حمدين صباحي مرشح المجلس العسكري .. و أبوالفتوح مرشح الاخوان

[ornatepeacock]

هل حمدين صباحي هو مرشح المجلس العسكري

و أبو الفتوح هو مرشح الاخوان

تعالوا نحسبها كده مع بعض

أولا بالنسبة للاخوان و ابوالفتوح

المرشح الرسمي للاخوان ( محمد مرسي) يحصل على اصوات الاخوان و مؤيديهم فقط وهي تترواح في حدود 20% كحد أقصى

ودي نسبة ماتنجحش حد ولا تدخله اعاده

ابوالفتوح يحصل على اصوات التيارات الاسلامية الاخرى المنافسة للاخوان و اهمها قطاع عريض من السلفيين

بالاضافة إلى أصوات من التيار الليبرالي اللي عنده رغبة في تأييد مرشح عنده فرصه حقيقية في الفوز وفي نفس الوقت مايكونش من الاخوان

كمان يحصل على اصوات من قطاع عريض من الاغلبية الصامتة التي لا ترغب في رئيس فلول ولا رئيس اخواني و شايفين أبو الفتوح يمثل الاسلام الوسطي المعتدل

مناورة الاخوان هي

في اللحظات الاخيره يتم توجيه كوادر الجماعة للتصويت لابوالفتوح

وعدم التصويت لمحمد مرسي

و بكده يكون مرشح الاخوان الحقيقي قد حصل على اصوات الاخوان بالاضافة إلى اصوات اخرى لم يكن ليحصل عليها لو ترشح رسميا باسم الاخوان

و اتصور انهم يخططون او يتمنون أن يحسموا النتيجة من الجوله الاولى و بدون اعاده

و عشان منع تفتيت الاصوات اختاروا مرشح مالوش كاريزما

بالاضافة الى الطريقة اللي اترشح بيها ( مرشح استبن ) لانهم أكيد كانوا عارفين ان موقف خيرت الشاطر لا يسمح له بالترشح

و كمان تجاهلوا الوجوه الاعلامية اللي لها شعبية زي عصام العريان و محمد البلتاجي

نيجي للنقطة التانية و دي اثباتها صعب شويه

حمدين صباحي يصنف على انه ناصري و هو علماني و يؤيد دور كبير و مباشر للدوله في الاقتصاد

طيب الصفات دي مناسبه جدا لللعسكر

نفتكر أن أحد أهم اسباب رفضهم لجمال مبارك هي مجموعة رجال الاعمال المحيطة بيه

و ان الجيش عنده امبراطورية اقتصادية

و ان جمال عبدالناصر كان رئيس من الجيش

الخلاصة ان النوذج الناصري احد النماذج اللي ممكن العسكر يتعايشوا معاها بدون مشاكل

و الحكاية كلها في النهاية شويه شعارات ينخدع بيها الناس بدون قدره أو رغبة في تحويلها إلى واقع

كمان هما مش اغبياء ( على الرغم من أن كثير من الظواهر تؤكد أنهم كذلك ) علشان يزوروا الانتخابات و ينجحوا شفيق

لان ده معناه عوده الشباب للتحرير

و الحكاية مش محتاجه مليونيات ولا حاجه

هما نص مليون من شباب الثوره و الاخوان هيوقفوا البلد على رجل

يبقى حمدين صباحي هو الانسب

طيب عمرو موسى نازل ليه

نازل عشان يفتت اصوات ابوالفتوح و يلفت النظر لصباحي

لاحظوا ان شعبية صباحي زادت بعد المناظرة الوحيده في الرئاسة

و ان الطرق الصوفية قالت انها هتدعم صباحي

و كتير من المواطنين اللي مش عايزن فلول ولا عايزين مرشح من تيار الاسلام السياسي هيختاروا صباحي

و بعد اعلان نتائج المصريين بالخارج واضح جدا ان امامه فرصه

يعني اللي كان هينتخب ابوالفتوح عشان فرصتة اكبر دلوقتي ممكن ينتخب حمدين و هو حاسس انه مش بيضيع صوته

بالاضافة ان بقايا الحزب الوطني عندهم قدر من التنظيم و يمكن توجيهم في اللحظات الاخيره ايضا للتصويت لحمدين

طبعا المهم هنا نوضح ان خطة الدفع بحمدين تعتمد على وصوله للاعاده مع ابو الفتوح

و ساعتها هو هينجح

لانه هياخد اصوات الليبرالين و فلول النظام و الاقباط و ربما كارهي الاخوان من التيار السلفى

طيب احمد شفيق نازل ليه

اتصور انه جزء من خطه احطياطية في حال فشل الخطة الاولى

و تحقيق ابو الفتوح لتقدم كبير

ساعتها ممكن يحصل نوع من التزوير المفضوح لصالح شفيق

يوصله لمرحلة الاعاده

و الحكم ببراءة مبارك يوم 2-6 لخلق حالة من الاحتجاج و الفوضى

تكون مبرر لانقلاب عسكري متفق عليه

يلغى العملية السياسية و يبدأ من جديد وفقا لقواعد جديده ( الغاء الاحزاب الدينية و عمل الدستور أولا ) أو حتى انشاء حكم عسكري ديكتاتوري

حسب تطوات الامور

نيجي لأخر حاجه

حازم صلاح أبواسماعيل

في لقاءة من يومين قال ان مش مهم ان الرئيس يكون اسلامي لان البرلمان هو المسئول عن اصدار القوانين المستوحاه من الشريعة الاسلامية

متجاهلا عن عمد امكانية حل البرلمان

و أجل تأييد مرشح معين للحظات الاخيره

و انا تصوري

أنه سيقوم بدعم حمدين صباحي في اللحظات الاخيرة

( هناك خبر نشر أمس انه تبرع له بمقر حملته في الاقصر)

لعل و عسى اتباع الشيخ يقوموا بتأييد حمدين

من المهم أن أشير أخيرا أني أعتقد أن أبواسماعيل ماهو إلا عميل لأمن الدولة

و طبعا أنا مقاطع هذه الانتخابات لاني لا اجد الرئيس الشاب الليبرالي الديموقراطي المؤيد لاقتصاد السوق و الذي لا ينتمي للنظام السابق

كما كنت اتمنى

فنحن بالتأكيد لا نرغب في تأسيس ديكتاتورية جديده تحت اي مسمى

راجعوا مواقف حمدين من الانظمة الديكتاتورية العربية مثل القذافي و صدام حسين و حتى الاسد

و ختاما

الهم ولي من يصلح واصلح من يتولى

[Ahmed Anwer]

الحمد لله أنا اسمي مش موجود كعميل للسي اي ايه :)

[ornatepeacock]

دي صفحة اسمها نريد

http://www.facebook.com/Noreed

عاملة محاكاه لعملية الانتخبات

و اللي وصل لمرحلة الاعاده هما صباحي و أبوالفتوح

و السؤال الان هتختار مين صباحي أو أبوالفتوح

شارك في الاستفتاء حوالي نصف مليون

شوفوا النتائج بنفسكم

صباحي حتى الان 232000

و ابو الفتوح 141000

و المقاطعون 75000

فوز حمدين يمثل تحقيق هدف مرحلي بالنسبة لهم

وهو ابعاد تيار الاسلام السياسي عن موقع الرئاسة

تمهيدا لاعاده السيطرة على المواقع الاخرى لاحقا وحسب تطورات الامور

بالنسبة للاخوان

فوز أبوالفتوح من الجوله الاولى

أو الاعاده مع مرسي

كلاهما مناسب بالنسبة لهم

و السؤال

لو أبوالفتوح مش مترشح

كيف يمكن للاخوان الفوز بكرسي الرئاسة

لو حد جاوب اجابة صحيحه و مقنعة

وقتها يبقى استنتاجي السابق في غير محله

لازم نخلي في اعتبارنا الملاحظات على النتائج في السعودية و احتمالات التصويت الجماعى هناك

و طبيعة المجتمع هناك اللي تخلى كتير من المصريين تميل الى تيار الاخوان

و نبص على الموضوع ده و الصوره اللي فيه

ما رأيكم فى هذه الصحيفة وتناولها للموضوع ؟

[لماضة مصرية جدا]

نيجي للنقطة التانية و دي اثباتها صعب شويه

حمدين صباحي يصنف على انه ناصري و هو علماني و يؤيد دور كبير و مباشر للدوله في الاقتصاد

طيب الصفات دي مناسبه جدا لللعسكرو ختاما

الهم ولي من يصلح واصلح من يتولى

السلام عليكم و رحمة الله و بركاته

هو مش احنا في مرحلة صمت انتخابي و كدهوت و لا ايه؟؟؟؟

حضرتك عملت "قولبة" لحمدين صباحي غير صحيحة بالمرة

ناصري علماني...(يعني انا حاسة ان ده كورسي في الكلوب و كدهوت)

انا مش عايزة الحوار يتحول للدفاع عن حمدين كمرشح سياسي

لكن انا بستغرب من ربط حضرتك ليه انه يكون مرشح العسكر

ازاي و هو من الناس اللي نادت...."يسقط يسقط حكم العسكر"

حتي و ان كان ناصري...فحضرتك تقصد انه ناصر فيهم...ناصر 56 و لا ناصر 67 و لا مين.....(فيه حلقة حلوة اوي لابراهيم عيسي علي اون تي امبارح بيشرح الموضوع ده ممكن تلاقهيا علي اليوتيوب)

اعتقد جانب حضرتك الصواب في الربط بين تقدير صباحي للجيش كمؤسسة وطنية

و في تقييمة لادارة المجلس العسكري و الضرورة علي محاسبته علي الاخطاء في المرحلة الانتقالية

دي وجهة نظري الشخصية

كل التحية لحضرتك

[amgadibrahim]

تفتكر الأهلي والزمالك ممكن يفوتوا لبعض علشان يوصلوا للدور قبل النهائي ولا مازمبي والفريق الغاني هيكونوا مظبطين مع فرق المجموعة التانية ؟

[magna]

نيجي للنقطة التانية و دي اثباتها صعب شويه

حمدين صباحي يصنف على انه ناصري و هو علماني و يؤيد دور كبير و مباشر للدوله في الاقتصاد

طيب الصفات دي مناسبه جدا لللعسكرو ختاما

الهم ولي من يصلح واصلح من يتولى

السلام عليكم و رحمة الله و بركاته

هو مش احنا في مرحلة صمت انتخابي و كدهوت و لا ايه؟؟؟؟

حضرتك عملت "قولبة" لحمدين صباحي غير صحيحة بالمرة

ناصري علماني...(يعني انا حاسة ان ده كورسي في الكلوب و كدهوت)

انا مش عايزة الحوار يتحول للدفاع عن حمدين كمرشح سياسي

لكن انا بستغرب من ربط حضرتك ليه انه يكون مرشح العسكر

ازاي و هو من الناس اللي نادت...."يسقط يسقط حكم العسكر"

حتي و ان كان ناصري...فحضرتك تقصد انه ناصر فيهم...ناصر 56 و لا ناصر 67 و لا مين.....(فيه حلقة حلوة اوي لابراهيم عيسي علي اون تي امبارح بيشرح الموضوع ده ممكن تلاقهيا علي اليوتيوب)

اعتقد جانب حضرتك الصواب في الربط بين تقدير صباحي للجيش كمؤسسة وطنية

و في تقييمة لادارة المجلس العسكري و الضرورة علي محاسبته علي الاخطاء في المرحلة الانتقالية

دي وجهة نظري الشخصية

كل التحية لحضرتك

ليه يافندم حضرتك مستغربة هى دى طريقتهم والكلام اللى حفظوه ان مكنش المرشح يتبع الاخوان او السلف يبقى علمانى على طول ويستاهل اللى يتقال عليه الراجل اللى كتب الموضوع راجل طيب على نياته اجرى يا عم شوف حمدين الصباحى وشوف تاريخه وشوف مواقفه مع العسكر قبل ماتيجى تخترع نظريات عمالين تلطشوا فى خلق الله

[aly almasry]

نيجي للنقطة التانية و دي اثباتها صعب شويه حمدين صباحي يصنف على انه ناصري و هو علماني و يؤيد دور كبير و مباشر للدوله في الاقتصاد طيب الصفات دي مناسبه جدا لللعسكرو ختاما الهم ولي من يصلح واصلح من يتولى

السلام عليكم و رحمة الله و بركاته هو مش احنا في مرحلة صمت انتخابي و كدهوت و لا ايه؟؟؟؟ حضرتك عملت "قولبة" لحمدين صباحي غير صحيحة بالمرة ناصري علماني...(يعني انا حاسة ان ده كورسي في الكلوب و كدهوت) انا مش عايزة الحوار يتحول للدفاع عن حمدين كمرشح سياسي لكن انا بستغرب من ربط حضرتك ليه انه يكون مرشح العسكر ازاي و هو من الناس اللي نادت...."يسقط يسقط حكم العسكر" حتي و ان كان ناصري...فحضرتك تقصد انه ناصر فيهم...ناصر 56 و لا ناصر 67 و لا مين.....(فيه حلقة حلوة اوي لابراهيم عيسي علي اون تي امبارح بيشرح الموضوع ده ممكن تلاقهيا علي اليوتيوب) اعتقد جانب حضرتك الصواب في الربط بين تقدير صباحي للجيش كمؤسسة وطنية و في تقييمة لادارة المجلس العسكري و الضرورة علي محاسبته علي الاخطاء في المرحلة الانتقالية دي وجهة نظري الشخصية كل التحية لحضرتك

ليه يافندم حضرتك مستغربة هى دى طريقتهم والكلام اللى حفظوه ان مكنش المرشح يتبع الاخوان او السلف يبقى علمانى على طول ويستاهل اللى يتقال عليه الراجل اللى كتب الموضوع راجل طيب على نياته اجرى يا عم شوف حمدين الصباحى وشوف تاريخه وشوف مواقفه مع العسكر قبل ماتيجى تخترع نظريات عمالين تلطشوا فى خلق الله

مع انى غير موافق على هذا الطرح ان ده مرشح العسكرى او الاخر مرشح الاخوان

اظنها تحليل غير منطقى وغير مقبول

لكن هذه حرية رأى التى ينادى بها من ينتقدها لكنى للاسف مصدوم فى اناس لا تقبل الا نفسها وتعتبر نفسها وصية على الغير وتقبل وترفض الشخص لا الفكرة

الغير مقبول ان نعتبر اى شخص مخالف لى فى الرأى فهو اخوان او سلف

الغير مقبول ان نترك الفكرة الاساسية والطرح الاساسى لنناقشه فيه مجرد انه ينتمى لهذا لو ذاك

يعنى حضرتك كنت تفند هذه الرؤية بدلا ان تفند الشخص واصبحت تنظر لشخص المتكلم وزيه ولون عينيه وابن مين فى مصر ومن اى عائلة وهذا هروب اتفهمه احيانا ولا اقبله ابدا

تم تعديل 22 مايو 2012 بواسطة aly almasry