سؤال زياره عمل

[mohammedyahea]

انا جالي عقد عمل من السعوديه بس الشركه بتقول مفيش تاشيرات دلوقتي فبعتولي العقد ومعاه زياره عمل انا مش عارف يعني ايه زياره عمل الشركه بتقول ان الزياره هتتجدد لحد متطلع التاشيره وبعدين انزل وارجع انا عايز اعرف ايه الفرق بين زياره العمل والتاشيره وهل ممكن اطلع رخصه قياده هناك ولا لا لازم اقامه وهل العقد ده هيتفعل ولا لا واذاي العقد " سنوات والزياره " شهور حتي لو هتتجدد انا عايز اعرف ايه حقوق زياره العمل وايه الفرق بينها وبين التاشيره مع العلم اني مهندس

[مروان]

شتان بينهما اخي الفاضل

التاشيرة يعني اقامة يعني رخصة قيادة وامتلاك سيارة واستقدام الاهل وكل الحقوق وتنزل اجازة وترجع عادي طوال ما اقامتك سارية

الاقامة بتطلع لو انت جاي بتاشيرة عمل بعد ما توصل بالسلامة باسبوعين او شهر ع الاكثر

لكن زيارة العمل مش هتعرف تطلع اقامة يعني عتفضل زائر

لا هتعرف تطلع رخصة ولا تشتري سيارة ولا اي حاجة

وهيججدوا لك الزيارة كل 3 شهور تقريبا بس كل مرة بيطلبوا التمديد من الجوازات وممكن لا قدر الله ميتوافقش ع التمديد وبالتالي لازم تغادر المملكة

ومش هتعرف تخش الا لما يعملوا لك زيارة جديدة

يعني بهدلة

فلافضل طبعا تاشيرة عمل وياريت تكون التاشيرة بمسمى مهندس كما هو مؤهلك

حتة العقد بقى دي اعتقد مالوش اي قوة في حالة انك هتيجي زيارة

لكن لو في حالة انك هتدخل بتاشيرة عمل فالعقد هاااااااااااااااااااااام جدا

لانه الضمان الحقيقي لحقوقك

رايي كلمهم يدبروا لك تاشيرة

لو انت عاوز تيجي زيارة تتتعرف عليهم وتشوفهم وخلال وجودك هنا يدبروا لك تاشيرة تاخدها وانت نازل فالامر لك

مع التوفيق

[mohammedyahea]

الف شكر علي الافاده استاذ مروان

هي الشركه انا كلمتها وقالت انها مقدمه علي التاشيره بس انا خايف انا اول مره اسافر وخايف اسيب هنا وبعدين زي محضرتك بتقول متنفعش تتجدد الزياره وساعتها العقد ملوش لازمه

[hakeem]

انا جالي عقد عمل من السعوديه بس الشركه بتقول مفيش تاشيرات دلوقتي فبعتولي العقد ومعاه زياره عمل انا مش عارف يعني ايه زياره عمل الشركه بتقول ان الزياره هتتجدد لحد متطلع التاشيره وبعدين انزل وارجع انا عايز اعرف ايه الفرق بين زياره العمل والتاشيره وهل ممكن اطلع رخصه قياده هناك ولا لا لازم اقامه وهل العقد ده هيتفعل ولا لا واذاي العقد " سنوات والزياره " شهور حتي لو هتتجدد انا عايز اعرف ايه حقوق زياره العمل وايه الفرق بينها وبين التاشيره مع العلم اني مهندس

يعنى ايه مفيش تأشيرات دلوقتى..!!

يبقى شركتك نطاقها احمر او اصفر يعنى عندها مشاكل فى السعوده..يعنى ممكن تيجى زيارة ومتعرفش تلاقيلك تأشيرة او تطلع اقامة ووش ووجع دماغ..انما التاشيرات شغاله وزى الفل للملتزمين طبعا..

[mtawfeek]

السلام عليكم و رحمة الله و بركاته

انا مهندس معمارى مريت بنفس اللى انت فيه ده بالضبط

جالى عمل فى شركة مقاولات اجنبيه فى الرياض اسمها J&P (Jouanno & Paraskividis) المهم عملت الانتر فيو فى مقر الشركه بالقاهرة

تمام --- تمام

السفر امتى هنعملك زيارة عمل علشان دلوقتى مافيش فيز

المهم انا وافقت لانى سألت على زيارة العمل لقيت انها بتديلك حريه حركه نوعا ما انك لو ما ارتحتش فى الشركة و حصل زى اللى بنسمعه بيحصل للناس فى السعوديه اقدر ارجع

المهم قولت كويس اسافر يشوفونى و اشوفهم و هما قالولى هما المسؤلين عن كل حاجه هيطلعولى اقامه و لو ماعرفوش هينزلونى و يجيبونى تانى على زيارة جديدة

المهم فعلا سافرت يوم 14-9-2011

و وصلت الرياض و فى الاول كانت كل حاجه تمام بس للاسف برضه المعامله السيئه و التدنى فى الاخلاق و نفس ثقافة الكفيل السعودى موجودة مش بتفرق بقا شركة اجنبيه افغانيه هنديه نفس الزفت

المهم انت لو معاك رخصه مصرى حولها دولى تسوق عادى انا كنت عامل كده

المهم برصه ان الشركة دى يا سيدى كفيلهم نائب وزير الداخلية حاجة كده المهم هو امير انا بقولك كده ليه لان قانونا ممنوع تحويل زيارة العمل الى اقامة عمل انما بما اننا فى دوله عربيه يبقى اكيد القانون فيه ناس فوقيه

المهم انا كان نفسى بصراحة الزيارة تخلص و ارحع مصر و اخلص من القرف ده

بسس بما ان كفيلهم زى ما قلت (أمير ) يبقى هما من الناس اللى فوق القانون و حولولى الزيارة لاقامه و انا فى السعوديه من غير ما اعتب براها

بس انا مقدرتش استحمل اكتر من 5 شهور من الاستعباد عملت حوار

عايز اجازة ضرورى

نزلت مصر

و دورت على شغل

و الحمد لله لقيت و مرجعتش تانى بغض النظر بقى عن تداعيات قرارى انى مش هينفع ادخل السعوديه لسنتين او اكثر و الكلام ده

المهم من ده كله

1- زيارة العمل يتم تحويلها لاقامه عمل لو جابولك قرار من وزارة الداخليه عادى

2- طول ما انت معاك زيارة ممكن تسوق برخصة دوليه

3-المفروض الجواز يفضل معاك ده حقك بس طبعا هما مش هيسيبوه لسيادتك بحجه علشان نطلعلك التاشيره

4- مادام الجواز معاك و التأشيرة اللى عليه زيارة لا يستطيع احد منعك من الخروج من المملكه (بس ده لو سابوه معاك طبعا)

لو حبيت تكلمنى كلمنى على الخاص نتكلم موبيل افهمك وضع الزيارة و بالذات لو كنت مسافر على نفس الشركة مثلا

و ربنا معاك و يوفقك للخير انشاء الله