غرفة المحاورات المركزية .. لمتابعة انتخابات الرئاسة المصرية

[أسد]

مين اللي يقول إنه علشان الثورة تبقى مستمرة

يبقى لازم مرسي

ده كلام مش صحيح ومش مظبوط

إيه العلاقة بين الثورة ومرسي

ده حاجة ..

وده حاجة تانية خالص ...

شفيق ملوش علاقة برضة بالثورة .. علشان عدم حدوث أي إلتباس في الفهم

عربة الثورة ..

غرزت ياجماعة

والمركب اللي فيها ريسين بتغرق

مابالك بمركبنا ... أقصد ..

ثورتنا

بعد كل اللي قالوه .. وخصوصاً حبيبنا ونن عنينا أبو وش سمح ...

الشيخ صفوت حجازي ...

بذكاؤه المنقطع النظير .. وتصريحاته الألمعية الجميلة الواثقة الهادئة ..

خلى الناس تصوت لشفيق ..

أعتقد إنه هو وكام واحد كمان لازم يوصلهم خطابات شكر وشهادات تقدير من حملة شفيق

[نوران]

زي ما بيقولوا على كلام شفيق

الكلام ده مابياكلش معانا

برضه الكلام اللي فوق ده

مابياكلش معانا

مش عارفة أقول لحضرتك ايه لو كل ده مش مقنع لحضرتك

ده رأي دكتور باسم يوسف

د. باسم يوسف :

----------------------

قدامك 3 حلول :

يا تقاطع وفى الحاله دى لو شفيق نجح متلومش الا نفسك عشان هنتسحل ويطلع عين اهلنا .

يا اما تبيع ثورتك وتنتخب شفيق بالعند فى الاخوان عشان خاطر انت مختلف معاهم فى بعض الحاجات وفى الحاله دى تستحق الموت

لانك بعت ثورتك وبعت دم اخواتك اللى ماتوا عشانك .

ياما تنتخب مرسى وتقول الحمد لله وقدر الله وماشاء فعل واهو اهون من اللى قتل وخرب ودمر وسرق واهو على الاقل نكون حققنا هدف

وهو اسقاط الفلول ..ده راى وبالنسبه لى صوتى لمرسى عشان معنديش حل بديل

[نوران]

[أسد]

فيه مثل عربي بيقول

المغصوبة ما تاخد منها لبن

أي أن المعزة إذا غصبتها وشديتها بالعافية علشان تحلبها مش حتعرف تحلبها ولا تاخد منها لبن

واحنا في مصر مغصوبين

سواء شفيق

أو مرسي

أن نحدد موقف مقابل أن نهرب من الموقف المضاد

فهذا جهل وتخلف

يبقى نعمل إيه

نقعد .. ونستنى .. ونهدأ .. ونسمع

نسمع كل واحد حيقول إيه

ومش كده وبس

لازم تكون فيه مبادرات عملية ..

اللي يقدر يقنعنا .. حننتخبه

اللي مش حيقنعنا .. يبقى يولع بجاز ..

ومش حاقعد في البيت ..

حافضل أتابع لحد يوم الإعادة

وحاروح أدي صوتي لواحد من الإتنين

اللي حيقنعني أكثر حانتخبه

أما مسألة الوعود . والكلام الغامض ..

لازم يكون فيه شفافية

يعني أن مكتب الإرشاد يقعد يجتمع ويتكتك .. ويطلع لنا بيانات بكلام عايم .. مش حينفع

لازم يكون كلام واضح وصريح ومحدد .. والبيان العملي في مجلش الشعب .. وتشكيل لجنة تأسيسية الدستور ...

البيان العملي في الشارع

البيان العملي .. إن تحل جمعية الإخوان المسلمين ومكتب الإرشاد ويكتفى بحزب العدالة والتنمية .. والهيئة العليا للحزب

البيان العملي .. إن مايبقاش فيه حاجة إسمها مرشد .. الجماعة تدين له بالولاء والسمع ولاطاعة

ماينفعش ينضحك علينا كل شوية ... وناكل على قفانا ونسكت

ماينفعش حد يضحك علي ويقولي علشان الثورة ماتضيعش روح انتخب مرسي

بأمارة إيه

[عطر الجنة]

مركز كارتر يؤكد بالارقام احتلال صباحى للمركز الثانى وليس الثالث

لكن يبدو ان الحبايب ليهم شوق يعيدوا مع شفيق و ابتدوا المسلسل بدرى

[احمد رضوان]

هل حد عند خبر عن ان حمدين اعتذر بالفعل عن الإجتماع مع مرسي اليوم؟؟

[Om Zayd]

على ما اذكر فيه مؤتمر صحفي لحمدين اليوم

[احمد رضوان]

الخبر على الجزيرة لأ وكمان أبو الفتوح مش حيحضر

هو فيه ايه

انا خلاص حاتجنن

[Om Zayd]

القوانين ليست مجرد نص.. لكنها روح أيضا و مضمون

و شىء مثل هذا... أقصد التنحى أو المغادره أو أى إسم... لن يتم بالقطع إلا بعد التشاور و التأكيد... بما فيه إعلان ما سيتم علنا أمام الناس من لجنه الإنتخابات

مهو... مفيش عاقل بيشترى سمك فى الميه... من الجانبين

تضمن حضرتك او اي حد ان اللجنة متوافقش على ده بصفتها الادارية

ثم يتقدم شفيق بطعن .. فتقبله اللجنة بصفتها القضائية؟؟

عموما الكلام ده سابق لاوانه

ننتظر اعلان رسمي للنتائج

يمكن يطلع حمدين التاني فعلا

[أسد]

الإخوان بتكبرهم .. وعنادهم .. وعنجهيتهم ...

وضعوا المصريين في أكبر مأزق في تاريخهم

ولبسوا المصريين في الحيط ...

ياجماعة خلوا بالكم من الكلام

المسألة مش محمد مرسي

ده محمد مرسي الواجهة بس

إنما الخلفية فيها بديع والشاطر والعريان والبلتاجي وووووووو ......

[احمد رضوان]

الحقوا احنا بيتلعب بينا

بجاتو على اون تي في بيقول ان صباحي لسه مخرجش وان اللى بيتقال كلام غير رسمي

العبي يا ألعاب

تم تعديل 26 مايو 2012 بواسطة احمد رضوان

[احمد رضوان]

موسى يطالب بالتحقيق الفوري في تصويت أكثر من 900 ألف مجند أمن مركزي بالجيزه

المصدر

http://www.shorouknews.com/news/view.aspx?cdate=26052012&id=ca322695-2ea0-4dc1-a843-ffd5846e8356

شكل النتيجة حتتغير ولا إيه

تم تعديل 26 مايو 2012 بواسطة احمد رضوان

[Om Zayd]

سينجح شفيق وسيخسر منافسه حتى لو اصطف خلفه كل الناس إذا لم نتأكد من حقيقة كشوف الناخبين وتمركز تقدمه في محافظات ذات الكثافة العسكرية (المنوفية، الشرقية، الغربية، الدقهلية) .. هو دور كل من يملك القدرة على إعادة فرز هذه الكشوف!

منقول

[doctor ayman]

انا كنت فاكر الناس كلها هاتنتخب مرسي في الاعاده بدون تفكير

كنت اعتقد انه لاوجه للمقارنه بين شفيق ومرسي

لكنني صدمت بمدي كراهيه الناس للاخوان وهذه كانت مفجأه لي

انا اختلف مع الاخوان ولكني لا اكرههم واجد ان فوز محمد مرسي يعني استمرار الثوره

انا انتخبت حمدين صباحي لانني كنت ابحث عن طريق ثالث بين التيار الديني والنظام القديم

كنت ادعم ابو الفتوح حتي اعلن السلفين دعمهم له وعندها فقط بدات اقلق منه وعملت شفت لحمدين

واعتقد ان الكثيرين تخلوا عن ابو الفتوح لنفس السبب وهو انهم شعروا انه لا يمثل الطريق الثالث

ارجوكم يااخواني يجب الا تقاطعوا الانتخابات ولننتخب محمد مرسي لان نجاح شفيق سوف يعقد الامور اكتر

وهندخل في متاهه من المظاهرات والاعتصامات وعندها لن يتعاطف معنا احد لان هذه اراده الشعب هذه هي الديموقراطيه

[متعب]

كلام من مصادر شبه مؤكده

نتيجه الطعون المتواجده على شفيق على الساحه هتنزل من رصيد اصواته وتنزل لدرجه انها تساوى صباحى فى الاصوات

وبكده يبقى دخل صباحى تالت معاهم

والطبيعى ان اصوات ابو الفتوح وصباحى بدل ماهى هتكون لمرسى فى الاعاده

يبقى مرسى فى الكلوب

[EsoWay]

الله أكبر

يارب الخبر صحيح

[أسد]

العبقري وحيد حامد

قال عايزين ببطلوا الفن والسينما قال

[se_ Elsyed]

أنا هاتجنن والله .... عمال اسأل الدنيا واللي اعرفهم كلهم في مصر .. مين ادى صوته لشفيق يا جدعان ؟

يقولوا لي إحنا كمان بنسأل مش لاقيين إجابات

على فكرة حتى في المعاقل اللي فاز فيها بأغلبية ... طب اللي بأسألهم ناس وطنيين .. طب إيه ما سمعوش هما كمان عن حد من الفلول راح أنتخبه وقال لهم ؟

ولا هانعمل زي مسرحية وجهة نظر وفي ناس معانا بتستعمانا ؟

[طبيبة بالخارج]

كلام من مصادر شبه مؤكده

نتيجه الطعون المتواجده على شفيق على الساحه هتنزل من رصيد اصواته وتنزل لدرجه انها تساوى صباحى فى الاصوات

وبكده يبقى دخل صباحى تالت معاهم

والطبيعى ان اصوات ابو الفتوح وصباحى بدل ماهى هتكون لمرسى فى الاعاده

يبقى مرسى فى الكلوب

برضه فيها مشكلة تشتت أصوات الثوار ما بين مرسي و صباحي و ده حيكون للأسف لصالح شفيق

الا لو تنازل مرسي لصباحي أو بالعكس يعني برضه عمل تحالف سياسي و سيظهر من همه الحقيقي البلد أم مصالحه الشخصية

[اثار]

سينجح شفيق وسيخسر منافسه حتى لو اصطف خلفه كل الناس إذا لم نتأكد من حقيقة كشوف الناخبين وتمركز تقدمه في محافظات ذات الكثافة العسكرية (المنوفية، الشرقية، الغربية، الدقهلية) .. هو دور كل من يملك القدرة على إعادة فرز هذه الكشوف!

منقول

ممكن ده يكون تفسير للعدد الكبير من الاصوات اللي حصل عليها شفيق

رغم عدم الرضي والحزن الذي نراه علي المصريين

من صعوده سواء علي الانترنت او في الشارع

تم تعديل 26 مايو 2012 بواسطة همسات مصرية