هل مكتبك بهذه الفوضى؟

[Asat]

مسابقة "أكثر مكتب غير مرتب"

موقع المسابقة

http://bash.org/mess/accepted

[فــيــروز]

فيه حد ممكن يشتغل فى مكان بهذا الشكل

[SilverSwan]

:P :o :o :o :o

وانا اللي بتهم المحاسب بتاعنا بالاهمال !! ده على كده ياخد اوسكار الترتيب و النظام جنب العالم دي ..

مش ممكن :blink:

[sad_swing2000]

الصورة الأخيرة دي أكيد لمقلب زبالة الشركة ، مستحيل دا يكون مكتب !!!!!!!!!!!

[ragab2]

هيئة المخازن العمومية

[se_ Elsyed]

بقى دي اخرتها يا هاندي يا كرافت ... بقى ادخلك مكتبي وتشرب قهوتي التُركي المحوجة وفي الاخر تطعني في سلسلة ضهري وتبعت لهم صورة مكتبي ...

ماشي ... بعد كده هاخليك تقعد بره مع عبدو وعثمان .. عشان دي أسرار شُغل مش تهريج ...

أول صورة بالنسبة لمكتبي تُعتبر حاجة عظمة على عظمة .... وبصراحة مهما رتبت الأوراق وحطتها في البتاع ده البيبر تراي بأحس إني مش في المود ومش عارف أتحرك .. فلازم اعيش الجو واطلع ورقة من تحت الكيبورد ومستند من معاميع رزمة الأوراق اللي على الرف وكده يعني ..

واحد صديقي مدير قسم تسليم البضائع .. ولد إيه في منتهى الترتيب وتحس إن الورق قدامه بيقولك خدني في حنانك خدني ... كل ما أدخل مكتبه أحس إني قرفان وبأبص له بإشمئناط وأُفضل إني اكلمه في التليفون على إني أشوف منظر مكتب بهذه النعكشة وقلة النظام ...

بس بصراحة الحاجات اللي فيها قطط وكلاب وأسلاك كهربا طالعة من اجهزة كمبيوتر ماركة 286 حاجة oveeeeeeeeeeer قوي وتحسسك إنك رجعت لعصر ما قبل الأمبو ...

الصورة الأخيرة دي أكيد لمقلب زبالة الشركة ، مستحيل دا يكون مكتب !!!!!!!!!!!

لو سمحت يا ساد سوينج ... يا أخي راعي مشاعر زملائك وبلاش تلقيح كلام ... قصدك إن س س زبال يعني عشان في مكتبه شوية ورق هنا وبضعة مستندات هناك وحفنة ملفات حينذاك ...

[yasovinas]

لا بس ثالث صورة وخامس صورة مش مكاتب دي ورش تصليح كمبيوتر

اماالباقي فيعني عالم عايشه في الطراوة دول ممكن يكونوا بيشتغلوا ايه بالضبط

الاول اظنه مندوب توزيع منتجات كولا وحاطط قدامه عينات

احلى حاجه القطة في الصورة الثانية

والكلاب في الثالثة