضد أي واحد ..... يسيء إليه... الجمع كانت كتيرة ... والمطالب كبيرة ... منها ما هو شرعي وما هو غير شرعي .... ألا يستحق الجيش جمعة ..... نقوله شكرا على كل اللي قدمته للبلد ........ وليكن ما يكون ...... مع جيش مصر من منطلق ديني أو وطني أو قومي أو أخلاقي ..........

تم تعديل 10 مايو 2012 بواسطة tarek hassan

[متعب]

اهم حاجه والله الموفق والمستعان

عالم مؤمنين مؤمنين يعنى

[se_ Elsyed]

أهم حاجه يا طارق ... توفيق عكاشة وأُنثى العكش .. رايحين ؟

[tarek hassan]

أهم حاجه يا طارق ... توفيق عكاشة وأُنثى العكش .. رايحين ؟

.............. لا يا باشا ... كوبري القبة المرة دي ... وعكاشة كان تخصص عباسية هو وحياة الدرديري ...... وعموما هو برضه مواطن مصري وأكيد بيحب مصر بطريقته وأنا لا أراه سيئا .. بالعكس أحيانا بستمع إليه .. وإن كنت أعارض الكثير مما يقوله ...بس بصراحة هو كان له دور مهم في وقت من الأوقات ...... من وجهة نظري

[se_ Elsyed]

أهم حاجه يا طارق ... توفيق عكاشة وأُنثى العكش .. رايحين ؟

.............. لا يا باشا ... كوبري القبة المرة دي ... وعكاشة كان تخصص عباسية هو وحياة الدرديري ...... وعموما هو برضه مواطن مصري وأكيد بيحب مصر بطريقته وأنا لا أراه سيئا .. بالعكس أحيانا بستمع إليه .. وإن كنت أعارض الكثير مما يقوله ...بس بصراحة هو كان له دور مهم في وقت من الأوقات ...... من وجهة نظري

يا خسارة يا طارق ....

ربنا يوفقك لما فيه الخير إن شاء الله

[capitshino]

بس بصراحة هو كان له دور مهم في وقت من الأوقات ...... من وجهة نظري

بصراحة اول مرة اشوف حد محترم كاتب كلام زى ده عن توفيق عكاشة

لو ممكن توضح لى ايه هى الازمات اللى كان ليه دور مهم فيها

[tarek hassan]

بس بصراحة هو كان له دور مهم في وقت من الأوقات ...... من وجهة نظري

بصراحة اول مرة اشوف حد محترم كاتب كلام زى ده عن توفيق عكاشة ..... لو ممكن توضح لى ايه هى الازمات اللى كان ليه دور مهم فيها

يا أستاذ : capitshino

أنا قلت في وقت من الأوقات كان له دور ومجبتش سيرة الأزمات ...... على سبيل المثال كانت له مليونيات أو جمع لدعم السياحة في بعض المحافظات مثل الأقصر ..... أو وقوفه مدافعا عن الجيش والشرطة ممثلا لقطاع من الشعب يحب الجيش و الشرطة ... ربما أحدث توازنا في وقت معين .... كان في ذلك مصيبا أو مخطئا لكنه اجتهد والأكيد أن منطلقه في النهاية وطني ....... ربما يختلف معي البعض في أنني لست مع الحالة اللا إنسانية من جعل الرجل مادة السخرية والاستهزاء والتندر المتواصل ... وربما تجدني متضامنا مع حياة الدرديري ضد من قاموا بتركيب لها صور بذيئة .....ربما أكون مخطئا من وجهة نظر البعض في استنكاري لذلك ولكن هي وجهات نظر ................................ تحياتي

[متعب]

وطبعا بالتاكيد يعنى المليونيه بتوع الله الموفق والمستعان دول مش هنشوف فيها بلطجيه من اى نوع

أيمانا من البلطجيه بمسيرة المضى قدما نحو الاستقرار

وطبعا البنات ال هتحضر ممنوع كشف العزريات عليهم لانهم المواطنين الشرفاء

ولذالك الشرطه والجيش ايضا مش هتيجى نحيتهم باى ملوتوفات ولا قنابل الغاز المسيله للدموع ولا الغازات السامه والمحرمه دوليا

والله الموفق والمستعان

[tarek hassan]

على قناة الحياة:

النجم والفنان القدير "محمد صبحى" يدعو لتظاهرة "كلنا الجيش المصرى" غداً بحدائق القبة.

على قناة الحياة:

"مصطفى بكرى" يدعو لتظاهرة "كلنا الجيش المصرى" غداً بحدائق القبة.

[capitshino]

بس بصراحة هو كان له دور مهم في وقت من الأوقات ...... من وجهة نظري

بصراحة اول مرة اشوف حد محترم كاتب كلام زى ده عن توفيق عكاشة ..... لو ممكن توضح لى ايه هى الازمات اللى كان ليه دور مهم فيها

يا أستاذ : capitshino

أنا قلت في وقت من الأوقات كان له دور ومجبتش سيرة الأزمات

تصحيح واجب برده

بس ان اتصدمت من كلامك على توفيق عكاشة

الراجل ما سابش واحد محترم فى مصر الا وقل ادبه عليه

[م تيمور المراغي]

راجع نفسك يا طارق ..

واسأل مرجعياتك عن توفيق عكاشة و حياة الدرديري ومصطفى بكري اي انت واخدهم مثل اعلى دلوقتي

و انا عارف انك مش مكابر

تحيتي ...

[متعب]

على قناة الحياة:

النجم والفنان القدير "محمد صبحى" يدعو لتظاهرة "كلنا الجيش المصرى" غداً بحدائق القبة.

على قناة الحياة:

"مصطفى بكرى" يدعو لتظاهرة "كلنا الجيش المصرى" غداً بحدائق القبة.

لو دول ال بيمثلوا مصر فاعتقد التنازل على الجنسيه المصريه اصبح واجب النفاذ الان

وانفرض على كل مواطن مصرى ان يبيع الجنسيه دى لاقرب واحد بتاع روبابيكا

بس انا عندى سؤال ممكن

ليه متكنشى المظاهرة دى فى التحرير بدل حدايق القبه

على الاقل يوصولوا رساله للعتاه ان التحرير قلب واصبح مع عمر موسى وفشيق والنظام

مش ده مكسب ولا التحرير عامل ليهم عقده نفسيه

[se_ Elsyed]

إيه الأسلوب الرخيص ده ؟

‎#رصد| #وزراة_الدفاع| سيارات تابعة للقوات المسلحة تجوب أنحاء #العباسيه، مرددة لأغانى وطنيه لـ #مصر والجيش المصري

[tarek hassan]

إيه الأسلوب الرخيص ده ؟

#رصد| #وزراة_الدفاع| سيارات تابعة للقوات المسلحة تجوب أنحاء #العباسيه، مرددة لأغانى وطنيه لـ #مصر والجيش المصري

طيب فيها إيه حب الشعب للجيش ..............العربات فعلا لاقت ترحيبا عظيما وقبلات من جموع الشعب هناك ........ ولكن أنا لست مع هذه اللافتات إلا إذا كانت موجهة لمن يعدون العدة الآن للذهاب إليهم والاعتداء عليهم بجحة طرد عكاشة

تم تعديل 11 مايو 2012 بواسطة tarek hassan

[tarek hassan]

[tarek hassan]

[se_ Elsyed]

لأ ده الحالة كده بقت مستعصية

إنت بقيت تستشهد بكيان صهيوني عدواني قائم على إغتصاب حقوق الغير ؟

خد إضرب دي

تجددت اشتباكات مرة أخرى عصر اليوم الجمعة، بين المتظاهرين المؤيدين للمجلس العسكرى المشاركين فى مليونية "كلنا الجيش" فى ميدان حدائق القبة، وعدد من أهالى المنطقة الرافضين للمليونية.

عادت الاشتباكات بعد أن استفز أحد مؤيدى المجلس العسكرى أهالى المنطقة واختراقه لقوات الأمن المركزى الفاصلة بينهما والاقتراب من أهالى المنطقة والهتاف ضدهم، وهو ما دعا الشباب من أهالى المنطقة للاحق به ومحاولة الفتك به، وتدخل عدد من مؤيدى المجلس لمحاولة إنقاذ الشاب من الأهالى، وقاموا بالاشتباك بالطوب والحجارة مع أهالى الحدائق، وهو ما أدى إلى إغلاق كوبرى القبة.

ومن جانبها تدخلات قوات الأمن المتواجدة بكثافة فى محيط ميدان حدائق القبة فى محاولة لتهدئة الوضع بين الطرفين وفض الاشتباكات بينهما وفتح الطريق للسيارات وعدم غلقه.

[متعب]

انا بجد ال غايظنى فى الموضوع كله انهم رافعين العلم المصرى

اموت واعرف دول رافعين العلم ده على اى اساس

هى وصلت انهم يرفعوا علم مصر .

مش دى تعتبر برده خيانه لتل ابيب

[متعب]

شباب يفرح القلب الحزين والله

يسلم ال ربى وال علم والبطن ال شالتكم

دى للشباب ال زى الورد ده ال ربنا ان شاء الله مش هيحرم مصر منهم

والى النصر باذن الله عاجلا أم آجلا

http://www.youtube.com/watch?v=qhp2ccpbHKM

تم تعديل 11 مايو 2012 بواسطة متعب

[متعب]

وسمعنى سلام ال عنده من ده كداب

واسعى وصلى على رسول الله شباب مصر بيقول سيبها لله

يعنى سلام حاير طاير لكل آهالى حدايق القبه من شرقها لغربها

يعنى نقول سلام اول وتانى لكوبرى القبه وسرايا القبه واسمع احلى تحيه واحلى سلالام لشارع احمد سعيد

يعنى نقول دير الملاك ورجالته . شادر السمك وبشواته واوعى تنسى الوايلى

يعنى سلام مولع نار لكل اهالى الزاويه الحمرا يعنى القصريين وشبابه

يعنى تحيه غاليه وعزيزة لكل المحيطيين بحدايق القبه

واضرب البيانوا بالنار وسمعنى سلام جبار على كل ظالم ومفترى وان شاء الله فى النااااااااااار

قول يابنى قول قووووووووووول

ويلالالالالالالالالالالالالالالالالا