دعوة للتكتل لوقف المد الفيروزي

[se_ Elsyed]

النهاردة داخل المحاورات لا بي ولا علي ، ويادوب بأقول يا هادي ويا فتاح يا عليم يا رزاق يا كريم وبأضرب بعيني كده في الصفحة الأولانية عشان اخد نسبة الحضور والغياب والذي منه ... أُفاجأ إن ست فيروز هانم وصل عدد مداخلتها إلى 5623 مداخلة / الساعة ... وقربت - ده إن ماكانتش حصلت - على ضرب عدد مداخلات عمنا الكبير الغائب " الطفشان " ربنا يرجعه بالسلامه ...يادوب لسه بأقلوظ في كتابة الموضوع ده وألاقيها وصلت 5627 ( إنت القوي على كل قوي يارب ) ... وأهي الكورة معاها وداخله بسرعة الصاروخ على رقم الراجل الطيب محمد أبو زيد وهو 6759 واعتقد إنه مش هاياخد غلوه واحده مع فيروز وممكن تجيب الرقم ده في يوم ...

أيها السادة .. لابد من وقفه حازمة أمام هذا الطوفان الفيروزي الذي يأكل الاخضر واليابس أمامه ... فأين أنتم يا أشاوس المنتدى يا من تصديتم للتتار والصليبيين وللحزب الوطني ؟

الفيروزويون قادمون ..

الفيروزويون قادمون ..

الفيروزويون قادمون ..

أنا عملت إللي عليه وهاسيبكم لضميركم ...

باي باي

[Ahmed Mohsen]

أيها السادة .. لابد من وقفه حازمة أمام هذا الطوفان الفيروزي الذي يأكل الاخضر واليابس أمامه ... فأين أنتم يا أشاوس المنتدى يا من تصديتم للتتار والصليبيين وللحزب الوطني ؟

إنت نسيت الجراد كمان

همسة في أذن أخي أيو السيد ....

إنقل الموضوع بسرعة لباب دعوة للإبتسام لحسن أخونا إسو يقفله ... ممنوع التهريج والمزاح خارج باب دعوة للإبتسام .... والدليل موضوع "محاورات المصريين موديل 2005"

[ابو يوسف]

بعيداً عن النق !!!

الله أكبر ....

بس بصراحة يا فيروز يا اختى ... انتى مجننانى !!! :blink:

بتلاقى وقت منين ؟؟؟؟ :P

[فــيــروز]

يادى النق اللى جايبنا ورا

عاجبكم كده اهو الاخ المهندس افتكر فى موضوع "العالم الآخر" انى باتريق عليه

وده ليه؟ طبعا بسبب المد الفيروزى اللى شكله هيطلع قريب المد الايرانى ..

طيب اقول لكم على السر بس اوعى حد يفتن علىّ فى الشغل

السر يا جماعه فى التركيز .. التركيييييييييز "مش بتاع طعمه ميلك"

ازاى بقى؟ :o

انا مثلا ممكن يبقى عندى فى الشغل حاجه مزرجنه و معصلجه معايا ومعكننه عليا الحياه .. :o

اقول فى نفسى زى محمد صبحى "طنث خالث" .. واسيب الشغلانه و ادخل المنتدى .. اتفسح شويه فى الموضوعات واشارك فيها عشان انسى الموضوع اللى شاغلنى خالص وهوب .. اقوم راجعه بسرعه و آخد نفسى على خوانه ومخلصه الشغل من غير كلام كتير :P .. بجد مش تهريج .. يعنى حتى ايام المذاكره كنت باعمل كده عشان استعيد تركيزى .. واما الواحد يركز كل حاجه تخلص سريعا جدا .. :o

بالاضافه طبعا يا اخوانى ان كتر النوح يعمل البكا cbyb: .. بمعنى ان كتر الكتابه على الكمبيوتر فى الشغل بتخلى الواحد يعمل typing بسرعه لدرجة ان احدهم اقترح علىّ اشتغل تايبيست :blink: .. و دعواتكم الاخ طفشان يرجع تانى و يستعيد مكانه .. بس انا مش قلقانه على مركز الاستاذ محمد ابو زيد خالص يا جماعه هو انا قده !!

تم تعديل 14 ديسمبر 2004 بواسطة فــيــروز

[mwefy]

خمسه وخميسه ابعدو ابعدو عن البنيه سيبوها في حالها :blink:

[ابو يوسف]

فيروز ....

هى نمرة مديرك كام ؟؟؟؟؟ :blink:

احنا بنحب نخدم !!!

:P :o

:o :o :o

[bibo]

بصراحة ومن غير مجاملات

فيروز من ألذ و أرق الشخصيات فى المنتدى وقمة

فى التواضع والادب

وانا شخصيا بافرح جدا بمداخلاتها اللى يارب

توصل 10،000 مداخلة

ومش عايزين نق من بعض "وانا باقول بعض"

المشرفين ..........قصدى المغرضين

:o :o :o :o :blink:

عقلى الباطن : ربنا يستر وما يرزعونيش انذار

:P

تم تعديل 14 ديسمبر 2004 بواسطة bibo

[sad_swing2000]

بصراحة في المنتدى كام شخصية مجنناني ، أنا عمال أكتب ع الكيبورد زي اللي بيتهته ف الكلام ، و الإخوة دول بسم الله ما شاء الله على سرعتهم ، زي ما يكونوا بيكتبوا ببؤهم (بقهم يعني).

و الغريب إن من اللي مسبيبنلى الإحساس ده سي السيد - اللي فتح الموضوع - و فيروز اللي مكتوب فيها النق دا كله ، مع إن شايف إن الاتنين يستاهلوا ، الله أكبر.

أعتقد يا س س إن في قاعدة في علم النفس بتقول إن أول حاجة بتلفت انتباهك في الشخص اللي قدامك بتكون بردو فيك. :blink:

بس حقيقي - من غير حسد - بسم الله ما شاء الله ، استمروا يا جماعة و عقدونا كمان وكمان.

[kfaya]

اقتباس : فيروز كتبت

انا مثلا ممكن يبقى عندى فى الشغل

هو انتى بتشتغلى فى حته تانية غير هنا :blink:

[ابو يوسف]

اقتباس : فيروز كتبت

انا مثلا ممكن يبقى عندى فى الشغل

هو انتى بتشتغلى فى حته تانية غير هنا :blink:

:P :o

[METALLICA]

يا ساااااااااااااااااااااااااااااااااااااااااااااتر . . . . أول اسلحة الدمار الشامل المصري بدأت . . . النق . . . . أعتقد أنه حان الوقت لتحريم هذا السلاح الفتاااك . . . . .

مليتو البلد ( اففييه مقتبس :blink: )

تم تعديل 14 ديسمبر 2004 بواسطة METALLICA

[yasovinas]

الجميل في فيروز انها على استعداد انها تتحاور مع اي واحد فينا متواصل رد برد مش بتخلي تارها يبات الله ينور يا فيروز

على فكرة زمان كانت كليو كده بس الظاهر لما عدت الثلاثين ودخلت على ال29 بطلت او الماكينة عندها بتقطع

فيروز فاضلك كام سنة على ال30 :blink:

[ragab2]

بصراحة ومن غير مجاملات

فيروز من ألذ و أرق الشخصيات فى المنتدى وقمة

فى التواضع والادب

وانا شخصيا بافرح جدا بمداخلاتها اللى

يارب توصل 10،000 مداخلة

ومش عايزين نق من بعض "وانا باقول بعض"

المشرفين ..........قصدى المغرضين

موافق

ومؤيد لهذا الكلام

وهى تذكرنى ببنت البلد الجدعة التى تفكر بتلقائية وعقلانية ووضوح

وأشعر بأنها ابنتى الشقية خفيفة الظل الحكيمة فى آرائها وكتابتها

وللعلم

بعض المواضيع أحتار فى كيفية الرد عليها

ولكنى أجدها ماشاء الله ردت بلباقة تحسد عليها

تتش وود

بس خليها .. يارب توصل 8000 مداخلة بدل 10.000

عشان متتعداش ع . البريمو

[linux]

بصراحة ومن غير  مجاملات

فيروز من ألذ و أرق الشخصيات فى المنتدى وقمة

فى التواضع والادب

وانا شخصيا بافرح جدا بمداخلاتها اللى يارب

توصل 10،000 مداخلة

سبحان الله ...

أنا كتبت نفس المداخلة تقريبا و فوجئت بالصورة طبق الأصل فى مداخلة الأخ الفاضل بيبو.

الى الأمام يافيرووووووز، الى الأمام.

:blink:

[Farida]

يا ساتر يا رب على النق و الأر عموما انا كمان مبسوطه من المد الفيروزى و رغم ان عم الطفشان واحشنا جدا بس معلهش الى الأمام دايما يافيروز يا للى رافعه رقبتنا و لا يهمك كيد الكائدين ولا نق النقاقين و لا مشاغبات المشرفين

[فــيــروز]

إخوانى أخواتى الأعزاء

من فتره قررت الاكتفاء بدخول المنتدى فى الفتره الصباحيه فقط "خلال وجودى فى الشغل يعنى" وقضاء الفتره المسائيه اما فى قراءه خفيفه او مع اسرتى او فى المذاكره استعدادا لبعض

الاختبارات .. :blink:

بس مش عارفه ليه النهارده لقيتنى مش متحمسه اوى لهذا الروتين .. خلصت القراءه و حليت بعض الاسئله للمذاكره وخلاص :D .. قلت ادخل المنتدى اشوف ايه الاخبار .. لقيت موضوع المد الفيروزى عليه ردود قلت ادخل اشوف اخبار المد ايه ..

اولا عاوزه اشكر اخى العزيز س.س. على الموضوع ده .. يمكن لانه فعلا رفع معنوياتى اللى حاليا محتاجه ونش يرفعها .. h): الصراحه النهارده اما لقيت خلاص مش فاضل بينى وبين

مداخلات طفشان غير مداخلتين بس شعرت بذهول mc: .. ايه اللى انا باعمله ده وما هذا العدد الغريب من المداخلات !! لا انكر انى مؤخرا لم اعد اسعد كثيرا بمداخلاتى .. ربما لانها تحتوى

على مزاح اكثر من الجد .. لهذا ربما وقت ان اصبح عدد مداخلاتى 2000 كنت اسعد بهم لانى اظن ان وقتها لم اكن امزح بنفس القدر الذى امزح به الآن .. non::

المهم .. مش عاوزه حد يقلق خالص من موضوع النق .. النهارده لجل البخت لبست سلسلتى المفضله اللى فيها قطعة فيروز يعنى قرّوا براحتكم .. ماتخافش يا mwefy .. احنا جدعان اوى cld:

[فــيــروز]

ابو يوسف .. المديره فى اجازه فى امريكا .. وعلى راى سعيد صالح .. فوووووووووووسحه

bibo .. دائما تغمرنى بمديحك الذى اعتز به .. حقيقى سعدت جدا بكلامك ويا رب أكون كده على طول

sad_swing يمكن خلال عام او عامين على الاكثر ان شاء الله من وجودك على الانترنت تندهش من التطور الغير طبيعى فى سرعة كتابتك على الكمبيوتر ومحدش يعرف يحصلك ..

على فكره .. الاخ مجرمون مره بردو قال نفسى التعليق الخاص بالكتابه بالبق .. قال لى متخيل انك ماسكه مايك و بتمليه المداخله مش بتكتبيها بنفسك بس انا مش عندى مايك ولا حتى سماعه فى الشغل .. وكله عشان خاطر مصر

أعتقد يا س س إن في قاعدة في علم النفس بتقول إن أول حاجة بتلفت انتباهك في الشخص اللي قدامك بتكون بردو فيك. 

ايوه صح جدا .. الله ينوّر عليك

kfaya .. تخيل انى مش بس باشتغل فى حته تانيه ده انا باتأخر فى الشغل كمان و الناس بتقول لى ياللا اجرى روحى بيتكو يا شاطره

أبو يوسف .. عجبتك اوى حكاية الشغل دى؟ cld: والله يا جماعه ده انا باشقى فى الشغل :blink:

METALLICA تماشيا مع ميولك العلميه الواضحه من خلال مداخلاتك وصورتك الرمزيه بتاعة الولد الدحّيح .. فيه موضوع علمى و ظريف فى نفس الوقت كان عمله محبط عن النق .. اعتقد هيعجبك اوى ..

yasovinas

لا اجد تعليقا على هذه الجمله

الجميل في فيروز انها على استعداد انها تتحاور مع اي واحد فينا متواصل رد برد مش بتخلي تارها يبات

غير جمله واحده احيانا الاداره تعتبرها غير لائقه :D

"يا لهوىىىىىىىىىىىىى"

ده انت دلوقت بتشوفنى بعد ما اتهديت non:: .. وعندى عشم اتهد زياده فى الاعوام القادمه و اصبح اقل ميلا للتحاور المتواصل ..

انا عندى دلوقت 29 سنه و خمس شهور .. يعنى فاضل لى سبع شهور على ال 30 .. دعواتك mc:

أستاذ رجب .. ربنا يبارك لنا فى بريمو المحاورات ولا يتعدى عليه اى قادم من السبنسه .. البريمو يكسب ..

لينكس الحاضر الغائب

كلام شخص له دماغ سعادتك عنى بجد يعنى الكثير لى .. ربنا يبارك لنا فيك وفى حضورك الجميل

فريده .. ولا يهمك من اخونا س.س. انتى عارفه عمر مطلّع عينه ولسه اما على عليوه يكبر ان شاء الله هياخدوا لنا بتارنا منه تالت و متلت .. فكل ده حلاوة روح بس .. ربنا يخليكى يا جميله و شدى حيلك بقى فى موضوعنا الله يكرمك ..

[yasovinas]

ربنا يخليكى يا جميله و شدى حيلك بقى فى موضوعنا الله يكرمك .. :blink:

ايه حكاية موضوعنا ده فيها لخفيها

[Sherief AbdelWahab]

فيروز وسي السيد هم ممن يتيحون لنا مساحة من الحوار المتجدد دائماً..

لكن اسمحوا لي أن أقف قليلاً مع فيروووز..

بسم الله ما شاء الله ، طريقة جديدة لتفريغ الطاقة ..فيه شباب كتير بيلعب كورة أو بيدخل يشيت على الام اس ان ..أما فيروز فلديها طاقة مواضيع وآلاف الأسئلة والردود تشاركنا بها كل يوم..

الفضفضة حلوة ، أحسن ما الواحد يطق يموت..

عن نفسي لو توافر عندي الوقت ، ح تشوفوني بقا في الفيلد ، ومش بعيد تلاقوا اسمي ضمن الخمسة الأوائل..بس بعد سنتين تلاتة! f((:

خلص الكلام

[Tafshan]

ما حدش ليه دعوه بفيروز f((:

ما شاء الله الحوارات ما لهاش طعم من غير توابلها في الموضوعات ...

ما لكيش دعوة بالمغرضين دول يا فيروز و استمرى f((: