ادلي بصوتك لمرشحك صراحة

[pocy]

دكتور . محمد مرسي ان شاء الله هو مرشحى

[الدكتور ياسر]

نتيجة التصويت حتى الان هى تقدم مرسي بنسبة 40 % يليه ابو الفتوح بنسبة 29 % ..

اتمنى ان تسير الانتخابات نزيهة كما سار هذا الاستفتاء , وفي هذه الحالة قد نرى باذن الله تصفية نهائية

بين هذين المرشحين , وفي تلك الحالة ستتساوى الكفتان لأن مؤيدى الصباحى ستتجه بطبيعة الحال الى ابو الفتوح

مع امتناع ناخبي الفلول المحبطين :) عن التصويت مطبقين المثل الشعبي المعروف ( ما اسخم من سيدى الا ستي :P )

تم تعديل 12 مايو 2012 بواسطة الدكتور ياسر

[عادل أبو عمر]

لما حسبتها سياسة

و لما حسبتها مصلحة مصر

و لما حسبتها كلمة حق ابتغي بها وجه الله

و لما بعد ده كله لما صليت استخارة

اخترت الدكتور محمد مرسي

وربنا يولي الأصلح والأنفع لمصر و للمصريين

[اثار]

صوت في الاستفتاء لابو الفتوح لكن في الحقيقة لسه محتارة بينه وبين محمد مرسي

وان شاء الله احسم امري بعد الاستخارة

محتارة لعدة اسباب

- ابو الفتوح شخصية توافقية لحد ما تستطيع تجميع فئات الشعب المختلفة

بيفكرني بعمرو خالد واحنا بصراحة محتاجين حد يجمعنا علشان الكل يساهم

في بناء مستقبل مصر

- الخوف من استحواز الاخوان ليس لشيء الا لكي تستفيد مصر من كل كفاءات الشعب اخوان وغيرهم

- ومع ذلك نفسي انتخب محمد مرسي علشان الاخوان ياخدوا فرصتهم كاملة ويقدروا يحققوا مشروع النهضة

اللي بيوعدوا بيه

[التونسى]

يا سلام على ضربة معلم .. تكون الضربه القاضيه.. فى الحته الفاضيه .. ويتم فى اخر لحظه وعلى حين غره ان ابو الفتوح يتنازل لمرسى او العكس .. ((طبعا تحت مباركة ورعاية وغطاء الاخوان)) كده بقى ممكن تتحسم من الجوله الاولى .. انا عن نفسى مترقب مفاجأت فى الطريق اليك .. وبانت وهانت . كلها كام يوم .. نهار الفل خل .. وليله مش باين

[الباشمهندس ياسر]

انا بردعاوي

اخترت ابو الفتوح ... مكره اخاك لا بطل

[ابو محمود]

عزيزى الأستاذ عادل

عزيزى الأستاذ إسلام

جالكم كلامى ؟ .. زى ما قلت لحضراتكم .. حاولت أطرح معايير موضوعية للمناقشة .. وكان ممكن لو المناقشة موضوعية إننا نضيف إلى تلك المعايير ، أو نحذف منها ، أو نعدلها .. وفى النهاية نوصل لمعايير "محترمة" نختار على أساسها

لكن الحوار - فى الواقع - حول التصويت للمرشحين يأخذ أبعادا أخرى بعيدة عن نظرى الضعيف

الفاضل أبو محمود - مثلا - وهو إنسان فاضل كان لى شرف التعرف عليه شخصيا فى ندوة كتاب "المحاورات" .. وليس بيننا – كأشخاص – سوى الاحترام المتبادل الذى أدعو الله أن يدوم .. يؤثر نوعا آخر من المعايير أعتذر عن مجرد محاولة فهمها فضلا عن التعليق عليها أو الحوار على أساسها ..

هذا مع احترامى طبعا لكونها معاييره الخاصة التى تتطور مع التطور السريع لاكتشافات خصائص التيار الذى يؤيده الأخ الفاضل ابو محمود ..

عندما انزل من بيتى الى اللجنه سافعل كما فعلت سابقآ سأعطى صوتى لمن يمتلك مشروع .. مشروع يخرجنا من فتوات مبارك الذين يتحايلون على الشعب ومعهم العسكر وبعض من سموهم بالمفكرين او النخب وقد ضهرت عوراتهم أن من يؤيد من كان يحكم مصر مع الظالم والفرعون مبارك لا يصح اطلاقآ ان نضعه فى سله انه مصرى ومن سيضع صوته لصالح ايآ من اتباع نظام العسكر الحراميه اتباع مبارك اما امثالهم أو يخافون على ما سرقوه او نهبوه او لربما يتاجرون تجاره فاسده يخشون أن تقف ويتم فضحهم .. كيف بالله يعلن أنسان مصرى حر انه يحب اتباع فرعون مصر الأخير مبارك

حقآ لله فى خلقه شؤون

ساختار باذن الله .. محمد مرسي رئيسآ لمصر .. فلا عيب أن يكون تابع لحزب او جماعه

فجماعه الأخوان ليسو يهود أو بالأحرى أنا سأويدهم نكايه فى اتباع حسنى مبارك فعقلى وخبرتى يدعمون الفكره القائله أن من كان يظلمه ظالم ويزج به الى السجن سيفعل عكس ظالمه

ومن يقول أن مرسي بديل لأخر

فكيف ننكر على رئيس حزب ان يترشح فهل كان الوفد لا يمتلك كوادر حتى يختار ذلك السكير الفاجر ومن قضى على كرامه المصريين بالخارج عمرو موسى

أعتقد واضح .. من لن ينتخب فولانا ويفضل عليه فولانا آخر فهو إما من أصحاب العورات المكشوفة ممن يسمونهم بالمفكرين والنخب .. أو .. حرامية .. مشاركين لحرامية مبارك والعسكر فيما نهبوه .. أو حتى لا يستحقون لقب "مصرى"

ماشى معاييره وهو حر فيها ..

ويمكن - من هنا لغاية الانتخابات - توصل المعايير إلى :

ديك أبونا .. وديك أبوهم

http://www.youtube.com/watch?v=F7C-jn63ltY

حبيبى الغالى عم أبو محمد

باراجل طب كنت سالت عليا بتليفون صغنن دنا كنت طريح الفراش وانت عارف !!

على العموم انت عارفنى كويس وعارف انا كلامى لمين بس انت بتحاول تهرب بدهاء كده وماتقولش انك مع احمد شفيق ياراجل انت حر مالم تضر مش دى برضو اللي بيسموها ليبراليه ... bsh:) يا سيدى احنا كلنا خرجنا من الثوره بعاهات ناس خرجت متعوره وناس مات لها ولاد وناس اتخرب بيتهم وفلسو ناهيك عن بلطجه منظمه عاملنها بواسطه ناس لابسه ملكى وبيقولو عليهم بلطجيه قال بلطجيه قال دول ولاد ناس بس بليل يبقو بزى رسمى وبالنهار لابسين ملكى زى لمؤخذه البلوفر كده سهل وخفيف

على فكره انا مبسوط من حضرتك قوى انك واخدنى على اساس انى اخوانى ميضرش مهو كلنا أخوات .. تحيا مصر ويعيش الهلال مع الصليب والنبى ماتنساش تسلملى على الخواجه كامل وتبلغه انه واحشنى جدآ وعايزين نعرف هو هيرشح مين او رشح ولا لسا علشان نطمئن ونغمض العين ونقرر هنعمل ايه فى الايام القادمه لما شفيق بك او الجنرال يشرف الكرسى بعد ما يضربه فى الكلوب

[Handasah]

انا اخترت د عبد المنعم أبو الفتوح

لكني احترم حمدين صباحى جدا

الاثنين معاهم فريق استشارى محترم جدا واسماء ليها ثقلها العلمى ....

[الدكتور ياسر]

سيناريو متخوف منه :

1- فوز محمد مرسي ومرشح الفلول والعسكرى ( شفيق اوموسى ) في الجولة الاولى مع وجود تلميحات بوجود تلاعب

فى النتائج ..

2- خروج مؤيدى أبو الفتوح والصباحى في تظاهرات منددة بالتزوير وباللجنة الانتخابية ..

3- إحجام الاخوان عن المشاركة في تلك التظاهرات معتقدين بنزاهة الانتخابات بعد صعود مرشحهم للجولة الأخيرة ..

4- اتهامات متبادلة بين الاخوان ومؤيدى أبو الفتوح والصباحى فالاخوان يتهمون انصارابو الفتوح والصباحى بالوقوف

أمام الشرعية و أنصار ابو الفتوح والصباحى يتهمون الاخوان بخيانتهم وبالارتماء في أحضان العسكرى ..

5- انضمام مؤيدى الصباحى وأبو الفتوح لتأييد مرشح الفلول نكاية في الاخوان وبدعوى أن نار الفلول ولا جنة الاسلاميين ..

6 - فوز مرشح الفلول بفارق ضئيل عن مرشح الاخوان وشماتة مؤيدى أبو الفتوح والصباحى في الاخوان ..

7- تصفية حسابات وإقصاء وتحجيم الاخوان وكل ثورة وانتم طيبون ..

تم تعديل 13 مايو 2012 بواسطة الدكتور ياسر

[باهى الطائر الحزين]

لو سمحتولى ..

اعتقد وان المرحله

لتحتاج الى الأجدر

وليس الى الأصلح

( وجهة نظر )

[لماضة مصرية جدا]

السلام عليكم و رحمة الله و بركاته

الاختيار ما بين خالد علي.....عجبني شغله و مبادراته جدا في مجال العمل الحقوقي مع العمال

و ما بين حمدين صباحي

و النوهائي

حمدين صباحي

شكرا

[لماضة مصرية جدا]

لو سمحتولى ..

اعتقد وان المرحله

لتحتاج الى الأجدر

وليس الى الأصلح

( وجهة نظر )

الاجدر...الاصلح...ممن حضرتك توضح اكتر

شكرا

[مروان]

سيناريو متخوف منه :

1- فوز محمد مرسي ومرشح الفلول والعسكرى ( شفيق اوموسى ) في الجولة الاولى مع وجود تلميحات بوجود تلاعب

فى النتائج ..

2- خروج مؤيدى أبو الفتوح والصباحى في تظاهرات منددة بالتزوير وباللجنة الانتخابية ..

3- إحجام الاخوان عن المشاركة في تلك التظاهرات معتقدين بنزاهة الانتخابات بعد صعود مرشحهم للجولة الأخيرة ..

4- اتهامات متبادلة بين الاخوان ومؤيدى أبو الفتوح والصباحى فالاخوان يتهمون انصارابو الفتوح والصباحى بالوقوف

أمام الشرعية و أنصار ابو الفتوح والصباحى يتهمون الاخوان بخيانتهم وبالارتماء في أحضان العسكرى ..

5- انضمام مؤيدى الصباحى وأبو الفتوح لتأييد مرشح الفلول نكاية في الاخوان وبدعوى أن نار الفلول ولا جنة الاسلاميين ..

6 - فوز مرشح الفلول بفارق ضئيل عن مرشح الاخوان وشماتة مؤيدى أبو الفتوح والصباحى في الاخوان ..

7- تصفية حسابات وإقصاء وتحجيم الاخوان وكل ثورة وانتم طيبون ..

باللي انا شفته النهاردة يا دكتور ياسر ولو مفيش تلاعب

يبقى الاعادة بين مرسي وابو الفتوح

ان شاء الله

[لماضة مصرية جدا]

السلام عليكم و رحمة الله و بركاته

استذي الفاضل

حضرتك تخوفت من السيناريو اللي اسردته

كوني انتخبت "حمدين"...و مقدرشي اصنف نفسي اني من "انصاره" و لله الحمد مبحبش فكرة انك تطبل لحد او تطلعه ملاك بجناحين

لكن حمدين ك"اختيار" رئاسي هو الاقرب لموقف معين متبنياه

بالنسبة لتخوف حضرتك

سيناريو متخوف منه :

5- انضمام مؤيدى الصباحى وأبو الفتوح لتأييد مرشح الفلول نكاية في الاخوان وبدعوى أن نار الفلول ولا جنة الاسلاميين ..

6 - فوز مرشح الفلول بفارق ضئيل عن مرشح الاخوان وشماتة مؤيدى أبو الفتوح والصباحى في الاخوان ..

7- تصفية حسابات وإقصاء وتحجيم الاخوان وكل ثورة وانتم طيبون ..

متخيلشي ان حد يكون محتار بين حمدين ابو الفتوح و فجأة ينضم لشفيق و موسي....(و اعذرني مش هستخدم مصطلح الفلول....لاني شخصيا بؤمن ان كل واحد فينا كلن مشروع فل علي صغير)

عدم تصديقي لانه بكده هيجري من اقصي اليسار الي اقصي اليمين....هل ممكن حد اجهد نفسه في التفكير و التخيير بين مرشحين بتوجهات مختلفة انه فجاة يسلم دماغه كده علشان مجرد نكاية في الاخوان!!!!

بالنسبة لموضوع الجنة و النار.....و مين يا تري هيحدفنا فين....فانا قررت اني اتوقف عن متابعة فعاليات اي حملة انتخابية...لاني حسيت اني كائن فضائي مش عايش في مصر و ده كل اما اقعد اسمع حد يجزم انه هيغير مصر في اربع سنين....(عايزة اعيط و اكب احباط...بس بلاش النهاردة)

بالنسبة لموضوع فوز "فلول" متمثل في عمرو موسي او شفيق....

هنحترم اختيار الاغلبية...(اللي موديانا ورا الشمس)....بس ساعتها مش هنبقي فاضيين للشماتة الصراحة....علشان هننزل الميدان تاني

و الناس هترجع تضحك علينا تاني....و تقول....هو انتو فاكرين نفسكوا عملتوا ثورة و لا ايه

و بنتدي بقي ثورة بجد...بحق و حقيق

كام راح يموت....مين راح يموت....ايه اللي راح يتغير...معنديش اجابة

بس ده تصوري

كل التحية

[MOOOM]

يا سلام على ضربة معلم .. تكون الضربه القاضيه.. فى الحته الفاضيه .. ويتم فى اخر لحظه وعلى حين غره ان ابو الفتوح يتنازل لمرسى او العكس .. ((طبعا تحت مباركة ورعاية وغطاء الاخوان)) كده بقى ممكن تتحسم من الجوله الاولى .. انا عن نفسى مترقب مفاجأت فى الطريق اليك .. وبانت وهانت . كلها كام يوم .. نهار الفل خل .. وليله مش باين

ياريت ياريت يا استاذ محمود إن ده يحصل .. تبقى فعلاً جووول محترم من لاعب محترف .

والمنطق والعقل بيقول المفروض يحدث هذا وإلا .. فالاثنين [ أبو الفتوح ومرسي ] مع حفظ الالقاب طبعاً - مثلهم مثل أي - فل - يسعى للكرسي والمنصب فقط ولا ينظر إلى مصلحة البلد - خاصة وإن كانت هناك شكوك في تزوير الانتخابات - وإلا ما المانع أن يكون أحدهم رئيس والآخر ناباً للرئيس ؟؟؟؟؟؟؟؟

[ابو محمود]

السلام عليكم و رحمة الله و بركاته

استذي الفاضل

حضرتك تخوفت من السيناريو اللي اسردته

كوني انتخبت "حمدين"...و مقدرشي اصنف نفسي اني من "انصاره" و لله الحمد مبحبش فكرة انك تطبل لحد او تطلعه ملاك بجناحين

لكن حمدين ك"اختيار" رئاسي هو الاقرب لموقف معين متبنياه

بالنسبة لتخوف حضرتك

سيناريو متخوف منه :

5- انضمام مؤيدى الصباحى وأبو الفتوح لتأييد مرشح الفلول نكاية في الاخوان وبدعوى أن نار الفلول ولا جنة الاسلاميين ..

6 - فوز مرشح الفلول بفارق ضئيل عن مرشح الاخوان وشماتة مؤيدى أبو الفتوح والصباحى في الاخوان ..

7- تصفية حسابات وإقصاء وتحجيم الاخوان وكل ثورة وانتم طيبون ..

متخيلشي ان حد يكون محتار بين حمدين ابو الفتوح و فجأة ينضم لشفيق و موسي....(و اعذرني مش هستخدم مصطلح الفلول....لاني شخصيا بؤمن ان كل واحد فينا كلن مشروع فل علي صغير)

عدم تصديقي لانه بكده هيجري من اقصي اليسار الي اقصي اليمين....هل ممكن حد اجهد نفسه في التفكير و التخيير بين مرشحين بتوجهات مختلفة انه فجاة يسلم دماغه كده علشان مجرد نكاية في الاخوان!!!!

بالنسبة لموضوع الجنة و النار.....و مين يا تري هيحدفنا فين....فانا قررت اني اتوقف عن متابعة فعاليات اي حملة انتخابية...لاني حسيت اني كائن فضائي مش عايش في مصر و ده كل اما اقعد اسمع حد يجزم انه هيغير مصر في اربع سنين....(عايزة اعيط و اكب احباط...بس بلاش النهاردة)

بالنسبة لموضوع فوز "فلول" متمثل في عمرو موسي او شفيق....

هنحترم اختيار الاغلبية...(اللي موديانا ورا الشمس)....بس ساعتها مش هنبقي فاضيين للشماتة الصراحة....علشان هننزل الميدان تاني

و الناس هترجع تضحك علينا تاني....و تقول....هو انتو فاكرين نفسكوا عملتوا ثورة و لا ايه

و بنتدي بقي ثورة بجد...بحق و حقيق

كام راح يموت....مين راح يموت....ايه اللي راح يتغير...معنديش اجابة

بس ده تصوري

كل التحية

معلش الاغلبيه اللى موديه حضرتك وراء الشمس ليس لهادور ان أتى احمد شفيق او موسي بل سيكون المسؤل هم اصحاب الفكر المستنير والمفكرين والاعلام وليس الناس الغلابه اللى بيضحك عليهم بأزازه زيت وكيلو سكر ماتحولوش ترمو المسؤليه من على اعناق من يأتى بهم وعلى فكره احمد شفيق جاى جاي وساعتها هنلاقى الليبرليين ملمومين حوليه زى اى رئيس سابق وبيمجدو فيه مصطلح ليبرالى (معادى للمشروع الاسلامى ) ده اللى ظهر جليآ فى مصر من النخب والمثقفين اللي اتربو فى احضان العسكر او النظام والنظم السابقه علشان ما نروحش بعيد

[MZohairy]

حمدين صباحي ان شاء الله

[eslam elmasre]

مع احترامي وتقديري لنتيجة الانتخابات في محاورات المصريين ولكنها تمثل نخبة المثقفين واغلبيتهم من المغتربين عن الوطن

لكن في ارض الواقع هناك الاغلبية الصامتة التي تضررت من استمرار الثورة في ارزاقها واحوال معيشتها وانخفاض حركة المبيعات مما اثر على دخولهم ومعيشتهم

هؤلاء يبحثون عن الاستقرار وجانب كبير من هؤلاء يرجحون من يعروفنه عن من لا يعرفونه لذلك سيعطون اصواتهم لاحمد شفيق

شفيق له شعبية جارفة وليس كما صورت لنا نتيجة انتخابات المحاورات والذي لم يحصل على صوت انتخابي واحد وهذا مخالف للحقيقة التي استفها من خلال احتكاكي بتلك الاغلبية

وهناك ايضا منهم من سيعطي موسى فهو معروف لديهم بانه الرجل الشجاع الذي وقف لاسرائيل في يوم من الايام حتى ان النظام السابق لما رأى ان شعبيته جارفة اضطر ان ينحيه جانبا ويضعه في جراج الدول العربية

وهذه الاغلبية ايضا ترى في حمدين صباحي صورة جمال عبد الناصر الرئيس الذي انحاز للبسطاء والغلابة ويرون انه سيعيد عدل ناصر وسيرفع صوت مصر عالية

اما الاخوان فمازالو يؤمنون بالحشد والتأثير على تلك الاغلبية بالدين الوتر الذي يعرفون العزف عليه جيدا لكنهم فقدو كثيرا خلال الفترة السابقة

الانتخابات ستكون معبرة بطريقة مخالفة لانتخابات محاورالت المصريين

[Abu Reem]

مع احترامي وتقديري لنتيجة الانتخابات في محاورات المصريين ولكنها تمثل نخبة المثقفين واغلبيتهم من المغتربين عن الوطن

لكن في ارض الواقع هناك الاغلبية الصامتة التي تضررت من استمرار الثورة في ارزاقها واحوال معيشتها وانخفاض حركة المبيعات مما اثر على دخولهم ومعيشتهم

كلام صحيح...الاستبيان في المحاورات لا يعبر عن الواقع ... حيث ان معظم من في المحاورات كانوا مع الثورة وضد النظام السابق على عكس الشارع المصري الذي كان جزء منه في عز الثورة كانوا يرفعوا شعار آسفين ياريس..وهؤلاء وغيرهم بالطبع مع فشل الثورة

هؤلاء يبحثون عن الاستقرار وجانب كبير من هؤلاء يرجحون من يعروفنه عن من لا يعرفونه لذلك سيعطون اصواتهم لاحمد شفيق

شفيق له شعبية جارفة وليس كما صورت لنا نتيجة انتخابات المحاورات والذي لم يحصل على صوت انتخابي واحد وهذا مخالف للحقيقة التي استفها من خلال احتكاكي بتلك الاغلبية

هنا اختلف معك..فاذا كان اعضاء المحاورات معظمهم مغتربين ولكن مع ذلك هم لم يشاركوا فعليا في الثورة ولكن من قام بها هي الاغلبية الصامتة..اذن الاغلبية الصامتة وغير الصامتة من شعب مصر كانت مع الثورة...فلماذا يريدون الان الاستقرار وقد كانوا عايشين فيه تحت قيادة مبارك الرأس الكبير للاستقرار..، فهل قاموا بالثورة ضد الاستقرار ثم الان يريدون الاستقرار..مش معقول يعني...خاصة اننا الان امام بضع ايام تفصلنا على الاستقرار فما المانع لاعطاء صوتهم لاي مرشح غير فلولي

- وايضا نفس هذه الاغلبية التي كانت تعيش في الاستقرار كانت ضد شفيق بعد ان اظهر خلال فترة توليه رئاسة الوزرا انه احد اهم اتباع النظام السابق..فهل بعد كل هذه التضحيات...ستقوم الاغلبية الصامتة بالعودة الى المربع صفر مرة اخرى...لا أعتقد ؟؟؟

وهناك ايضا منهم من سيعطي موسى فهو معروف لديهم بانه الرجل الشجاع الذي وقف لاسرائيل في يوم من الايام حتى ان النظام السابق لما رأى ان شعبيته جارفة اضطر ان ينحيه جانبا ويضعه في جراج الدول العربية

قد يكون هذا صحيحا للاسف...ولكن لم يسأل هؤلاء المخدوعون بعمرو موسى..انفسهم...لماذا قاموا بالثورة ورفعوا شعار الشعب يريد اسقاط النظام (والنظام يعني كل النظام السابق وليس الرئيس فقط) فاستغرب ممن كان يؤيد الثورة ويدعي الوطنية ويهتف بسقوط النظام ثم يأتي الان لينتخب احد اجزاء النظام السابق ، والذي كان يعمل تحت إمرة الدول الغنية في الجامعة العربية والتي كان يعجبها خضوع النظام المصري واستكانته حتى اصبح المصري...سلعة مستباحة من الجميع !!!!

- في جميع الاحوال انتخاب اي مرشح غير موسى وشفيق...في رأيي هو التصرف المنطقي الوحيد...

والذي من اجله تحملنا اكثر من 30 سنة وتحملنا ايضا بعد الثورة سنة ونصف...فاذا عاد احد افراد النظام السابق للحكم...فلا يجب ان ارى او اسمع ابدا اي مواطن يتكلم عن فساد او سوء ادارة او مشكلات...ولا يجب ان ارى او اسمع اي احد يتكلم عن حرية وعدالة...طالما كانت الفرصة في ايدينا...

واضعناها بهذا العند الذي يتملكنا.....ودائما شعار اللي نعرفه احسن من اللي منعرفوش هو شعار الفاشل الذي لا يريد ان يتطور....ولذلك تجد دائما ان اكثر الناس نجاحا هو الذي يجرب ويخاطر ويتحمل نتائج التغيير حتى يصل الى النجاح المنشود

تم تعديل 13 مايو 2012 بواسطة Abu Reem

[التونسى]

مع احترامي وتقديري لنتيجة الانتخابات في محاورات المصريين ولكنها تمثل نخبة المثقفين واغلبيتهم من المغتربين عن الوطن

لكن في ارض الواقع هناك الاغلبية الصامتة التي تضررت من استمرار الثورة في ارزاقها واحوال معيشتها وانخفاض حركة المبيعات مما اثر على دخولهم ومعيشتهم

هؤلاء يبحثون عن الاستقرار وجانب كبير من هؤلاء يرجحون من يعروفنه عن من لا يعرفونه لذلك سيعطون اصواتهم لاحمد شفيق

شفيق له شعبية جارفة وليس كما صورت لنا نتيجة انتخابات المحاورات والذي لم يحصل على صوت انتخابي واحد وهذا مخالف للحقيقة التي استفها من خلال احتكاكي بتلك الاغلبية

وهناك ايضا منهم من سيعطي موسى فهو معروف لديهم بانه الرجل الشجاع الذي وقف لاسرائيل في يوم من الايام حتى ان النظام السابق لما رأى ان شعبيته جارفة اضطر ان ينحيه جانبا ويضعه في جراج الدول العربية

وهذه الاغلبية ايضا ترى في حمدين صباحي صورة جمال عبد الناصر الرئيس الذي انحاز للبسطاء والغلابة ويرون انه سيعيد عدل ناصر وسيرفع صوت مصر عالية

اما الاخوان فمازالو يؤمنون بالحشد والتأثير على تلك الاغلبية بالدين الوتر الذي يعرفون العزف عليه جيدا لكنهم فقدو كثيرا خلال الفترة السابقة

الانتخابات ستكون معبرة بطريقة مخالفة لانتخابات محاورالت المصريين

بتفق معاك يا مان .. شفيق له شعبيه ((معتبره)) والاستفتاء هنا ظلمه