غرفة المحاورات المركزية .. لمتابعة انتخابات الرئاسة المصرية

[ام سلمي]

بجد لو احمد شفيق ده كسب حنبقي اضحوكة العالم

ده عامل زي القذافي ، بيقول شباب الثورة حيستردوها

من اللي ( هبشوها ) منهم

الكلام فعلا موجود علي صفحته الرسمية علي تويتر

[زهرة الجبل]

أنا سعيده جداً .. و فرحانه جداً .. و فخوره إني مصريه .. و ممتنه جداً لدماء الشهداء التي

أوصلتنا لهذا اليوم الذي تتمناه بقية الأمم

[MZohairy]

حتى الآن لم يتم رصد خروقات كبيره من شأنها التأثير على نتائج الانتخابات او تشكل عمل ممنهج من مرشح بذاته

لو مشيت الامور بهذا الشكل سأقبل نتيجة الترشيح حتى و لو كان الفائز هو الشيخ حازم ابو اسماعيل او حتى عمر سليمان

طالما جاء عن اختيار حقيقي بدون تزوير في ورقه او في اراده

[eslam elmasre]

إيقاف إحدى اللجان بالدقهلية بعد اكتشاف «تسويد» 35 بطاقة لصالح «مرسي»

تموتو في المؤامرات والحيل وشغل تحت السلم

اكيد بتعملو كده وعندكم تبرير ديني من ترزية الفتاوى اللي بتقبضوهم وبتغدوهم

اذا كان لما رجعو في كلامهم ورشحو رئيس طلعو رواية تحلل لهم رجوعهم عن قرارهم

يارب احفظ مصر من المتأسلمين و من شايعهم

[se_ Elsyed]

حمله انا الرئيس

إعتقال محمد حسن عبدة : معاه ٣١٤ بطاقة إنتخابات مزورة

الاربعاء 23 مايو 2012 2:40:55 م

تم إعتقال المواطن محمد حسن عبده ( ٣٤ سنة ) عضو حزب الحرية والعدالة بمحافظة بورسعيد ، بعد أن تم ضبطه ، وهو يحمل ٣١٤ بطاقة إنتخابية مزورة . تم تسجيل محضر بالواقعة رقم ٦٧٥ إداري ٢٠١٢ .

يتردد أن القوات المسلحة تتحفظ علي هذا المواطن في مكان أمين ، حتي يتم التحقيق معه

[se_ Elsyed]

مش عارف .. هل درجة الحرارة العالية أثرت على الإقبال في بعض اللجان ؟

يعني شوفت مداري فاضية خالص ولا كأننا في إنتخابات إعادة والناس مش مهتمة

ولا الوتيرة هاتزيد لما الموظفين يخرجوا من اعمالهم وبالتأكيد الأعداد هاتزيد بكره

[ام سلمي]

إيقاف إحدى اللجان بالدقهلية بعد اكتشاف «تسويد» 35 بطاقة لصالح «مرسي»

تموتو في المؤامرات والحيل وشغل تحت السلم

اكيد بتعملو كده وعندكم تبرير ديني من ترزية الفتاوى اللي بتقبضوهم وبتغدوهم

اذا كان لما رجعو في كلامهم ورشحو رئيس طلعو رواية تحلل لهم رجوعهم عن قرارهم

يارب احفظ مصر من المتأسلمين و من شايعهم

حقوقي يؤكد ان الاوراق واردة من مطبعة اللجنة العليا و فيها العلامات دي ، و ان القاضي

هو اللي فض السلوفان الخاص بيها بنفسه

http://www.youtube.com/watch?v=dMWa2WFF8K8&feature=youtu.be

[se_ Elsyed]

#رصد| #من_الرئيس ؟| #بورسعيد| القبض على أعضاء من حملة محمد #المرسى المرشح لرئاسة الجمهورية، حيث تم عرضهم على النيابة، بتهمة كسر الصمت الإنتخابى.

وأسماء المقبوض عليهم برقم المحاضر التى سجلت لهم:

ايهاب محمد حسين 2032/2012 جنح المناخ

محمد ياسين عمر 2033/2012 جنح المناخ

... محمد حسن عبده محمد 765/2012 جنح العرب

[se_ Elsyed]

#رصد| #مَن_الرئيس؟| #البحيرة| القبض على بعض أعضاء حملة أبو الفتوح بسبب توجيههم للناخبين. مصطفي خضر من أمام لجنة أحمد عرابي, وصلاح سمك من أمام مدرسة الثانوية العسكرية, ومحمود قدري من أمام مدرسة السيدة خديجة.

أحسن .. لازم نتعلم الأدب شويه ونبقى متحضرين

[ام سلمي]

قولوا امين :)

يارب اللي ينزل ينتخب شفيق او موسى الطريق يتعطل

ولو الطريق متعطلش يتوه وميعرفش اللجنه

ولو وصل اللجنة ميعرفش رقمه

ولو عرف يكون نسي بطاقته وميعرفش ينتخب

ولو عرف ينتخب القلم يطفح منه

ولو القلم مطفحش يجيله حول لحظي ويعلم في الورقه

على مرشح تاني بالغلط ،، قادر ياكريم يارب

تم تعديل 23 مايو 2012 بواسطة ام سلمي

[عادل أبو عمر]

إيقاف إحدى اللجان بالدقهلية بعد اكتشاف «تسويد» 35 بطاقة لصالح «مرسي»

تموتو في المؤامرات والحيل وشغل تحت السلم

اكيد بتعملو كده وعندكم تبرير ديني من ترزية الفتاوى اللي بتقبضوهم وبتغدوهم

اذا كان لما رجعو في كلامهم ورشحو رئيس طلعو رواية تحلل لهم رجوعهم عن قرارهم

يارب احفظ مصر من المتأسلمين و من شايعهم

بالله عليك يا إسلام يا خويا يومين بس نفرح .. كلنا ...

يا راجل موحشتكش اللمة الحلوة دي ..

ماحنا بقالنا أكتر من سنة في نكد و خناق ..

فاصل فرح يومين و أدعو الله ألا نعود إلا بما تقر به عيون أمهات الشهداء

[محمد عبدالعزيز]

مش عارف .. هل درجة الحرارة العالية أثرت على الإقبال في بعض اللجان ؟

يعني شوفت مداري فاضية خالص ولا كأننا في إنتخابات إعادة والناس مش مهتمة

ولا الوتيرة هاتزيد لما الموظفين يخرجوا من اعمالهم وبالتأكيد الأعداد هاتزيد بكره

انا كنت عامل حسابى على ساعتين تلاتة فى الطابور زى يوم الاستفتاء, خلصت العملية كلها فى 5 دقايق بس من ساعة وصولى للجنة ومن ضمنهم انتظار فى خارج اللجنة لمدة دقيقتين تقريباً.

ولكن رغم عدم وجود زحام كان الصندوق فيه حوالى ربعه مليان وكانت الساعة 11:30

أعتقد إن النظام كويس المرة دى عشان كده مفيش طوابير طويلة, أو يمكن فى ناس كتير عاملة حسابها تروح بكره عشان متوقعين النهارده اللى يبقى زحمة.

[eslam elmasre]

قولوا امين :)

يارب اللي ينزل ينتخب شفيق او موسى الطريق يتعطل

ولو الطريق متعطلش يتوه وميعرفش اللجنه

ولو وصل اللجنة ميعرفش رقمه

ولو عرف يكون نسي بطاقته وميعرفش ينتخب

ولو عرف ينتخب القلم يطفح منه

ولو القلم مطفحش يجيله حول لحظي ويعلم في الورقه

على مرشح تاني بالغلط ،، قادر ياكريم يارب

تصدقي اني كنت رايح انتخب (موسى ) وقلت قبل ما اروح اتغدي اروح انتخب

اجي ادخل من شارع الاقيه زحمة موت قمت مخرم من شارع تاني لقيت الشارع مسدود لغاية اخره

قلت اخرم من شارع تالت لقيته مسدود لطبة عينه قمت عامل للخلف در وراجع على البيت قلت اتغدي وانزل بعد الظهر يكون الجو هدى شوية

ودلوقتي عرفت انك داعية من قلبك :)

[عادل أبو عمر]

إيقاف إحدى اللجان بالدقهلية بعد اكتشاف «تسويد» 35 بطاقة لصالح «مرسي»

وزير الداخلية الآن على القناة الأولى ينفي هذا الخبر و ينفي حدوث أي حالة تسويد في أي لجنة حتى الآن

[Om Zayd]

للناس اللي لسة هتنتخب :

1)إتأكد إن الورقة مختومة و الختم مش ختم عادي ..ده ختم عبارة عن بروز بس في الورقة من فوق .

2) الكشف الانتخابي لازم توقع فيه و تخلي الموظف هو كمان يوقع و الرقم القومي بتاعك بيبقى مكتوب في الكشف ما عدا آخر رقمين ..لازم الموظف يكمل أخر رقمين دول بإيده و لو مرضاش قول للقاضي على طول .

منقول

[اثار]

قولوا امين :)

يارب اللي ينزل ينتخب شفيق او موسى الطريق يتعطل

ولو الطريق متعطلش يتوه وميعرفش اللجنه

ولو وصل اللجنة ميعرفش رقمه

ولو عرف يكون نسي بطاقته وميعرفش ينتخب

ولو عرف ينتخب القلم يطفح منه

ولو القلم مطفحش يجيله حول لحظي ويعلم في الورقه

على مرشح تاني بالغلط ،، قادر ياكريم يارب

اللــهم امــــــــين

تعليق من صفحة كلنا خالد سعيد

امبارح واحد سواق تاكسى قالى بكرة هننتخب شفيق ويارب يكسب قولتلو شفيق اية ياعم قالى احنا شعب مبيجيش الا بالكرباج قولتلو متزعلشى منى امثالك اللى بيحبو الكرباج ولسة مكملتش الكلمة قام هو كاسر اللاشارة وماشى مخالف قولتلو شوفت اهو انت مينفعش معاك حرية لو فى ضابط مرور واقف مكتش عملت كدة انما احنا ناس بنحترم نفسنا مش زيك قولتلو انتخب شفيق بس بردو مش هيكسب ولو لا قدر الله كسب احنا مش هنسكت ومش هنرجع لورا تانى

تم تعديل 23 مايو 2012 بواسطة همسات مصرية

[ام سلمي]

في اخبار كتير عن ان انصار شفيق نازلين بلطجة جنب اللجان ولا كأن الحزب الوطني رجع

م.خالد حربي| عاجل

القليوبية مركز طوخ - قرية عرب الوراشد قام عمدة القرية صلاح ابو نصر واخيه وبعض اتباعه بالدعاة العلنية لشفيق امام اللجنة وعندما اعترض عليهم اتباع المرشح محمد مرسي واعضاء من حزب النور قاموا بالاعتداء عليهما بالاسلحة البيضاء وتم نقل 8 منهم للمستشفي

[أبو محمد]

قولوا امين :)

يارب اللي ينزل ينتخب شفيق او موسى الطريق يتعطل

ولو الطريق متعطلش يتوه وميعرفش اللجنه

ولو وصل اللجنة ميعرفش رقمه

ولو عرف يكون نسي بطاقته وميعرفش ينتخب

ولو عرف ينتخب القلم يطفح منه

ولو القلم مطفحش يجيله حول لحظي ويعلم في الورقه

على مرشح تاني بالغلط ،، قادر ياكريم يارب

تصدقي اني كنت رايح انتخب (موسى ) وقلت قبل ما اروح اتغدي اروح انتخب

اجي ادخل من شارع الاقيه زحمة موت قمت مخرم من شارع تاني لقيت الشارع مسدود لغاية اخره

قلت اخرم من شارع تالت لقيته مسدود لطبة عينه قمت عامل للخلف در وراجع على البيت قلت اتغدي وانزل بعد الظهر يكون الجو هدى شوية

ودلوقتي عرفت انك داعية من قلبك :)

دعوة "أم سلمى" رشقت فيك يا إسلام لأنك مليت الدنيا دعاية لعمرو موسى وكنت متحمس له على الآخر

إيه رأيك بقى .. أنا كنت كاتب رقم اللجنة ورقمى المسلسل على الموبايل .. وكنت ناوى أنزل ساعة الضهرية علشان الناس تكون روحت تتغدى .. قوم إيه .. جالى ضيوف .. ونزلت الساعة خمسة ونص .. وشارع ابو قير كان واقف .. وانا لجنتى فى زيزينيا .. قمت مخرم وطالع على شارع الترماى لغاية قصر الصفا ومنها على جامع يحى وشمال فى يمين لقيت نفسى قدام اللجنة "زيزينيا الثانوية بنات" .. ومكان فاضى ركنت العربية .. وباطلع الموبايل لقيتنى نسيته فى البيت .. بس على مين .. كنت حافظ رقم اللجنة ورقمى فى الكشف .. ودقيقة ونص وكنت طالع من اللجنة والحبر فى صباعى ومنتخب عمرو موسى

شوفت فايدة التكتيم .. دارى على شمعتك تقيد .. واستعينوا على قضاء حوائجكم بالكتمان

وحبايبى "الأخوان" بيطبقوا الحديث الشريف ده بحذافيره .. يعنى بيستعينوا بالكتمان على قضاء حوائجهم .. ولذلك الشعب دايما مش عارف خطوتهم الجاية إيه .. يبقوا عمالين يقولوا يمين .. يمين .. يمين .. وهوب تلاقيهم داخلين شمال .. ليه علشان كانوا بيستعينوا على قضاء "حوائجهم" بالكتمان

أولادى باين عليهم انتخبوا "صباحى" .. قلت لهم برافو .. ياريت يكسب علشان تشوفوا اللى شفناه .. وبعدين تبقوا تتعلموا

على أى حال يا إسلام .. لازم نتحمل مسؤولية اختيارنا "كشعب" .. ونتعلم .. ونعرف نعزل ونخلع اللى ما يعجبناش فى الانتخابات اللى وراها .. إى وضع .. وأى رئيس .. حتى لو مرسى :P حيبقى أحسن من الوضع اللى احنا فيه .. وضع اللى مقرفص ولا قادر يقعد .. ولا قادر يقف على رجليه .. ولا قادر حتى ينام

[ام سلمي]

ده احمد شفيق تفوق علي جورج بوش نفسه :)

عاجل : غرفة عمليات حكومة ظل الثورة : ضرب احمد شفيق بالجزم فى مدرسة فاطمة عنان فى التجمع الخامس بالقاهرة الجديدة وتم طرده وكل اعضاء حملته من المدرسة

[se_ Elsyed]

الموضوع ده لازم يتحلل ويتدرس

هناك لجان كثيرة لم تتجاوز نسبة المشاركة فيها إلى 10 % ..

يعني لجنة مُسجل فيها 11 الف ناخب .. ييجي بس النهاردة 1000 واحد ؟

طب إيه الباقي مكسلين وهايتكربسوا كلهم بكره ؟