اقول لكم توقعي و يارب يطلع غلط

[eslam elmasre]

رأيي ان الجيش مش هيخلي إسلامي يمسك الحكم أبدا

لا يمكن للجيش ان يسلم الحكم للاخوان ابدا

وسيسلمه لمرسح مقبول من الجميع مثل عمرو موسى

اما شفيق فمكروه لانه من النظام السابق اللي عينه مبارك لقمع المتظاهرين فمش ممكن يوصل للرئاسة

وده افضل الحلول لجميع الاطراف بما فيها الاسلاميين

وبعد ما يمسك عمرو موسى الحكم هايراضي الاخوان بوزارة او زارتين مثل وزارة التضامن او وزارة الصحة وبعد كده سيتم الانقلاب عليهم من خلال اظهار الوجه الحقيقي لهم بوضوح

انت عارف يا زهيري في 54 حصل كده بردو واعطي للاخوان وزارة الاوقاف كان الوزير احمد حسن الباقوري عليه رحمة الله فلما اتعرض على الاخوان كام وزارة قامو قدمو مرشحين ولما تشكلت الوزارة قام جمال عبد الناصر اهملهم واعطاهم وزارة واحدة بس وهي وزارة الاوقاف فرفضو ذلك لكن الباقوري وافق عشان كده رفدوه من الجماعة

مش فاضل غير حاجة واحدة بس ويكتمل السيناريو بنفس تفاصيله

مش ناقص غير حادثة اغتيال والقصة تكتمل بحذافيرها

عرفتوا أن ارائكم وتوقعاتكم دايما غلط....

وطبعا الان التبرير سيكون عن طريق ترديد موضوع الصفقة الخفية مع العسكر..

- اقرأوا الشارع جيدا واقرأو مصر جيدا...بتجرد وحياد ودون مبالغات لكي تجد ارائكم وتوقعاتكم طريقها الى الصواب ، ولكي تجد طريقها الى عقول المصريين

تحياتي

مش انا بس اللي توقعاتي ممكن تكون غلط

انت كمان توقعاتك كانت غلط

حتى بص

هل تعرفوا من هو اكثر مرشح للحصول على الاغلبية الان ؟؟

هل تعرفوا من هو هذا المرشح الذي سيفوز باغلبية الاصوات لو اجريت انتخابات نزيهة ؟؟؟ انا اعرفه ..!!!فهل تعرفونه؟؟؟

انه ........عمرو موسى؟؟؟؟

http://www.egyptiantalks.org/invb/index.php?showtopic=132145&st=0&p=826420&fromsearch=1entry826420

ونفس النصايح اللي كنت بتوجهالي يا ريت توجها لنفسك الاول يعني تعرف تقرأ الشارع وكده

عادي يعني واحنا مش بنضرب الودع لا انا ولا انت وكلها توقعات لغيب وكما تعلم انه لا يعلم الغيب الا الله

كبر دماغك خلينا في الهم اللي احنا فيه دلوقتي ومرسي ومصايبه

[MZohairy]

كنت أظن ان مرسي فاسد و صاحب أجندة إخوانية حقيرة

لكنني اليوم فقط تأكدت و لم اعد أظن

وجهة نظر مصري في من يحكم بلده

و اقسم بالله العظيم اني لا أريد البرادعي أو حمدين أو اي إنسان

يعني أقولها خالصة لوجه الله

ربنا ينتقم من مرسي و إخوانه أشر انتقام

هانت ان شاء الله

[MZohairy]

الفاضل/ زوهيري

اذا اندهشت من نسبة 30 ٪ الي 70% التي ذكرتها انا ، وتقول كيف ذلك ومرسي حصل علي 51٪ في انتخابات الرئاسة

فيمكنني انا ايضا ان اقول لك فسر لي كيف يصوت التيار الاسلامي في استفتاء مارس بنسبة 70٪ تقريبا

ثم يتقلص صوت نفس التيار الي 51% لذلك انا ذكرت لك ان مسألة حصول شفيق علي 49٪ هي امر واضح بالنسبة لي علي الاقل انه تم التلاعب فيه عن طريق اصدلر بطاقات رقم قومي للكثيرين ممن ليس لديهم حق التصويت مما اتاح عدد هائل لاصوات شفيق

- يعني لغز النسب الذي تتكلم عنه كان من المفترض ان اطرحه انا كيف لمن صوتوا بنعم في استفتاء مارس لن يتقلص صوتهم لهذا الحد

مش فاهم ليه مقتنع بنزاهة نتائج الاستفتاء و مش مقتنع بنزاهة نتائج انتخابات الرئاسة؟

رغم ان القائم و المشرف عليهم جهه واحده و هم العسكر!!!!

يعني يا اما الاتنين مزورين يا الاتنين مش مزورين...العقل يقول كده

و رغم ان الناجح في انتخابات الرئاسة واحد منكم ...يعني لو كانوا عايزين يزوروا و ينجحوا شفيق كانوا نجحوه

منطقك غير مقنع و غير مفهوم يابو ريم و حاسس انك بتتلكك علشان مش عارف تبرر انخفاض نسبة مؤيدي الاسلاميين في مصر

- وعلي اي حال الاراء تختلف من فترة لفترة ، ولكن اذا كنت انت وغيرك لن تثق في نتيجة استفتاء الدستور

رغم ثقتكم في اعدادكم وانكم اغلبية وان الرجل الموجود في قصر الاتحادية ديكتاتور فبماذا تفسر خوفكم الشديد من الاستفتاء

و هي دي عايزه سؤال؟ مانا جاوبتك قبل كده

الاخوان من وجهة نظرنا زي مبارك من وجهة نظرك ...و يمكن اسوء و اندل

عايزنا ازاي نثق فيهم؟

- لقد سمعناكم تطالبون بالديموقراطية وباحترام القضاء وهاهو القضاء سيشرف علي الانتخابات

القضاء؟ :) انهي قضاء؟ التابع لمرسي و اخوانه ولا الرافض لديكتاتوريته؟

واذا انسحب من تناصرونهم من القضاة فهذه مشكلتكم الدائمة،، وهي التزويغ لكي تكون حجة بعد ذلك لاتهام الاخرين بالتزوير

بصرف النظر عن انسحابهم من عدمه...الاخوان الغير مسلمين بالنسبالنا زي مبارك بالنسبالك...و اعتقد انك لن تقبل الدخول في استفتاء يديره مبارك ابدا...و هو يتحكم في كل شيئ...

اما اذا كنتم لا تثقون في العسكر انه سيسلم الحكم لانه فاسد ثم تعترف الان انك كنت علي خطأ

فابشرك ان نفس الامر سيحدث من حكم الاسلاميين

مانت طلعت بتتوقع غلط انت كمان اهو...مفيش داعي نعاير بعض :)

...لانك الان ايضا تكرههم وتظن فسادهم. وستجد بعد ذلك انك علي خطأ ايضا

هه؟ ليه هو العسكر طلع مش فاسد؟ :)

وكما تطالبني بالا اضع المعارضين مع البلطجية والفلول في سلة واحدة رغم وضوح ذلك جدا لمعظم الناس بعد ان تم التمحيص وسقطت الاقنعة

ده واضح بس للاخوان و من يناصرهم و ياريت نبطل موضوع معظم ده علشان انا كمان ممكن اقول العكس

حاول تقول عدد كبير و خلاص..و انا ممكن اصدقك ...زي ما في عدد كبير بيكرهكوا و لازم تصدقني

اللي ما بيشوفش من الغربال يبقى اعمى ...سواء انا او انت

عايز تعتبرهم كلهم فلول يبقى بتعمل زي مبارك تماما هو و طباخ الرئيس اللي قاللك التحرير مليان بنات و شبان بيعملوا عمليات جنسيه كامله !!

فانا ايضا اطالبك بالا تكرر خطأ الماضي وتري الكل خاطيء من الاسلاميين والجيش وانكم انتم فقط الذين علي صواب

انا شايف ان الكل مخطئ

و ان الكل لازم يتفاوض

و الكل لازم يقدم تنازلات

الكلام ده قبل اسالة الدماء

معرفش بعد الدم كلامي ممكن يتفهم ولا لأ

- وكلمة اخيرة،،، مرسي يحارب فساد العهد السابق الذي يعمل الان بكل قوة لانهم يعرفون جيدا انهم سبذهبون خلف القضبان لو استسلموا

كلمة اخيره...مرسي يحارب من اجل تأسيس دولة الإخوان ...فهو و جماعته عديمي الوطنية و انتماءهم للجماعه قبل كل شيئ.....انا مش عايز البرادعي ولا حمدين قبل ما تتهمني

وانت تعرف تماما ان الرجل لم يستغل سلطاته لمصلحة شخصية وانه يريد ان ينشأ مؤسسات الدولة التشريعية. والقضائية والتنفيذية

من برلمان وشوري وحكومة وقبل ذلك كله دستور كأي دولة في العالم

اه مظبوط خالص زي اي دوله اخوانيه ديكتاتوريه

ومن يقول ان مرسي فاسد فليأتي لنا بفساده ،،، ومازال هناك عقلاء سيقفون مع الشرعية ومع هذا الرئيس المتواضع الصالح ليساعدوه في بناء واصلاح ما فسد

هو مش حرامي (و مبارك في الاول مكانش حرامي)...غير كده كلامي اعلاه واضح و دماء المصريين التي تسيل الآن في مصر في رقبته هذا العديم الشرف و الوطنية

اما من سيقف مع الفاسدين المعلومين للجميع لمجرد النكاية فقط في الاسلاميين فسيصيبهم الخيبة والحسرة كما حدث في كل المرات السابقة التي لم يعتبروا منها

يا ريس بلاش العنتريه دي...انتو ماسكين الحكم في مصر من خمس شهور و الفشل في كل شيئ في ازدياد و الحاله كل يوم في النازل و المصريين بقوا يقتلوا في بعض

احترم عقولنا شويه و النبي

تحياتي