تأجيل مناقشة قرض من البنك الدولي على خلفية دينيه

[عادل أبوزيد]

تم تأجيل المناقشة حول اتفاقية قرض من البنك الدولي بمبلغ 300 مليون دولار لم يل البنية الاساسية للصرف الصحي و كان التأجيل على اساس احتمال وجود شبهه في هذا القرض

ما سبق كان إستهلالا لابد منه

نذكر هنا ان قروض البنك الدولي و صندوق النقد الدولي هى اقرب ما تكون الى منح مجانية لمساعدة الدول فى العبور على مشاكلها المالية و ان الدول كلها تساهم فى رأسمال كل من البنك الدولة و صندوق النقد الدولة و الفوائد على تلك القروض رمزية

لا استطيع ان اقول لأعضاء مجلس الشعب الذين قرروا تأجيل المناقشة الا المثل الشعبي. زعرتي والله انتي مش غرمانة

رابط الموضوع. http://www3.youm7.com/News.asp?NewsID=677499&SecID=65&IssueID=168

[Alshiekh]

بدلا من الاقتراض من البنك الدولي والتعامل مع المجتمع الدولي،

وبما أن القرض سيكون للصرف الصحي، وحتي يكون الصرف الصحي إسلامي،

أقترح على الحكومة أن تتقدم بطلب القرض إلي فضيلة المرشد العام لتنظيم الإخوان المسلمين

واعتقد وقتها يمكن للتنظيم إقراض الحكومة لأي مبالغ مالية كقروض إسلامية ويبقي زيتنا في دقيقنا ولا الحوجة لقروض الخارج، ولا الحوجة لان تجوع الحرة ولا ان تأكل بثديها.

[أبو محمد]

واضح إن صفوت لسانه فالت حبتين .. كده بقى فهمنا خطبته فى الاسماعيلية لتأييد مرسى إيه خلفياتها :"يقولون تكويش .. أى تكويش ؟! .. نعم .. نريد البرلمان إسلاميا .. نريد الحكومة إسلامية .. نريد الرئاسة إسلامية نريد هيئة الصرف الصحى إسلامية" .. الكلام ده يخلينى أشك إن الجماعة عاوزة تدبر قروض مشروعات الصرف الصحى بمعرفتها .. هل تعلمون أن أكبر مشاريع حكومية هى مشاريع الصرف الصحى ؟

على العموم صفوت بيقول اللى مطلوب منه مع إنه لا إخوانى ولا سلفى (تنظيميا يعنى) .. الرايجة تكسب

مصر عضو مؤسس فى البنك الدولى .. وتساهم فى رأس ماله .. وعندما تقترض من البنك تكون الفائدة ضئيلة مع مدة تسهيلات طويلة الأجل (ومنها فترات السماح)

الجماعة تستخدم القروض لإثارة المشاكل مع الحكومة .. وبعدين يقولوا الحكومة مش بتنفذ حاجة .. واحنا ما نقدرش ننفذ لأننا مش سلطة تنفيذية .. لا ملعوبة

يبقى نوقف المشاريع ونتفرغ لمشاريع قوانين أم أيمن (إلغاء عقوبات التحرش ، وإلغاء الخلع ، و ....) ومشاريع مقاطعة المسدس اللعبة .. ثم مشاريع قوانين حزب النور ومنه مشروع إلغاء تجريم ختان الإناث .. وجعله اختياريا ...... إختياريا لمين بقى ؟ ! .. "للفتاة" اللى عندها بالكتير 12 سنة .. أضحك ولا اقول زغرتى ياللى مانتش غرمانة ؟ :110:

[Alshiekh]

أضحك ولا اقول زغرتى ياللى مانتش غرمانة ؟ :110:

الأحسن أنك تضحك لأن شر البلية مايضحك،

واللي بيحصل ده بلوة مسيحة

[ابو محمود]

وهل يضركم أن نأكل وياكل شعب مصر من حلال

لو سمحنا بان نغسل اوساخنا بقرض ربوى لسوف نرضى بان نأكل ونملأ بطوننا بطعام مصدره ربوى ايضآ .. معركتم مع الاسلاميين ستخسروها حتمآ لانهم يريدون ان يرشدون الناس الىالحلال .. وبطرس غالى كان يديرها من أجل السرقه والربا اما هم فيعلمون أن الربا سياتى لهم بحرب من الله فيحاولون التدبر والمحاوله الى ابعاده عنا فهل اغضبكم هذا يا معشر الناس

المحاوله لحل مشاكلنا بدون قروض تلتهم انتاجنا ومكاسبنا لهو حافز لنتعرف على الحلول لا أن نوجد المشاكل والتعجيز

حث الناس على ان تفعل دينها لهو خيرآ من ان نتركهم يرابون وياكلون السحت

[أبو محمد]

أضحك ولا اقول زغرتى ياللى مانتش غرمانة ؟ :110:

الأحسن أنك تضحك لأن شر البلية مايضحك،

واللي بيحصل ده بلوة مسيحة

أنا كنت فاكر خيرت الشاطر تاجر وبس .. أتاريه تاجر وترزى

دانا يا أستاذ محمد ماتكلمتش عن مشروع تعديل قانون الانتخابات علشان يشيلوا "سقف الانفاق" .. ويلغوا الصمت الانتخابى اللى قبل الانتخابات بيومين .. طبعا مفيش تفصيل

وقانون عمر اللى ظاهره انتصار للثورة وباطنه إزاحة لعمر سليمان اللى كان عامل لكل واحد فيهم ملف ولا ملفات مرتضى منصور .. وبالمرة شفيق وشيخ الازهر (اللى همشوه ولا سألوا فيه فى تعديل قانون الازهر)

دايا باشا طلع ترزى عربى وافرنجى ومقصدار بيقص للى جوه واللى بره

ماهى قروض البنك الدولى وصندوق النقد 3.2 مليار دولار و 2.3 مليار دولار اللى اترفضوا كانوا علشان الحكومة تقدر تطلع مناخيرها فوق سطح المية وتتنفس .. والتلميت مليون الأخرانيين كانوا لمشاريع الصرف الصحى .. احنا مالنا .. إحنا ندور الأول على الصناديق الخاصة اللى مش عارفين هى فين بدل ما نستلف .. يعنى تبقى العيلة مزنوقة وبتاكل فى آخر زادها وواحد واقف متصدر للراجل صاحب العيال ويقول له .. لأ .. سلف لأ .. خلينا الأول ندور على الكنز اللى مدفون وتايه مننا والخريطة أكلتها الفرخة ، وبلاش يابابا تستلف ومش مهم نموت .. طب يابنى مش نستلف نوكل العيال وندور على الكنز واحنا بناكل .. لا يابابا .. ده الكنز ده حيغنينا عن السلف .. لغاية ما العيال يقوموا على ابوهم ياكلوه .. ملعوبة برضه ..

الظاهر ما عجبتكش أيقونة الزغروتة اللى فوق .. جرب دى

[ابو محمود]

طيب وليه نتعب نفسنا يا سياده الزميل ما نعمل زى الباشا ابن الباشا الحرامى بطرس غالى ونكملها ديون لحد مانغرق وبكده نبقى موتنا الثوره ومصر معاها

صحيح احنا شعب بيحب اللي بيعامله بالكرباج لكن لما ناس تيجى عايزانا نأكل بدون ربا نعمل فيها حوكشه ونشتم فى ابوهم

[Alshiekh]

وهل يضركم أن نأكل وياكل شعب مصر من حلال

لو سمحنا بان نغسل اوساخنا بقرض ربوى لسوف نرضى بان نأكل ونملأ بطوننا بطعام مصدره ربوى ايضآ .. معركتم مع الاسلاميين ستخسروها حتمآ لانهم يريدون ان يرشدون الناس الىالحلال .. وبطرس غالى كان يديرها من أجل السرقه والربا اما هم فيعلمون أن الربا سياتى لهم بحرب من الله فيحاولون التدبر والمحاوله الى ابعاده عنا فهل اغضبكم هذا يا معشر الناس

المحاوله لحل مشاكلنا بدون قروض تلتهم انتاجنا ومكاسبنا لهو حافز لنتعرف على الحلول لا أن نوجد المشاكل والتعجيز

حث الناس على ان تفعل دينها لهو خيرآ من ان نتركهم يرابون وياكلون السحت

الظاهر مبدهاش

لازم ارد عليك مباشرة ومش حاستخدم اسلوبك

شوف ياسيد

لو كنت بتعتبر ان القروض من البنك الدولي هي قروض ربوية وحرام،

فأحب أبشرك والذين يعرقلون ذلك القرض بأن لحوم أكتافكم نبتت من حرام،

استى شوية ماتزعلش وتاخد على خاطرك، خليني أشرحها لك

القروض اللى حضرتك اعتبرتها حرام واللي اعتبرها الناس اللى بتؤيدهم في المجلس او بره المجلس ، القروض دي مصر بدأت في اقتراضها ربما قبل أن تولد يعني كان أول حاجة فتحت عينيك عليها هي القروض الاجنبية حيث بلغت القروض في الخطة الأولى سنة 60/61 1.6 مليار دولار ومعظمها كان من الاتحاد السوفيتي بالإضافة لـ 300 مليون دولار من أمريكا تحت بند مشروع الغذاء للسلام، يعني جزء من الاكل والشرب والصرف الصحي والماء وربما الهواء الذي تتنفسونه إنما حصلتم عليه عن طريق قروض اجنبية وحلية وقد تطورت القروض بعد ذلك فأصبح هناك قروض سنوية وتقول الإحصائيات أن ديون مصر الخارجية تطورت كالآتي:

عام 1970 كانت ديون مصر قد وصلت إلى 1.3 مليار دولار أو ما يمثل 18% من إجمالي الناتج المحلي،

قفزت هذه الديون إلى 13 مليار دولار عام 1977 بنسبة 95% من الناتج المحلي،

ثم وصلت إلى 20.4 مليار دولار عام 1980 بنسبة 128% من إجمالي الناتج المحلي،

ثم إلى 42.2 مليار دولار في 1985، أي ما يعادل 159% من إجمالي الناتج المحلي

وحاليا 37 مليار دولار

هذا بالإضافة للدين الداخلي والذي يقترب من التريليون جنيه.

بالإضافة للمساعادت التي تتسلمها مصر والتي يأتي بعضها من أمريكا العلمانية الربوية والتي تبلغ أكثر من 10 مليار جنيه،

ودلوقتي جاي انت واخوانك بتوع المجلس بتتكلموا عن الصرف الصحي الاسلامي الحلال والقروض الربوية؟

ْ

ماشــــــــــــــــــــي

[ابو محمود]

مع ان كلامى موجه للجميع وليس لحضرتك ولا شخصنه ولا يعتبر رمادى لا،ه بيناقش فكره عامه وللجميع

عزيزى محمد بك .. عداءك للأخوان لا يهمنى مواقفك الشخصيه مع أي اسلامى ايضآ انت حر فيها

كل ما يهمنى ان نكون منطقيين حين نضع اتهام ومن أفورش الحكايات او الحدث خلينا نطرحه بطريقه مافيهاش خروج عن اللباقه

عزيزى .. احنا سعات بنختلف مش مهم لكن هل حضرتك بقى ممكن تقولى مصر ادينت من أمتى ؟؟ من ساعه حكم العسكر وأتباعهم !!

اذآ لما ييجى ناس وعايزه تعدل المايل ومجرد انها تفكر فى طريقه تخرجنا من الاستدانه بالربا يبقى نحترمهم ولا نهاجمهم ولنفترض انهم هيفشلو اليس من الافضل ان نعطيهم فرصه وشرف المحاوله ..

صدقنى وبكل صدق ..

اعلم أن هناك من هم دون المستوى فى التعاطى مع مشاكل مصر التى اغرقنا فيها العسكر واتباعهم

لكن هل خرجت علينا قوى أخرى بحلول تخرجنا مما نحن غارقون به من فساد وانحلال اخلاقى (فساد زمم )

عزيزى .. تغيير المسار يحتاج الى استجماع كل القوه بالنفس والبدن لتنفيذ المهمه وأعتقد ان لو اتى الينا من يحكمنا بفكر الماضى مره أخرى

فتأكد اننا سنلجآ الى الهروب من مصر فلم يبقى لنا من الذاد الا القليل وما يكفى فقط للخروج من مصر لحفظ كرامتنا

من يحاول ان يعالج ما نحن فيه من فساد وتردى للأوضاع خيرآ ممن يريد ان يرجعنا الى ما قبل الثوره

وبعدين ايه حكايه ماشى دى .. انت مخبى ايه .. قول الصراحه هههههههههههههههه

[سكر]

اذا كان الرفض من باب وجود حلول بديله يبقى اهلا وسهلا

واذا كان من وجه نظر ان الربا حرام يبقى نراجع بقى ميزانيهه الدوله الاول ونشوف فلوسنا بتتصرف إلى مين اصلا وبعدين نقول حلال وحرام

[MZohairy]

مع ان كلامى موجه للجميع وليس لحضرتك ولا شخصنه ولا يعتبر رمادى لا،ه بيناقش فكره عامه وللجميع

عزيزى محمد بك .. عداءك للأخوان لا يهمنى مواقفك الشخصيه مع أي اسلامى ايضآ انت حر فيها

كل ما يهمنى ان نكون منطقيين حين نضع اتهام ومن أفورش الحكايات او الحدث خلينا نطرحه بطريقه مافيهاش خروج عن اللباقه

عزيزى .. احنا سعات بنختلف مش مهم لكن هل حضرتك بقى ممكن تقولى مصر ادينت من أمتى ؟؟ من ساعه حكم العسكر وأتباعهم !!

اذآ لما ييجى ناس وعايزه تعدل المايل ومجرد انها تفكر فى طريقه تخرجنا من الاستدانه بالربا يبقى نحترمهم ولا نهاجمهم ولنفترض انهم هيفشلو اليس من الافضل ان نعطيهم فرصه وشرف المحاوله ..

صدقنى وبكل صدق ..

اعلم أن هناك من هم دون المستوى فى التعاطى مع مشاكل مصر التى اغرقنا فيها العسكر واتباعهم

لكن هل خرجت علينا قوى أخرى بحلول تخرجنا مما نحن غارقون به من فساد وانحلال اخلاقى (فساد زمم )

عزيزى .. تغيير المسار يحتاج الى استجماع كل القوه بالنفس والبدن لتنفيذ المهمه وأعتقد ان لو اتى الينا من يحكمنا بفكر الماضى مره أخرى

فتأكد اننا سنلجآ الى الهروب من مصر فلم يبقى لنا من الذاد الا القليل وما يكفى فقط للخروج من مصر لحفظ كرامتنا

من يحاول ان يعالج ما نحن فيه من فساد وتردى للأوضاع خيرآ ممن يريد ان يرجعنا الى ما قبل الثوره

وبعدين ايه حكايه ماشى دى .. انت مخبى ايه .. قول الصراحه هههههههههههههههه

حرمانية القروض يا ابو محمود مسأله جداليه اختلف فيها العلماء

هتقولي اكثرية العلماء (او الاجماع زي ما بتسموها) شايفين انها حرام

ارد على حضرتك بأن مسألة الإجماع بالنسبه لناس كتير غير مهمه طالما كانت اراء علماء الأقليه بالنسبة لهم اراء قيمه و منطقية (و بعيدة عن الهوى)

ده غير ان مفتي الجمهورية المصرية افتى بعدم حرمانية الاقتراض و الاقراض

حابب حضرتك تطبق الرأي الآخر انت حر لكن البلد ليها مرجعيات اخرى

تحياتي

[aly almasry]

احب ان اذكر الجميع ان حزب الحرية والعدالة وافق على القروض قبل ذلك من البنك الدولى فلا داعى للمزايدات ربما رفض الموضوع من جوانب اخرى ومن حق البرلمان ان يقبل او يرفض اذا رأى ان هناك ضرورة للرفض او اضرار بمصالح الوطن ربما يكون النواب فى حزب النور لهم حساسية شديدة من مسألة القروض وعندما تحتدم النقاشات والحوارات داخل مجلس الشعب ويجد رئيس المجلس ان هناك اثارة لجانب معين فمن الحكمة تأجيل المناقشات تكون هناك مساحة من الحوارات داخل كل حزب او احزاب وصولا الى صيغة مقبولة

ومن شاهد الجلسات يجد ان اغلب اعضاء الاخوان داخل الجلسة كانوا مع اقرار الاتفاقية لكن هناك من اعترض عليها من جوانب غير فقهية فى الاساس

ارجو عدم التسرع فى الاحكام وتحميل كل خطايا الدنيا على الاخوان لهوى فى نفوس بعض الناس

[se_ Elsyed]

دي فزلكة .. وأضاعة وقت ومجهود الوطن كله لكي نصحو على مصيبة بكره وهي إن البلد ضاعت

فمن ضمن مناقشات مجلس الشورى أمس .. ما هم فاضيين وما ورهمش حاجه .. إن بعض الاعضاء بيطالبوا بمنع عرض مسرحية المشاغبين اللي أفسدت الطلبة .. وبيطالبوا الإعلام بعدم الإساءة إلى صورة المُعلم في الأعمال الدرامية ..

مأساة ما بعدها مأساة .. وكأن الدراما الغربية بتطلع المُعلم دايماً رجل تقوى ودين ودنيا وعشان كده التعليم عندهم عال العال ومكتسحين العالم بعلمهم وعملهم ...

وكأن مدرسة المشاغبين هي السبب في إن الطالب بيتخرج من ثانوي ما بيعرفش يكتب إسمه .. أو إن المدرس بيضطر يشتغل على توك توك أو تاكسي بعد الضهر عشان مرتبه ما يكفيهوش عيش حاف - للأسف شوف ده بعيني في اواخر الثمانينات لبعض أساتذتي - .. وكأن المسرحية هي السبب في مأسأة الدروس الخصوصية ..

أيها السادة .. الموضوع مش كلام وسفسطة وخلاص .... لو رفضوا القرض .. فهذا حقهم ... لكن هي عاملة زي موضوع تطبيق حد قطع اليد عند السرقة ... فإذا لم تكن كمسئول وولي امر لم تدبر بديلاً محترماً للسارق قبل أن تقطع يده.... يبقى أنت اللي لازم إيدك تتقطع ؟

وبالتالي لو في نفس اللحظة لو الاعضاء البرلمانيين الأفاضل لم يدبروا بديلاً محترماً حلالاً من وجهة نظرهم وكان كلامهم بس يا أيها الذين امنوا لا تقربوا الصلاة ... يبقى من حقنا نقطع رقبتهم ....

المعادلة بسيطة جداً

وبالمناسبة عشان ما نضحكش على بعض .. هي أضحوكة وكذبة زي كذبة البنوك الإسلامية اللي بتاخد فلوس الناس وتثبتهم وتنيمهم في البطاطس ... وفي نفس الوقت بتتعامل في القروض بمختلف أنواعها .. وبتتعامل مع البنك المركزي اللي هو بنك البنوك .. والاغرب من ذلك بتتعامل مع البنوك الخارجية بمختلف جنسياتها ....

[abaomar]

السلام عليكم

الاخوه الكرام جزاكم الله كل خير

اخى محمد اوف يو إس إيييييييييه ما تعملش فى نفسك كده . :) ..إنت لسه شوفت حاجه

أولا إليك الخبر بطريقه اخرى عن طريقه الكذابين بتوع اليوم السابع

http://www.akhbarak.net/news/2012/05/13/877873/articles/8122406/%C2%AB%D9%88%D9%83%D9%8A%D9%84_%D8%A7%D9%84%D8%B4%D8%B9%D8%A8%C2%BB_%D9%8A%D8%B1%D9%81%D8%B9_%D8%AC%D9%84%D8%B3%D8%A9_%D9%85%D9%86%D8%A7%D9%82%D8%B4%D8%A9_%D9%82%D8%B1%D8%B6_%D8%A7%D9%84%D8%A8%D9%86%D9%83_%D8%A7%D9%84%D8%AF%D9%88%D9%84%D9%8A_%D8%A8%D8%B3%D8%A8%D8%A8_

رفع النائب محمد عبد العليم داوود، وكيل مجلس الشعب،الاحد، الجلسه المسائيه التي تراسها نيابه عن الدكتور سعد الكتاتني رئيس مجلس الشعب، بعد ان بدا النواب مناقشه اتفاق قرض من البنك الدولي لتمويل مشروع البنيه الاساسيه للصرف الصحي بسبب ما اثاره بعض النواب باعتبار هذا القرض يدخل في الحرام «كونه من الربا».

واعتبر بعض النواب ان مشكله الصرف الصحي تكون هامشيه بالمقارنه بـ«مسئوليه دخول جهنم، من جراء الاخذ بالربا» مشيرين الي ان مصر بها موارد كثيره ويمكن تدبير الاموال اللازمه لمشكلات الصرف الصحي، ومؤكدين ان «اليد التي تعطي هي دائما الاعلي» وان هذا القرض مرفوض جمله وتفصيلا لانه يدخل في دائره التحريم ولانه «تسول، ولسنا في امس الحاجه اليه».

وطالب مقرر لجنه الاسكان والمرافق العامه، بتاجيل المناقشه حتي لا يدخل المجلس في مخالفه، واستجاب رئيس الجلسه النائب محمد داوود وقرر رفع الجلسه الي الثانيه عشره والنصف من بعد ظهر غد لاستكمال المناقشه.

لم تكن الجلسه ندوه دينيه او درس فى مسجد و انما تم طرح الامر من جوانب عديده كان على رأسها هو الخلفيه

الشرعيه للأمر ..القرض الربوى .. و الذى يحكمنا فيه الدستور المصرى الذى يقول بشكل واضح و صريح ان الشريعه

الاسلاميه ...الهسهس .. هى المصدر الرئيسى للتشريع إذن الأمر لم يتجاوز الدستور المصرى ..فلماذا هذا التهوك

نحن مسلمون و لله الحمد و ستظل مصر كذلك رغم انوف الجميع و أشكرك يا محمد على الإحصائيه التى تفضلت بوضعها

عن حال مصر مع الديون و التى تمت فى ظل الانظمه المتعاقبه منذ إشتراكيه الملهم مرورا برأسماليه المؤمن وصولا

الى ليبراليه و علمانيه صاحب اول ضربه جويه و التى اوصلتنا الى القاع رغما عن انوفنا جميعا

و حان الوقت يا محمد لننفض عنا تلك الاوساخ التى علقت بنا رغما عنا و اول الغيث قطره و الامر ليس مستحيلا

و لو انك تابعت الجلسه و لم تكتفى بمطالعه الصور و بعض الكلمات فى جرائد مشبوهه مشمومه كاليوم السابع

مشهوره بكذبها و تدليسها لرأيت الامر من جوانب اخرى تثبت ان هناك من يحبون البلد فعلا

فهم لم يرفضوا القرض بسبب موضوع الربا المحسوم يا محمد و لا مجال لمناقشته و يكفيك هذه الأيه

يَا أَيُّهَا الَّذِينَ آمَنُواْ اتَّقُواْ اللَّهَ وَذَرُواْ مَا بَقِيَ مِنَ الرِّبَا إِن كُنتُم مُّؤْمِنِين 278

فَإِن لَّمْ تَفْعَلُواْ فَأْذَنُواْ بِحَرْبٍ مِّنَ اللَّهِ وَرَسُولِهِ وَإِن تُبْتُمْ فَلَكُمْ رُؤُوسُ أَمْوَالِكُمْ لاَ تَظْلِمُونَ وَلاَ تُظْلَمُون 288البقرهَ

يا نهار ابيض ..حرب من الله و رسوله .. إذا كنا ما قدرناش على حرب الناموس و الجراد هنتحمل حرب من الله

المهم

تكلم الكثير من النواب و منهم من فند الامر بشكل اقتصادى و قال ان حسن إداره الموارد يمكنه حل المشكله دون

الوقوع فى براثن الديون التى معلوم تماما ان من يدفعها لا يدفعها من اجل سواد عيوننا

بل إن من النواب مثل المحترم جمال حشمت الذى عرض مشروع اخر قليل التكلفه جدا و تم البدايه فيه فى قريه واحده

لقله الامكانيات و هو عباره عن وحده تدوير للمخلفات لا تتجاوز 600 الف جنيه للقريه الواحده

و هكذا للامر جوانب اخرى

الأمر يتعلق بحسن إداره الموارد يا ساده فالاموال موجوده و اسألوا عن الصناديق الخاصه و كم المليارات فيها

بل إسألوا عن 30 % من إقتصاد مصر موجود فى يد العسكر لا يعلم عنه احد اى شئ و الدليل ..المليار .. التى منحها

طنطاوى منذ عده اشهر للحكومه من جيب اهله

الكرام الاحباب

لا تجعلوا ليبراليتكم او علمانيتكم تحجب الحقيقه عنكم و تمنع الخير عن مصر فوالله الذى لا إله إلا هو لن ينصلح الحال

إلا بالعوده للاسلام و تذكروا أن خالق هذا الكون هو الله عز و جل الذى طلب منا بل فرض علينا ذلك

و لقد رأينا بأم اعيننا ماذا أل اليه المنهج الليبرالى و العلمانى حتى فى لدول التى طبقته ..الفشل الذريع التام

و ما الأزمه الاقتصاديه التى حدثت منذ اعوام ببعيده فضلا عن الانهيار الاخلاقى و غيره منا ببعيد

الحمد لله على نعمه الاسلام و كفى بها نعمه

تم تعديل 14 مايو 2012 بواسطة abaomar

[se_ Elsyed]

دي فزلكة .. وأضاعة وقت ومجهود الوطن كله لكي نصحو على مصيبة بكره وهي إن البلد ضاعت

فمن ضمن مناقشات مجلس الشورى أمس .. ما هم فاضيين وما ورهمش حاجه .. إن بعض الاعضاء بيطالبوا بمنع عرض مسرحية المشاغبين اللي أفسدت الطلبة .. وبيطالبوا الإعلام بعدم الإساءة إلى صورة المُعلم في الأعمال الدرامية ..

مأساة ما بعدها مأساة .. وكأن الدراما الغربية بتطلع المُعلم دايماً رجل تقوى ودين ودنيا وعشان كده التعليم عندهم عال العال ومكتسحين العالم بعلمهم وعملهم ...

وكأن مدرسة المشاغبين هي السبب في إن الطالب بيتخرج من ثانوي ما بيعرفش يكتب إسمه .. أو إن المدرس بيضطر يشتغل على توك توك أو تاكسي بعد الضهر عشان مرتبه ما يكفيهوش عيش حاف - للأسف شوف ده بعيني في اواخر الثمانينات لبعض أساتذتي - .. وكأن المسرحية هي السبب في مأسأة الدروس الخصوصية ..

أيها السادة .. الموضوع مش كلام وسفسطة وخلاص .... لو رفضوا القرض .. فهذا حقهم ... لكن هي عاملة زي موضوع تطبيق حد قطع اليد عند السرقة ... فإذا لم تكن كمسئول وولي امر لم تدبر بديلاً محترماً للسارق قبل أن تقطع يده.... يبقى أنت اللي لازم إيدك تتقطع ؟

وبالتالي لو في نفس اللحظة لو الاعضاء البرلمانيين الأفاضل لم يدبروا بديلاً محترماً حلالاً من وجهة نظرهم وكان كلامهم بس يا أيها الذين امنوا لا تقربوا الصلاة ... يبقى من حقنا نقطع رقبتهم ....

المعادلة بسيطة جداً

وبالمناسبة عشان ما نضحكش على بعض .. هي أضحوكة وكذبة زي كذبة البنوك الإسلامية اللي بتاخد فلوس الناس وتثبتهم وتنيمهم في البطاطس ... وفي نفس الوقت بتتعامل في القروض بمختلف أنواعها .. وبتتعامل مع البنك المركزي اللي هو بنك البنوك .. والاغرب من ذلك بتتعامل مع البنوك الخارجية بمختلف جنسياتها ....

السلام عليكم

لك اراء وخبرة جيدة متابعها من زمان لكن من بعد الثورة امممممممممممم ......يعنى,,,,اممممممممم

المهم ايه الحلول المثلى من خبرتك

لحل مشكلة توكتوك الاستاذ والدروس الخصوصية..........

والنقد جيد بس من دون سخرية

ياريت الناس تضيع بلاش دى تستغل وقتها فى نشر حلول

زى مقال علاء ولى الدين

كله نقد نقد مفيش حلول n2&(

اللهم احمى مصر

يا عزيزي إن كان على الأفكار فممكن نقول أفكار للصبح ... والحمد لله بنقول من قبل ومن بعد الثورة ولم نتلون ...

لكن عفواً هو أنا اللي رفضت القرض ؟ أو أنا اللي بأشرع

حتى الان الكلام عايم وما ينفع بتعريفه ...

موضوع حُسن إستخدام الموارد عامل زي واحد موظف ييجي عشان يقبض اخر الشهر ... نقوم نقول له أستنى لما نُحسن إستخدام الموارد

[Alshiekh]

السلام عليكم

استاذ تاريخ واقتصاد كمان

ياحلااااااااااوة ياولاه العلام حلو برضه

اللهم احفظ مصر من اهلها

وعليكم السلام ورحمة الله وبركاته

ردك غير مقبول، وياريت تبقى ترد بشكل أفضل من كده

[أبو محمد]

طيب وليه نتعب نفسنا يا سياده الزميل ما نعمل زى الباشا ابن الباشا الحرامى بطرس غالى ونكملها ديون لحد مانغرق وبكده نبقى موتنا الثوره ومصر معاها

صحيح احنا شعب بيحب اللي بيعامله بالكرباج لكن لما ناس تيجى عايزانا نأكل بدون ربا نعمل فيها حوكشه ونشتم فى ابوهم

يعنى بابو محمود يا "هـُرْ هـُرْ" يا "تـُرْ تـُرْ" ؟ ولا يعنى علشان احنا بنتكلم على الصرف الصحى ؟ :)

يابو محمود سيبك من حجج الحرام والحلال اللى بيفتح باب الجدل إذا كان القرض ده ربا أم لا .. وما حكم القرض من هيئة يكون المسلم مساهما فيها ؟ .. وما نخلصش بقى لغاية كتائب السمع والطاعة ما تنشر إن الحكومة مش بتحل والمجلس ياعينى مش جهة تنفيذ

وبعدين ندور على الصناديق الخاصة اللى مش مدرجة فى الميزانية وبعد ما نحصرها نبدأ نناقش : طب وعشرات بل مئات الآلاف من الموظفين المستفيدين من الصناديق دى نعمل معاهم إيه ؟ .. طب وتحسين الخدمة اللى بتاخد من الصناديق دى حنصرف عليها منين ؟ .. حيسبوا كل ده ويركزوا على الحيتان الكبيرة اللى كانت بتاخد على قلبها قد كده من الصناديق .. ويضيع الموظفين ، ويضيع تحسين الخدمات ، ويتسد الصرف الصحى ، ويحصل عجز فى كل السلع الضرورية .. وهم مستمرين فى تشغيل الاسطوانة المشروخة دى لغاية مالناس لمؤاخذة ما تلاقيش صرف صحى تفك نفسها فيه ..

ده بدل ما يتسأل سؤال بسيط أو يتحط شرط بسيط : مش حنوافق على القرض إلا لما تقولولنا حيتسدد ازاى .. إيه هى الموارد اللى حتنموها علشان تسديد القرض ، وحنساعدكم ونقدم المقترحات الآتية لزيادة الموارد كذا كذا كذا .. إنما شغل اللا مؤاخذة التلاميذ ولوى الدراع ده إن شاء الله لن يستفيد منه أحد إلا الجماعة بما تخطط له من اختلاق تلك الأزمات ..

وطبعا اللى بتخطط له ده حاجة لا يمكن تعرفها .. لأن الجماعة لسه واخدة - حتى بعد أن أصبحت غير محظورة - على شغل الغرف الضلمة والشغل تحت الأرض

حاول تغير الاسطوانة بتاعة أعداء الاسلاميين ، والحاقدين على الاسلام ، وتقسيمنا إلى فريق الصحابة وفريق كفار قريش .. غير يابو محمود الله لا يسيئك .. حتى علشان ما يفلتش منى حاجة مفيدة تكون حاططها فى وسط درس الدين بتاع تالتةابتدائى ده

[الدكتور ياسر]

البرادعي يعلق على موضوع القرض ..

وبعض تعليقات الزوار على ما كتبه في تويتر ..