ازاى اخرج من السعوديه

[mogi]

السلام عليكم ورحمة الله

يا اخوانى انا تعبت واتظلمت فى البلد دى ونفسى اخرج منها باسرع وقت ممكن حتى لو ترحيل

اعمل ايه .. كفيلى عنادى ولو اشتكيت هيطول القضايا دلونى بالله عليكم وحاولت بالطرق ا لوديه والمناقشات

بدون فايده وعاوزنى اشتغل عصب عنى يا اما اقعد ومن غير نزول

اتمنى الرد .. مع العلم انه عمل تاشيرة نهاءى لى ولكم ينوى الغاءها ودا كلام اكيد لان التاشيره بها 10 يوم ولم يقم باى شىء من اجراءات النزول

[mtawfeek]

السلام عليكم و رحمة الله و بركاته

انشاء الله ربنا يفك كربك و همك

بس انت مذكرتش اى معلومات عن الظروف المحيطة او بقالك مع كفيلك ده كام سنه او شهر ايه وجه الظلم اللى واقع عليك منه هل هو اخلال فى التعاقد او معامله سيئه وضح وضعك

[حسام الغرباوي]

لو عاوز تاخد خروج نهائي ...روح اشتكية في مكتب العمل هيلف حولين نفسة والكلام دا قلته ميت مرة عن تجارب حصلت قدامي

[رعد]

السلام عليكم حبيبي

ربنا معاك ويفك كربك

انت اول حاجة طالما طلعوا كدة وعملوا نهائي وعاوزين يلغوة يبقوا مش كويسين ومتعبين وانت قفلت منهم

اولا اعمل اي اجراء تثبت انك في العمل لنفس التاريخ الهالي كانك تاخد اي ورقة عليها توقيع اي حد من شئون الموظفين لعمل اي حاجة او اي خطاب تعريف او حتي صورة من كارت الحضور والانصراف او ما شابة المهم تثبت انك موجود اليوم دة

وطيران علي مكتب العمل في نفس يوم التاريخ تقدم شكوي هيلف حوالين نفسة عشان هو يخلص الموضوع

صجيج هتقول لي فايدتها اية اثبات انك موجود في العمل ؟؟؟؟ لانة ممكن بحركة وسخة يروح يبلغ هروب عنك ويقلب عليك الطرابيزة انما لو معاك الورقة دي ( ومحدش يعرف انك هتعمل كدة طبعا ) هتوقفة عند حدة ولو هو جدع يبلغ هروب تقوم ساعتها مظبطة وطالع بالورقة دي علي الامارة وتقول كنت موجود عندة اليوم دة والورقة موجودة وبلغ هروب وعاوز فلوس وتظبطة ساعتها هيقول لك انت طلباتك اية ؟؟

وما تنساش تاخد مخالصة واخلاء طرف عشان تقدر ترجع بسلام وربنا معاك ويوفقك يارب

[mogi]

السلام عليكم ورحمة الله

جزاكم الله خير وربنا يتقبل دعائكم ويفك كربى وكرب كل مسلم

انا ظروفى انى اتممت سنتين معاه تاخير رواتب واهدار للحقوق وعدم مبالات للعمل او العامل اساسا ..

وعناده انه مش عاوز حد ينزل اجازه حتى يشوف اهله..قلتلهم عقدى هينتهى بخطاب وارسلته بالبريد لامبالاه

ذنيى ان المشروع منتهاش فى عقدى ولا هو مهتم ان المشروع ينتهى اساسا

اشتكاه قبلى مهندس اتهمه باختلاص وسرقه ولفق ليه تهمه وقعد قرب السنتين فى قواضى

بمعارفه ممكن يلفق تهمه ولو حتى هربت منه ممكن ما يبلغش عنى هروب .. بتاع مشاكل وخلاص

دلولنى لانى تعبت

[حسام الغرباوي]

يباشا لو انتا عايز تنزل مصر وخلاص قررت الموضوع بسيط

اطلع علي مكتب العمل وقلهم رواتب بتتاخر ومنزلنيش اجازتي السنوية وبيشغلني شغل غير شغلي بس قبلها امن نفسك وروح احضر يومين ووقع علي سندات وهات صورة من الحضور والانصراف

دي هتخلي يجي يقلك اللي انتا عاوزة الموقف دا حصل قدامي والله الشركة مع انها كبيرة لفت حولين نفسها والاخر جابو الموظف واتفاوضو معاه وادولو كل مستحقاته وخرجولو

دا لو انتا يعني خلاص عقدت النية انك تنزل مصر ..خصوصا علي كلامك ان عقدك سنتين وخلصو كمان

[mogi]

مكب العمل كتير قالولى حباله طويله وهو راجل مش كويس هيطول

وممكن يعمل زى ما عمل من قبل فى واحد ويتهم بالسرقه وتبقى قواضى وتطول

انا عاوز امشى حتى لو ترحيل اعمل ايه. مش عاوز الجاء لمكتب العمل لانى عارف انه هيطول وبلاخص مع الظالم دا

[موديز]

مكب العمل كتير قالولى حباله طويله وهو راجل مش كويس هيطول

وممكن يعمل زى ما عمل من قبل فى واحد ويتهم بالسرقه وتبقى قواضى وتطول

انا عاوز امشى حتى لو ترحيل اعمل ايه. مش عاوز الجاء لمكتب العمل لانى عارف انه هيطول وبلاخص مع الظالم دا

اسم الشركة ايه؟ عشان برضه الناس تاخد حذرها منها بعد كده بأذن الله

ربنا يفرج كربك يارب

[mogi]

السلام عليكم

ممكن استاذ خالد شحاته ترسل لى ايميلك بعد اذنك محتاج استشيرك فى حاجه

واسال الجميع الدعاء

[موديز]

السلام عليكم

ممكن استاذ خالد شحاته ترسل لى ايميلك بعد اذنك محتاج استشيرك فى حاجه

واسال الجميع الدعاء

ربنا يفرج همك ياربببببب وهمومنا جميعا

[hakeem]

هو مش عارف ده حل ولا لا..بس بيحصل عندنا عمال بتهرب

بنبلغ عنهم هروب وحلى وابقى قابلنى لو حد اتمسك الا صدفه بعد كده بيترحل على بلده على قفا الشركة كمان..