غرفة المحاورات المركزية .. لمتابعة انتخابات الرئاسة المصرية

[se_ Elsyed]

عاوز أمسك أي حد ينشر نتائج إستطلاعات عن اللي حصل النهاردة وأفضل أضربة في مناخيرة بالأبكاس لحد ما ألزق مناخيرة في قفاه .. أو ابططها له وأخليها بفتحه واحده

مسئول بحملة أبو الفتوح: المؤشرات لصالح مرشحنا يليه صباحي ومرسي خارج المنافسة

[se_ Elsyed]

بيقول لك أول قرار لشفيق هايبقى إلغاء لبس الجزم ... ويا نمشي حافيين .. يا نلبس خُف ... بيبقى بتاع كده عامل زي فروة الخروف وبيتلف على الرجل ...

[محمد عبدالعزيز]

أنباء عن إصابة شفيق بـ "جزمة" قلبية

:)

منقول

[Howayda Ismail]

أموت واعرف الراجل ده كان

منشكح اوى انهاردة ليه

شكله كان متقل فى العيار

[عادل أبو عمر]

الكتاتنى يقف فى طابور بأكتوبر ساعة ونصف للإدلاء بصوته..

[اثار]

بيقول لك أول قرار لشفيق هايبقى إلغاء لبس الجزم ... ويا نمشي حافيين .. يا نلبس خُف ... بيبقى بتاع كده عامل زي فروة الخروف وبيتلف على الرجل ...

عاجل / شفيق يطالب باحتساب عدد الجزم اللي اتحدفت عليه ضمن نتيجة التصويت

بيقولك الجزم بعد كده هتتباع 3 فرد ... فردة يمين وفردة شمال وفردة لشفيق

منقول

[ام محمد]

اسمحولي اعبر عما يجول بخاطري : اليوم عيد في مصر والفرحة في كل القلوب من الداخل والخارج لان كل العرب عيونهم على مصر ..لان مصر هي قلب الوطن العربي ...وكل العرب سعداء لهذا العرس الديمقراطي ..والله مصر تستاهل كل خير تستحق رجل عظيم محترم يدير شؤونها ويعوض الشعب عن التضحيات اللي بذلها ..مصر عظيمة وكلنا بندعي ان ربنا يولي عليها من يصلح امورها ...والى الامام ياشعب مصر ..

[se_ Elsyed]

إزاي شخص زي ده يُستأمن على الحكم في قضايا الناس او الحكم بالعدل ؟

إلغاء صندوق انتخابي بالمنوفية بعد تصويت قاضي اللجنة فيه لصالح شفيق

Wed, 05/23/2012 - 21:20

قام رئيس اللجنة العامة بمركز أشمون، بتشميع صندوق انتخابي ببندر أشمون، بعد قيام القاضي بالتصويت بداخله، والتحفظ عليه وفتح صندوق جديد للتصويت فيه.

كان مندوبو المرشح الرئاسي، الدكتور محمد مرسي بأشمون، قد تقدموا ببلاغ للجنة العليا للانتخابات بالمنوفية، ضد قاضي اللجنة رقم 80 ببندر أشمون يتهمونه بإضافة اسمه بكشوف الناخبين، وسحب استمارة تصويت لنفسه، والتصويت علانية أمام الجميع للفريق أحمد شفيق

[Ahmed Anwer]

أشرف بإن لجنتي الإنتخابية فاطمة عنان بالتجمع الخامس

هيا من قامت بضرب شفشق بالجزم و طرده

للأسف وصلت بعد أن تمت العملية :)

[عطر الجنة]

تونى راجعة من نصف ساعة فقط من تقفيل و تامين لجنة الانتخاب و التى كنت مندوبة عن ابو الفتوح فيها

امس لم استطع النوم الى ان صليت الفجر من القلق ... و بعد جهد اغمضت عيناى لكى ترتاح لكن دماغى صاحى

استقيظت فى السادسة و اربع و بسرعة حضرت اشيائى و كنت على باب اللجنة فى تمام السابعة و خمس دقايق لاجد قوات البحرية مع بعض المندوبات التى سبقننى فى استقبالى

المهم وجدت المستشار المسئول موجود

لكنى وجدت شئ غريب عندما طلبوا منى التوكيل الخاص و بطاقة الرقم القومى ... فقد طلبوا كارنيه اخر ... لم تقره اللجنة العليا للانتخابات سوى امس ... و اطلعونى على لوحة كبيرة فيها انواع كثيرة من الكارنيهات

قلت بس كرسى فى الكلوب عشان الحصان الجامح و النسر المحلق لصالح الميزان

و بسرعة حدث اتصال بغرفة العمليات لتدارك الامر

الغريب انى وجدت ان مندوبة الاخوان ايضا لا تعلم

بعد جدال مع العسكر طلبنا المستشار و اكتشفنا ان الكارنيهات تلك مع القاضى

و اكتشفت ان هناك مندوبة للاخوان و مندوبة لعبدالله الاشعل ... اخوان برده و اخرى لعمرو موسى و انا

عرفنى المستشار منذ ان وقعت عينه على ... ليه لانه كان رئيس لجنة فى انتخابات نقابة المهندسين و النتى كنت طرف فيها

المهم ابتدينا الشغل و عمل محضر فتح الجلسة

كان عدد النساء 5750

حضر فقط 1788

سارت العملية هادئة بمعدل 100 كل ساعة تقريبا ... معدل ثابت

لا احد فى اللجنة استطاع ان يتنبأ الى اين تسير المؤشرات .... لكن واقع الشارع يقول شئ هام .... حمدين يرتفع بسرعة الصاروخ

كم اخوى نصارى هائل لم اعرف بوجوده الا اليوم

مندوبتى الااخوان كانتا على وشك الجنون هما لا تعلما الى اين تسير العملية

تليفونات تنهال عليه من كل حدب وصوب تريد ان تعرف

لكن مثلكم بحثت عن الختم و كدت اصطدم بالقاضى الذى افلح فى امتصاص غضبى

لكنى رايت الختم و هو اعلى الصفحة و فى المكان الذى يتم فصل الورقة عن كعبها فيه

و نكمل

[se_ Elsyed]

ده أسمه إيه بقى ؟

المجلس العسكري يرفض مبيت مندوبي المرشحين باللجان الإنتخابية ...

بعد أن وافقت اللجنة العليا للإنتخابات بذلك

[عطر الجنة]

ده أسمه إيه بقى ؟

المجلس العسكري يرفض مبيت مندوبي المرشحين باللجان الإنتخابية ...

بعد أن وافقت اللجنة العليا للإنتخابات بذلك

تركتهم نائمين هناك بجوار غرفة الصناديق

[عطر الجنة]

كنت واقفة طول اليوم لارى الورقة و هى توضع فى الصندوق و هل هى ورقة دوارة ... الحبر فى الاصابع ... شخصيات المنقبات

و فعلا تم ضبط مهندس تابع للحرية و العدالة معه استمارات انتخاب بالقرب من مقرى الانتخابى لكنى حاولت التقصى عن الخبر و لم افلح

وصلنى من حملة ابو الفتوح و الاخوان القبض على العديد من اصحاب اللاب توب الواقفين بالقرب من المقار و تم مصادرة الاجهزة و اخلاء سبيلهم فى نهاية اليوم

مندوب لجنة حقوق الانسان كان موجود معظم الوقت

كنت دوما احاول التقصى بطريقة لو الناس قلمها بيتجه نحو اعلى الورقة يبقى ابوالفتوح او عمرو موسى و لو النظر لاسفل يبقى حمدين او المرسى

الناس كانت عيونها فرحانة لكنهم يريدوت الحفاظ على سرهم الصغير

و نكمل

[se_ Elsyed]

تحية عطرة لكل المناديب المتطوعين

الباشمهندسة عطر الجنة .. المجدع قوي

صديقي .. موعود معايا بالعذاب يا قلبي

أحمد انور الثوري الذي لا يهدأ

تيمور لسه مزنوق ولا فين ؟

[عطر الجنة]

تحية عطرة لكل المناديب المتطوعين

الباشمهندسة عطر الجنة .. المجدع قوي

صديقي .. موعود معايا بالعذاب يا قلبي

أحمد انور الثوري الذي لا يهدأ

تيمور لسه مزنوق ولا فين ؟

شكرا على تحيتك لكن بلدنا محتاجة كلنا نفرح بيها ... صدقنى لو قلت لك ان عندى قناعة ان لو اى حد نجح حيكون افضل من السابق لانه بكل بساط سيخشى غضب الشعب

كنت محتاجة افرح بالنهاردة ... كان كرنفال لم يمر ببلدنا من قبل

[عطر الجنة]

و استمر اليوم بمعدل ثابت الى الساعة السادسة و اذا بحنفية ناس اتفتحت و عم ازدحام استمر الى الثامنة

و اذ بمندوبتى الاخوان يروجون لاشاعة امتداد الانتخابات للتاسعة و كذبها القاضى بعد استيائه منهم

و قام بإدخال كل النسوة التى ى الشارع للمقر الانتخابى و اغلقه و كن عددهم 137 امرأة

و انتهينا منهن و ابتدت اجراءات غلق اللجنة

- غلق فتحة صندوق الترشيح بباب يغلق بقفل رقمى و تدوين ارقام الاقفال الخمس الرقمية

- عد الدفاتر الفارغة و التى بها كعوب استمارات الترشيح و كتابة مسلسلها

- عد الدفاتر المتبقية

- احضرنا صندوق انتخابى و وضعنا فيه كل تلك الاوراق السابقة بجانب كشوف الاسماء الموقعة من المنتخبات و باقى كل شئ مؤثر فى العملية

و تم قفل الصندوق بالاقفال الرقمية و كل شئ كنت باخد رقمه و اسجله عندى

حتى جن جنونهم منى ... و تم توقيع العسكر على الاستلام

و نسيت اقول ان المكان ذات شبابيك حديد و باب خشب و باب حديد

و لكن للاسف نسيت اخد قفل و لكن مديرة المكان كانت قد احضرت قفل بمففتاح اخده القاضى

و لذا بعد تشميع المكان و قفت و باعلى ما فيك يا صوت حلفت لو جيت بكره و لقيت ختم القاضى المدموغ على الشمع الاحمر فيه شئ من اختلاف حيكون حساب من فعل ذلك ايه و نبطت على الاخوان ليكونوا احرص ناس عليه و امنت الظابط لدرجة انه قالى دى بلدى و ده عرسى فلا تقلقى و حاسبينى

و ها هو الختم

[ماستر]

يمكن فية ناس كتير نسيت دور الشيخ حازم صلاح فى تحديد موعد الانتخابات الرئاسية بس ياريت نفتكر موقفة الشجاع ودورة فى تجديد الثورة بعد موتها

[ماستر]

الاعتداء على شفيق من قبل الناخبين اثناء ادلاءه بصوته فى لجنته بالتجمع الخامس

كدة كل واحد لازم يشترى جزمة بتلات فرد, اثنين فى رجلية وواحد فى ايدة مخصصة لشفيق :)

[EsoWay]

الاعتداء على شفيق من قبل الناخبين اثناء ادلاءه بصوته فى لجنته بالتجمع الخامس

كدة كل واحد لازم يشترى جزمة بتلات فرد, اثنين فى رجلية وواحد فى ايدة مخصصة لشفيق :)

هيا الناس دي كلها خايفة من الجزمة ؟

حسسوني إنه هيرمي قنبلة ههههههههههه

[ماستر]

الاعتداء على شفيق من قبل الناخبين اثناء ادلاءه بصوته فى لجنته بالتجمع الخامس

كدة كل واحد لازم يشترى جزمة بتلات فرد, اثنين فى رجلية وواحد فى ايدة مخصصة لشفيق :)

هيا الناس دي كلها خايفة من الجزمة ؟

حسسوني إنه هيرمي قنبلة ههههههههههه

انت مش واخد بالك انة لسة مضروب بالجزمة من قريب وجزمتين فى الراس توجع :)