غرفة المحاورات المركزية .. لمتابعة انتخابات الرئاسة المصرية

[mahmoh]

مرسى الاول

25.5%

شفشق التانى

24.8%

اللى هايحصل فى الاعادة؟؟اللى وصل شفشق للتانى هايخلية يبقى الرئيس

اقول حاجة ومحدش يزعل منى

فعلا شعب مصر يعشق الذل والهوان

[se_ Elsyed]

فعلا شعب مصر يعشق الذل والهوان

لأ حرام عليك ....

ده شعب جبار والله .. واللي حصل هو تفتيت أصوات ومراهقة وعناد سياسي مش أكتر ....

بإذن الله نتدارك أخطاءنا في القادم وربنا يسهل

[لماضة مصرية جدا]

ابو عمر ..اشارك من هنا وعقلي وكل كياني في مصر

ليست مصيبة المصريين وحدهم اخي بل مصيبة العرب جميعا

سنة ونصف وامالنا تتعلق بمصر وانها بثورتها البيضاء ستعيد لنا صناعة التاريخ

وستصدر للعالم العربي حضارتها من جديد

الان لو فاز شفيق ..قلي بالله عليك ماهو الدرس الذي سيصدره المصريون لنا نحن الحالمون ؟؟

ثوروا واسقطوا النظام وجيبوا نسخة معدلة من النظام (تلبس بلوفر بدل البدلة)

هذا كثير اخي العزيز ..كثير على من علق بكم اماله ؟؟

يارب وحد المصريين على رائ واحد ينقذهم من النفق الذي تتجه اليه الاحداث

السلام عليكم و رحمة الله و بركاته

فاكرة يا همس التوبيك بتاعك "اول ليبرالي اعرفه كان امام مسجد"

اهو اول مرة اقرالك كان فيه

و عجبتني افكارك و ده اللي شجعني اني ارغي...قصدي اكتب

و دلوقتي انا بكتب برضه تاني

عارفة ليه يا همس

علشان الحالمون....اللي لسه من جوه منهم قليل من "النقاء الثوري" اللي لسه بيؤمن بالحرية و العدالة (مش بتاعتهم) لا بتاعت الميدان...اللي خلي الناس كتفها تبقي في كتف بعض

اللي دوب المصريين في ميدان واحد و مكنتيش تعرفي ده مسلم و لا مسيحي

ده ليبرالي و لا اخواني و لا سلفي

ده من بورسعيد....و لا جاي من الصعيد

اللي لسه بيحلم

و لسه مصدق ان ليه حق في الحلم ده

هيكمل

مش بقول الكلام ده علشان اطبطب بيه علي اي حد فينا متابع للمشهد

بالعكس

علشان اقولك

الانتخابات.....مش هي "الثورة" اللي بحلم بيها

الثورة

اني احس اني......مواطن.....حر

يعني اني الاقي الميدان....روحه...في كل صندوق انتخابي

الميدان لسه موصلشي للصناديق يا همس

و المشوار لسه طويل

عارفة يعني ايه حرية

يعني تاخدي نفس جااااااااااااااامد.....

يفتت كل الطاقة السلبية اللي جاتلنا

و احنا بنفرز و بنتفرس في الصناديق

و بعدين

تضحكي و تقفشي روحك...ال "حرة" في حالة تلبس و هي بتقول

مكملين

حرية

حرية

حرية

مصر......مكملة

مصر الحلم....مكمل

مساكي.......حرية

تم تعديل 25 مايو 2012 بواسطة لماضة مصرية جدا

[tarek hassan]

ليه أنا شايف إن اللي بيحصل مندبة ... لاننا إخترنا الديموقراطية

لأننا إخترنا الصناديق لتكون حكما بين التيارات السياسية المختلفة

الحمد لله ... تقدم مرسي بأصوات قليلة منع بلاوي كتيرة ... وإلا كانت المندبة بحق لو حدث العكس وتقدم شفيق ... ولكن الله سلم ...... سبحان الله ولا حول ولا قوة إلا بالله .....

البعض لم يفرح بفوز مرسي ولكنه حزين إن شفيق طلع الثاني ....

الكل نسى إن المجلس العسكري واللجنة القضائية الرئاسية وما قالوه فيهما قبل الانتخابات .... فهما لا يستحقان الآن شكرا أو اعتذارا أو حتى إلى الله استغفارا على ظلم وبهتان وإثم وقذف ورمي بالباطل وتأكيدات على التزوير و....... طوال الشهور السابقة ... قعلا أصوات قليلة تمنع بلاوي كتيرة وهنيالك يا فاعل الخير والثواب ........ الظلم ظلمات !!!!!!!!!

تم تعديل 25 مايو 2012 بواسطة tarek hassan

[mahmoh]

فعلا شعب مصر يعشق الذل والهوان

لأ حرام عليك ....

ده شعب جبار والله .. واللي حصل هو تفتيت أصوات ومراهقة وعناد سياسي مش أكتر ....

بإذن الله نتدارك أخطاءنا في القادم وربنا يسهل

معلش ماتقولش تفتيت والعقول اللى عايزة حرقها وراحت تنتخب شفشق كانت فين؟؟

مش دا الشعب اللى جرى ورا ابو البلوفر بتاع البونبونى؟؟

قدام شوية بعد ما شفيق يكسب هتلاقى ان الكلمة دى صح وان دى تركيبة الشعب دا

[Alshiekh]

أنا عن نفسي مش زعلان ومش مصدوم

ليه؟

لأني شعرت إني مش بافهم سياسة ( على الأقل في مصر )

لأني كنت متوقع أن المصوتين بـ " لا " في التعديلات الدستورية سيكونوا أغلبية

وخاب ظني وفاز تيار الجنة والنار،

وكانت دي أول صدمة، ناس تعمل ثورة على ديكتاتورية وبعدين تصوت لصالح ديكتاتورية

قلنا ماشي،

الدستور أولا، نظروا الينا شذرا وقالوا علينا ليبراليين وعلمانيين وعملاء وخونة

قلنا بلاش دستور أولا، نعمل وثيقة حقوق وابقوا اعملوا الدستور زي مانتوا عايزين، قالوا ده التفاف على إرادة الأمة

وجاء موعد انتخابات مجلس الشعبقلنا أكيد الشعب اتنور وحيختار الدولة المدنية وسيسقط الفلول والمتأسلمين، لقينا المشاركة تحولت إلى مغالبة، كوشوا على البرطمان وقالوا لنا " موتوا بغيظكم ".

جاء موعد كتابة الدستور، عملوها زي جمعية بينهم وكل واحد منهم حيقبضها الاول، ولقينا ورقة دوارة محدد بها الاسماء الواجب على النواب إختيارهم، ولقينا الورقة مفيهاش شخصية محترمة واحدة وكأنهم بيعملوا جمعية صورية لكتابة دستور معد سلفا وكل شغلتهم انهم يبصموا عليه.

ناس عايزة تكوش على كل حاجة، وفي نفس الوقت الناس دي كلها ليس لديها أي نوع من الخبرة، كل خبرتهم السابقة إما في السجن من أجل التنظيم أو كانوا بيكفروا الخروج على الحاكم. ووجدنا نفس الفكر الشمولي مرة أخرى " أهل الثقة " فوجدنا مجلس هزيل يحارب من أجل التفاهات ولايفكر في هموم الأمة.

وجاء دور انتخابات الرئاسة،

لقينا ان الحزب الوطني راجع بقوة ولكن هذه المرة بدقن وجلابية،

وعندما أكتشف الشعب ملاعيب شيحة، كانت النتيجة ان اكثر من 60% ابتعدوا عن المرشحين ذوي الخلفية الدينية

الخلاصة:

الشعب لم يجد من يمثل الثورة في انتخابات الرئاسة، رأى فقط مرشحين دينيين ومرشحين محسوبين على النظام القديم ومرشحين لليسار، ولم يجد من يتحدث باسم الثورة والثوار الحقيقيين.

فقرر ان يعاقب الطامحين إلى كرسي الرئاسة وأختار من ظن أنهم أخف الضررين. ولذلك جاءت النتيجة مخيبة لآمال الثوريين.

وعموما الإعادة بين مرسي وشفيق هي أفضل عقاب للشعب المصري الذي انخدع في تلك الوجوه وسلم عقله لاصحاب المصالح سواء شخصية أو فئوية أو تنظيمية ولم يبذل جهدا في معرفة الصالح من الطالح ولا أبرئ متعلم أو جاهل على الرغم من أنني أجد العذر للجاهل.

[hakeem]

اقول حاجة ومحدش يزعل منى

فعلا شعب مصر يعشق الذل والهوان

كفيت ووفيت فعلا احنا كده ومنستحقش غير كده..والمفروض الحاكم اللى يجى علينا "شفيق"بامر الله وبايد ولاد مصر ..يسحلنا ويمثل بينا ويشردنا ويهينا ويذلنا ويخلى الداخلية تعمل فينا البدع كلها..اصلنا منستحقش غير كده..

ان شاء الله فور اعلان شفيق رئيس هبعتله اعتذار وتهنئة وطلب بتغيير الجنسية اللى بقت تعر دى..ونشوف لنا وطن يحترمنا وناسه واعيين مش شوية.............الله لا يسامحهم

[ماستر]

فية اية يا جماعة انتم مصدومين قوى كدة لية؟

احنا بقالنا فترة طويلة بنحذر من الى حصل دة وقلنا ان ممكن تفتيت الاصوات يوصل واحد من الفلول للرئاسة وحصل وشفيق ووصل للاعادة بس الحمد لله 75% من الشعب لسة صاحى وانتخب ممثلى الثورة ولولا التفتيتت كان الامر حسم, المهم احنا لازلنا موجودين واحنا اقوى منهم بكتير حتى لو شفيق نجح وبقى رئيس (لا قدر الله) احنا مؤيدى ابو الفتوح وصباحى اكتر من 14 مليون وهنفتح عنينا عليهم ومش هخليهم يعيشوا يوم واحد سعيد ونشتغل ليهم فى الازرق وكل يوم استجواب واعتصام ومطالبة بحقوقنا حتى لو قتلونا او حبسنوا احنا مكملين لغاية ما نعدلهم او نغيرهم ويغوروا فى دهية, المهم اليأس دة مش لازم يستمر احنا الاقوى واحنا اصحاب البلد - الثورة مستمرة ولن تموت الا بموتنا

[عبدالحميد ابراهيم]

قبل جلد الذات هنا فى المحاورات الكل يجب لن يلتف حول مرسي والا اذا فاز شفيق سيقضى على الثورة وينكل بالثوار اشد تنكيل وساعتها لن تقوم قائمة لهذا الشعب مرة اخى الفرصة اخيرة اذا لم نستغلها الكل سيندم اشد الندم ولا نلوم الا انفسنا بعد ذلك

[hakeem]

فية اية يا جماعة انتم مصدومين قوى كدة لية؟

احنا بقالنا فترة طويلة بنحذر من الى حصل دة وقلنا ان ممكن تفتيت الاصوات يوصل واحد من الفلول للرئاسة وحصل وشفيق ووصل للاعادة بس الحمد لله 75% من الشعب لسة صاحى وانتخب ممثلى الثورة ولولا التفتيتت كان الامر حسم, المهم احنا لازلنا موجودين واحنا اقوى منهم بكتير حتى لو شفيق نجح وبقى رئيس (لا قدر الله) احنا مؤيدى ابو الفتوح وصباحى اكتر من 14 مليون وهنفتح عنينا عليهم ومش هخليهم يعيشوا يوم واحد سعيد ونشتغل ليهم فى الازرق وكل يوم استجواب واعتصام ومطالبة بحقوقنا حتى لو قتلونا او حبسنوا احنا مكملين لغاية ما نعدلهم او نغيرهم ويغوروا فى دهية, المهم اليأس دة مش لازم يستمر احنا الاقوى واحنا اصحاب البلد - الثورة مستمرة ولن تموت الا بموتنا

اعتصام..ده مفروض اللى يعتصم ولا يتظاهر تانى ينداس بالدبابات فى الشارع..وتعتصم ليه ولمين..تعتصم عشان تجيب حق مين..اذا كان الشعب اصلا مش عايز..خلاص راضى بكده..

[ssmaly]

اقول حاجة ومحدش يزعل منى

فعلا شعب مصر يعشق الذل والهوان

كفيت ووفيت فعلا احنا كده ومنستحقش غير كده..والمفروض الحاكم اللى يجى علينا "شفيق"بامر الله وبايد ولاد مصر ..يسحلنا ويمثل بينا ويشردنا ويهينا ويذلنا ويخلى الداخلية تعمل فينا البدع كلها..اصلنا منستحقش غير كده..

ان شاء الله فور اعلان شفيق رئيس هبعتله اعتذار وتهنئة وطلب بتغيير الجنسية اللى بقت تعر دى..ونشوف لنا وطن يحترمنا وناسه واعيين مش شوية.............الله لا يسامحهم

ان ضد اى واح بيتهم الشعب بعشقه للذل

انا هنا اتهم كل ما يسمى النخبة

انا اتهم مرشحى الرئاسه المحسوبين على التيار الثورى وانهم اهتموا بمصلحتهم الشخصية ولم يتحدوا

انا هنا اتهم الاخوان الذين استغلوا جهل وفقر الكثير من الشعب لتوجيهم لانتخاب مرشحهم وكذلك فعل شفيق

انا هنا اتهم التيار الثورى الذى لم ينزل الى كل قرية وكفر فى اعمق الريف والصعيد وتركهم لبقايا الحزب الوطنى

انا هنا اتهم كل النخبة التى لم تفعل اى شىء لمحو الامية وخاصة الاخوان التى تعمل فى مشروعات خيرية تطعم بها الناس ولا تعلمهم وتستغل جهلهم وفقرهم عند الحاجة

انا هنا اتهم كل واحد قاعد وراء الكيبورد يحاور طبقة معينة وترك الغلابة بدون ان ينصحهم لوجه الله فى كيفية الاختيار

انا هنا اتهم كل كاتب متحزلق عمال يلف على التلفزيونات يحاضر طبقة معينة واهمل الناس الغلابة الى اثبتوا انهم مؤثيرن لدرجة كبيرة ثم نتهمهم بالجهل وحبه للذل

انا احب ان اسأل الاخوان ماذا فعلوا طوال 80 سنه جهاد وتجارة رابحة بالمليارات لتعليم وتشغبل الغلابة؟؟؟

[ماستر]

قلنا قبل كدة المكسب الحقيقى للثورة هو تربية جيل جديد على الحرية والديقراطية, جيل يعرف حقة يبدأ من الشباب الصغير الذى لم يلوثة عصر مبارك وهم من كانوا عماد الثورة الحقيقة ومن بدأوها ومعظم الشهدأ منهم, والحمد لله لسة موجودين, افكركم الثورة المصرية عدت عليها ايام اسوء من كدة بكتير والحمد لله ربنا معنا وان شاء الله الثورة منتصرة ومستمرة

[ماستر]

فية اية يا جماعة انتم مصدومين قوى كدة لية؟

احنا بقالنا فترة طويلة بنحذر من الى حصل دة وقلنا ان ممكن تفتيت الاصوات يوصل واحد من الفلول للرئاسة وحصل وشفيق ووصل للاعادة بس الحمد لله 75% من الشعب لسة صاحى وانتخب ممثلى الثورة ولولا التفتيتت كان الامر حسم, المهم احنا لازلنا موجودين واحنا اقوى منهم بكتير حتى لو شفيق نجح وبقى رئيس (لا قدر الله) احنا مؤيدى ابو الفتوح وصباحى اكتر من 14 مليون وهنفتح عنينا عليهم ومش هخليهم يعيشوا يوم واحد سعيد ونشتغل ليهم فى الازرق وكل يوم استجواب واعتصام ومطالبة بحقوقنا حتى لو قتلونا او حبسنوا احنا مكملين لغاية ما نعدلهم او نغيرهم ويغوروا فى دهية, المهم اليأس دة مش لازم يستمر احنا الاقوى واحنا اصحاب البلد - الثورة مستمرة ولن تموت الا بموتنا

اعتصام..ده مفروض اللى يعتصم ولا يتظاهر تانى ينداس بالدبابات فى الشارع..وتعتصم ليه ولمين..تعتصم عشان تجيب حق مين..اذا كان الشعب اصلا مش عايز..خلاص راضى بكده..

واية يعنى عندما بدأت الثورة كان هذا هو السيناريو المتوقع

الشعب الى بتقول علية دة 75% منه انتخب ممثلى الثورة, يعنى بتاخد الغالبية العظمى بذنب الاقلية

[عادل أبو عمر]

رغم كل شيء بقول الحمد لله ... إننا بقينا بنعرف نتكلم و نفكر مع بعض تاني

[mahmoh]

واية يعنى عندما بدأت الثورة كان هذا هو السيناريو المتوقع

الشعب الى بتقول علية دة 75% منه انتخب ممثلى الثورة, يعنى بتاخد الغالبية العظمى بذنب الاقلية

اذا كان75% من الشعب انتخب ممثلى الثورة

شفشق وصل المركز التانى ازاى

فهممهالى ومتقولش تفتيت اصوات

[hakeem]

فية اية يا جماعة انتم مصدومين قوى كدة لية؟

احنا بقالنا فترة طويلة بنحذر من الى حصل دة وقلنا ان ممكن تفتيت الاصوات يوصل واحد من الفلول للرئاسة وحصل وشفيق ووصل للاعادة بس الحمد لله 75% من الشعب لسة صاحى وانتخب ممثلى الثورة ولولا التفتيتت كان الامر حسم, المهم احنا لازلنا موجودين واحنا اقوى منهم بكتير حتى لو شفيق نجح وبقى رئيس (لا قدر الله) احنا مؤيدى ابو الفتوح وصباحى اكتر من 14 مليون وهنفتح عنينا عليهم ومش هخليهم يعيشوا يوم واحد سعيد ونشتغل ليهم فى الازرق وكل يوم استجواب واعتصام ومطالبة بحقوقنا حتى لو قتلونا او حبسنوا احنا مكملين لغاية ما نعدلهم او نغيرهم ويغوروا فى دهية, المهم اليأس دة مش لازم يستمر احنا الاقوى واحنا اصحاب البلد - الثورة مستمرة ولن تموت الا بموتنا

اعتصام..ده مفروض اللى يعتصم ولا يتظاهر تانى ينداس بالدبابات فى الشارع..وتعتصم ليه ولمين..تعتصم عشان تجيب حق مين..اذا كان الشعب اصلا مش عايز..خلاص راضى بكده..

واية يعنى عندما بدأت الثورة كان هذا هو السيناريو المتوقع

الشعب الى بتقول علية دة 75% منه انتخب ممثلى الثورة, يعنى بتاخد الغالبية العظمى بذنب الاقلية

ثورة...!!!فين دى..وايه نتايجها..

عارف فى الاعاده هتلاقى ال25%دول بقوا 50%ولا 90%..كان عنده حق شفيق لما قال "مفيش ثورة"

طيب ما تطلعولنا مبارك يحكمنا واهو اللى نعرفه احسن من اللى منعرفوش..

حاجه تحرق الدم..ولا حصلت ولا هتحصل..نقوم ننام احسن ..

[وطني حر]

صراحه انا مصدوم من الي حصل .؟؟

مكسوف وماليش وجه اقابل الزملاء في الشغل بكره ؟

رغم ان هناك قشه امل في الاعاده . لكن لو حصل ونحج شفيق . ؟؟ خزي وعار علي كل ..........

انا لمست من بيانات المجلس العسكري وتخذراته من الاعتراض علي نتائج الانتخابات .. لكن ... ما كنتش مصدق ان المصريين يعملوها تاني ؟؟

[فولان بن علان]

قلنا قبل كدة المكسب الحقيقى للثورة هو تربية جيل جديد على الحرية والديقراطية, جيل يعرف حقة يبدأ من الشباب الصغير الذى لم يلوثة عصر مبارك وهم من كانوا عماد الثورة الحقيقة ومن بدأوها ومعظم الشهدأ منهم, والحمد لله لسة موجودين, افكركم الثورة المصرية عدت عليها ايام اسوء من كدة بكتير والحمد لله ربنا معنا وان شاء الله الثورة منتصرة ومستمرة

أثمن مداخلتك هذه أخي الكريم

وأثني على هذه الروح في هذا الظرف الحرج

بإذن الله الثورة منتصرة

لا عودة للوراء

تقبل تحياتي

[Alshiekh]

واية يعنى عندما بدأت الثورة كان هذا هو السيناريو المتوقع

الشعب الى بتقول علية دة 75% منه انتخب ممثلى الثورة, يعنى بتاخد الغالبية العظمى بذنب الاقلية

شفيق وعمر موسى عاملين لوحدهم 36%

64% الباقيين متقسمين بين صباحي ومرسي وابو الفتوح

فين بقى مرشح الثورة في الثلاثة دول؟ حمدين؟ والا ابو الفتوح؟ بالطبع مش مرسي!!!

نزول مرسي كان أكبر غلطة عملها الاخوان لان ناس كتير كانوا مؤيدين لابو الفتوح وهو يعتبر اخف الضررين لان الناس مش عايزة الاخوان يسيطروا على كل حاجة في البلد علشان ميبقاش حزب وطني بوجه جيني.

[نوران]