ما رأيكم بشركة محمد العلى السويلم للتجارة و المقاولات MASCO

[mostafaramadan]

السلام عليكم و رحمة الله و بركاته،

هذه أول مشاركة لى بالمنتدى. أنا مهندس ميكانيكا متخصص فى اللحام، أعمل بشركة المقاولون العرب بإدارة الكبارى و الأنشاءات التخصصية، منذ يناير 2010، و راتبى يتراوح من 3200 إلى 3500. خريج الجامعة الألمانية GUC و حاصل غلى ديبلومة مهندس لحام دولى، International Welding Engineer - IWE، من مركز بحوث و تطوير الفلزات بالتبين بالتعاون مع المعد الدولى للحام بالنمسا.

أريد أن أعرف رأى حضراتكم بشركة محمد العلى السويلم للتجارة و المقاولات MASCO بالمملكة العربية السعودية. هذه الشركة طلبت مجموعة كبيرة من مهندسى الميكانيكا لمحطات خلط الخرسانة الخاصة بها.

عندما تقدمت للمقابلة قال لى الطرف الثانى أنه يعتبرنى أول تعيين لى. وجاء فى العقد ما يلى، الراتب الأساسى سيكون 5000 ريال سعودى + 3 شهور بدل سكن + 10% بدل مواصلات + تأمين صحى + أجازة شهر + تذاكر سفر لى و الزوجة و طفلين (أنا أعزب).

برجاء من الإخوة إفادتى:

- ما هى سمعة الشركة و مستقبل العمل بها؟

- الراتب؟؟ أنا شايفه قليل خاصة بالمقارنة مع راتبى هنا و أنه عشان آخد أجازة من المقاولين هدفع تأمينات و بدل خبرة حوالى 600 جنيه فى بعض الأقوال أو 900 أو 1500 جنيه فى أقوال أخرى.. فلو كدة تبقى زى قلتها!!

- السكن؟ هل 15000 ريال كافية للحصول على سكن خاص وحدى؟؟ أما سأضطر لتأجير شقة مع زملاءآخرين؟

- لو أردت التفاوض معهم على الراتب؟؟ ما هو الراتب المقترح؟؟

- أى نصيحة أخرى.

أخوكم مصطفى يحيى،

mostafa1407@gmail.com

00201224953649

تم تعديل 15 مايو 2012 بواسطة mostafaramadan

[حسام الغرباوي]

كدا راتبك بالاضافة الي بدل المواصلات 5500 في الشهر

بدل السكن ياخد سكن خاص اوضتين وصالة مثلا هيكون في حدود 15 الف

مصاريفك هتكون حوالي 1500 الي 2000 في الشهر + لازم تشتري سيارة ( بدون سيارة هتصرف راتبك كلو ههه )

في وجهة نظري لو راتبك في مصر 3500 مصر افضلك ( دا من وجهة نظري مش اكتر لان الفرق ميستهلش انك تتغرب لانك )

[mostafaramadan]

أخى العزيز، جزاكم الله خيرا... شكرا على الرد :)

طيب ماذا لو وضعنا فى إعتبارنا فرصة الحج؟! و فرصة أنها تكون سنة إختبار لصغر سنى و قلة خبرتى على وعد بإعادة تقييم الراتب مع تجديد العقد كما قيل لى فى المقابلة؟؟

لو فيه بنود فى العقد محتاج أناقشها مثلا؟؟ فى أيه هى من وجهة نظرك الكريمة؟؟ مبلغ بدل إنتقال أكبر؟؟ أو سيارة مثلا؟؟ أيه رأيك؟

[حسام الغرباوي]

أخى العزيز، جزاكم الله خيرا... شكرا على الرد :)

طيب ماذا لو وضعنا فى إعتبارنا فرصة الحج؟! و فرصة أنها تكون سنة إختبار لصغر سنى و قلة خبرتى على وعد بإعادة تقييم الراتب مع تجديد العقد كما قيل لى فى المقابلة؟؟

لو فيه بنود فى العقد محتاج أناقشها مثلا؟؟ فى أيه هى من وجهة نظرك الكريمة؟؟ مبلغ بدل إنتقال أكبر؟؟ أو سيارة مثلا؟؟ أيه رأيك؟

لو هينفع تاخد اجازة من شغلك في مصر ومش هيروح منك ...يبقي ممتاز ممكن تيجي تجرب

اهم حاجة ف يالعقد ان اي حاجة تتفق عليها تتكتب صراحة في العقد

يعني الراتب الاساسي كذا

بدل انتقال كذا

بدل سكن كذا

اجازة سنوية كذا

تذاكر طيران مجانية

....الخ

لكن اهم نقطة زيادة الراتب لو قالك كدا ...يعني لو قالك ان شاء الله وربنا يسهل ...قله اوك بس نكتب ان زيادة الراتب مثلا بعد 3 شهور بكون 1000 ريال يعني يبقي اساسي 6000 والبدلات تزيد علي الاساسي

بس اهم شيء تتاكد انك تعرف تاخد اجازة في شغلك وترجع في اي وقت علشان مش يضيع منك

[AbuZeyad]

اخي الكريم

شركة محمد العلي السويلم شركة لها مشروعات كتير انا بشوف مشروعاتها على الطريق ويمكن من أهمها خط السكة الحديد ويمكن تكون انت طالع على المشروع دا

بس لو تزودنا بشوية معلومات اكتر يعنى حضرتك كام سنة خبرة ؟ وهاتعيش فين في السعودية؟

المعلومات دى تفرق كتير خصوصا ان السكن بيفرق من مدينة للتانية وسنين الخبرة بتاثر كتير على الراتب

تحياتي لك

[Nileman]

هو مش عرض مغري و فظيع بس معقول بالنسبة لخبرتك و مش حتتبهدل يعني حيكفيك تعيش عيشة كريمة و تحوش كمان ممكن تيجي تجرب و تاخد خبرة

المهم يكون معاك نسخة موثقة من العقد

[mostafaramadan]

اخي الكريم

شركة محمد العلي السويلم شركة لها مشروعات كتير انا بشوف مشروعاتها على الطريق ويمكن من أهمها خط السكة الحديد ويمكن تكون انت طالع على المشروع دا

بس لو تزودنا بشوية معلومات اكتر يعنى حضرتك كام سنة خبرة ؟ وهاتعيش فين في السعودية؟

المعلومات دى تفرق كتير خصوصا ان السكن بيفرق من مدينة للتانية وسنين الخبرة بتاثر كتير على الراتب

تحياتي لك

الأخ الكريم/ AbuZeyad، شكرا على الرد... أنا مش عارف رايح على أنهى مشروع!! و لا أنهى مدنة لأن فى المقابلة قال لى فى أى فرع و فى أى مكان و على حسب حاجة المشروعات :) أنا خبرة سنتين و نص.

[AbuZeyad]

أنا مش عارف رايح على أنهى مشروع!! و لا أنهى مدنة لأن فى المقابلة قال لى فى أى فرع و فى أى مكان

كدا بداية الكلام غلط يا هندسة

مفيش حاجة اسمها تطلع من مصر وانت مش عارف رايح فين؟ ابسط قواعد الاحترام في التعامل انك تكون عارف انت طالع رايح فين وايه طبيعة الشغل اللى انت رايح تعلمه وهيناسب مؤهلاتك وخبراتك ولا لأ

كدا انت ممكن تتعب كتير وتترمي في أي موقع في الصحراء بعيد عن اى حاجة في الدنيا ولما تعترض يقولولك احنا اتفاقنا كان كدا من الأول

معلومة زى دى ممكن تفرق كتير في الاتفاق المادي معاهم لان اللى بيعيش في المدينة غير اللى عايش في الصحراء دى لوحدها لها تمن

نصيحة قولهم انك مش طالع غير لما تعرف انت رايح فين وهاتعمل ايه غير كدا بلاش منها الشغلانة دى

تعالى نستعرض اسئلتك من البداية

ما هى سمعة الشركة و مستقبل العمل بها؟

بصراحة مش عارف بس زى ما قلت لك انا بشوف اسم الشركة دى على مشروع خط السكة الحديد واظن دا مؤشر كويس انها شركة كبيرة او متوسطة

الراتب؟؟ أنا شايفه قليل خاصة بالمقارنة مع راتبى هنا

هو فعلا قليل دا راتب حديث التخرج مش واحد خبرة سنتين ونص وتخصص زى تخصصلك اللى اظن ان مفيش ناس كتير زيك

خلينا نحسبها سوا

مصاريف شخصية 2000 ريال

سكن 1500

انتقالات 700

يعني ممكن توفر حوالي 2500 ريال يعني حوالي 4000 جنية في الشهر

انت احكم بقى المبلغ دا يستاهل السفر ولا لأ؟

السكن؟ هل 15000 ريال كافية للحصول على سكن خاص وحدى؟؟

كافية بس مستوى السكن نفسه يختلف من مدينة لتانية. يعني المبلغ دا ممكن يجيبلك غرفة او اتنين في مدينة زى جدة بس في الغالب هاتصرف معظم المبلغ دا على السكن ان مدفعتش زيادة وخصوصا انك هاتفرش كمان

نقطة كمان اظن ان طبيعة شغلك انك هاتكون في المواقع. في الحالة دى الشركة هاتوفرلك سيارة توديك وتجيبك؟ ولا هايقولولك معاك 10% بدل انتقال ومع نفسك؟

500 ريال مواصلات صعب تكفيك يعني اعمل حسابك على حوالي 30 ريال في اليوم تاكسيات على الاقل لو هاتروح وتيجي لوحدك انما لو هاتركب التاكسي مع حد هاتتقسم التكلفه عليكم

طبعا المبلغ دا لا يكفي قسط سيارة

لو أردت التفاوض معهم على الراتب؟؟ ما هو الراتب المقترح؟؟

7500 - 8000 أساسي غير البدلات اللى ذكرتها

البلغ دا بقترحة بناء على الاسعار الحالية في البلد ووضعك الحالى في شركة كبيرة زى المقاولين العرب علشان السفر يجيب همه بالنسبة لك

طيب ماذا لو وضعنا فى إعتبارنا فرصة الحج؟

مش دا السبب اللى يخليك تضحي بشغلك ووضعك الحالي في مصر علشان تيجي على فرصة زى دي "حج البيت لمن استطاع اليه سبيلا"

وبعدين انت ممكن تطلع وبرضة متعرفش تحج عااادي جدا ممكن ظروف الشغل ساعتها ماتسمحش وكانك يا ابو زيد ما غزيت

و فرصة أنها تكون سنة إختبار لصغر سنى و قلة خبرتى على وعد بإعادة تقييم الراتب مع تجديد العقد كما قيل لى فى المقابلة؟؟

انت بتحاول تقنع نفسك بالعرض وتقدم تنازلات ودا مش كويس

يا عزيزي انت داخل المكان دا براتب صغير وبسن صغير يعنى مع تجديد العقد اللى انا مش عارف امتي (في الغالب بعد سنتين) ممكن تزيد 500 ريال ويوقلك دا انت خدت زيادة 10% بحالهم وبلاش طمع يا باشمهندس وتاخد عقد تاني سنتين وهكذا يعنى الزيادة اللى بتمني نفسك بيها مش متوقع انها تكون كبيرة بالعكس بالنسبة لسنك ساعتها هاتكون ولا حاجة

وبعدين طبيعي جدا انه يكون فيه اعادة تقييم للراتب مع تجديد العقد. ولا هما متخيلين انهم هايشغلوك للأبد بنفس الراتب؟؟ اللى بتتكلم فيه دا الطبيعي مش ميزة تتحسب لهم

باختصار اهم حاجة لما تيجي اى مكان انك تدخل كبير علشان تتعامل على انك كبير انما تدخل صغير هاتفضل صغير وتاخد زيادات صغيرة مهما عملت

الخلاصة

انت لو نويت على انك تقبل العرض دا يبقى محتاج انك تتنازل عن معاييرك شوية يعني تعيش في شقة مشتركة وتركب تاكسي مشترك وتعيش عيشة مشتركة علشان تعرف توفر كويس

طبعا لو اتجوزت هايكون من الصعب انك تعيش بالعرض دا

انت لو في مصر بتتطور علمياً في مجالك وبتاخد خبرة وراتبك حالياً مكفيك يبقى خليك في مصر احسن حتى مع كل الظروف الحاليةوممكن في خلال سنتين تلاتة يجيلك عرض احسن من كدا بكتييير لانك ساعتها هاتكون مسافر بعد حوالي خمس سنين خبرة يعني راجل كبير مش صغير

فكر واستخير وربنا يهديك للي فيه الخير