لابد من اجتماع عاجل للقوى الاسلامية و الثورية

[ابراهيم عبد العزيز]

أتفق معك يا أخي good person

أيها الإخوة الصراع منذ أن قامت ثورة 25 يناير وحتى الأن لم يكن صراع إيديولوجيات

إنما هو صراع بين نظام قديم يقاوم بقوة للحفاظ على مكتسباته ولإبقاء الوضع على ما هو عليه قبل 25 يناير وبين نظام جديد نادت به الثورة يحاول الخروج إلى النور ينادي بالحرية والكرامة والعدالة للمواطنين

وسامح الله من إستبقوا الخُطى وحولوا مسار الأمور إلى صراع لتحديد هوية الدولة قبل أن تنتصر الثورة فعليا ويحكم الشعب وطنه

لذلك أتمنى أن تقوم جماعة الإخوان بهذه المبادرة التاريخية في هذه اللحظات الحرجة جدا , وأن تتقبلها القوى السياسية الأخرى بمختلف إنتماءتها بقبول حسن ويقف الجميع خلف الدكتور محمد مرسي حتى لا يعود نفس النظام الذي ثار ضده الناس فتضيع دماء الشهداء هباءا

تم تعديل 25 مايو 2012 بواسطة ابراهيم عبد العزيز

[ابراهيم عبد العزيز]

أضيف أيضا

أن اللحظات الحالية هي لحظات حرجة ليست لمصر فقط

إنما للامة كلها

فالرببع العربي ومعه كل آمال وأشواق الأمة يوشك على الإنكسار والإنحسار

وإنكسار الثورة في مصر سيتبعه إنكسار لا محالة في ثورات عربية أخرى

وتابعوا حجم المرارة الموجودة في تعليقات مثقفين عرب على نتائج الإنتخابات المصرية في جولتها الأولى

أتمنى أن يكون الجميع على مستوى هذه اللحظات التاريخية

[متعب]

شفيق معروف نجح ازاى وكم الاصوات الهائله دى الاخوان عارفه كويس هو جابها ازاى

الاصوات تلت ارباعها اشتروها وبصفه خاصه المحافظات ذات الطابع الريفى والهادئه وفلوس كانت بتتوزع بالملايين مش بالالاف

والاخوان عارفخه كويس الشىء ده ومش بعيد يكونوا متفقين على ده هما كمان

بدليل ان الاخوان الان بيقولوا ان علينا ان نحترم الشرعيه وهما عارفين كويس انها لاشرعيه ولا بطيخ

دى اصوات اشتروها بالفلوس وكانت منظمه جدا كمان

انا واحد لسه بيحكيلى حاليا على كل ال علقوا صوره وخدين نصف مليون جنيه وفلوس بالعبيط كمان اتوزعت من نفس قوت الشعب المصرى

ومن دقنه وافتله . والسيناريوا القادم كمان مفاجأة

التعديل الوزارى القادم هيكونوا كلهم فلول ومن انصار مبارك رسمى وحل مجلس الشعب وانتخاب تانى الحزب الوطنى بكامل اعضاءه القدامى

باعتبارهم شرفاء والثورة جنت عليهم وهيتم تلميع احمد عز عشان يمسك رئيس هئيه سياسات الحزب بعد حفله البراءة والحفله الجامده ال هيعملوها للمظاليم والابرياء ال اترموا ظلما وعدوانا فى طره اكتر من سنه ونصف . وده اقل واجب يعمله الشعب المصرى العريق معاهم

وطبعا الترتيب هو اعاده الاخوان الى السجون مره اخرى تحت ترحيب من كافه فئات الشعب برده العريق . بالمناسبه طز فى ام العراقه دى

وطبعا غير حفله هايله وتكريم لمبارك ال قاسى وهو انضف انسان فى الوجود ولازم يتعمله الحفله فى التحرير وشباب مصر العريق برده هو ال يقدم الاعتزار له على خلعه زورا وبهتانا

يبقى هنتفق على ايه

عاوزين تتفقوا صح ونشتغل صح

الناس دى تتصفى عن بكرة ابيها

غير كده معاكوا ربنا واتنين من الفلول

[se_ Elsyed]

"الإخوان" تطلق مبادرة "لم شمل القوى السياسية ومرشحى الرئاسة".. ومرسى يتصل بأبو الفتوح وصباحى للمشاورة.. العريان: إمكانية الاستعانه بأبو الفتوح وصباحى نائبين لمرسى محل دراسة وتشاور

لو لم يقترن ذلك مع تشكيل لجنة محترمة لوضع دستور لكل المصريين مش دستور للحرية والعدالة وحزب النور فقط

فكل المصريين هايلتفوا حول الحرية والعدالة ومرسي هاينجح بالتزكية

[mamdowh]

بعد إيه بعد إيه بعد إيييييييييييييه............... هابكى عليه........... ضيعته ليه

ماهو كان فى إيدنا

[se_ Elsyed]

أبو الفتوح وحمدين صباحي إعتذرا عن تلبية دعوة حزب الحرية والعدالة للإجتماع مع كافة القوى السياسية اليوم ....

تخيلوا عمرو موسى هايحضر ؟

عامةً .. الثورة ليست شخص ... ومثلما كملنا واستمرينا بعد إنسحاب البرادعي .. فأنا شخصياً على أستعداد إني اكمل ولو بقيت لوحدي ...

الثورة فكرة .. وعقيدة ...

واللي مؤمن بالثورة .. عُمره ما تفرق معاه أشخاص ومين راح ومين جه ...

[محمد عبدالعزيز]

أبو الفتوح وحمدين صباحي إعتذرا عن تلبية دعوة حزب الحرية والعدالة للإجتماع مع كافة القوى السياسية اليوم ....

تخيلوا عمرو موسى هايحضر ؟

عامةً .. الثورة ليست شخص ... ومثلما كملنا واستمرينا بعد إنسحاب البرادعي .. فأنا شخصياً على أستعداد إني اكمل ولو بقيت لوحدي ...

الثورة فكرة .. وعقيدة ...

واللي مؤمن بالثورة .. عُمره ما تفرق معاه أشخاص ومين راح ومين جه ...

أعتقد إن الاعتذار عشان لسه مفيش إعلان رسمى للنتيجة وفى كلام إن صباحى ممكن يكون هو التانى مش التالت

[ام سلمي]

أبو الفتوح وحمدين صباحي إعتذرا عن تلبية دعوة حزب الحرية والعدالة للإجتماع مع كافة القوى السياسية اليوم ....

تخيلوا عمرو موسى هايحضر ؟

عامةً .. الثورة ليست شخص ... ومثلما كملنا واستمرينا بعد إنسحاب البرادعي .. فأنا شخصياً على أستعداد إني اكمل ولو بقيت لوحدي ...

الثورة فكرة .. وعقيدة ...

واللي مؤمن بالثورة .. عُمره ما تفرق معاه أشخاص ومين راح ومين جه ...

خبر سئ فعلا

طيب ليه ما يحضروش و يحاولوا يوصلوا لاي اتفاق مرضي للجميع ؟

في اخبار كمان النهاردة ان ابو الفتوح و حمدين نفوا دعمهم لمرسي في الاعادة

و معاها خبر من الوفد ان الحزب الوطني بيحاول يعمل اتفاقات مع حمدين و عمرو موسي

احبار ما تطمنش الصراحة

و حمزاوي بيقول ان لازم مرسي ينسحب علشان تبقي الاعادة بين حمدين وشفيق

طيب لو فرضنا ان حمدين كان هو الاول ، هل كان معقول الاخوان حيطلبوا منه ينسحب لصالح مرسي؟

المفروض تبقي الطلبات و الاتفاقات في حدود المعقول

[الدكتور ياسر]

أعتقد كده الاخوان عملوا المطلوب منهم والكرة الان في ملعب صباحى وابو الفتوح ..