تغيير قانون العمل والعمال السعودي

[mnman]

يعني خلاص اسئلك الرحيل!! :D :D :D

[se_ Elsyed]

اي حاجه ياأخي!!!!!!!!!!

منين يا حبيبي يعني أكذب عليك ...

طب خد دي ... القانون الجديد بصراحة أنصف العمالة البسيطة حيث انه نص وبكل صراحة بإن الإجازة السنوية للعامل يجب ألا تقل عن 21 يوماً في العام وتزيد بشكل تلقائي إلى 30 يوم بعد 5 سنوات .

وزي ما انت عارف العيال الهنود والبنغال والناس دي كانوا مطحونين هنا وأجازتهم وتذكرتهم كانت بتبقى كل عامين لحد ما كانوا بيحمضوا هنا ولو واحد عنده ظروف زي زواج بنته او عياله في التعليم كان بيطبق سنتين كمان لحد ما ينزل واهله ما يعرفهوش من طولة غربته .

وكمان نص صراحة على معاقبة ي شركة أو مؤسسة تقوم بتحميل العامل أي تكاليف مترتبة على عمله بالمملكة ( إنت عارف غن كان فيه مؤسسات صغيرة بتستهبل فيها وبتحمل العيال الغلابة تكاليف الإقامة والتجديد ونقل الكفالة ويصل الأمر إلى إنها تفرض عليهم إتاوات لو أشتغلوا عند عند غيرهم )

بالنسبة للكفالات فالجميع الآن يسابق الزمن حيث إنه مع بداية العام الهجري الجديد وزير العمل هايغفلقها على الكل كليلة حيث إن نقل الكفالة سيكون مسموح لمرة واحده فقط ( اول مرة فقط ) ولازم الشهادة الدراسية تكون مطابقة للمهنة في الإقامة وهما الإتنين يكونوا مطابقين لنشاط الشركة الرئيسي اللي هاينقل عليها ...

[se_ Elsyed]

يعني خلاص اسئلك الرحيل!! :D  :D  :D

تعالى يا مانمان يا حبيبي مهنتك إيه في الإقامة يا بابا ؟

خلي بالك الوزير الجديد قلبه رُهيف وبيقولوا إنه هايعفي العرسان الجداد من القانون ، ده عشان هما مش ناقصين :D :D .. وكفاية عليهم عقوبة الجواز المؤبد .

نقطة آخرى أريد أن أوضحها إن القانون الجديد هايتطبق فعلياً وبآثر رجعي بعد 6 شهور من تاريخ 12/12/2004م

على ما الملك يصادق عليه ويعملوا اللائحة التنفيذية ويطبعوا نماذج جديدة ويفهموه للمفتشين وكده ..

يعني عندك فرصة يا زهيري تعملك قد نص أرنب تاني قبل ما الدنيا تمطر :D ;)

[MZohairy]

ينقل كفاله مره واحده فقط من بعد تطبيق القانون ولا من اول ما جه السعوديه؟

وحخليلك ورك الأرنب لو الاجابه حلوه

[se_ Elsyed]

ينقل كفاله مره واحده فقط من بعد تطبيق القانون ولا من اول ما جه السعوديه؟

إستنى هاقولك الإجابة وبعدين هاطلع اجري عشان ما تتصرفش تصرف طايش ..

مره واحدههههههههههههههههههههههه فقط من اول ما تيجي السعودية

ديببببببببببببببببب آي

راح الورك .. والزلمكة كمان

[عصام أبوالفتح]

يا ريت يا أخ س س تنزل الموضوع مرة واحدة او ترفق لنك ليه او ترفق الملف ..

رفقاً بنا .. بدل نظام التنقيط ده

[se_ Elsyed]

يا ريت يا أخ س س تنزل الموضوع مرة واحدة او ترفق لنك ليه او ترفق الملف ..

رفقاً بنا  .. بدل نظام التنقيط ده

فكرة حلوه ... بس الفولدر يحتوي على ثلاثة صفحات معمول لها سكان ... وحجمهم 5 ميجا ... وطبعاً الملف المرفق هنا يجب ألا يزيد عن 300 ك ... فالاخوة اللي شغالين في السعودية وعايزين يطلعوا على الـ 245 بند بتوع القانون يتفضلوا ويبعتوا بريدهم الألكتروني في رسال خاصة وانا أبعتها لهم مرفقة ، ولو في أي إستفسارات إحنا حاضرين وفي الخدمة .

[MZohairy]

بشرى ياسي السيد

افرح ياقلبي لك نصيب تبلغ مناك ويا الحبيب افرح ياقلبي

الله يرحمك ياست

اصدر السيد الوزير غازي القصيبي وزير العمل والعمال القرار التالي والذي تم نشره بجريدة الشرق الأوسط بتاريخ 12-1-2005

أن أن آآآآآآن

يوقف تطبيق قانون منع نقل الكفالات بالمملكة حتى اشعار آخــــــــــــــــــــــــــــــــــــــــــــــــــــــــــــــــــــــــــــر

وذلك بعد اجتماعه برجال الأعمال مع العلم ان القانون الموقف كان يشمل المهن الدنيا وغير حاملي الشهادات العليا

وهلت ليالي القمر وعلى بلد المحبوب وديني وخلي السلاح صاحي

اهي دي ياريس الأخبار ولا بلاش

مش ـــــــــــــــــــ!

[se_ Elsyed]

اصدر السيد الوزير غازي القصيبي وزير العمل والعمال القرار التالي والذي تم نشره بجريدة الشرق الأوسط بتاريخ 12-1-2005

Good News

أيوه كده عايزين مشاركين .. مش سايبينني ألعب لوحدي ..

الخبر أهو بالتفصيل

غازي القصيبي يؤجل العمل بقرار منع نقل الكفالات في السعودية حتى إشعار آخر

جدة: علي مطير

أجّل وزير العمل السعودي الدكتور غازي القصيبي «حتى اشعار آخر» قرار منع نقل الكفالات الذي كان قد صدر عن وزارة العمل السعودية في منتصف العام الماضي بناء على توجيه مجلس الوزراء القاضي بمنع نقل الكفالات لجميع المهن العادية التي لا يحمل أصحابها مؤهلات دراسية وقصرها في الحدود الضيقة على أصحاب الشهادات الفنية والجامعية، ومنع المؤسسات الصغيرة من نقل كفالات العمالة بهدف القضاء على المتاجرة بالتأشيرات التي أدت لظهور مئات المؤسسات الصغيرة الوهمية. غير أن توجيه الوزارة لم يحدد موعدا جديدا لتطبيق القرار الذي كان من المعلن البدء في تعميمه في مطلع فبراير (شباط) المقبل في مختلف الجهات الحكومية المعنية بتطبيق القرار بعد أن منحت وزارة العمل فترة امتدت لثلاثة أشهر لتصحيح الأوضاع القانونية لتلك العمالة وفقا للتوجيهات الجديدة الصادرة بهذا الشأن.

ويأتي قرار القصيبي بعد مناقشة مفردات القرار مع أعضاء المجلس الاستشاري لوزير العمل والذي يضم مجموعة من رجال الاعمال، كانوا قد وضعوا مرئياتهم في اجتماعهم الأول مع القصيبي، حول آلية تطبيق قرار منع نقل الكفالات والتوقيت المناسب لتنفيذه بعد مراجعة الحيثيات الادارية والميدانية للقرار وأثرها على حركة تدوير العمالة داخل السعودية.

وأبدى أعضاء المجلس الاستشاري رغبتهم في دراسة الموضوع بشكل أوسع يسمح بعدم وجود ثغرات مستقبلية في آلية تنفيذ القرار بعد تطبيقه يمكن لها أن تعيق تحقيق الاهداف المرسومة لصيغة القرار، وأهمها تقليل العمالة الوافدة ومنع المتاجرة بالتأشيرات العمالية والقضاء على التستر التجاري. فيما أبدى القصيبي «تفهمه لمرئيات المجلس الاستشاري ووجه بتأجيل تطبيق القرار حتى تتضح الرؤية الكاملة». وكانت وزارة العمل قد اختارت بالتشاور مع رئيس مجلس الغرف التجارية الصناعية السعودية 11 عضوا من رجال الأعمال السعوديين يمثلون مختلف القطاعات الخاصة، بالاضافة الى عضوين عماليين بدرجة كفاءة عالية لتشكيل أول مجلس استشاري لوزير العمل، حيث تقوم اللائحة التنفيذية للقرار على تعيين رجال الاعمال للعمل بشكل طوعي لمدة 3 سنوات يملك وزير العمل حق التجديد لمن يراه مناسبا من الأعضاء لفترة أخرى.

[ابو خليل]

اعتقد ان الأمر سيكون فيه كثير من الاخذ والرد ...

وعموما فغازي القصيبي بعد أن عدل قوانين الجنسية ... ( ليسمج للعمالة النادرة بالتجنس ) وبعد أن عمل احصائية البطالة وتقدم 178 الف سعودي عاطل ... وبعد أن ألزم بتطبيق السعودة بشكل واسع في كل المجالات ..وبعد أن وعد بتعيين 200 الف سعودي خلال 6 شهور ، وبترحيل 3 مليون اجنبي خلال سنة ....

وبعد أن كف عن كتابة قصائد الشعر ....

بعد هذا كله ...

انتظر منه أي شيء !!!

[mb14]

الأخ العزيز /س س (المستشار العمالى لينا فى المملكة )

والله يا اخى عايزك تقولنا بالمختصر المفيد لو واحد جاله فرصة عمل فى السعودية عندما يحضر المقابلة مع السعوديين ممكن يسألهم عن ايه وعن حقوقه المادية وغيرها (مثل السكن او اى بدلات اخرى )

والواحد ممكن يتوقع منهم كام مرتب مثلا يعنى لما يسألوه عايز كام يضرب قد ايه وما يضربش رقم خيبان ويلاقى نفسه انضحك عليه .

اخوك MB14 (مرشح لمقابلةعمل قى السعودية) :wub:

[se_ Elsyed]

الأخ العزيز /س س (المستشار العمالى لينا فى المملكة )

والله يا اخى عايزك تقولنا بالمختصر المفيد لو واحد جاله فرصة عمل فى السعودية عندما يحضر المقابلة مع السعوديين ممكن يسألهم عن ايه وعن حقوقه المادية وغيرها (مثل السكن او اى بدلات اخرى )

والواحد ممكن يتوقع منهم كام مرتب مثلا يعنى لما يسألوه عايز كام يضرب قد ايه وما يضربش رقم خيبان ويلاقى نفسه انضحك عليه .

اخوك MB14  (مرشح لمقابلةعمل قى السعودية)  :wub:

<{POST_SNAPBACK}>

طبعاً أول حاجة تقوم تضرب في العالي وتقولهم أنا ما أسيبش بلدي وأهلي وناسي بمرتب أقل من 120 ج في الشهر ... آه اللي أوله شرط أخره نور :D

يابا الحاج محمد .. مش لازم نعرف الأول وظيفتك إيه ومهلاتك إيه وحجم الشركة اللي طلبينك وطالع عن طريقهم مباشرة ولا عن طريق مكتب تسفير عمالة وهاياخد نسبة ولا لأ ؟ .. عشان نعرف ناخد وندي في الكلام ويبقى فيها إستفادة للجميع مش لك فقط عشان أي أحد من إخواننا في المحاورات يستفيد ..

[mb14]

طبعاً أول حاجة تقوم تضرب في العالي وتقولهم أنا ما أسيبش بلدي وأهلي وناسي بمرتب أقل من 120 ج في الشهر ... آه اللي أوله شرط أخره نور

ربنا يطمنك يا س س أيوة نصحنى ووعينى كدى يعنى لو طلبت 200 ج م يبقى انا فى السليم :wub:

يا عمنا اسم الشركة انا مش عارفة لكن هى فى مجال الاسمنت وهو مجالى

وانا يا سيدى كيميائى وخبرتى 8 سنوات فى هذا المجال ولى خبرات فى مجال اخر سنه كمان .

اما بخصوص التعاقد فهو عن طريق مكتب سفريات زى اللى انت كتبتهم قبل كدى وحكاية النسبة دى ما حدش قال عنها حاجة ولكن يبدو ان الشركة السعودية هى اللى طلبت منهم ان يوفروا عماله لها وهما يجروا الاختبارات لهذه العمالة بواسطة لجنة سعودية .

يلى بقى سمى الله وتوكل على الله وارشدنا

تم تعديل 12 يوليو 2005 بواسطة mb14

[se_ Elsyed]

بص يا محمد أنا بأشتغل في مجال تكنولوجيا المعلومات وعارف كويس الرواتب اللي بتتناسب مع الخبرة والشهادة والكفاءة لكل واحد يعمل في هذا المجال .. وملعوماتي عن الأسمنت إتوقفت عند البورتلندي والعبارة في الشكارة وإن الطن كان السنة اللي فاتت بـ 280 ج .

- بس أنا هاديلك فكرة عامة عن مرتب يتناس مع خبرتك اللي بلغت 8 سنوات في نفس المجال وهي سنوات ليست بالقليلة ومع الحياة في البلد هنا ... بإختصار إذا كنت عايز تعيش حياة كريمة ليست بالمستوى العالي قوى أو اللي تحت قوي - يعني وسط - يبقى لا تقبل بأقل من 5000 ريال كراتب أساسي ، ولو هايوفروا لك سكن محترم وسيارة يبقى خير وبركه وكفى الله المؤمنين القتال ، أما لو هايدفعوا لك بدل يبقى السكن 3 شهور رواتب أساسية في السنة يعني 15 ألف و500 ريال على الأقل بدل إنتقال شهري ويكونوا بيمنحوا قرض سيارة يتخصم من مرتبك عشان تشتري سيارة مناسبة ، والعلاج الطبي لك ولإسرتك شيء مفروغ منه ويُستحسن يكون تأمين طبي عند شركة محترمة ، وتذاكر الطيران السنوية لك ولزوجتك ولطفلين ده أساسي .

ولازم تسأل عن طبيعة عملك .. يعني اللي أعرفه ومتأكد منه إن مصانع الإسمنت والحاجات دي بتبقى خارج المدينة بمسافة كبير وبالتالي هايبقى عندك تضحيات فلما تعيش في وسط القاهرة وكل الخدمات متوفرة حواليك مثلاً غير لما تتنفي الوادي الجديد ولا حلايب وشلاتين .. وهنا برضوا كذلك ... ولازم تضع في إعتبارك إنك بتتفاوض معاهم من منطق قوة يعني إنت مش خريج جديد أو واحد واقع بيدور على شغل ويرضى بقليلة وبكره تكبر ومرتبك يزيد ومعليش خليها علينا ... لإن ممكن يكون سنك دلوقت لا يقل عن 30 سنة .. صح ؟ يبقى ما فيش مجال للتعويض ...

وإعمل حسابك لو عندك أولاد على سن مدارس يبقى هاتتظبط في حاجة ثانية إسمها مصاريف المدارس المولعه هنا .. فعشان تدخل أولادك مدرسة محترمة عشان يطلعوا بني آدمين يبقى المصاريف مش هاتقل عن 7000 ريال سنوياً كمتوسط للطفل في سنواته الأولى وكل ده من لحم الحي .. ويا مزاجه العالي لو الشركة دي وفرت لك مصاريف مدارس على الأقل لطفلين .. يبقى في الثمانيات يا ريس ..

[se_ Elsyed]

بالمناسبة .. سوق العقار السعودي تشهد حالياً إنتعاشه غير طبيعية نظراً للسيولة المتوفرة ونظراً لإرتفاع أسعار بيع البترول ..وبقت في ظواهر جديدة في السعودية لم تكن مسبوقة وهي " المدن الجديدة " أو زي ما بيسموها هنا ( مخططات ) حاجة كده زي الرحاب والشروق وبيفرلي هيلز والكلام ده ..

طب إنت دورك إيه هنا ؟

اللي حصل بقى يا ريس إن تجارة الأسمنت والحديد بالذات بقى لها سنة في مشاكل حيث إن المعروض أصبح أقل من المطلوب والسوق عطشان زي ما بيقولوا .. وظهر على السطح ما يُسمى بحيتان السوق من التجار حيث أنهم بقوا يحتكروا الحديد والاسمنت ويسقعوه عشان سعره يزيد ..

فالحكومة هددتهم بإنها هاتفتح الإستيراد من الخارج وتسهله عشان سعر المنتج المحلي يقل .. وبالفعل الأسبوع الماضي تم السماح بإستيراد أسمنت من تركيا لتلبية إحتياجات السوق ، والنهاردة في جريدة الإقتصادية بيقول إنهم وافقوا على إنشاء مصنع جديد في منطقة تبعد عن الرياض بحوالي 150 ك إسمها " الوشم " بإستثمارات تبلغ مليار ريال ..

إبسط يا عم والخير على قدوم الواردين ..

ما تنساش بقى أخوك س س الغلبان في شكارتين جبس .

[mb14]

الأخ العزيز / س س

متشكرين قوى قوى على الواجب الكبير دى واحنا كمان لازم نقوم معاك بواجب بردوا (ابقى فكرنى اعزمك على حاجة ساقعة فى حديقة الازهر ان شاء الله :D وكمان حجبلك باكو شيكولاته كادبورى معايا )

طبعا الحاجات اللى انتى قلتها دى عظيمة قوى قوى بس انا ما كنتش قرأتها امبارح لأنى انا كنت فى المقابلة امبارح الساعة 5:30 مساءا والمهم قابلت الراجل وهو كان كيميائى بردوا ومسكنى يجيى ساعة اسئلة عن كل شئ وكل التفاصيل فى الشغل ( انا اول مرة يحصلى كدى فى مقابلة انى اقعد اتسال بالطريقة دى ) دى حتى اسم الخواجة اللى سلم لنا احد الاجهزة المهمة لشركة عالمية سويسرية سألنى علي اسمه (وقولتهوله قالى ايوه انا عارفه ) حقيقى الراجل محترم ومقنع (على فكرة هو اردنى ) المهم بعد كل دى سألنى على المرتب قولت له على المبلغ اللى فى دماغى قالى لا خليك واقعى قولت خلاص شكرا ومع السلامه وطبعا ما تكلمناش عن التفاصيل الاخرى عن السكن والبدلات والانتقالات والمدارس والعلاج .

بس لى سؤال الحاجات التى انت ذكرتها

هايدفعوا لك بدل يبقى السكن 3 شهور رواتب أساسية في السنة يعني 15 ألف و500 ريال على الأقل بدل إنتقال شهري ويكونوا بيمنحوا قرض سيارة يتخصم من مرتبك عشان تشتري سيارة مناسبة ، والعلاج الطبي لك ولإسرتك شيء مفروغ منه ويُستحسن يكون تأمين طبي عند شركة محترمة ، وتذاكر الطيران السنوية لك ولزوجتك ولطفلين ده أساسي .

هل الحاجات دى فى القانون ولا بتختلف من شركة لأخرى

وهل لو مش موجودة فى شركة يمكن ان يطالب بها موظف قبل التعاقد لتوفيرها .

فعشان تدخل أولادك مدرسة محترمة عشان يطلعوا بني آدمين يبقى المصاريف مش هاتقل عن 7000 ريال سنوياً كمتوسط للطفل في سنواته الأولى

بس حكاية اسعار المدارس دى مش عالية شوية دى بالطريقة دى الواحد يسبهم فى مصر احسن دى اغلى مدرسة فى محافظتنا 2000 جنية للابتدائى فى السنه .

طبعا بعد ما عرفت ان الشركة سعودية بدأت ادور فى النت على الاسمنت فى السعودية ووجدت أن هناك حاليا عجز فى السوق بين الانتاج وحجم الطلب نتيجة ارتفاع اسعار البترول ( اظن ان الارتفاع دى سوف يستمر حتى نهاية ولاية بوش ) وان هنا تصاريح من وزارة الصناعة للمستثمرين لانشاء مصانع لكمية 20 مليون طن اسمنت اخرى فوق الانتاج الحالى يعنى الناس محتاجين فعلا عماله فنيه للمشاريع دى .

بس على فكرة الشركة كانت بعتت ل4 بس عشان تختارمنهم يعنى هما فرزونا من الCVالاول وبعدين بواسطة الراجل الاردنى .

وإن الطن كان السنة اللي فاتت بـ 280 ج

دلوقتى وصل 340 جنية :D

ايه رأيك يا سيادةالمستشار

الشغلانه راحت ولا لسى فيه امل انى اشوفك فى الرياض . :D

تم تعديل 13 يوليو 2005 بواسطة mb14

[se_ Elsyed]

بقى بعد كل النصايح والإرشادات دي وترسي على باكو شوكولاته كادبوري ؟!!! ده أنا لو بأدي نصايح في حضانة كنت رجعت بكرتونة شيبسي على شكولاته ...

أنا أبتديت أشُك فيك يا بتاع الأسمنت إنت ، وشكلك كده هاتحجر معايا ونهارك مش هايبقى شكل الأسمنت الأبيض .

المهم بعد كل دى سألنى على المرتب قولت له على المبلغ اللى فى دماغى قالى لا خليك واقعى قولت خلاص شكرا ومع السلامه

عامة المواضيع دي في الأول والأخر قسمة ونصيب ، والبُضاعة الجيدة تُعلن عن نفسها وإنت طالما واثق من نفسك وكنت مُقنع في المقابلة الشخصية يبقى بالتأكيد هايتصل بك تاني.

هل الحاجات دى فى القانون ولا بتختلف من شركة لأخرى

وهل لو مش موجودة فى شركة يمكن ان يطالب بها موظف قبل التعاقد لتوفيرها .

ليست منصوص عليها صراحة في القانون ولكنها بديهيه ، بمعنى إن لو الشركة ما وفرتش سكن مناسب للموظف يبقى بالعقل كده هايسكن في الشارع ، وكذلك وسيلة الإتصال التي إما أن يتم تدبيرها من الشركة المتعاقد معها أو يتم دفع بدل إنتقال للموظف .

وهل لو مش موجودة فى شركة يمكن ان يطالب بها موظف قبل التعاقد لتوفيرها

طبعاً .

بس حكاية اسعار المدارس دى مش عالية شوية دى بالطريقة دى الواحد يسبهم فى مصر احسن دى اغلى مدرسة فى محافظتنا 2000 جنية للابتدائى فى السنه .

أنا كنت بأكلمك على المتوسط ، ممكن واحد يدخل أولاده مدارس حكومية من أم بلاش ... وفي مدارس بحوالي 3500 ريال سنوياً ... لكن زي ما قولت لك في الأول أهم حاجة تضمن إن الطفل هايخرج بني آدم من المدرسة اللي هو فيها .

أما حكاية ترك العائلة في مصر ، فأنا شخصياً لا أحبذها لإن فيها تضحية جامدة جداً للجميع ولها عواقب وخيمة في الأجل الطويل .

[عصام أبوالفتح]

عاجل يا أخ س .س .. محتاج نظام العمل والعمال الجديد .. ضرورى جدا

essam_abulfatth@yahoo.com

تحياتى

[se_ Elsyed]

عاجل يا أخ  س .س .. محتاج نظام العمل والعمال الجديد .. ضرورى جدا

essam_abulfatth@yahoo.com

تحياتى

<{POST_SNAPBACK}>

أسف جداً أنا مش هارد على أي حد كاتب إسمه الحقيقي ...

إرجع مهاجر زي ما كنت وأنا أبعت لك قانون العمل ومعاه صنية بثبوثه كمان :D :D

على العموم البضاعة في الطريق وزمانها وصلتك ( قانون العمل مش البسبوسة طبعاً ) وخلي بالك هما قالوا في ديسمبر اللي فات إن القانون هايُطبق بعد 6 شهور .. لكن مازال العمل جاري بالقانون القديم ولم يتم إخطارنا بأي تعديلات حتى الآن ..

[KANE]

المشكلة ان العملية بقت صعب

1- حجم البطالة الكبير في السعودية

2- السعوديين زمان ماكنوش بيقبلوا وظائف اقل من راتب معين وبعيده عن المدينه اللي هما فيها - الآن العكس اصبحوا يقبلوا براوتب ضعيفه وفي أماكن بعيده حتى الستات

3- بارغم الآن ان القطاع الحكومي تقريباً بنسبه كبيره اتسعود إلا ان المشكله في القطاع الخاص ، لأن اغلب الموظفيين السعوديين -خصوصاً الشباب - بياخدوا راتب من غير ما ييجو الشغل وده علشان صاحب العمل يريح دماغه وكده اكسب له :D

4- طبعاً زيادات الرواتب ما طالتش الأجانب لا هيه ولا منحة الشهر :D

5- الكارثه بالنسبه لنا في مصر لو الناس رجعت من السعوديه تفتكروا العمليه في مصر هتظل على حالها ولا هتقلب بغم :D