عاجل مساعدة من اخوتي في السعودية

[MohamedMmdouh]

السلام عليكم ورحمة الله

اخوتي في الله في السعودية

انا محاسب مصري خريج 2006 عرض علي عقد عمل بالسعودية في مدارس بالخرج وقبلت ان شاء الله

تفاصيل العقد

المرتب 2800 ريال شامل البدلات وخلافة

8000 ريال بدل سكن عائلي في حالة استقدام الزوجة وسكن فردي في حالة عازب او مبلع 3000 ريال بدل سكن عازب

ساعات العمل 10 ساعات من الساعة 7 صباحا حتي 2 ظهرا ومن الساعة 4.30 حتي 7.30 مسائا هل دة طبيعي موضوع الدوامين ؟؟

لا يوجد تزاكر سفر عشان كان الراتب 2500 ولما قولت التذاكر خلاة 2800 جنية ولا يوجد انتقالات

ارجو منكم توضيح المعيشة في الخرج وتوضيخ اسعار السكن للعائلة يعني 2 غرفة ومطبخ مش محتاج صالة ولا اي حاجه تانية ثانيا اسعار المواصلات هوة قالي ممكن انته زميالك كل واحد يدفع 30 ريال لسواق بالعربية عندهم بس مش اكيد طبعا انتو فاهمين

ممكن اصرف قد ايه في الشهر بالتفصيل الممل؟؟؟ ووفر كام في مدينة الخرج ؟؟

اسعار الاتصالات

اسعار الاكل

اسعار السجائر ان شاء الله ابطلها

اسعار الملابس

تزاكر السفر

يقال ان الخرج ارخص الاسعار في كل شئ ؟؟؟؟

واهم شئ ايه الاماكن الآمنة للسكن عشان في ناس مخوفاني من موضوع عدم الامان وهل دة فعلا موجود وفي تعديات ؟؟ وايه افضل مكان للسكن في الخرج ؟؟؟؟ ويكون برضه قريب من الشغل الي انا فهمتة ان الشغل في ارقي مكان في الخرج تقريبا وان السكن في المدينة بتاعة الشغل غالي والسكن في المدينة المجاورة وتقريبا ممكن تكون مدينة الشغل ايه ؟؟؟؟

وموضوع استجلاب الزوجة بياخد وقت قد ايه وهل هوه المفروض اي يدفع 2000 ريال بتوع اقامة الزوجة ولا انا نسيت اتكلم معاة في الموضوع دة

معايا رخصة قيادة خاصة مصرية ممكن استدالها وايه الاوارق الي مطلوبة عشان الاستبدال عشان اخلصها في مصر ؟؟؟

ايه الاوارق الي احتاج اخدها معايا وانا مسافر ان شاء الله عشان اخلص بيها اوراق سفر الزوجة وكدة والرخصة وكدة

علما ان مرتبي في مصر 1000 جنية وبجد عايش بالعافية وعندي 2 طفل والدنيا هنا مش كويسة والحمد لله

[مروان]

السلام عليكم ورحمة الله

اخوتي في الله في السعودية

انا محاسب مصري خريج 2006 عرض علي عقد عمل بالسعودية في مدارس بالخرج وقبلت ان شاء الله

تفاصيل العقد

المرتب 2800 ريال شامل البدلات وخلافة

8000 ريال بدل سكن عائلي في حالة استقدام الزوجة وسكن فردي في حالة عازب او مبلع 3000 ريال بدل سكن عازب

ساعات العمل 10 ساعات من الساعة 7 صباحا حتي 2 ظهرا ومن الساعة 4.30 حتي 7.30 مسائا هل دة طبيعي موضوع الدوامين ؟؟

لا يوجد تزاكر سفر عشان كان الراتب 2500 ولما قولت التذاكر خلاة 2800 جنية ولا يوجد انتقالات

ارجو منكم توضيح المعيشة في الخرج وتوضيخ اسعار السكن للعائلة يعني 2 غرفة ومطبخ مش محتاج صالة ولا اي حاجه تانية ثانيا اسعار المواصلات هوة قالي ممكن انته زميالك كل واحد يدفع 30 ريال لسواق بالعربية عندهم بس مش اكيد طبعا انتو فاهمين

ممكن اصرف قد ايه في الشهر بالتفصيل الممل؟؟؟ ووفر كام في مدينة الخرج ؟؟

اسعار الاتصالات

اسعار الاكل

اسعار السجائر ان شاء الله ابطلها

اسعار الملابس

تزاكر السفر

يقال ان الخرج ارخص الاسعار في كل شئ ؟؟؟؟

واهم شئ ايه الاماكن الآمنة للسكن عشان في ناس مخوفاني من موضوع عدم الامان وهل دة فعلا موجود وفي تعديات ؟؟ وايه افضل مكان للسكن في الخرج ؟؟؟؟ ويكون برضه قريب من الشغل الي انا فهمتة ان الشغل في ارقي مكان في الخرج تقريبا وان السكن في المدينة بتاعة الشغل غالي والسكن في المدينة المجاورة وتقريبا ممكن تكون مدينة الشغل ايه ؟؟؟؟

وموضوع استجلاب الزوجة بياخد وقت قد ايه وهل هوه المفروض اي يدفع 2000 ريال بتوع اقامة الزوجة ولا انا نسيت اتكلم معاة في الموضوع دة

معايا رخصة قيادة خاصة مصرية ممكن استدالها وايه الاوارق الي مطلوبة عشان الاستبدال عشان اخلصها في مصر ؟؟؟

ايه الاوارق الي احتاج اخدها معايا وانا مسافر ان شاء الله عشان اخلص بيها اوراق سفر الزوجة وكدة والرخصة وكدة

علما ان مرتبي في مصر 1000 جنية وبجد عايش بالعافية وعندي 2 طفل والدنيا هنا مش كويسة والحمد لله

بداية اتمنى لك التوفيق والسداد

انا بالرياض مش الخرج لكن هاقولك على ثوابت في المملكة كلها وانت تختار

2800 ريال هتصرف منهم اتصالات واكل وشرب وانتقالات

الاكل من 500 الى 1000 حسب عاداتك -الكلام ده للعازب- لو اهلك جم يبقى من 1000 الى 2000

اتصالات حسب سيطرتك على مشاعرك يعني لو انت من النوع العاطفي وكل شوية هتتصل وتتكلم ووحشتوني يا ناس وكده يبقى 300 ريال كمان ولو قدرت توصل نت يبقى كويس بي لاغني عن الكلام بالتليفون

الانتقالات اقل تاكسي هنا 10 ريال في المشوار المتوسط والصغير قوي 5 والطويل بيدا من 15 وانت طالع

موضوع دوامين ده معرف هنا خاصة للاداريين اللي بالمدارس والمحاسبين بس كتير 10 ساعات

لو هتيجي عازب سنة او اتنين توفر فيه مبلغ للعيال ماشي الحال

يعني مثلا ممكن تصرف ال800 ريال وتوفر 2000 لو لقيت وسيلة مواصلات كويسة ورخيصة

او على الاقل ممكن توفر 1500 ريال يعني حوالي 2250 جنيه

احسبها هل ده يستاهل الغربة والبعد عن طفليك وامهم

اما لو ناوي تجيب العيال يبقى مش هتحوش حاجة يا اخي الا لو ضيقت على نفسك وعليهم

يعني هتعيش اه بس مش هتحوش كتير

يبقى عيشة هنا بغربة بدون ديون او عيشة بمصر بتعب لكن وسط الاهل

فكر واستخير

واتمنى ان اهل الخبر يفيدوك اكثر مني

[MohamedMmdouh]

متشكر ليك يا اخي العزيز

طيب بالنسبة للاستبدال الرخصة ايه الكلام والاوراق ؟؟؟؟ وموضوع الامن والاعتدات ايه الكلام ؟؟

[مروان]

الرخصة المصرية هتسهلك كتير لاجتياز اجراءات الرخصة السعودية

يعني هتوفر عليك دخول مدرسة القيادة

هتروح المرور بعد اقامتك ما تطلع ةيجرى لك اختبار سهل قيادة واشارات وهتستلمها في نفس اليوم ان شاء الله

انت تقصد ايه بالامن هنا

ازا كان الامان فاطمن الناس هنا جاية تاكل عيش وكل واحد في حاله

اذا كان قصدك على معاملة السعوديين فاعتقد ان اهل الخبر طيبين وبيحبوا المصريين

ادرس الموقف واستخير

[MohamedMmdouh]

متشكر ليك جداااااااااااااااااا

[eman mostafa]

متشكر ليك جداااااااااااااااااا

عرض وحش جدا بصراحه حاول تستخير ربك الاول عشان انتم عيله وكمان لازم تبعتلهم اول باول وخد بالك السكن بدل 8 الاف قليل جدا جدا

[se_ Elsyed]

المرتب ضئيل جداُ

وموضوع الدوامين ده أول مره أسمعه .. مش عارف المدرس هايروح المدرسة ليه بالليل ؟

وخلي بالك .. كنت ممكن تاكل لوز من الدروس الخصوصية الغير إجبارية .. هاتلاقي الناس هي اللي تيجي لك .. لكن في مدارس دماغهم جزمة ولو شموا خبر بس بيرحلوك نهائي على طول

[MohamedMmdouh]

متشكر للكل ولكن عاوز اقول حاجة انا محاسب مش مدرس يا جماعة محاسب مالي وهكون محاسب صندوق ان شاء الله عروض المحاسبين تعبانة ودا بجد احسن عقد لقيتة بعد فترة لف كبيرة

كمان انا الي فاهمة ان الخرج الاسعار بتاعة السكن هناك رخيصة بمعني ان 8000 ريال يوفر سكن يسهولة ولا ايه رايكو ؟؟؟؟؟؟

[مروان]

انا قريت رسالتك وفهمت انك محاسب م الاول وقلت ان الاداريين والمحاسبين بيشتغلوا دوماين

معروف وضعك يا محمد

بس برده استخيرلان المعيشة هنا صعبة عن الاول

[se_ Elsyed]

متشكر للكل ولكن عاوز اقول حاجة انا محاسب مش مدرس يا جماعة محاسب مالي وهكون محاسب صندوق ان شاء الله عروض المحاسبين تعبانة ودا بجد احسن عقد لقيتة بعد فترة لف كبيرة

كمان انا الي فاهمة ان الخرج الاسعار بتاعة السكن هناك رخيصة بمعني ان 8000 ريال يوفر سكن يسهولة ولا ايه رايكو ؟؟؟؟؟؟

مين قال لك ؟؟؟

لو محاسب خبرة 4 سنوات على الأقل . وانجليزي كويس .. وأشتغل على أي برنامج محاسبي محترم ومعروف ... لن يقبل بأقل من 5 الاف مرتب أساسي فقط ....

أما المحاسب اللي ما يعرفش غير شغل الدفاتر ... وما يعرفش إنجليزي .... يبقى عفواً .... الوقت اللي إحنا فيه مش هايرحمه .. وفعلاً هايشتغل بمرتب صغير لانه ما طورش نفسه مع الوقت عشان يتقدر كويس ...

[MohamedMmdouh]

اهم سؤال

ان شاء الله انا هسافر لوحدي الاول واشوف النظام ايه وبعد كدة اقرر في موضوع الاسرة دة

محتاج كام يكون معايا فلوس في الاول عشان طبعا مفيش قبض الا اخر الشهر واعمل ايه هناك اول ما اروح ان شاء الله ؟؟؟؟

النقطة الثانية:ايه اسعار السيارات الرخيصة والي كويسة وتستحمل مش كل شوية صيانة ولو حبيت اجيب حاجة قسط بدون مقدم ممكن ؟؟ طيب العقد بسنة واحدة اذاي هيوفقوا علي سيارة تقسيط ؟؟؟ ولو حاجة استعمال كويس في حدود كام يعني ؟؟ وعلي قدها برضه

[هيشو]

عرض وحش جدا

لو كان الراتب 2800 اساسي كنا قولنا ماشي لكن شامل البدلات يبقي مش هتحوش و انت لوحدك و لو جيبت اسرتك يبقي مش هتعرف تعيش اساسا

[هيشو]

انت عاوز كمان تجيب سيارة بالقسط؟ يا اخي الكريم الراتب ده هتحوش منه الف ريال بالعافية لو انت عايش وحدك

و مفيش حاجة اسمها التذاكر عليك

و متاكد انك هتاخد اجازة سنوية ولا لأ؟ و تكون الاجازة مدفوعة؟

و العربية المفروض تبقي عليهم ايضا مش معقول كمان انت هتشتري عربية

[حسام الغرباوي]

بعد ما قبلت العرض ربنا يوفقك

لو انتا معاك انجليزي وبتعرف تشتغل كمبيوتر علي برامج محاسبة راتبك مش اقل من 4000 بالميت اوي اوي + توفير بدل سكن

انا بالرياض مش الخرج لكن هاقولك على ثوابت في المملكة كلها وانت تختار

2800 ريال هتصرف منهم اتصالات واكل وشرب وانتقالات

الاكل من 500 الى 1000 حسب عاداتك -الكلام ده للعازب

يابختك هههههه انا نفسي اصرف المبالغ دي

انا اقل شهر بعدي ال1500 مستريح من تليفونات واكل وشرب بس