اسماء الشركات التى وقع المصريين فى مشاكل معها

[موديز]

السلام عليكم ورحمة الله وبركاته.........

الموضوع ده فكرته بسيطة واتمنى تفيد الناس كلها يارب وهى ان كل واحد حصله مشكلة مع شركة فى السعودية فى اى مكان يحكى كل التفاصيل عنها باسمها وعنوانها وكانت مشكلته ايه بالضبط وحلها ازاى؟ عشان كل الوافدين الجدد يستفيدوا

وربنا يفرج كرب الجميع يارب ويوفقنا جميعا

زميلكم

مهندس محمد علاء

[مروان]

موضوع كويس

واحب اضيف عليه ايضا اسماء المكاتب سيئة السمعة اللي بتبيع المصريين للكفيل

وهابدا بنفسي

احذركم من مكتب الشطبي بالمهندسين

لنا تجربة سيئة معه

الحمد لله لم نسافر عن طريقه ولحقنا نفسنا في الوقت المناسب

[رعد]

موضوع كويس

واحب اضيف عليه ايضا اسماء المكاتب سيئة السمعة اللي بتبيع المصريين للكفيل

وهابدا بنفسي

احذركم من مكتب الشطبي بالمهندسين

لنا تجربة سيئة معه

الحمد لله لم نسافر عن طريقه ولحقنا نفسنا في الوقت المناسب

وكذلك العميري اللي فوق اسماك الدوران صاحبها اسمة طارق الكاشف مكتب وانسان ولا اسوأ من كدة بجد

[herohero]

ايضا هناك شركة اسمها توظيف فوق in & out ف مدينة نصر

كان ليا زميل اشترى تأشيرة حرة وللاسف الكفيل يعتبر مصر دكتور مهندس اسمه عماد الصاوي شغال ف حاجه تبع بلدية الدمام جنب مرور الدمام بذقن وحركات وقال الله وقال الرسول ده نصاب وزميلي خسر 22 الف ريال فيزا حرة ومعرفش يطلع الاقامة فياريت اي حد يحذر من التعامل مع الشخص ده ف اي شئ يعني اكيد ده سلوكه ف كله

[موديز]

جماعة اتمنى اننا كلنا نستفيد من هذا الموضوع بأذن الله

كده احنا وصلنا ل3 شركات توظيف سيئة

ياريت نتكلم عن التجارب العملية السيئة مع الشركات اللى سافرنا ليها عشان الجميع يستفيد وكانت ايه المشكلة وكان الحل ايه؟

[tarek nokia]

اغلب الفيز التي تأتي عن طريق افراد كلها خطرة التي تسمى فيزة حرة لان الكفيل غير مضمون ممكن يطلع كويس وغالبا سيئ الافضل ان تأتي عن طريق شركة او مؤسسة كبيرة

[موديز]

اتمنى من جميع الزملاء الاعزاء سرد اى مشاكل مع شركتاهم حتى يتسنى للجميع معرفة جميع الحقائق قبل الاقادم على السفر بأذن الله تعالى

[hakeem]

شركة التعاون الخليجى بالمنيل...زباله الزباله وبتبيع المصريين ومش لاقيين حد يسيطر عليهم..

شركة الهدف..ودى مش فاكر مكانها فين والله..

شغل المناديب اياهم ده..وفيهم واحد اسمه ابو يوسف ويقولك فى كل المنتديات شركة اليوسف..وده نصاب بروفيشنال وبيعتمد ع العدد ومش بيطلب مبالغ كتيرة يعنى من كل واحد..بس بيجمع اعداد

[حسام الغرباوي]

يجماعة ياريت كل واحد يحكي تجربته علشان نعرف مش يحط اسم المكتب فقط لان ممكن تكون انتا مش غلطان من وجهة نظرك والمكتب شايف انه مش غلطان

علشان منظلمش برضو حد

[موديز]

يجماعة ياريت كل واحد يحكي تجربته علشان نعرف مش يحط اسم المكتب فقط لان ممكن تكون انتا مش غلطان من وجهة نظرك والمكتب شايف انه مش غلطان

علشان منظلمش برضو حد

ياريت لما نكتب عن الموضوع نكتبه بالطريقة دى

المشكلة:

اسم الشركة او اسم مكتب التوظيف:

الحل:

عشان زى ما الاستاذ حسام قال ما نظلمشش حد

[AbkaReno]

شركة الماهر لالحاق العمالة بالخارج

المكان السيدة زينب بجوار المترو

كل اوراقي كانت خلصانه من وقتها ودفعني 6 الاف جنية علشان يسلمني التأشيرة والجواز

[موديز]

السلام عليكم ورحمة الله وبركاته......

جماعة مافيش شركات تانية خلاص ولا ايه؟ ياريت نكمل عشان نكبر الموضوع وكله يستفيد بأذن الله

[zima zima]

شركه المتولى للالحاق العماله مكانها فى المنيل شركة حقيرة وزباله

شركه سيكلى السعودية واكاديمية العرب للاطفاء من اقذر الشركات والموضوعين فى القايمه السوداء